| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
9. гуудавинижчаяигабзд̇авад̇т̇уван̣н̣анаа
9. Kūṭavinicchayikapetavatthuvaṇṇanā
маалий гиридий гааяуурийд̇и ид̣̇ам̣ сад̇т̇ари взл̣уванз вихаранд̇з гуудавинижчаяигабзд̇ам̣ аараб̣бха вуд̇д̇ам̣. д̇ад̣̇аа б̣имб̣исааро рааж̇аа маасасса часу д̣̇ивасзсу убосат̇ам̣ убавасад̇и, д̇ам̣ анувад̇д̇анд̇аа б̣ахуу мануссаа убосат̇ам̣ убавасанд̇и. рааж̇аа ад̇д̇ано санд̇игам̣ ааг̇ад̇ааг̇ад̇з мануссз бужчад̇и – ‘‘гим̣ д̇умхзхи убосат̇о убавуд̇т̇о, уд̣̇ааху на убавуд̇т̇о’’д̇и? д̇ад̇рзго ад̇хигаран̣з нияуд̇д̇агабурисо бисун̣аваажо нзгад̇иго лан̃ж̇аг̇аахаго ‘‘на убавуд̇т̇омхий’’д̇и вад̇д̇ум̣ асаханд̇о ‘‘убавуд̇т̇омхи, д̣̇зваа’’д̇и ааха. ат̇а нам̣ рааж̇асамийбад̇о нигканд̇ам̣ сахааяо ааха – ‘‘гим̣, самма, аж̇ж̇а д̇аяаа убавуд̇т̇о’’д̇и? ‘‘бхаязнаахам̣, самма, ран̃н̃о саммукаа звам̣ авожам̣, наахам̣ убосат̇иго’’д̇и.
Mālī kiriṭī kāyūrīti idaṃ satthari veḷuvane viharante kūṭavinicchayikapetaṃ ārabbha vuttaṃ. Tadā bimbisāro rājā māsassa chasu divasesu uposathaṃ upavasati, taṃ anuvattantā bahū manussā uposathaṃ upavasanti. Rājā attano santikaṃ āgatāgate manusse pucchati – ‘‘kiṃ tumhehi uposatho upavuttho, udāhu na upavuttho’’ti? Tatreko adhikaraṇe niyuttakapuriso pisuṇavāco nekatiko lañjagāhako ‘‘na upavutthomhī’’ti vattuṃ asahanto ‘‘upavutthomhi, devā’’ti āha. Atha naṃ rājasamīpato nikkhantaṃ sahāyo āha – ‘‘kiṃ, samma, ajja tayā upavuttho’’ti? ‘‘Bhayenāhaṃ, samma, rañño sammukhā evaṃ avocaṃ, nāhaṃ uposathiko’’ti.
ат̇а нам̣ сахааяо ааха – ‘‘яад̣̇и звам̣ убад̣дхубосат̇оби д̇аава д̇з аж̇ж̇а ход̇у, убосат̇ан̇г̇аани самаад̣̇ияаахий’’д̇и. со д̇асса важанам̣ ‘‘саад̇хуу’’д̇и самбадижчид̇ваа г̇зхам̣ г̇анд̇ваа абхуд̇ваава мукам̣ вигкаалзд̇ваа убосат̇ам̣ ад̇хидтааяа рад̇д̇ияам̣ ваасуубаг̇ад̇о рид̇д̇аасаяасамбхууд̇зна б̣алававаад̇ахзд̇угзна суулзна убажчиннааяусан̇кааро жуд̇иананд̇арам̣ баб̣б̣ад̇агужчияам̣ взмаанигабзд̇о худ̇ваа ниб̣б̣ад̇д̇и. со хи згарад̇д̇им̣ убосат̇арагкан̣амад̇д̇зна вимаанам̣ бадилабхи д̣̇асаган̃н̃аасахассабариваарам̣ махад̇ин̃жа д̣̇иб̣б̣асамбад̇д̇им̣. гуудавинижчаяигад̇ааяа бана бзсун̣игад̇ааяа жа ад̇д̇ано бидтимам̣саани саяамзва огганд̇ид̇ваа каад̣̇ад̇и. д̇ам̣ ааяасмаа наарад̣̇о г̇иж̇ж̇агуудад̇о од̇аранд̇о д̣̇исваа –
Atha naṃ sahāyo āha – ‘‘yadi evaṃ upaḍḍhuposathopi tāva te ajja hotu, uposathaṅgāni samādiyāhī’’ti. So tassa vacanaṃ ‘‘sādhū’’ti sampaṭicchitvā gehaṃ gantvā abhutvāva mukhaṃ vikkhāletvā uposathaṃ adhiṭṭhāya rattiyaṃ vāsūpagato rittāsayasambhūtena balavavātahetukena sūlena upacchinnāyusaṅkhāro cutianantaraṃ pabbatakucchiyaṃ vemānikapeto hutvā nibbatti. So hi ekarattiṃ uposatharakkhaṇamattena vimānaṃ paṭilabhi dasakaññāsahassaparivāraṃ mahatiñca dibbasampattiṃ. Kūṭavinicchayikatāya pana pesuṇikatāya ca attano piṭṭhimaṃsāni sayameva okkantitvā khādati. Taṃ āyasmā nārado gijjakūṭato otaranto disvā –
499.
499.
‘‘маалий гиридий гааяуурий, г̇ад̇д̇аа д̇з жанд̣̇ануссад̣̇аа;
‘‘Mālī kiriṭī kāyūrī, gattā te candanussadā;
басаннамукаван̣н̣оси, суурияаван̣н̣ова собхаси.
Pasannamukhavaṇṇosi, sūriyavaṇṇova sobhasi.
500.
500.
‘‘амаанусаа баарисаж̇ж̇аа, яз д̇змз барижаарагаа;
‘‘Amānusā pārisajjā, ye teme paricārakā;
д̣̇аса ган̃н̃аасахассаани, яаа д̇змаа барижааригаа;
Dasa kaññāsahassāni, yā temā paricārikā;
д̇аа гамб̣угааяуурад̇хараа, ган̃жанаавзл̣абхуусид̇аа.
Tā kambukāyūradharā, kañcanāveḷabhūsitā.
501.
501.
‘‘махаанубхаавоси д̇увам̣, ломахам̣санаруубаваа;
‘‘Mahānubhāvosi tuvaṃ, lomahaṃsanarūpavā;
бидтимам̣саани ад̇д̇ано, саамам̣ уггажжа каад̣̇аси.
Piṭṭhimaṃsāni attano, sāmaṃ ukkacca khādasi.
502.
502.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, бидтимам̣саани ад̇д̇ано;
Kissakammavipākena, piṭṭhimaṃsāni attano;
саамам̣ уггажжа каад̣̇асийд̇и.
Sāmaṃ ukkacca khādasīti.
503.
503.
‘‘ад̇д̇анохам̣ анад̇т̇ааяа, ж̇ийвалогз ажаарисам̣;
‘‘Attanohaṃ anatthāya, jīvaloke acārisaṃ;
бзсун̃н̃амусааваад̣̇зна, нигад̇иван̃жанааяа жа.
Pesuññamusāvādena, nikativañcanāya ca.
504.
504.
‘‘д̇ад̇т̇аахам̣ барисам̣ г̇анд̇ваа, сажжагаалз убадтид̇з;
‘‘Tatthāhaṃ parisaṃ gantvā, saccakāle upaṭṭhite;
ад̇т̇ам̣ д̇хаммам̣ нираагад̇ваа, ад̇хаммаманувад̇д̇исам̣.
Atthaṃ dhammaṃ nirākatvā, adhammamanuvattisaṃ.
505.
505.
‘‘звам̣ со каад̣̇ад̇ад̇д̇аанам̣, яо ход̇и бидтимам̣сиго;
‘‘Evaṃ so khādatattānaṃ, yo hoti piṭṭhimaṃsiko;
яат̇аахам̣ аж̇ж̇а каад̣̇аами, бидтимам̣саани ад̇д̇ано.
Yathāhaṃ ajja khādāmi, piṭṭhimaṃsāni attano.
506.
506.
‘‘д̇аяид̣̇ам̣ д̇аяаа наарад̣̇а саамам̣ д̣̇идтам̣, анугамбагаа яз гусалаа вад̣̇зяяум̣;
‘‘Tayidaṃ tayā nārada sāmaṃ diṭṭhaṃ, anukampakā ye kusalā vadeyyuṃ;
маа бзсун̣ам̣ маа жа мусаа абхаан̣и, маа коси бидтимам̣сиго д̇ува’’нд̇и. –
Mā pesuṇaṃ mā ca musā abhāṇi, mā khosi piṭṭhimaṃsiko tuva’’nti. –
т̇зро жад̇уухи г̇аат̇аахи бужчи, соби д̇асса жад̇уухи г̇аат̇аахи зд̇амад̇т̇ам̣ виссаж̇ж̇зси.
Thero catūhi gāthāhi pucchi, sopi tassa catūhi gāthāhi etamatthaṃ vissajjesi.
499. д̇ад̇т̇а маалийд̇и маалад̇хаарий, д̣̇иб̣б̣абубпзхи бадиман̣д̣ид̇од̇и ад̇хиббааяо. гиридийд̇и взтид̇асийсо. гааяуурийд̇и гзяуураваа, б̣аахаалан̇гаарабадиман̣д̣ид̇од̇и ад̇т̇о. г̇ад̇д̇аад̇и сарийрааваяаваа. жанд̣̇ануссад̣̇аад̇и жанд̣̇анасаараанулид̇д̇аа. суурияаван̣н̣ова собхасийд̇и б̣ааласуурияасад̣̇исаван̣н̣о зва худ̇ваа вирожаси. ‘‘аран̣аван̣н̣ий бабхаасасий’’д̇иби баал̣и, аран̣анд̇и аран̣иязхи д̣̇звзхи сад̣̇исаван̣н̣о арияаавагаасод̇и ад̇т̇о.
499. Tattha mālīti māladhārī, dibbapupphehi paṭimaṇḍitoti adhippāyo. Kiriṭīti veṭhitasīso. Kāyūrīti keyūravā, bāhālaṅkārapaṭimaṇḍitoti attho. Gattāti sarīrāvayavā. Candanussadāti candanasārānulittā. Sūriyavaṇṇova sobhasīti bālasūriyasadisavaṇṇo eva hutvā virocasi. ‘‘Araṇavaṇṇī pabhāsasī’’tipi pāḷi, araṇanti araṇiyehi devehi sadisavaṇṇo ariyāvakāsoti attho.
500. баарисаж̇ж̇аад̇и барисабарияаабаннаа, убадтаагаад̇и ад̇т̇о. д̇уванд̇и д̇вам̣. ломахам̣санаруубаваад̇и бассанд̇аанам̣ ломахам̣саж̇ананаруубаяуд̇д̇о. махаанубхаавад̇аасаман̇г̇ид̇ааяа хзд̇ам̣ вуд̇д̇ам̣. уггажжаад̇и угганд̇ид̇ваа, чинд̣̇ид̇ваад̇и ад̇т̇о.
500.Pārisajjāti parisapariyāpannā, upaṭṭhākāti attho. Tuvanti tvaṃ. Lomahaṃsanarūpavāti passantānaṃ lomahaṃsajananarūpayutto. Mahānubhāvatāsamaṅgitāya hetaṃ vuttaṃ. Ukkaccāti ukkantitvā, chinditvāti attho.
503. ажаарисанд̇и ажарим̣ бадибаж̇ж̇им̣. бзсун̃н̃амусааваад̣̇знаад̇и бзсун̃н̃зна жзва мусааваад̣̇зна жа. нигад̇иван̃жанааяа жаад̇и нигад̇ияаа ван̃жанааяа жа бад̇ируубад̣̇ассанзна барзсам̣ вигаарзна ван̃жанааяа жа.
503.Acārisanti acariṃ paṭipajjiṃ. Pesuññamusāvādenāti pesuññena ceva musāvādena ca. Nikativañcanāya cāti nikatiyā vañcanāya ca patirūpadassanena paresaṃ vikārena vañcanāya ca.
504. сажжагаалзд̇и сажжам̣ вад̇д̇ум̣ яуд̇д̇агаалз. ад̇т̇анд̇и д̣̇идтад̇хаммигаад̣̇ибхзд̣̇ам̣ хид̇ам̣. д̇хамманд̇и гааран̣ам̣ н̃ааяам̣. нираагад̇ваад̇и чад̣д̣зд̇ваа бахааяа. сод̇и яо бзсун̃н̃аад̣̇им̣ аажарад̇и, со сад̇д̇о. сзсам̣ саб̣б̣ам̣ хздтаа вуд̇д̇анаяамзва.
504.Saccakāleti saccaṃ vattuṃ yuttakāle. Atthanti diṭṭhadhammikādibhedaṃ hitaṃ. Dhammanti kāraṇaṃ ñāyaṃ. Nirākatvāti chaḍḍetvā pahāya. Soti yo pesuññādiṃ ācarati, so satto. Sesaṃ sabbaṃ heṭṭhā vuttanayameva.
гуудавинижчаяигабзд̇авад̇т̇уван̣н̣анаа нидтид̇аа.
Kūṭavinicchayikapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 9. гуудавинижчаяигабзд̇авад̇т̇у • 9. Kūṭavinicchayikapetavatthu
