| Library / Tipiṭaka / တိပိဋက • Tipiṭaka / မဟာဝိဘင္ဂ • Mahāvibhaṅga |
၆. ကုဋိကာရသိက္ခာပဒံ
6. Kuṭikārasikkhāpadaṃ
၃၄၂. တေန သမယေန ဗုဒ္ဓော ဘဂဝာ ရာဇဂဟေ ဝိဟရတိ ဝေဠုဝနေ ကလန္ဒကနိဝာပေ။ တေန ခော ပန သမယေန အာဠဝကာ ဘိက္ခူ သညာစိကာယော ကုဋိယော ကာရာပေန္တိ အသ္သာမိကာယော အတ္တုဒ္ဒေသိကာယော အပ္ပမာဏိကာယော။ တာယော န နိဋ္ဌာနံ ဂစ္ဆန္တိ။ တေ ယာစနဗဟုလာ ဝိညတ္တိဗဟုလာ ဝိဟရန္တိ – ‘‘ပုရိသံ ဒေထ, ပုရိသတ္ထကရံ ဒေထ, ဂောဏံ ဒေထ, သကဋံ ဒေထ, ဝာသိံ ဒေထ, ပရသုံ ဒေထ, ကုဌာရိံ ဒေထ, ကုဒာလံ ဒေထ, နိခာဒနံ ဒေထ, ဝလ္လိံ ဒေထ, ဝေဠုံ ဒေထ, မုဉ္ဇံ ဒေထ, ပဗ္ဗဇံ ဒေထ, တိဏံ ဒေထ, မတ္တိကံ ဒေထာ’’တိ။ မနုသ္သာ ဥပဒ္ဒုတာ ယာစနာယ ဥပဒ္ဒုတာ ဝိညတ္တိယာ ဘိက္ခူ ဒိသ္ဝာ ဥဗ္ဗိဇ္ဇန္တိပိ ဥတ္တသန္တိပိ ပလာယန္တိပိ အညေနပိ ဂစ္ဆန္တိ အညေနပိ မုခံ ကရောန္တိ ဒ္ဝာရမ္ပိ ထကေန္တိ, ဂာဝိမ္ပိ ဒိသ္ဝာ ပလာယန္တိ ဘိက္ခူတိ မညမာနာ။
342. Tena samayena buddho bhagavā rājagahe viharati veḷuvane kalandakanivāpe. Tena kho pana samayena āḷavakā bhikkhū saññācikāyo kuṭiyo kārāpenti assāmikāyo attuddesikāyo appamāṇikāyo. Tāyo na niṭṭhānaṃ gacchanti. Te yācanabahulā viññattibahulā viharanti – ‘‘purisaṃ detha, purisatthakaraṃ detha, goṇaṃ detha, sakaṭaṃ detha, vāsiṃ detha, parasuṃ detha, kuṭhāriṃ detha, kudālaṃ detha, nikhādanaṃ detha, valliṃ detha, veḷuṃ detha, muñjaṃ detha, pabbajaṃ detha, tiṇaṃ detha, mattikaṃ dethā’’ti. Manussā upaddutā yācanāya upaddutā viññattiyā bhikkhū disvā ubbijjantipi uttasantipi palāyantipi aññenapi gacchanti aññenapi mukhaṃ karonti dvārampi thakenti, gāvimpi disvā palāyanti bhikkhūti maññamānā.
အထ ခော အာယသ္မာ မဟာကသ္သပော ရာဇဂဟေ ဝသ္သံဝုဋ္ဌော ယေန အာဠဝီ တေန ပက္ကာမိ။ အနုပုဗ္ဗေန ယေန အာဠဝီ တဒဝသရိ။ တတ္ရ သုဒံ အာယသ္မာ မဟာကသ္သပော အာဠဝိယံ ဝိဟရတိ အဂ္ဂာဠဝေ စေတိယေ။ အထ ခော အာယသ္မာ မဟာကသ္သပော ပုဗ္ဗဏ္ဟသမယံ နိဝာသေတ္ဝာ ပတ္တစီဝရမာဒာယ အာဠဝိံ ပိဏ္ဍာယ ပာဝိသိ။ မနုသ္သာ အာယသ္မန္တံ မဟာကသ္သပံ ပသ္သိတ္ဝာ ဥဗ္ဗိဇ္ဇန္တိပိ ဥတ္တသန္တိပိ ပလာယန္တိပိ အညေနပိ ဂစ္ဆန္တိ အညေနပိ မုခံ ကရောန္တိ ဒ္ဝာရမ္ပိ ထကေန္တိ။ အထ ခော အာယသ္မာ မဟာကသ္သပော အာဠဝိယံ ပိဏ္ဍာယ စရိတ္ဝာ ပစ္ဆာဘတ္တံ ပိဏ္ဍပာတပ္ပဋိက္ကန္တော ဘိက္ခူ အာမန္တေသိ – ‘‘ပုဗ္ဗာယံ, အာဝုသော, အာဠဝီ သုဘိက္ခာ အဟောသိ သုလဘပိဏ္ဍာ သုကရာ ဥဉ္ဆေန ပဂ္ဂဟေန ယာပေတုံ; ဧတရဟိ ပနာယံ အာဠဝီ ဒုဗ္ဘိက္ခာ ဒုလ္လဘပိဏ္ဍာ, န သုကရာ ဥဉ္ဆေန ပဂ္ဂဟေန ယာပေတုံ။ ကော နု ခော, အာဝုသော, ဟေတု ကော ပစ္စယော, ယေနာယံ အာဠဝီ ဒုဗ္ဘိက္ခာ ဒုလ္လဘပိဏ္ဍာ, န သုကရာ ဥဉ္ဆေန ပဂ္ဂဟေန ယာပေတု’’န္တိ? အထ ခော တေ ဘိက္ခူ အာယသ္မတော မဟာကသ္သပသ္သ ဧတမတ္ထံ အာရောစေသုံ။
Atha kho āyasmā mahākassapo rājagahe vassaṃvuṭṭho yena āḷavī tena pakkāmi. Anupubbena yena āḷavī tadavasari. Tatra sudaṃ āyasmā mahākassapo āḷaviyaṃ viharati aggāḷave cetiye. Atha kho āyasmā mahākassapo pubbaṇhasamayaṃ nivāsetvā pattacīvaramādāya āḷaviṃ piṇḍāya pāvisi. Manussā āyasmantaṃ mahākassapaṃ passitvā ubbijjantipi uttasantipi palāyantipi aññenapi gacchanti aññenapi mukhaṃ karonti dvārampi thakenti. Atha kho āyasmā mahākassapo āḷaviyaṃ piṇḍāya caritvā pacchābhattaṃ piṇḍapātappaṭikkanto bhikkhū āmantesi – ‘‘pubbāyaṃ, āvuso, āḷavī subhikkhā ahosi sulabhapiṇḍā sukarā uñchena paggahena yāpetuṃ; etarahi panāyaṃ āḷavī dubbhikkhā dullabhapiṇḍā, na sukarā uñchena paggahena yāpetuṃ. Ko nu kho, āvuso, hetu ko paccayo, yenāyaṃ āḷavī dubbhikkhā dullabhapiṇḍā, na sukarā uñchena paggahena yāpetu’’nti? Atha kho te bhikkhū āyasmato mahākassapassa etamatthaṃ ārocesuṃ.
၃၄၃. အထ ခော ဘဂဝာ ရာဇဂဟေ ယထာဘိရန္တံ ဝိဟရိတ္ဝာ ယေန အာဠဝီ တေန စာရိကံ ပက္ကာမိ။ အနုပုဗ္ဗေန စာရိကံ စရမာနော ယေန အာဠဝီ တဒဝသရိ။ တတ္ရ သုဒံ ဘဂဝာ အာဠဝိယံ ဝိဟရတိ အဂ္ဂာဠဝေ စေတိယေ။ အထ ခော အာယသ္မာ မဟာကသ္သပော ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝန္တံ အဘိဝာဒေတ္ဝာ ဧကမန္တံ နိသီဒိ။ ဧကမန္တံ နိသိန္နော ခော အာယသ္မာ မဟာကသ္သပော ဘဂဝတော ဧတမတ္ထံ အာရောစေသိ။ အထ ခော ဘဂဝာ ဧတသ္မိံ နိဒာနေ ဧတသ္မိံ ပကရဏေ ဘိက္ခုသင္ဃံ သန္နိပာတာပေတ္ဝာ အာဠဝကေ ဘိက္ခူ ပဋိပုစ္ဆိ – ‘‘သစ္စံ ကိရ တုမ္ဟေ, ဘိက္ခဝေ, သညာစိကာယော ကုဋိယော ကာရာပေထ အသ္သာမိကာယော အတ္တုဒ္ဒေသိကာယော အပ္ပမာဏိကာယော ။ တာယော န နိဋ္ဌာနံ ဂစ္ဆန္တိ။ တေ တုမ္ဟေ ယာစနဗဟုလာ ဝိညတ္တိဗဟုလာ ဝိဟရထ – ‘ပုရိသံ ဒေထ ပုရိသတ္ထကရံ ဒေထ။ပေ.။ တိဏံ ဒေထ မတ္တိကံ ဒေထာ’တိ။ မနုသ္သာ ဥပဒ္ဒုတာ ယာစနာယ ဥပဒ္ဒုတာ ဝိညတ္တိယာ ဘိက္ခူ ဒိသ္ဝာ ဥဗ္ဗိဇ္ဇန္တိပိ ဥတ္တသန္တိပိ ပလာယန္တိပိ အညေနပိ ဂစ္ဆန္တိ အညေနပိ မုခံ ကရောန္တိ ဒ္ဝာရမ္ပိ ထကေန္တိ, ဂာဝိမ္ပိ ဒိသ္ဝာ ပလာယန္တိ ဘိက္ခူတိ မညမာနာ’’တိ? ‘‘သစ္စံ, ဘဂဝာ’’တိ။ ဝိဂရဟိ ဗုဒ္ဓော ဘဂဝာ။ပေ.။ ‘‘ကထဉ္ဟိ နာမ တုမ္ဟေ, မောဃပုရိသာ, သံယာစိကာယော ကုဋိယော ကာရာပေသ္သထ အသ္သာမိကာယော အတ္တုဒ္ဒေသိကာယော အပ္ပမာဏိကာယော! တာယော န နိဋ္ဌာနံ ဂစ္ဆန္တိ။ တေ တုမ္ဟေ ယာစနဗဟုလာ ဝိညတ္တိဗဟုလာ ဝိဟရိသ္သထ – ‘ပုရိသံ ဒေထ ပုရိသတ္ထကရံ ဒေထ။ပေ.။ တိဏံ ဒေထ မတ္တိကံ ဒေထာ’တိ! နေတံ မောဃပုရိသာ, အပ္ပသန္နာနံ ဝာ ပသာဒာယ။ပေ.။’’ ဝိဂရဟိတ္ဝာ ဓမ္မိံ ကထံ ကတ္ဝာ ဘိက္ခူ အာမန္တေသိ –
343. Atha kho bhagavā rājagahe yathābhirantaṃ viharitvā yena āḷavī tena cārikaṃ pakkāmi. Anupubbena cārikaṃ caramāno yena āḷavī tadavasari. Tatra sudaṃ bhagavā āḷaviyaṃ viharati aggāḷave cetiye. Atha kho āyasmā mahākassapo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahākassapo bhagavato etamatthaṃ ārocesi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āḷavake bhikkhū paṭipucchi – ‘‘saccaṃ kira tumhe, bhikkhave, saññācikāyo kuṭiyo kārāpetha assāmikāyo attuddesikāyo appamāṇikāyo . Tāyo na niṭṭhānaṃ gacchanti. Te tumhe yācanabahulā viññattibahulā viharatha – ‘purisaṃ detha purisatthakaraṃ detha…pe… tiṇaṃ detha mattikaṃ dethā’ti. Manussā upaddutā yācanāya upaddutā viññattiyā bhikkhū disvā ubbijjantipi uttasantipi palāyantipi aññenapi gacchanti aññenapi mukhaṃ karonti dvārampi thakenti, gāvimpi disvā palāyanti bhikkhūti maññamānā’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tumhe, moghapurisā, saṃyācikāyo kuṭiyo kārāpessatha assāmikāyo attuddesikāyo appamāṇikāyo! Tāyo na niṭṭhānaṃ gacchanti. Te tumhe yācanabahulā viññattibahulā viharissatha – ‘purisaṃ detha purisatthakaraṃ detha…pe… tiṇaṃ detha mattikaṃ dethā’ti! Netaṃ moghapurisā, appasannānaṃ vā pasādāya…pe…’’ vigarahitvā dhammiṃ kathaṃ katvā bhikkhū āmantesi –
၃၄၄. ‘‘ဘူတပုဗ္ဗံ , ဘိက္ခဝေ, ဒ္ဝေ ဘာတရော ဣသယော ဂင္ဂံ နဒိံ ဥပနိသ္သာယ ဝိဟရိံသု။ အထ ခော, ဘိက္ခဝေ, မဏိကဏ္ဌော နာဂရာဇာ ဂင္ဂံ နဒိံ ဥတ္တရိတ္ဝာ ယေန ကနိဋ္ဌော ဣသိ တေနုပသင္ကမိ; ဥပသင္ကမိတ္ဝာ ကနိဋ္ဌံ ဣသိံ သတ္တက္ခတ္တုံ ဘောဂေဟိ ပရိက္ခိပိတ္ဝာ ဥပရိမုဒ္ဓနိ မဟန္တံ ဖဏံ ကရိတ္ဝာ အဋ္ဌာသိ။ အထ ခော, ဘိက္ခဝေ, ကနိဋ္ဌော ဣသိ တသ္သ နာဂသ္သ ဘယာ ကိသော အဟောသိ လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော။ အဒ္ဒသ ခော, ဘိက္ခဝေ, ဇေဋ္ဌော ဣသိ ကနိဋ္ဌံ ဣသိံ ကိသံ လူခံ ဒုဗ္ဗဏ္ဏံ ဥပ္ပဏ္ဍုပ္ပဏ္ဍုကဇာတံ ဓမနိသန္ထတဂတ္တံ။ ဒိသ္ဝာန ကနိဋ္ဌံ ဣသိံ ဧတဒဝောစ – ‘‘ကိသ္သ တ္ဝံ, ဘော, ကိသော လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော’’တိ? ‘‘ဣဓ, ဘော, မဏိကဏ္ဌော နာဂရာဇာ ဂင္ဂံ နဒိံ ဥတ္တရိတ္ဝာ ယေနာဟံ တေနုပသင္ကမိ; ဥပသင္ကမိတ္ဝာ မံ သတ္တက္ခတ္တုံ ဘောဂေဟိ ပရိက္ခိပိတ္ဝာ ဥပရိမုဒ္ဓနိ မဟန္တံ ဖဏံ ကရိတ္ဝာ အဋ္ဌာသိ။ တသ္သာဟံ, ဘော, နာဂသ္သ ဘယာ 1 ကိသော လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော’’တိ။ ‘‘ဣစ္ဆသိ ပန တ္ဝံ, ဘော, တသ္သ နာဂသ္သ အနာဂမန’’န္တိ? ‘‘ဣစ္ဆာမဟံ, ဘော, တသ္သ နာဂသ္သ အနာဂမန’’န္တိ။ ‘‘အပိ ပန တ္ဝံ, ဘော, တသ္သ နာဂသ္သ ကိဉ္စိ ပသ္သသီ’’တိ? ‘‘ပသ္သာမဟံ, ဘော, မဏိမသ္သ 2 ကဏ္ဌေ ပိလန္ဓန’’န္တိ။ ‘‘တေန ဟိ တ္ဝံ, ဘော, တံ နာဂံ မဏိံ ယာစ – ‘မဏိံ မေ, ဘော, ဒေဟိ; မဏိနာ မေ အတ္ထော’’’တိ။
344. ‘‘Bhūtapubbaṃ , bhikkhave, dve bhātaro isayo gaṅgaṃ nadiṃ upanissāya vihariṃsu. Atha kho, bhikkhave, maṇikaṇṭho nāgarājā gaṅgaṃ nadiṃ uttaritvā yena kaniṭṭho isi tenupasaṅkami; upasaṅkamitvā kaniṭṭhaṃ isiṃ sattakkhattuṃ bhogehi parikkhipitvā uparimuddhani mahantaṃ phaṇaṃ karitvā aṭṭhāsi. Atha kho, bhikkhave, kaniṭṭho isi tassa nāgassa bhayā kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. Addasa kho, bhikkhave, jeṭṭho isi kaniṭṭhaṃ isiṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna kaniṭṭhaṃ isiṃ etadavoca – ‘‘kissa tvaṃ, bho, kiso lūkho dubbaṇṇo uppaṇḍuppaṇḍukajāto dhamanisanthatagatto’’ti? ‘‘Idha, bho, maṇikaṇṭho nāgarājā gaṅgaṃ nadiṃ uttaritvā yenāhaṃ tenupasaṅkami; upasaṅkamitvā maṃ sattakkhattuṃ bhogehi parikkhipitvā uparimuddhani mahantaṃ phaṇaṃ karitvā aṭṭhāsi. Tassāhaṃ, bho, nāgassa bhayā 3 kiso lūkho dubbaṇṇo uppaṇḍuppaṇḍukajāto dhamanisanthatagatto’’ti. ‘‘Icchasi pana tvaṃ, bho, tassa nāgassa anāgamana’’nti? ‘‘Icchāmahaṃ, bho, tassa nāgassa anāgamana’’nti. ‘‘Api pana tvaṃ, bho, tassa nāgassa kiñci passasī’’ti? ‘‘Passāmahaṃ, bho, maṇimassa 4 kaṇṭhe pilandhana’’nti. ‘‘Tena hi tvaṃ, bho, taṃ nāgaṃ maṇiṃ yāca – ‘maṇiṃ me, bho, dehi; maṇinā me attho’’’ti.
အထ ခော, ဘိက္ခဝေ, မဏိကဏ္ဌော နာဂရာဇာ ဂင္ဂံ နဒိံ ဥတ္တရိတ္ဝာ ယေန ကနိဋ္ဌော ဣသိ တေနုပသင္ကမိ ; ဥပသင္ကမိတ္ဝာ ဧကမန္တံ အဋ္ဌာသိ။ ဧကမန္တံ ဌိတံ ခော, ဘိက္ခဝေ, မဏိကဏ္ဌံ နာဂရာဇာနံ ကနိဋ္ဌော ဣသိ ဧတဒဝောစ – ‘‘မဏိံ မေ, ဘော, ဒေဟိ; မဏိနာ မေ အတ္ထော’’တိ။ အထ ခော, ဘိက္ခဝေ, မဏိကဏ္ဌော နာဂရာဇာ – ‘ဘိက္ခု မဏိံ ယာစတိ, ဘိက္ခုသ္သ မဏိနာ အတ္ထော’တိ ခိပ္ပညေဝ အဂမာသိ။ ဒုတိယမ္ပိ ခော, ဘိက္ခဝေ, မဏိကဏ္ဌော နာဂရာဇာ ဂင္ဂံ နဒိံ ဥတ္တရိတ္ဝာ ယေန ကနိဋ္ဌော ဣသိ တေနုပသင္ကမိ။ အဒ္ဒသ ခော, ဘိက္ခဝေ, ကနိဋ္ဌော ဣသိ မဏိကဏ္ဌံ နာဂရာဇာနံ ဒူရတောဝ အာဂစ္ဆန္တံ။ ဒိသ္ဝာန မဏိကဏ္ဌံ နာဂရာဇာနံ ဧတဒဝောစ – ‘‘မဏိံ မေ, ဘော, ဒေဟိ; မဏိနာ မေ အတ္ထော’’တိ။ အထ ခော, ဘိက္ခဝေ, မဏိကဏ္ဌော နာဂရာဇာ – ‘‘ဘိက္ခု မဏိံ ယာစတိ, ဘိက္ခုသ္သ မဏိနာ အတ္ထော’’တိ တတောဝ ပဋိနိဝတ္တိ။ တတိယမ္ပိ ခော, ဘိက္ခဝေ, မဏိကဏ္ဌော နာဂရာဇာ ဂင္ဂံ နဒိံ ဥတ္တရတိ။ အဒ္ဒသ ခော, ဘိက္ခဝေ, ကနိဋ္ဌော ဣသိ မဏိကဏ္ဌံ နာဂရာဇာနံ ဂင္ဂံ နဒိံ ဥတ္တရန္တံ။ ဒိသ္ဝာန မဏိကဏ္ဌံ နာဂရာဇာနံ ဧတဒဝောစ – ‘‘မဏိံ မေ, ဘော, ဒေဟိ; မဏိနာ မေ အတ္ထော’’တိ။ အထ ခော, ဘိက္ခဝေ, မဏိကဏ္ဌော နာဂရာဇာ ကနိဋ္ဌံ ဣသိံ ဂာထာဟိ အဇ္ဈဘာသိ –
Atha kho, bhikkhave, maṇikaṇṭho nāgarājā gaṅgaṃ nadiṃ uttaritvā yena kaniṭṭho isi tenupasaṅkami ; upasaṅkamitvā ekamantaṃ aṭṭhāsi. Ekamantaṃ ṭhitaṃ kho, bhikkhave, maṇikaṇṭhaṃ nāgarājānaṃ kaniṭṭho isi etadavoca – ‘‘maṇiṃ me, bho, dehi; maṇinā me attho’’ti. Atha kho, bhikkhave, maṇikaṇṭho nāgarājā – ‘bhikkhu maṇiṃ yācati, bhikkhussa maṇinā attho’ti khippaññeva agamāsi. Dutiyampi kho, bhikkhave, maṇikaṇṭho nāgarājā gaṅgaṃ nadiṃ uttaritvā yena kaniṭṭho isi tenupasaṅkami. Addasa kho, bhikkhave, kaniṭṭho isi maṇikaṇṭhaṃ nāgarājānaṃ dūratova āgacchantaṃ. Disvāna maṇikaṇṭhaṃ nāgarājānaṃ etadavoca – ‘‘maṇiṃ me, bho, dehi; maṇinā me attho’’ti. Atha kho, bhikkhave, maṇikaṇṭho nāgarājā – ‘‘bhikkhu maṇiṃ yācati, bhikkhussa maṇinā attho’’ti tatova paṭinivatti. Tatiyampi kho, bhikkhave, maṇikaṇṭho nāgarājā gaṅgaṃ nadiṃ uttarati. Addasa kho, bhikkhave, kaniṭṭho isi maṇikaṇṭhaṃ nāgarājānaṃ gaṅgaṃ nadiṃ uttarantaṃ. Disvāna maṇikaṇṭhaṃ nāgarājānaṃ etadavoca – ‘‘maṇiṃ me, bho, dehi; maṇinā me attho’’ti. Atha kho, bhikkhave, maṇikaṇṭho nāgarājā kaniṭṭhaṃ isiṃ gāthāhi ajjhabhāsi –
ဥပ္ပဇ္ဇတီမသ္သ မဏိသ္သ ဟေတု။
Uppajjatīmassa maṇissa hetu;
တံ တေ န ဒသ္သံ အတိယာစကောသိ။
Taṃ te na dassaṃ atiyācakosi;
န စာပိ တေ အသ္သမမာဂမိသ္သံ။
Na cāpi te assamamāgamissaṃ.
တာသေသိ မံ သေလမာယာစမာနော။
Tāsesi maṃ selamāyācamāno;
တံ တေ န ဒသ္သံ အတိယာစကောသိ။
Taṃ te na dassaṃ atiyācakosi;
န စာပိ တေ အသ္သမမာဂမိသ္သ’’န္တိ။
Na cāpi te assamamāgamissa’’nti.
အထ ခော, ဘိက္ခဝေ, မဏိကဏ္ဌော နာဂရာဇာ – ‘‘ဘိက္ခု မဏိံ ယာစတိ, ဘိက္ခုသ္သ မဏိနာ အတ္ထော’’တိ ပက္ကာမိ။ တထာ ပက္ကန္တောဝ 9 အဟောသိ, န ပုန ပစ္စာဂဉ္ဆိ။ အထ ခော, ဘိက္ခဝေ, ကနိဋ္ဌော ဣသိ တသ္သ နာဂသ္သ ဒသ္သနီယသ္သ အဒသ္သနေန ဘိယ္ယောသောမတ္တာယ ကိသော အဟောသိ လူခော ဒုဗ္ဗဏ္ဏော, ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော။ အဒ္ဒသ ခော, ဘိက္ခဝေ, ဇေဋ္ဌော ဣသိ ကနိဋ္ဌံ ဣသိံ ဘိယ္ယောသောမတ္တာယ ကိသံ လူခံ ဒုဗ္ဗဏ္ဏံ ဥပ္ပဏ္ဍုပ္ပဏ္ဍုကဇာတံ ဓမနိသန္ထတဂတ္တံ။ ဒိသ္ဝာန ကနိဋ္ဌံ ဣသိံ ဧတဒဝောစ – ‘‘ကိသ္သ တ္ဝံ, ဘော, ဘိယ္ယောသောမတ္တာယ ကိသော လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော’’တိ? ‘‘တသ္သာဟံ, ဘော, နာဂသ္သ ဒသ္သနီယသ္သ အဒသ္သနေန ဘိယ္ယောသောမတ္တာယ ကိသော လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော’’တိ။ အထ ခော, ဘိက္ခဝေ, ဇေဋ္ဌော ဣသိ ကနိဋ္ဌံ ဣသိံ ဂာထာယ အဇ္ဈဘာသိ –
Atha kho, bhikkhave, maṇikaṇṭho nāgarājā – ‘‘bhikkhu maṇiṃ yācati, bhikkhussa maṇinā attho’’ti pakkāmi. Tathā pakkantova 10 ahosi, na puna paccāgañchi. Atha kho, bhikkhave, kaniṭṭho isi tassa nāgassa dassanīyassa adassanena bhiyyosomattāya kiso ahosi lūkho dubbaṇṇo, uppaṇḍuppaṇḍukajāto dhamanisanthatagatto. Addasa kho, bhikkhave, jeṭṭho isi kaniṭṭhaṃ isiṃ bhiyyosomattāya kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna kaniṭṭhaṃ isiṃ etadavoca – ‘‘kissa tvaṃ, bho, bhiyyosomattāya kiso lūkho dubbaṇṇo uppaṇḍuppaṇḍukajāto dhamanisanthatagatto’’ti? ‘‘Tassāhaṃ, bho, nāgassa dassanīyassa adassanena bhiyyosomattāya kiso lūkho dubbaṇṇo uppaṇḍuppaṇḍukajāto dhamanisanthatagatto’’ti. Atha kho, bhikkhave, jeṭṭho isi kaniṭṭhaṃ isiṃ gāthāya ajjhabhāsi –
နာဂော မဏိံ ယာစိတော ဗ္ရာဟ္မဏေန။
Nāgo maṇiṃ yācito brāhmaṇena;
အဒသ္သနညေဝ တဒဇ္ဈဂမာ’’တိ။
Adassanaññeva tadajjhagamā’’ti.
တေသဉ္ဟိ နာမ, ဘိက္ခဝေ, တိရစ္ဆာနဂတာနံ ပာဏာနံ အမနာပာ ဘဝိသ္သတိ ယာစနာ အမနာပာ ဝိညတ္တိ။ ကိမင္ဂံ 15 ပန မနုသ္သဘူတာနံ!
Tesañhi nāma, bhikkhave, tiracchānagatānaṃ pāṇānaṃ amanāpā bhavissati yācanā amanāpā viññatti. Kimaṅgaṃ 16 pana manussabhūtānaṃ!
၃၄၅. ‘‘ဘူတပုဗ္ဗံ, ဘိက္ခဝေ, အညတရော ဘိက္ခု ဟိမဝန္တပသ္သေ ဝိဟရတိ အညတရသ္မိံ ဝနသဏ္ဍေ။ တသ္သ ခော, ဘိက္ခဝေ, ဝနသဏ္ဍသ္သ အဝိဒူရေ မဟန္တံ နိန္နံ ပလ္လလံ။ အထ ခော,
345. ‘‘Bhūtapubbaṃ, bhikkhave, aññataro bhikkhu himavantapasse viharati aññatarasmiṃ vanasaṇḍe. Tassa kho, bhikkhave, vanasaṇḍassa avidūre mahantaṃ ninnaṃ pallalaṃ. Atha kho,
ဝာသာယ ဥပဂစ္ဆတိ။ အထ ခော, ဘိက္ခဝေ, သော ဘိက္ခု တသ္သ သကုဏသင္ဃသ္သ သဒ္ဒေန ဥဗ္ဗာဠ္ဟော ယေနာဟံ တေနုပသင္ကမိ; ဥပသင္ကမိတ္ဝာ မံ အဘိဝာဒေတ္ဝာ ဧကမန္တံ နိသီဒိ။ ဧကမန္တံ နိသိန္နံ ခော အဟံ, ဘိက္ခဝေ, တံ ဘိက္ခုံ ဧတဒဝောစ – ‘ကစ္စိ, ဘိက္ခု, ခမနီယံ ကစ္စိ ယာပနီယံ ကစ္စိသိ အပ္ပကိလမထေန အဒ္ဓာနံ အာဂတော? ကုတော စ တ္ဝံ, ဘိက္ခု, အာဂစ္ဆသီ’တိ? ‘ခမနီယံ, ဘဂဝာ, ယာပနီယံ, ဘဂဝာ။ အပ္ပကိလမထေန စာဟံ, ဘန္တေ, အဒ္ဓာနံ အာဂတော။ အတ္ထိ, ဘန္တေ, ဟိမဝန္တပသ္သေ မဟာဝနသဏ္ဍော။ တသ္သ ခော ပန, ဘန္တေ, ဝနသဏ္ဍသ္သ အဝိဒူရေ မဟန္တံ နိန္နံ ပလ္လလံ။ အထ ခော, ဘန္တေ, မဟာသကုဏသင္ဃော တသ္မိံ ပလ္လလေ ဒိဝသံ ဂောစရံ စရိတ္ဝာ သာယံ တံ ဝနသဏ္ဍံ ဝာသာယ ဥပဂစ္ဆတိ။ တတော အဟံ, ဘဂဝာ, အာဂစ္ဆာမိ – တသ္သ သကုဏသင္ဃသ္သ သဒ္ဒေန ဥဗ္ဗာဠ္ဟော’တိ။ ‘ဣစ္ဆသိ ပန တ္ဝံ, ဘိက္ခု, တသ္သ သကုဏသင္ဃသ္သ အနာဂမန’န္တိ ? ‘ဣစ္ဆာမဟံ, ဘဂဝာ, တသ္သ သကုဏသင္ဃသ္သ အနာဂမန’န္တိ။ ‘တေန ဟိ တ္ဝံ, ဘိက္ခု, တတ္ထ ဂန္တ္ဝာ တံ ဝနသဏ္ဍံ အဇ္ဈောဂာဟေတ္ဝာ ရတ္တိယာ ပဌမံ ယာမံ တိက္ခတ္တုံ သဒ္ဒမနုသ္သာဝေဟိ – သုဏန္တု မေ, ဘောန္တော သကုဏာ, ယာဝတိကာ ဣမသ္မိံ ဝနသဏ္ဍေ ဝာသံ ဥပဂတာ, ပတ္တေန မေ အတ္ထော။ ဧကေကံ မေ, ဘောန္တော, ပတ္တံ ဒဒန္တူ’တိ။ ရတ္တိယာ မဇ္ဈိမံ ယာမံ။ ရတ္တိယာ ပစ္ဆိမံ ယာမံ တိက္ခတ္တုံ သဒ္ဒမနုသ္သာဝေဟိ – ‘သုဏန္တု မေ, ဘောန္တော သကုဏာ, ယာဝတိကာ ဣမသ္မိံ ဝနသဏ္ဍေ ဝာသံ ဥပဂတာ, ပတ္တေန မေ အတ္ထော။ ဧကေကံ မေ, ဘောန္တော, ပတ္တံ ဒဒန္တူ’တိ။
Vāsāya upagacchati. Atha kho, bhikkhave, so bhikkhu tassa sakuṇasaṅghassa saddena ubbāḷho yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhikkhave, taṃ bhikkhuṃ etadavoca – ‘kacci, bhikkhu, khamanīyaṃ kacci yāpanīyaṃ kaccisi appakilamathena addhānaṃ āgato? Kuto ca tvaṃ, bhikkhu, āgacchasī’ti? ‘Khamanīyaṃ, bhagavā, yāpanīyaṃ, bhagavā. Appakilamathena cāhaṃ, bhante, addhānaṃ āgato. Atthi, bhante, himavantapasse mahāvanasaṇḍo. Tassa kho pana, bhante, vanasaṇḍassa avidūre mahantaṃ ninnaṃ pallalaṃ. Atha kho, bhante, mahāsakuṇasaṅgho tasmiṃ pallale divasaṃ gocaraṃ caritvā sāyaṃ taṃ vanasaṇḍaṃ vāsāya upagacchati. Tato ahaṃ, bhagavā, āgacchāmi – tassa sakuṇasaṅghassa saddena ubbāḷho’ti. ‘Icchasi pana tvaṃ, bhikkhu, tassa sakuṇasaṅghassa anāgamana’nti ? ‘Icchāmahaṃ, bhagavā, tassa sakuṇasaṅghassa anāgamana’nti. ‘Tena hi tvaṃ, bhikkhu, tattha gantvā taṃ vanasaṇḍaṃ ajjhogāhetvā rattiyā paṭhamaṃ yāmaṃ tikkhattuṃ saddamanussāvehi – suṇantu me, bhonto sakuṇā, yāvatikā imasmiṃ vanasaṇḍe vāsaṃ upagatā, pattena me attho. Ekekaṃ me, bhonto, pattaṃ dadantū’ti. Rattiyā majjhimaṃ yāmaṃ… rattiyā pacchimaṃ yāmaṃ tikkhattuṃ saddamanussāvehi – ‘suṇantu me, bhonto sakuṇā, yāvatikā imasmiṃ vanasaṇḍe vāsaṃ upagatā, pattena me attho. Ekekaṃ me, bhonto, pattaṃ dadantū’ti.
‘‘အထ ခော, ဘိက္ခဝေ, သော ဘိက္ခု တတ္ထ ဂန္တ္ဝာ တံ ဝနသဏ္ဍံ အဇ္ဈောဂာဟေတ္ဝာ ရတ္တိယာ ပဌမံ ယာမံ တိက္ခတ္တုံ သဒ္ဒမနုသ္သာဝေသိ – ‘သုဏန္တု မေ, ဘောန္တော သကုဏာ, ယာဝတိကာ ဣမသ္မိံ ဝနသဏ္ဍေ ဝာသံ ဥပဂတာ, ပတ္တေန မေ အတ္ထော။ ဧကေကံ မေ, ဘောန္တော, ပတ္တံ ဒဒန္တူ’တိ။ ရတ္တိယာ မဇ္ဈိမ ယာမံ။ ရတ္တိယာ ပစ္ဆိမံ ယာမံ တိက္ခတ္တုံ သဒ္ဒမနုသ္သာဝေသိ – ‘သုဏန္တု မေ, ဘောန္တော သကုဏာ, ယာဝတိကာ ဣမသ္မိံ ဝနသဏ္ဍေ ဝာသံ ဥပဂတာ, ပတ္တေန မေ အတ္ထော။ ဧကေကံ မေ, ဘောန္တော, ပတ္တံ ဒဒန္တူ’တိ။ အထ ခော, ဘိက္ခဝေ, သော သကုဏသင္ဃော – ‘ဘိက္ခု ပတ္တံ ယာစတိ ဘိက္ခုသ္သ ပတ္တေန အတ္ထော’တိ တမ္ဟာ ဝနသဏ္ဍာ ပက္ကာမိ။ တထာ ပက္ကန္တောဝ အဟောသိ န ပုန ပစ္စာဂဉ္ဆိ။ တေသဉ္ဟိ နာမ, ဘိက္ခဝေ, တိရစ္ဆာနဂတာနံ ပာဏာနံ အမနာပာ ဘဝိသ္သတိ ယာစနာ အမနာပာ ဝိညတ္တိ။ ကိမင္ဂံ ပန မနုသ္သဘူတာနံ’’!
‘‘Atha kho, bhikkhave, so bhikkhu tattha gantvā taṃ vanasaṇḍaṃ ajjhogāhetvā rattiyā paṭhamaṃ yāmaṃ tikkhattuṃ saddamanussāvesi – ‘suṇantu me, bhonto sakuṇā, yāvatikā imasmiṃ vanasaṇḍe vāsaṃ upagatā, pattena me attho. Ekekaṃ me, bhonto, pattaṃ dadantū’ti. Rattiyā majjhima yāmaṃ… rattiyā pacchimaṃ yāmaṃ tikkhattuṃ saddamanussāvesi – ‘suṇantu me, bhonto sakuṇā, yāvatikā imasmiṃ vanasaṇḍe vāsaṃ upagatā, pattena me attho. Ekekaṃ me, bhonto, pattaṃ dadantū’ti. Atha kho, bhikkhave, so sakuṇasaṅgho – ‘bhikkhu pattaṃ yācati bhikkhussa pattena attho’ti tamhā vanasaṇḍā pakkāmi. Tathā pakkantova ahosi na puna paccāgañchi. Tesañhi nāma, bhikkhave, tiracchānagatānaṃ pāṇānaṃ amanāpā bhavissati yācanā amanāpā viññatti. Kimaṅgaṃ pana manussabhūtānaṃ’’!
၃၄၆. ‘‘ဘူတပုဗ္ဗံ, ဘိက္ခဝေ, ရဋ္ဌပာလသ္သ ကုလပုတ္တသ္သ ပိတာ ရဋ္ဌပာလံ ကုလပုတ္တံ ဂာထာယ အဇ္ဈဘာသိ –
346. ‘‘Bhūtapubbaṃ, bhikkhave, raṭṭhapālassa kulaputtassa pitā raṭṭhapālaṃ kulaputtaṃ gāthāya ajjhabhāsi –
‘အပာဟံ တေ န ဇာနာမိ၊ ရဋ္ဌပာလ ဗဟူ ဇနာ။
‘Apāhaṃ te na jānāmi, raṭṭhapāla bahū janā;
17 တေ မံ သင္ဂမ္မ ယာစန္တိ၊ ကသ္မာ မံ တ္ဝံ န ယာစသီ’တိ။
18 Te maṃ saṅgamma yācanti, kasmā maṃ tvaṃ na yācasī’ti.
တသ္မာဟံ တံ န ယာစာမိ၊ မာ မေ ဝိဒေသ္သနာ အဟူ’တိ။
Tasmāhaṃ taṃ na yācāmi, mā me videssanā ahū’ti.
‘‘သော ဟိ နာမ, ဘိက္ခဝေ, ရဋ္ဌပာလော ကုလပုတ္တော သကံ ပိတရံ ဧဝံ ဝက္ခတိ။ ကိမင္ဂံ ပန ဇနော ဇနံ!
‘‘So hi nāma, bhikkhave, raṭṭhapālo kulaputto sakaṃ pitaraṃ evaṃ vakkhati. Kimaṅgaṃ pana jano janaṃ!
၃၄၇. ‘‘ဂိဟီနံ, ဘိက္ခဝေ, ဒုသ္သံဟရာနိ ဘောဂာနိ သမ္ဘတာနိပိ ဒုရက္ခိယာနိ ။ တတ္ထ နာမ တုမ္ဟေ, မောဃပုရိသာ, ဧဝံ ဒုသ္သံဟရေသု ဘောဂေသု သမ္ဘတေသုပိ ဒုရက္ခိယေသု ယာစနဗဟုလာ ဝိညတ္တိဗဟုလာ ဝိဟရိသ္သထ – ‘ပုရိသံ ဒေထ, ပုရိသတ္ထကရံ ဒေထ, ဂောဏံ ဒေထ, သကဋံ ဒေထ, ဝာသိံ ဒေထ, ပရသုံ ဒေထ, ကုဌာရိံ ဒေထ, ကုဒာလံ ဒေထ, နိခာဒနံ ဒေထ, ဝလ္လိံ ဒေထ, ဝေဠုံ ဒေထ, မုဉ္ဇံ ဒေထ , ပဗ္ဗဇံ ဒေထ, တိဏံ ဒေထ, မတ္တိကံ ဒေထာ’’တိ! နေတံ, မောဃပုရိသာ, အပ္ပသန္နာနံ ဝာ ပသာဒာယ။ပေ.။ ဧဝဉ္စ ပန, ဘိက္ခဝေ, ဣမံ သိက္ခာပဒံ ဥဒ္ဒိသေယ္ယာထ –
347. ‘‘Gihīnaṃ, bhikkhave, dussaṃharāni bhogāni sambhatānipi durakkhiyāni . Tattha nāma tumhe, moghapurisā, evaṃ dussaṃharesu bhogesu sambhatesupi durakkhiyesu yācanabahulā viññattibahulā viharissatha – ‘purisaṃ detha, purisatthakaraṃ detha, goṇaṃ detha, sakaṭaṃ detha, vāsiṃ detha, parasuṃ detha, kuṭhāriṃ detha, kudālaṃ detha, nikhādanaṃ detha, valliṃ detha, veḷuṃ detha, muñjaṃ detha , pabbajaṃ detha, tiṇaṃ detha, mattikaṃ dethā’’ti! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
၃၄၈. ‘‘သညာစိကာယ ပန ဘိက္ခုနာ ကုဋိံ ကာရယမာနေန အသ္သာမိကံ အတ္တုဒ္ဒေသံ ပမာဏိကာ ကာရေတဗ္ဗာ။ တတ္ရိဒံ ပမာဏံ – ဒီဃသော ဒ္ဝာဒသ ဝိဒတ္ထိယော, သုဂတဝိဒတ္ထိယာ; တိရိယံ သတ္တန္တရာ။ ဘိက္ခူ အဘိနေတဗ္ဗာ ဝတ္ထုဒေသနာယ။ တေဟိ ဘိက္ခူဟိ ဝတ္ထု ဒေသေတဗ္ဗံ – အနာရမ္ဘံ 21 သပရိက္ကမနံ။ သာရမ္ဘေ 22 စေ ဘိက္ခု ဝတ္ထုသ္မိံ အပရိက္ကမနေ သညာစိကာယ ကုဋိံ ကာရေယ္ယ, ဘိက္ခူ ဝာ အနဘိနေယ္ယ ဝတ္ထုဒေသနာယ, ပမာဏံ ဝာ အတိက္ကာမေယ္ယ, သင္ဃာဒိသေသော’’တိ။
348.‘‘Saññācikāya pana bhikkhunā kuṭiṃ kārayamānena assāmikaṃ attuddesaṃ pamāṇikā kāretabbā. Tatridaṃ pamāṇaṃ – dīghaso dvādasavidatthiyo, sugatavidatthiyā; tiriyaṃ sattantarā. Bhikkhū abhinetabbā vatthudesanāya. Tehi bhikkhūhi vatthu desetabbaṃ – anārambhaṃ 23 saparikkamanaṃ. Sārambhe 24 ce bhikkhu vatthusmiṃ aparikkamane saññācikāya kuṭiṃ kāreyya, bhikkhū vā anabhineyya vatthudesanāya, pamāṇaṃ vā atikkāmeyya, saṅghādiseso’’ti.
၃၄၉. သညာစိကာ နာမ သယံ ယာစိတ္ဝာ ပုရိသမ္ပိ ပုရိသတ္ထကရမ္ပိ ဂောဏမ္ပိ သကဋမ္ပိ ဝာသိမ္ပိ ပရသုမ္ပိ ကုဌာရိမ္ပိ ကုဒာလမ္ပိ နိခာဒနမ္ပိ ဝလ္လိမ္ပိ ဝေဠုမ္ပိ မုဉ္ဇမ္ပိ ပဗ္ဗဇမ္ပိ တိဏမ္ပိ မတ္တိကမ္ပိ။
349.Saññācikā nāma sayaṃ yācitvā purisampi purisatthakarampi goṇampi sakaṭampi vāsimpi parasumpi kuṭhārimpi kudālampi nikhādanampi vallimpi veḷumpi muñjampi pabbajampi tiṇampi mattikampi.
ကုဋိ နာမ ဥလ္လိတ္တာ ဝာ ဟောတိ အဝလိတ္တာ ဝာ ဥလ္လိတ္တာဝလိတ္တာ ဝာ။
Kuṭi nāma ullittā vā hoti avalittā vā ullittāvalittā vā.
ကာရယမာနေနာတိ ကရောန္တော ဝာ ကာရာပေန္တော ဝာ။
Kārayamānenāti karonto vā kārāpento vā.
အသ္သာမိကန္တိ န အညော ကောစိ သာမိကော ဟောတိ, ဣတ္ထီ ဝာ ပုရိသော ဝာ ဂဟဋ္ဌော ဝာ ပဗ္ဗဇိတော ဝာ။
Assāmikanti na añño koci sāmiko hoti, itthī vā puriso vā gahaṭṭho vā pabbajito vā.
အတ္တုဒ္ဒေသန္တိ အတ္တနော အတ္ထာယ။
Attuddesanti attano atthāya.
ပမာဏိကာ ကာရေတဗ္ဗာ။ တတ္ရိဒံ ပမာဏံ – ဒီဃသော ဒ္ဝာဒသ ဝိဒတ္ထိယော, သုဂတဝိဒတ္ထိယာတိ ဗာဟိရိမေန မာနေန။
Pamāṇikā kāretabbā. Tatridaṃ pamāṇaṃ – dīghaso dvādasa vidatthiyo, sugatavidatthiyāti bāhirimena mānena.
တိရိယံ သတ္တန္တရာတိ အဗ္ဘန္တရိမေန မာနေန။
Tiriyaṃ sattantarāti abbhantarimena mānena.
ဘိက္ခူ အဘိနေတဗ္ဗာ ဝတ္ထုဒေသနာယာတိ တေန ကုဋိကာရကေန ဘိက္ခုနာ ကုဋိဝတ္ထုံ သောဓေတ္ဝာ သင္ဃံ ဥပသင္ကမိတ္ဝာ ဧကံသံ ဥတ္တရာသင္ဂံ ကရိတ္ဝာ ဝုဍ္ဎာနံ ဘိက္ခူနံ ပာဒေ ဝန္ဒိတ္ဝာ ဥက္ကုဋိကံ နိသီဒိတ္ဝာ အဉ္ဇလိံ ပဂ္ဂဟေတ္ဝာ ဧဝမသ္သ ဝစနီယော – ‘‘အဟံ, ဘန္တေ, သညာစိကာယ ကုဋိံ ကတ္တုကာမော အသ္သာမိကံ အတ္တုဒ္ဒေသံ။ သောဟံ, ဘန္တေ, သင္ဃံ ကုဋိဝတ္ထုဩလောကနံ ယာစာမီ’’တိ။ ဒုတိယမ္ပိ ယာစိတဗ္ဗာ။ တတိယမ္ပိ ယာစိတဗ္ဗာ။ သစေ သဗ္ဗော သင္ဃော ဥသ္သဟတိ ကုဋိဝတ္ထုံ ဩလောကေတုံ, သဗ္ဗေန သင္ဃေန ဩလောကေတဗ္ဗံ။ နော စေ သဗ္ဗော သင္ဃော ဥသ္သဟတိ ကုဋိဝတ္ထုံ ဩလောကေတုံ, ယေ တတ္ထ ဟောန္တိ ဘိက္ခူ ဗ္ယတ္တာ ပဋိဗလာ သာရမ္ဘံ အနာရမ္ဘံ သပရိက္ကမနံ အပရိက္ကမနံ ဇာနိတုံ တေ ယာစိတ္ဝာ သမ္မန္နိတဗ္ဗာ။ ဧဝဉ္စ ပန, ဘိက္ခဝေ, သမ္မန္နိတဗ္ဗာ။ ဗ္ယတ္တေန ဘိက္ခုနာ ပဋိဗလေန သင္ဃော ဉာပေတဗ္ဗော –
Bhikkhū abhinetabbā vatthudesanāyāti tena kuṭikārakena bhikkhunā kuṭivatthuṃ sodhetvā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, saññācikāya kuṭiṃ kattukāmo assāmikaṃ attuddesaṃ. Sohaṃ, bhante, saṅghaṃ kuṭivatthuolokanaṃ yācāmī’’ti. Dutiyampi yācitabbā. Tatiyampi yācitabbā. Sace sabbo saṅgho ussahati kuṭivatthuṃ oloketuṃ, sabbena saṅghena oloketabbaṃ. No ce sabbo saṅgho ussahati kuṭivatthuṃ oloketuṃ, ye tattha honti bhikkhū byattā paṭibalā sārambhaṃ anārambhaṃ saparikkamanaṃ aparikkamanaṃ jānituṃ te yācitvā sammannitabbā. Evañca pana, bhikkhave, sammannitabbā. Byattena bhikkhunā paṭibalena saṅgho ñāpetabbo –
၃၅၀. ‘‘သုဏာတု မေ, ဘန္တေ, သင္ဃော။ အယံ ဣတ္ထန္နာမော ဘိက္ခု သညာစိကာယ ကုဋိံ ကတ္တုကာမော အသ္သာမိကံ အတ္တုဒ္ဒေသံ။ သော သင္ဃံ ကုဋိဝတ္ထုဩလောကနံ ယာစတိ။ ယဒိ သင္ဃသ္သ ပတ္တကလ္လံ, သင္ဃော ဣတ္ထန္နာမဉ္စ ဣတ္ထန္နာမဉ္စ ဘိက္ခူ သမ္မန္နေယ္ယ ဣတ္ထန္နာမသ္သ ဘိက္ခုနော ကုဋိဝတ္ထုံ ဩလောကေတုံ။ ဧသာ ဉတ္တိ။
350. ‘‘Suṇātu me, bhante, saṅgho. Ayaṃ itthannāmo bhikkhu saññācikāya kuṭiṃ kattukāmo assāmikaṃ attuddesaṃ. So saṅghaṃ kuṭivatthuolokanaṃ yācati. Yadi saṅghassa pattakallaṃ, saṅgho itthannāmañca itthannāmañca bhikkhū sammanneyya itthannāmassa bhikkhuno kuṭivatthuṃ oloketuṃ. Esā ñatti.
‘‘သုဏာတု မေ, ဘန္တေ, သင္ဃော။ အယံ ဣတ္ထန္နာမော ဘိက္ခု သညာစိကာယ ကုဋိံ ကတ္တုကာမော အသ္သာမိကံ အတ္တုဒ္ဒေသံ။ သော သင္ဃံ ကုဋိဝတ္ထုဩလောကနံ ယာစတိ။ သင္ဃော ဣတ္ထန္နာမဉ္စ ဣတ္ထန္နာမဉ္စ ဘိက္ခူ သမ္မန္နတိ ဣတ္ထန္နာမသ္သ ဘိက္ခုနော ကုဋိဝတ္ထုံ ဩလောကေတုံ။ ယသ္သာယသ္မတော ခမတိ ဣတ္ထန္နာမသ္သ စ ဣတ္ထန္နာမသ္သ စ ဘိက္ခူနံ သမ္မုတိ 25 ဣတ္ထန္နာမသ္သ ဘိက္ခုနော ကုဋိဝတ္ထုံ ဩလောကေတုံ, သော တုဏ္ဟသ္သ; ယသ္သ နက္ခမတိ, သော ဘာသေယ္ယ။
‘‘Suṇātu me, bhante, saṅgho. Ayaṃ itthannāmo bhikkhu saññācikāya kuṭiṃ kattukāmo assāmikaṃ attuddesaṃ. So saṅghaṃ kuṭivatthuolokanaṃ yācati. Saṅgho itthannāmañca itthannāmañca bhikkhū sammannati itthannāmassa bhikkhuno kuṭivatthuṃ oloketuṃ. Yassāyasmato khamati itthannāmassa ca itthannāmassa ca bhikkhūnaṃ sammuti 26 itthannāmassa bhikkhuno kuṭivatthuṃ oloketuṃ, so tuṇhassa; yassa nakkhamati, so bhāseyya.
‘‘သမ္မတာ သင္ဃေန ဣတ္ထန္နာမော စ ဣတ္ထန္နာမော စ ဘိက္ခူ ဣတ္ထန္နာမသ္သ ဘိက္ခုနော ကုဋိဝတ္ထုံ ဩလောကေတုံ။ ခမတိ သင္ဃသ္သ, တသ္မာ တုဏ္ဟီ, ဧဝမေတံ ဓာရယာမီ’’တိ။
‘‘Sammatā saṅghena itthannāmo ca itthannāmo ca bhikkhū itthannāmassa bhikkhuno kuṭivatthuṃ oloketuṃ. Khamati saṅghassa, tasmā tuṇhī, evametaṃ dhārayāmī’’ti.
၃၅၁. တေဟိ သမ္မတေဟိ ဘိက္ခူဟိ တတ္ထ ဂန္တ္ဝာ ကုဋိဝတ္ထု ဩလောကေတဗ္ဗံ, သာရမ္ဘံ အနာရမ္ဘံ သပရိက္ကမနံ အပရိက္ကမနံ ဇာနိတဗ္ဗံ။ သစေ သာရမ္ဘံ ဟောတိ အပရိက္ကမနံ, ‘မာ ဣဓ ကရီ’တိ ဝတ္တဗ္ဗော။ သစေ အနာရမ္ဘံ ဟောတိ သပရိက္ကမနံ, သင္ဃသ္သ အာရောစေတဗ္ဗံ – ‘အနာရမ္ဘံ သပရိက္ကမန’န္တိ။ တေန ကုဋိကာရကေန ဘိက္ခုနာ သင္ဃံ ဥပသင္ကမိတ္ဝာ ဧကံသံ ဥတ္တရာသင္ဂံ ကရိတ္ဝာ ဝုဍ္ဎာနံ ဘိက္ခူနံ ပာဒေ ဝန္ဒိတ္ဝာ ဥက္ကုဋိကံ နိသီဒိတ္ဝာ အဉ္ဇလိံ ပဂ္ဂဟေတ္ဝာ ဧဝမသ္သ ဝစနီယော – ‘‘အဟံ, ဘန္တေ, သညာစိကာယ ကုဋိံ ကတ္တုကာမော အသ္သာမိကံ အတ္တုဒ္ဒေသံ ။ သောဟံ, ဘန္တေ, သင္ဃံ ကုဋိဝတ္ထုဒေသနံ ယာစာမီ’’တိ။ ဒုတိယမ္ပိ ယာစိတဗ္ဗာ။ တတိယမ္ပိ ယာစိတဗ္ဗာ။ ဗ္ယတ္တေန ဘိက္ခုနာ ပဋိဗလေန သင္ဃော ဉာပေတဗ္ဗော –
351. Tehi sammatehi bhikkhūhi tattha gantvā kuṭivatthu oloketabbaṃ, sārambhaṃ anārambhaṃ saparikkamanaṃ aparikkamanaṃ jānitabbaṃ. Sace sārambhaṃ hoti aparikkamanaṃ, ‘mā idha karī’ti vattabbo. Sace anārambhaṃ hoti saparikkamanaṃ, saṅghassa ārocetabbaṃ – ‘anārambhaṃ saparikkamana’nti. Tena kuṭikārakena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, saññācikāya kuṭiṃ kattukāmo assāmikaṃ attuddesaṃ . Sohaṃ, bhante, saṅghaṃ kuṭivatthudesanaṃ yācāmī’’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
၃၅၂. ‘‘သုဏာတု မေ, ဘန္တေ, သင္ဃော။ အယံ ဣတ္ထန္နာမော ဘိက္ခု သညာစိကာယ ကုဋိံ ကတ္တုကာမော အသ္သာမိကံ အတ္တုဒ္ဒေသံ။ သော သင္ဃံ ကုဋိဝတ္ထုဒေသနံ ယာစတိ။ ယဒိ သင္ဃသ္သ ပတ္တကလ္လံ, သင္ဃော ဣတ္ထန္နာမသ္သ ဘိက္ခုနော ကုဋိဝတ္ထုံ ဒေသေယ္ယ။ ဧသာ ဉတ္တိ။
352. ‘‘Suṇātu me, bhante, saṅgho. Ayaṃ itthannāmo bhikkhu saññācikāya kuṭiṃ kattukāmo assāmikaṃ attuddesaṃ. So saṅghaṃ kuṭivatthudesanaṃ yācati. Yadi saṅghassa pattakallaṃ, saṅgho itthannāmassa bhikkhuno kuṭivatthuṃ deseyya. Esā ñatti.
‘‘သုဏာတု မေ, ဘန္တေ, သင္ဃော။ အယံ ဣတ္ထန္နာမော ဘိက္ခု သညာစိကာယ ကုဋိံ ကတ္တုကာမော အသ္သာမိကံ အတ္တုဒ္ဒေသံ။ သော သင္ဃံ ကုဋိဝတ္ထုဒေသနံ ယာစတိ။ သင္ဃော ဣတ္ထန္နာမသ္သ ဘိက္ခုနော ကုဋိဝတ္ထုံ ဒေသေတိ။ ယသ္သာယသ္မတော ခမတိ ဣတ္ထန္နာမသ္သ ဘိက္ခုနော ကုဋိဝတ္ထုသ္သ ဒေသနာ, သော တုဏ္ဟသ္သ; ယသ္သ နက္ခမတိ, သော ဘာသေယ္ယ။
‘‘Suṇātu me, bhante, saṅgho. Ayaṃ itthannāmo bhikkhu saññācikāya kuṭiṃ kattukāmo assāmikaṃ attuddesaṃ. So saṅghaṃ kuṭivatthudesanaṃ yācati. Saṅgho itthannāmassa bhikkhuno kuṭivatthuṃ deseti. Yassāyasmato khamati itthannāmassa bhikkhuno kuṭivatthussa desanā, so tuṇhassa; yassa nakkhamati, so bhāseyya.
‘‘ဒေသိတံ သင္ဃေန ဣတ္ထန္နာမသ္သ ဘိက္ခုနော ကုဋိဝတ္ထု။ ခမတိ သင္ဃသ္သ, တသ္မာ တုဏ္ဟီ, ဧဝမေတံ ဓာရယာမီ’’တိ။
‘‘Desitaṃ saṅghena itthannāmassa bhikkhuno kuṭivatthu. Khamati saṅghassa, tasmā tuṇhī, evametaṃ dhārayāmī’’ti.
၃၅၃. သာရမ္ဘံ နာမ ကိပိလ္လိကာနံ ဝာ အာသယော ဟောတိ, ဥပစိကာနံ ဝာ အာသယော ဟောတိ, ဥန္ဒုရာနံ ဝာ အာသယော ဟောတိ, အဟီနံ ဝာ အာသယော ဟောတိ, ဝိစ္ဆိကာနံ ဝာ အာသယော ဟောတိ, သတပဒီနံ ဝာ အာသယော ဟောတိ, ဟတ္ထီနံ ဝာ အာသယော ဟောတိ, အသ္သာနံ ဝာ အာသယော ဟောတိ, သီဟာနံ ဝာ အာသယော ဟောတိ, ဗ္ယဂ္ဃာနံ ဝာ အာသယော ဟောတိ, ဒီပီနံ ဝာ အာသယော ဟောတိ, အစ္ဆာနံ ဝာ အာသယော ဟောတိ, တရစ္ဆာနံ ဝာ အာသယော ဟောတိ, ယေသံ ကေသဉ္စိ တိရစ္ဆာနဂတာနံ ပာဏာနံ အာသယော ဟောတိ, ပုဗ္ဗဏ္ဏနိသ္သိတံ ဝာ ဟောတိ, အပရဏ္ဏနိသ္သိတံ ဝာ ဟောတိ, အဗ္ဘာဃာတနိသ္သိတံ ဝာ ဟောတိ, အာဃာတနနိသ္သိတံ ဝာ ဟောတိ, သုသာနနိသ္သိတံ ဝာ ဟောတိ, ဥယ္ယာနနိသ္သိတံ ဝာ ဟောတိ, ရာဇဝတ္ထုနိသ္သိတံ ဝာ ဟောတိ, ဟတ္ထိသာလာနိသ္သိတံ ဝာ ဟောတိ, အသ္သသာလာနိသ္သိတံ ဝာ ဟောတိ, ဗန္ဓနာဂာရနိသ္သိတံ ဝာ ဟောတိ, ပာနာဂာရနိသ္သိတံ ဝာ ဟောတိ, သူနနိသ္သိတံ ဝာ ဟောတိ, ရစ္ဆာနိသ္သိတံ ဝာ ဟောတိ, စစ္စရနိသ္သိတံ ဝာ ဟောတိ, သဘာနိသ္သိတံ ဝာ ဟောတိ, သံသရဏနိသ္သိတံ ဝာ 27 ဟောတိ။ ဧတံ သာရမ္ဘံ နာမ။
353.Sārambhaṃ nāma kipillikānaṃ vā āsayo hoti, upacikānaṃ vā āsayo hoti, undurānaṃ vā āsayo hoti, ahīnaṃ vā āsayo hoti, vicchikānaṃ vā āsayo hoti, satapadīnaṃ vā āsayo hoti, hatthīnaṃ vā āsayo hoti, assānaṃ vā āsayo hoti, sīhānaṃ vā āsayo hoti, byagghānaṃ vā āsayo hoti, dīpīnaṃ vā āsayo hoti, acchānaṃ vā āsayo hoti, taracchānaṃ vā āsayo hoti, yesaṃ kesañci tiracchānagatānaṃ pāṇānaṃ āsayo hoti, pubbaṇṇanissitaṃ vā hoti, aparaṇṇanissitaṃ vā hoti, abbhāghātanissitaṃ vā hoti, āghātananissitaṃ vā hoti, susānanissitaṃ vā hoti, uyyānanissitaṃ vā hoti, rājavatthunissitaṃ vā hoti, hatthisālānissitaṃ vā hoti, assasālānissitaṃ vā hoti, bandhanāgāranissitaṃ vā hoti, pānāgāranissitaṃ vā hoti, sūnanissitaṃ vā hoti, racchānissitaṃ vā hoti, caccaranissitaṃ vā hoti, sabhānissitaṃ vā hoti, saṃsaraṇanissitaṃ vā 28 hoti. Etaṃ sārambhaṃ nāma.
အပရိက္ကမနံ နာမ န သက္ကာ ဟောတိ ယထာယုတ္တေန သကဋေန အနုပရိဂန္တုံ သမန္တာ နိသ္သေဏိယာ အနုပရိဂန္တုံ။ ဧတံ အပရိက္ကမနံ နာမ။
Aparikkamanaṃ nāma na sakkā hoti yathāyuttena sakaṭena anuparigantuṃ samantā nisseṇiyā anuparigantuṃ. Etaṃ aparikkamanaṃ nāma.
အနာရမ္ဘံ နာမ န ကိပိလ္လိကာနံ ဝာ အာသယော ဟောတိ, န ဥပစိကာနံ ဝာ အာသယော ဟောတိ, န ဥန္ဒုရာနံ ဝာ အာသယော ဟောတိ, န အဟီနံ ဝာ အာသယော ဟောတိ, န ဝိစ္ဆိကာနံ ဝာ အာသယော ဟောတိ, န သတပဒီနံ ဝာ အာသယော ဟောတိ။ပေ.။ န သံသရဏနိသ္သိတံ ဝာ ဟောတိ။ ဧတံ အနာရမ္ဘံ နာမ။
Anārambhaṃ nāma na kipillikānaṃ vā āsayo hoti, na upacikānaṃ vā āsayo hoti, na undurānaṃ vā āsayo hoti, na ahīnaṃ vā āsayo hoti, na vicchikānaṃ vā āsayo hoti, na satapadīnaṃ vā āsayo hoti…pe… na saṃsaraṇanissitaṃ vā hoti. Etaṃ anārambhaṃ nāma.
သပရိက္ကမနံ နာမ သက္ကာ ဟောတိ ယထာယုတ္တေန သကဋေန အနုပရိဂန္တုံ, သမန္တာ နိသ္သေဏိယာ အနုပရိဂန္တုံ။ ဧတံ သပရိက္ကမနံ နာမ။
Saparikkamanaṃ nāma sakkā hoti yathāyuttena sakaṭena anuparigantuṃ, samantā nisseṇiyā anuparigantuṃ. Etaṃ saparikkamanaṃ nāma.
သညာစိကာ နာမ သယံ ယာစိတ္ဝာ ပုရိသမ္ပိ ပုရိသတ္ထကရမ္ပိ။ပေ.။ မတ္တိကမ္ပိ ။
Saññācikā nāma sayaṃ yācitvā purisampi purisatthakarampi…pe… mattikampi .
ကုဋိ နာမ ဥလ္လိတ္တာ ဝာ ဟောတိ ဝာ အဝလိတ္တာ ဝာ ဥလ္လိတ္တာဝလိတ္တာ ဝာ။
Kuṭi nāma ullittā vā hoti vā avalittā vā ullittāvalittā vā.
ကာရေယ္ယာတိ ကရောတိ ဝာ ကာရာပေတိ ဝာ။
Kāreyyāti karoti vā kārāpeti vā.
ဘိက္ခူ ဝာ အနဘိနေယ္ယ, ဝတ္ထုဒေသနာယ ပမာဏံ ဝာ အတိက္ကာမေယ္ယာတိ ဉတ္တိဒုတိယေန ကမ္မေန ကုဋိဝတ္ထုံ န ဒေသာပေတ္ဝာ, အာယာမတော ဝာ ဝိတ္ထာရတော ဝာ အန္တမသော ကေသဂ္ဂမတ္တမ္ပိ အတိက္ကာမေတ္ဝာ ကရောတိ ဝာ ကာရာပေတိ ဝာ, ပယောဂေ ပယောဂေ ဒုက္ကဋံ။ ဧကံ ပိဏ္ဍံ အနာဂတေ အာပတ္တိ ထုလ္လစ္စယသ္သ။ တသ္မိံ ပိဏ္ဍေ အာဂတေ အာပတ္တိ သင္ဃာဒိသေသသ္သ။
Bhikkhū vā anabhineyya, vatthudesanāya pamāṇaṃ vā atikkāmeyyāti ñattidutiyena kammena kuṭivatthuṃ na desāpetvā, āyāmato vā vitthārato vā antamaso kesaggamattampi atikkāmetvā karoti vā kārāpeti vā, payoge payoge dukkaṭaṃ. Ekaṃ piṇḍaṃ anāgate āpatti thullaccayassa. Tasmiṃ piṇḍe āgate āpatti saṅghādisesassa.
သင္ဃာဒိသေသောတိ။ပေ.။ တေနပိ ဝုစ္စတိ သင္ဃာဒိသေသောတိ။
Saṅghādisesoti…pe… tenapi vuccati saṅghādisesoti.
၃၅၄. ဘိက္ခု ကုဋိံ ကရောတိ အဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။ ဘိက္ခု ကုဋိံ ကရောတိ အဒေသိတဝတ္ထုကံ သာရမ္ဘံ သပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ ဘိက္ခု ကုဋိံ ကရောတိ အဒေသိတဝတ္ထုကံ အနာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ ဘိက္ခု ကုဋိံ ကရောတိ အဒေသိတဝတ္ထုကံ အနာရမ္ဘံ သပရိက္ကမနံ, အာပတ္တိ သင္ဃာဒိသေသသ္သ။
354. Bhikkhu kuṭiṃ karoti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ. Bhikkhu kuṭiṃ karoti adesitavatthukaṃ sārambhaṃ saparikkamanaṃ, āpatti saṅghādisesena dukkaṭassa. Bhikkhu kuṭiṃ karoti adesitavatthukaṃ anārambhaṃ aparikkamanaṃ, āpatti saṅghādisesena dukkaṭassa. Bhikkhu kuṭiṃ karoti adesitavatthukaṃ anārambhaṃ saparikkamanaṃ, āpatti saṅghādisesassa.
၃၅၅. ဘိက္ခု ကုဋိံ ကရောတိ ဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ ဘိက္ခု ကုဋိံ ကရောတိ ဒေသိတဝတ္ထုကံ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ ဘိက္ခု ကုဋိံ ကရောတိ ဒေသိတဝတ္ထုကံ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ ဘိက္ခု ကုဋိံ ကရောတိ ဒေသိတဝတ္ထုကံ အနာရမ္ဘံ သပရိက္ကမနံ, အနာပတ္တိ။
355. Bhikkhu kuṭiṃ karoti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ. Bhikkhu kuṭiṃ karoti desitavatthukaṃ sārambhaṃ saparikkamanaṃ, āpatti dukkaṭassa. Bhikkhu kuṭiṃ karoti desitavatthukaṃ anārambhaṃ aparikkamanaṃ, āpatti dukkaṭassa. Bhikkhu kuṭiṃ karoti desitavatthukaṃ anārambhaṃ saparikkamanaṃ, anāpatti.
ဘိက္ခု ကုဋိံ ကရောတိ ပမာဏာတိက္ကန္တံ သာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။ ဘိက္ခု ကုဋိံ ကရောတိ ပမာဏာတိက္ကန္တံ သာရမ္ဘံ သပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ ဘိက္ခု ကုဋိံ ကရောတိ ပမာဏာတိက္ကန္တံ အနာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ ဘိက္ခု ကုဋိံ ကရောတိ ပမာဏာတိက္ကန္တံ အနာရမ္ဘံ သပရိက္ကမနံ, အာပတ္တိ သင္ဃာဒိသေသသ္သ။
Bhikkhu kuṭiṃ karoti pamāṇātikkantaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ. Bhikkhu kuṭiṃ karoti pamāṇātikkantaṃ sārambhaṃ saparikkamanaṃ, āpatti saṅghādisesena dukkaṭassa. Bhikkhu kuṭiṃ karoti pamāṇātikkantaṃ anārambhaṃ aparikkamanaṃ, āpatti saṅghādisesena dukkaṭassa. Bhikkhu kuṭiṃ karoti pamāṇātikkantaṃ anārambhaṃ saparikkamanaṃ, āpatti saṅghādisesassa.
ဘိက္ခု ကုဋိံ ကရောတိ ပမာဏိကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ ဘိက္ခု ကုဋိံ ကရောတိ ပမာဏိကံ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ ဘိက္ခု ကုဋိံ ကရောတိ ပမာဏိကံ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ ဘိက္ခု ကုဋိံ ကရောတိ ပမာဏိကံ အနာရမ္ဘံ သပရိက္ကမနံ, အနာပတ္တိ။
Bhikkhu kuṭiṃ karoti pamāṇikaṃ sārambhaṃ aparikkamanaṃ, āpatti dvinnaṃ dukkaṭānaṃ. Bhikkhu kuṭiṃ karoti pamāṇikaṃ sārambhaṃ saparikkamanaṃ, āpatti dukkaṭassa. Bhikkhu kuṭiṃ karoti pamāṇikaṃ anārambhaṃ aparikkamanaṃ, āpatti dukkaṭassa. Bhikkhu kuṭiṃ karoti pamāṇikaṃ anārambhaṃ saparikkamanaṃ, anāpatti.
ဘိက္ခု ကုဋိံ ကရောတိ အဒေသိတဝတ္ထုကံ ပမာဏာတိက္ကန္တံ သာရမ္ဘံ အပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒ္ဝိန္နံ ဒုက္ကဋာနံ။ ဘိက္ခု ကုဋိံ ကရောတိ အဒေသိတဝတ္ထုကံ ပမာဏာတိက္ကန္တံ သာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ။ ဘိက္ခု ကုဋိံ ကရောတိ အဒေသိတဝတ္ထုကံ ပမာဏာတိက္ကန္တံ အနာရမ္ဘံ အပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ။ ဘိက္ခု ကုဋိံ ကရောတိ အဒေသိတဝတ္ထုကံ ပမာဏာတိက္ကန္တံ အနာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသာနံ။
Bhikkhu kuṭiṃ karoti adesitavatthukaṃ pamāṇātikkantaṃ sārambhaṃ aparikkamanaṃ, āpatti dvinnaṃ saṅghādisesena dvinnaṃ dukkaṭānaṃ. Bhikkhu kuṭiṃ karoti adesitavatthukaṃ pamāṇātikkantaṃ sārambhaṃ saparikkamanaṃ, āpatti dvinnaṃ saṅghādisesena dukkaṭassa. Bhikkhu kuṭiṃ karoti adesitavatthukaṃ pamāṇātikkantaṃ anārambhaṃ aparikkamanaṃ, āpatti dvinnaṃ saṅghādisesena dukkaṭassa. Bhikkhu kuṭiṃ karoti adesitavatthukaṃ pamāṇātikkantaṃ anārambhaṃ saparikkamanaṃ, āpatti dvinnaṃ saṅghādisesānaṃ.
ဘိက္ခု ကုဋိံ ကရောတိ ဒေသိတဝတ္ထုကံ ပမာဏိကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ ဘိက္ခု ကုဋိံ ကရောတိ ဒေသိတဝတ္ထုကံ ပမာဏိကံ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ ဘိက္ခု ကုဋိံ ကရောတိ ဒေသိတဝတ္ထုကံ ပမာဏိကံ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ ဘိက္ခု ကုဋိံ ကရောတိ ဒေသိတဝတ္ထုကံ ပမာဏိကံ အနာရမ္ဘံ သပရိက္ကမနံ, အနာပတ္တိ။
Bhikkhu kuṭiṃ karoti desitavatthukaṃ pamāṇikaṃ sārambhaṃ aparikkamanaṃ, āpatti dvinnaṃ dukkaṭānaṃ. Bhikkhu kuṭiṃ karoti desitavatthukaṃ pamāṇikaṃ sārambhaṃ saparikkamanaṃ, āpatti dukkaṭassa. Bhikkhu kuṭiṃ karoti desitavatthukaṃ pamāṇikaṃ anārambhaṃ aparikkamanaṃ, āpatti dukkaṭassa. Bhikkhu kuṭiṃ karoti desitavatthukaṃ pamāṇikaṃ anārambhaṃ saparikkamanaṃ, anāpatti.
၃၅၆. ဘိက္ခု သမာဒိသတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ , အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ, အာပတ္တိ သင္ဃာဒိသေသသ္သ။
356. Bhikkhu samādisati – ‘‘kuṭiṃ me karothā’’ti. Tassa kuṭiṃ karonti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ , āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ဘိက္ခု သမာဒိသတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisati – ‘‘kuṭiṃ me karothā’’ti. Tassa kuṭiṃ karonti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
ဘိက္ခု သမာဒိသတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ပမာဏာတိက္ကန္တံ သာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ, အာပတ္တိ သင္ဃာဒိသေသသ္သ။
Bhikkhu samādisati – ‘‘kuṭiṃ me karothā’’ti. Tassa kuṭiṃ karonti pamāṇātikkantaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ဘိက္ခု သမာဒိသတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ပမာဏိကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisati – ‘‘kuṭiṃ me karothā’’ti. Tassa kuṭiṃ karonti pamāṇikaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
ဘိက္ခု သမာဒိသတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ ပမာဏာတိက္ကန္တံ သာရမ္ဘံ အပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသာနံ။
Bhikkhu samādisati – ‘‘kuṭiṃ me karothā’’ti. Tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamanaṃ, āpatti dvinnaṃ saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti dvinnaṃ saṅghādisesena dukkaṭassa…pe… anārambhaṃ aparikkamanaṃ, āpatti dvinnaṃ saṅghādisesena dukkaṭassa…pe… anārambhaṃ saparikkamanaṃ, āpatti dvinnaṃ saṅghādisesānaṃ.
ဘိက္ခု သမာဒိသတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ ပမာဏိကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisati – ‘‘kuṭiṃ me karothā’’ti. Tassa kuṭiṃ karonti desitavatthukaṃ pamāṇikaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
၃၅၇. ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ န စ သမာဒိသတိ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ, အာပတ္တိ သင္ဃာဒိသေသသ္သ။
357. Bhikkhu samādisitvā pakkamati – ‘‘kuṭiṃ me karothā’’ti. Na ca samādisati – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ န စ သမာဒိသတိ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Na ca samādisati – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ န စ သမာဒိသတိ – ‘‘ပမာဏိကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ပမာဏာတိက္ကန္တံ သာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ, အာပတ္တိ သင္ဃာဒိသေသသ္သ။
Bhikkhu samādisitvā pakkamati – ‘‘kuṭiṃ me karothā’’ti. Na ca samādisati – ‘‘pamāṇikā ca hotu anārambhā ca saparikkamanā cā’’ti. Tassa kuṭiṃ karonti pamāṇātikkantaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ န စ သမာဒိသတိ – ‘‘ပမာဏိကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ပမာဏိကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Na ca samādisati – ‘‘pamāṇikā ca hotu anārambhā ca saparikkamanā cā’’ti. Tassa kuṭiṃ karonti pamāṇikaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ န စ သမာဒိသတိ – ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ ပမာဏာတိက္ကန္တံ သာရမ္ဘံ အပရိက္ကမနံ , အာပတ္တိ ဒ္ဝိန္နံ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ ။ပေ.။ အနာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသာနံ။
Bhikkhu samādisitvā pakkamati – ‘‘kuṭiṃ me karothā’’ti. Na ca samādisati – ‘‘desitavatthukā ca hotu pamāṇikā ca anārambhā ca saparikkamanā cā’’ti. Tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamanaṃ , āpatti dvinnaṃ saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti dvinnaṃ saṅghādisesena dukkaṭassa…pe… anārambhaṃ aparikkamanaṃ, āpatti dvinnaṃ saṅghādisesena dukkaṭassa …pe… anārambhaṃ saparikkamanaṃ, āpatti dvinnaṃ saṅghādisesānaṃ.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ န စ သမာဒိသတိ – ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ ပမာဏိကံ သာရမ္ဘံ အပရိက္ကမနံ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Na ca samādisati – ‘‘desitavatthukā ca hotu pamāṇikā ca anārambhā ca saparikkamanā cā’’ti. Tassa kuṭiṃ karonti desitavatthukaṃ pamāṇikaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
၃၅၈. ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ သာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ အဒေသိတဝတ္ထုကာ သာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
358. Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti adesitavatthukaṃ sārambhaṃ aparikkamanaṃ. So suṇāti – ‘‘kuṭi kira me kayirati adesitavatthukā sārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘desitavatthukā ca hotu anārambhā ca saparikkamanā cā’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ သာရမ္ဘံ သပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ အဒေသိတဝတ္ထုကာ သာရမ္ဘာ သပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘ဒေသိတဝတ္ထုကာ စ ဟောတု အနာရမ္ဘာ စာ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti adesitavatthukaṃ sārambhaṃ saparikkamanaṃ. So suṇāti – ‘‘kuṭi kira me kayirati adesitavatthukā sārambhā saparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘desitavatthukā ca hotu anārambhā cā’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ အနာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ အဒေသိတဝတ္ထုကာ အနာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘ဒေသိတဝတ္ထုကာ စ ဟောတု သပရိက္ကမနာ စာ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti adesitavatthukaṃ anārambhaṃ aparikkamanaṃ. So suṇāti – ‘‘kuṭi kira me kayirati adesitavatthukā anārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘desitavatthukā ca hotu saparikkamanā cā’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ အနာရမ္ဘံ သပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ အဒေသိတဝတ္ထုကာ အနာရမ္ဘာ သပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘ဒေသိတဝတ္ထုကာ ဟောတူ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti adesitavatthukaṃ anārambhaṃ saparikkamanaṃ. So suṇāti – ‘‘kuṭi kira me kayirati adesitavatthukā anārambhā saparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘desitavatthukā hotū’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ သာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ ဒေသိတဝတ္ထုကာ သာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘အနာရမ္ဘာ စ ဟောတု သပရိက္ကမနာ စာ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti desitavatthukaṃ sārambhaṃ aparikkamanaṃ. So suṇāti – ‘‘kuṭi kira me kayirati desitavatthukā sārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘anārambhā ca hotu saparikkamanā cā’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ သာရမ္ဘံ သပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ ဒေသိတဝတ္ထုကာ သာရမ္ဘာ သပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘အနာရမ္ဘာ ဟောတူ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti desitavatthukaṃ sārambhaṃ saparikkamanaṃ. So suṇāti – ‘‘kuṭi kira me kayirati desitavatthukā sārambhā saparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘anārambhā hotū’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ အနာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ ဒေသိတဝတ္ထုကာ အနာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘သပရိက္ကမနာ ဟောတူ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti desitavatthukaṃ anārambhaṃ aparikkamanaṃ. So suṇāti – ‘‘kuṭi kira me kayirati desitavatthukā anārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘saparikkamanā hotū’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti desitavatthukaṃ anārambhaṃ saparikkamanaṃ, anāpatti.
၃၅၉. ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ပမာဏိကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ပမာဏာတိက္ကန္တံ သာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ ပမာဏာတိက္ကန္တာ သာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘ပမာဏိကာ စ ဟောတု အနာရမ္ဘာ စ သပရိက္ကမနာ စာ’’တိ။ပေ.။ ‘‘ပမာဏိကာ စ ဟောတု အနာရမ္ဘာ စာ’’တိ။ပေ.။ ‘‘ပမာဏိကာ စ ဟောတု သပရိက္ကမနာ စာ’’တိ။ပေ.။ ‘‘ပမာဏိကာ ဟောတူ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
359. Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘pamāṇikā ca hotu anārambhā ca saparikkamanā cā’’ti. Tassa kuṭiṃ karonti pamāṇātikkantaṃ sārambhaṃ aparikkamanaṃ. So suṇāti – ‘‘kuṭi kira me kayirati pamāṇātikkantā sārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘pamāṇikā ca hotu anārambhā ca saparikkamanā cā’’ti…pe… ‘‘pamāṇikā ca hotu anārambhā cā’’ti…pe… ‘‘pamāṇikā ca hotu saparikkamanā cā’’ti…pe… ‘‘pamāṇikā hotū’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ပမာဏိကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ပမာဏိကံ သာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ ပမာဏိကာ သာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘အနာရမ္ဘာ စ ဟောတု သပရိက္ကမနာ စာ’’တိ။ပေ.။ ‘‘အနာရမ္ဘာ ဟောတူ’’တိ။ပေ.။ ‘‘သပရိက္ကမနာ ဟောတူ’’တိ။ပေ.။ အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘pamāṇikā ca hotu anārambhā ca saparikkamanā cā’’ti. Tassa kuṭiṃ karonti pamāṇikaṃ sārambhaṃ aparikkamanaṃ. So suṇāti – ‘‘kuṭi kira me kayirati pamāṇikā sārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘anārambhā ca hotu saparikkamanā cā’’ti…pe… ‘‘anārambhā hotū’’ti…pe… ‘‘saparikkamanā hotū’’ti…pe… anāpatti.
၃၆၀. ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ ပမာဏာတိက္ကန္တံ သာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ အဒေသိတဝတ္ထုကာ ပမာဏာတိက္ကန္တာ သာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စ သပရိက္ကမနာ စာ’’တိ။ပေ.။ ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စာ’’တိ။ပေ.။ ‘‘ဒေသိတဝတ္ထုကာ စ ဟောတု ပမာဏိကာ စ သပရိက္ကမနာ စာ’’တိ။ပေ.။ ‘‘ဒေသိတဝတ္ထုကာ စ ဟောတု ပမာဏိကာ စာ’’တိ။ နော စေ သာမံ ဝာ ဂစ္ဆေယ္ယ ဒူတံ ဝာ ပဟိဏေယ္ယ, အာပတ္တိ ဒုက္ကဋသ္သ။
360. Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu pamāṇikā ca anārambhā ca saparikkamanā cā’’ti. Tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamanaṃ. So suṇāti – ‘‘kuṭi kira me kayirati adesitavatthukā pamāṇātikkantā sārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘desitavatthukā ca hotu pamāṇikā ca anārambhā ca saparikkamanā cā’’ti…pe… ‘‘desitavatthukā ca hotu pamāṇikā ca anārambhā cā’’ti…pe… ‘‘desitavatthukā ca hotu pamāṇikā ca saparikkamanā cā’’ti…pe… ‘‘desitavatthukā ca hotu pamāṇikā cā’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ ပမာဏိကံ သာရမ္ဘံ အပရိက္ကမနံ။ သော သုဏာတိ – ‘‘ကုဋိ ကိရ မေ ကယိရတိ ဒေသိတဝတ္ထုကာ ပမာဏိကာ သာရမ္ဘာ အပရိက္ကမနာ’’တိ။ တေန ဘိက္ခုနာ သာမံ ဝာ ဂန္တဗ္ဗံ ဒူတော ဝာ ပာဟေတဗ္ဗော – ‘‘အနာရမ္ဘာ စ ဟောတု သပရိက္ကမနာ စာ’’တိ။ပေ.။ ‘‘အနာရမ္ဘာ ဟောတူ’’တိ။ပေ.။ ‘‘သပရိက္ကမနာ ဟောတူ’’တိ။ပေ.။ အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu pamāṇikā ca anārambhā ca saparikkamanā cā’’ti. Tassa kuṭiṃ karonti desitavatthukaṃ pamāṇikaṃ sārambhaṃ aparikkamanaṃ. So suṇāti – ‘‘kuṭi kira me kayirati desitavatthukā pamāṇikā sārambhā aparikkamanā’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘anārambhā ca hotu saparikkamanā cā’’ti…pe… ‘‘anārambhā hotū’’ti…pe… ‘‘saparikkamanā hotū’’ti…pe… anāpatti.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ ကာရုကာနံ တိဏ္ဏံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကဋာနံ။ပေ.။ အနာရမ္ဘံ အပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကဋာနံ။ပေ.။ အနာရမ္ဘံ သပရိက္ကမနံ, အာပတ္တိ ကာရုကာနံ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti adesitavatthukaṃ sārambhaṃ aparikkamanaṃ, āpatti kārukānaṃ tiṇṇaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ aparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ saparikkamanaṃ, āpatti kārukānaṃ dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ သာရမ္ဘံ အပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကာဋနံ။ပေ.။ သာရမ္ဘံ သပရိက္ကမနံ, အာပတ္တိ ကာရုကာနံ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ကာရုကာနံ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu anārambhā ca saparikkamanā cā’’ti. Tassa kuṭiṃ karonti desitavatthukaṃ sārambhaṃ aparikkamanaṃ, āpatti kārukānaṃ dvinnaṃ dukkāṭanaṃ…pe… sārambhaṃ saparikkamanaṃ, āpatti kārukānaṃ dukkaṭassa…pe… anārambhaṃ aparikkamanaṃ, āpatti kārukānaṃ dukkaṭassa…pe… anārambhaṃ saparikkamanaṃ, anāpatti.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ပမာဏိကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ပမာဏာတိက္ကန္တံ သာရမ္ဘံ အပရိက္ကမနံ, အာပတ္တိ ကာရုကာနံ တိဏ္ဏံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကဋာနံ။ပေ.။ အနာရမ္ဘံ အပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကဋာနံ။ပေ.။ အနာရမ္ဘံ သပရိက္ကမနံ အာပတ္တိ ကာရုကာနံ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘pamāṇikā ca hotu anārambhā ca saparikkamanā cā’’ti. Tassa kuṭiṃ karonti pamāṇātikkantaṃ sārambhaṃ aparikkamanaṃ, āpatti kārukānaṃ tiṇṇaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ aparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ saparikkamanaṃ āpatti kārukānaṃ dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ပမာဏိကာ စ ဟောတု အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ပမာဏိကံ သာရမ္ဘံ အပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ကာရုကာနံ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ကာရုကာနံ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘pamāṇikā ca hotu anārambhā ca saparikkamanā cā’’ti. Tassa kuṭiṃ karonti pamāṇikaṃ sārambhaṃ aparikkamanaṃ, āpatti kārukānaṃ dvinnaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dukkaṭassa…pe… anārambhaṃ aparikkamanaṃ, āpatti kārukānaṃ dukkaṭassa…pe… anārambhaṃ saparikkamanaṃ, anāpatti.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ ပမာဏာတိက္ကန္တံ သာရမ္ဘံ အပရိက္ကမနံ, အာပတ္တိ ကာရုကာနံ စတုန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ကာရုကာနံ တိဏ္ဏံ ဒုက္ကဋာနံ။ပေ.။ အနာရမ္ဘံ အပရိက္ကမနံ, အာပတ္တိ ကာရုကာနံ တိဏ္ဏံ ဒုက္ကဋာနံ။ပေ.။ အနာရမ္ဘံ သပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကဋာနံ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu pamāṇikā ca anārambhā ca saparikkamanā cā’’ti. Tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamanaṃ, āpatti kārukānaṃ catunnaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ tiṇṇaṃ dukkaṭānaṃ…pe… anārambhaṃ aparikkamanaṃ, āpatti kārukānaṃ tiṇṇaṃ dukkaṭānaṃ…pe… anārambhaṃ saparikkamanaṃ, āpatti kārukānaṃ dvinnaṃ dukkaṭānaṃ.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ သမာဒိသတိ စ – ‘‘ဒေသိတဝတ္ထုကာ စ ဟောတု ပမာဏိကာ စ အနာရမ္ဘာ စ သပရိက္ကမနာ စာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ ပမာဏိကံ သာရမ္ဘံ အပရိက္ကမနံ, အာပတ္တိ ကာရုကာနံ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ကာရုကာနံ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ကာရုကာနံ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Samādisati ca – ‘‘desitavatthukā ca hotu pamāṇikā ca anārambhā ca saparikkamanā cā’’ti. Tassa kuṭiṃ karonti desitavatthukaṃ pamāṇikaṃ sārambhaṃ aparikkamanaṃ, āpatti kārukānaṃ dvinnaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dukkaṭassa…pe… anārambhaṃ aparikkamanaṃ, āpatti kārukānaṃ dukkaṭassa…pe… anārambhaṃ saparikkamanaṃ, anāpatti.
၃၆၁. ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ သာရမ္ဘံ အပရိက္ကမနံ။ သော စေ ဝိပ္ပကတေ အာဂစ္ဆတိ, တေန ဘိက္ခုနာ သာ ကုဋိ အညသ္သ ဝာ ဒာတဗ္ဗာ ဘိန္ဒိတ္ဝာ ဝာ ပုန ကာတဗ္ဗာ။ နော စေ အညသ္သ ဝာ ဒဒေယ္ယ ဘိန္ဒိတ္ဝာ ဝာ ပုန ကာရေယ္ယ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။
361. Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti adesitavatthukaṃ sārambhaṃ aparikkamanaṃ. So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti saṅghādisesena dvinnaṃ dukkaṭānaṃ.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ သာရမ္ဘံ သပရိက္ကမနံ။ သော စေ ဝိပ္ပကတေ အာဂစ္ဆတိ, တေန ဘိက္ခုနာ သာ ကုဋိ အညသ္သ ဝာ ဒာတဗ္ဗာ ဘိန္ဒိတ္ဝာ ဝာ ပုန ကာတဗ္ဗာ။ နော စေ အညသ္သ ဝာ ဒဒေယ္ယ ဘိန္ဒိတ္ဝာ ဝာ ပုန ကာရေယ္ယ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ။ပေ.။ အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ။ပေ.။ အာပတ္တိ သင္ဃာဒိသေသသ္သ။
Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti adesitavatthukaṃ sārambhaṃ saparikkamanaṃ. So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti saṅghādisesena dukkaṭassa…pe… anārambhaṃ aparikkamanaṃ…pe… āpatti saṅghādisesena dukkaṭassa…pe… anārambhaṃ saparikkamanaṃ…pe… āpatti saṅghādisesassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ သာရမ္ဘံ အပရိက္ကမနံ။ သော စေ ဝိပ္ပကတေ အာဂစ္ဆတိ, တေန ဘိက္ခုနာ သာ ကုဋိ အညသ္သ ဝာ ဒာတဗ္ဗာ ဘိန္ဒိတ္ဝာ ဝာ ပုန ကာတဗ္ဗာ။ နော စေ အညသ္သ ဝာ ဒဒေယ္ယ ဘိန္ဒိတ္ဝာ ဝာ ပုန ကာရေယ္ယ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti desitavatthukaṃ sārambhaṃ aparikkamanaṃ. So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
၃၆၂. ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ပမာဏာတိက္ကန္တံ သာရမ္ဘံ အပရိက္ကမနံ။ သော စေ ဝိပ္ပကတေ အာဂစ္ဆတိ, တေန ဘိက္ခုနာ သာ ကုဋိ အညသ္သ ဝာ ဒာတဗ္ဗာ ဘိန္ဒိတ္ဝာ ဝာ ပုန ကာတဗ္ဗာ။ နော စေ အညသ္သ ဝာ ဒဒေယ္ယ ဘိန္ဒိတ္ဝာ ဝာ ပုန ကာရေယ္ယ, အာပတ္တိ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ, အာပတ္တိ သင္ဃာဒိသေသသ္သ။
362. Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti pamāṇātikkantaṃ sārambhaṃ aparikkamanaṃ. So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ပမာဏိကံ သာရမ္ဘံ အပရိက္ကမနံ။ သော စေ ဝိပ္ပကတေ အာဂစ္ဆတိ, တေန ဘိက္ခုနာ သာ ကုဋိ အညသ္သ ဝာ ဒာတဗ္ဗာ ဘိန္ဒိတ္ဝာ ဝာ ပုန ကာတဗ္ဗာ ။ နော စေ အညသ္သ ဝာ ဒဒေယ္ယ ဘိန္ဒိတ္ဝာ ဝာ ပုန ကာရေယ္ယ, အာပတ္တိ ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti pamāṇikaṃ sārambhaṃ aparikkamanaṃ. So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā . No ce aññassa vā dadeyya bhinditvā vā puna kāreyya, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ အဒေသိတဝတ္ထုကံ ပမာဏာတိက္ကန္တံ သာရမ္ဘံ အပရိက္ကမနံ။ သော စေ ဝိပ္ပကတေ အာဂစ္ဆတိ, တေန ဘိက္ခုနာ သာ ကုဋိ အညသ္သ ဝာ ဒာတဗ္ဗာ ဘိန္ဒိတ္ဝာ ဝာ ပုန ကာတဗ္ဗာ။ နော စေ အညသ္သ ဝာ ဒဒေယ္ယ ဘိန္ဒိတ္ဝာ ဝာ ပုန ကာရေယ္ယ, အာပတ္တိ ဒ္ဝိန္နံ သင္ဃာဒိသေသေန ဒ္ဝိန္နံ ဒုက္ကဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒ္ဝိန္နံ သင္ဃာဒိသေသေန ဒုက္ကဋသ္သ။ပေ.။ အနာရမ္ဘံ သပရိက္ကမနံ, အာပတ္တိ ဒ္ဝိန္နံ သင္ဃာဒိသေသာနံ။
Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamanaṃ. So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti dvinnaṃ saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti dvinnaṃ saṅghādisesena dukkaṭassa…pe… anārambhaṃ aparikkamanaṃ, āpatti dvinnaṃ saṅghādisesena dukkaṭassa…pe… anārambhaṃ saparikkamanaṃ, āpatti dvinnaṃ saṅghādisesānaṃ.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ ပမာဏိကံ သာရမ္ဘံ အပရိက္ကမနံ။ သော စေ ဝိပ္ပကတေ အာဂစ္ဆတိ, တေန ဘိက္ခုနာ သာ ကုဋိ အညသ္သ ဝာ ဒာတဗ္ဗာ ဘိန္ဒိတ္ဝာ ဝာ ပုန ကာတဗ္ဗာ။ နော စေ အညသ္သ ဝာ ဒဒေယ္ယ ဘိန္ဒိတ္ဝာ ဝာ ပုန ကာရေယ္ယ, အာပတ္တိ ဒ္ဝိန္နံ ဒုက္ကာဋာနံ။ပေ.။ သာရမ္ဘံ သပရိက္ကမနံ, အာပတ္တိ ဒုက္ကဋသ္သ။ပေ.။ အနာရမ္ဘံ အပရိက္ကမနံ, အာပတ္တိ ဒုက္ကဋသ္သ။
Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti desitavatthukaṃ pamāṇikaṃ sārambhaṃ aparikkamanaṃ. So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti dvinnaṃ dukkāṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa.
ဘိက္ခု သမာဒိသိတ္ဝာ ပက္ကမတိ – ‘‘ကုဋိံ မေ ကရောထာ’’တိ။ တသ္သ ကုဋိံ ကရောန္တိ ဒေသိတဝတ္ထုကံ ပမာဏိကံ အနာရမ္ဘံ သပရိက္ကမနံ, အနာပတ္တိ။
Bhikkhu samādisitvā pakkamati – ‘‘kuṭiṃ me karothā’’ti. Tassa kuṭiṃ karonti desitavatthukaṃ pamāṇikaṃ anārambhaṃ saparikkamanaṃ, anāpatti.
၃၆၃. အတ္တနာ ဝိပ္ပကတံ အတ္တနာ ပရိယောသာပေတိ, အာပတ္တိ သင္ဃာဒိသေသသ္သ။
363. Attanā vippakataṃ attanā pariyosāpeti, āpatti saṅghādisesassa.
အတ္တနာ ဝိပ္ပကတံ ပရေဟိ ပရိယောသာပေတိ 29, အာပတ္တိ သင္ဃာဒိသေသသ္သ။
Attanā vippakataṃ parehi pariyosāpeti 30, āpatti saṅghādisesassa.
ပရေဟိ ဝိပ္ပကတံ အတ္တနာ ပရိယောသာပေတိ, အာပတ္တိ သင္ဃာဒိသေသသ္သ။
Parehi vippakataṃ attanā pariyosāpeti, āpatti saṅghādisesassa.
ပရေဟိ ဝိပ္ပကတံ ပရေဟိ ပရိယောသာပေတိ 31, အာပတ္တိ သင္ဃာဒိသေသသ္သ။
Parehi vippakataṃ parehi pariyosāpeti 32, āpatti saṅghādisesassa.
၃၆၄. အနာပတ္တိ လေဏေ ဂုဟာယ တိဏကုဋိကာယ အညသ္သတ္ထာယ ဝာသာဂာရံ ဌပေတ္ဝာ သဗ္ဗတ္ထ, အနာပတ္တိ ဥမ္မတ္တကသ္သ အာဒိကမ္မိကသ္သာတိ။
364. Anāpatti leṇe guhāya tiṇakuṭikāya aññassatthāya vāsāgāraṃ ṭhapetvā sabbattha, anāpatti ummattakassa ādikammikassāti.
ကုဋိကာရသိက္ခာပဒံ နိဋ္ဌိတံ ဆဋ္ဌံ။
Kuṭikārasikkhāpadaṃ niṭṭhitaṃ chaṭṭhaṃ.
Footnotes:
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. ကုဋိကာရသိက္ခာပဒဝဏ္ဏနာ • 6. Kuṭikārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. ကုဋိကာရသိက္ခာပဒဝဏ္ဏနာ • 6. Kuṭikārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. ကုဋိကာရသိက္ခာပဒဝဏ္ဏနာ • 6. Kuṭikārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. ကုဋိကာရသိက္ခာပဒဝဏ္ဏနာ • 6. Kuṭikārasikkhāpadavaṇṇanā
