| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
6. குடிகாரஸிக்கா²பத³வண்ணனா
6. Kuṭikārasikkhāpadavaṇṇanā
கிங் ப⁴ந்தேதி எத்தகேபி வுத்தே. புச்சி²தோ யத³த்தா²ய பவிட்டோ², தங் கதே²துங் லப⁴தி புச்சி²தபஞ்ஞத்தா பி⁴க்கா²சாரவத்தேதி லிகி²தங். ஹத்த²கம்மங் யாசிதோ ‘‘உபகரணங், மூலங் வா த³ஸ்ஸதீ’’தி யாசதி, வட்டதி, ந வட்டதீதி? வட்டதி ஸேனாஸனே ஓபா⁴ஸபரிகதா²தீ³னங் லத்³த⁴த்தாதி ஏகே. திஹத்தா² வாதி எத்த² வட்³ட⁴கிஹத்தே²ன திஹத்தா². ‘‘பமாணயுத்தோ மஞ்சோதி பகதிவித³த்தி²யா நவவித³த்தி²ப்பமாணமஞ்சோ, ஸோ தத்த² இதோ ச ந ஸஞ்சரதி, தஸ்மா சதுஹத்த²வித்தா²ரா ந ஹோதீ’’திஆதி³ லிகி²தங். அகுடியா பன வத்து²தே³ஸனாகிச்சங் நத்தி² உல்லித்தாவலித்தங் காதுங் வுத்தத்தா. ‘‘உல்லித்தாதி³பா⁴வோ…பே॰… ‘ச²த³னமேவ ஸந்தா⁴ய வுத்தோ’தி யுத்தமித³ங். கஸ்மாதி சே? யஸ்மா மத்திகாமயபி⁴த்திங் உட்டா²பெத்வா உபரி உல்லித்தங் வா அவலித்தங் வா உப⁴யங் வா பி⁴த்தியா க⁴டிதங் கரொந்தஸ்ஸ ஆபத்தி ஏவ வினாபி பி⁴த்திலேபேனா’’தி லிகி²தங். ஏவமெத்த² த²ம்ப⁴துலாபிட்ட²ஸங்கா⁴டாதி³ நிரத்த²கங் ஸியா. தஸ்மா விசாரெத்வாவ க³ஹேதப்³ப³ங். ‘‘உபோஸதா²கா³ரம்பி ப⁴விஸ்ஸதி, அஹம்பி வஸிஸ்ஸாமீ’’தி வா ‘‘பி⁴க்கூ²ஹி வா ஸாமணேரேஹி வா ஏகதோ வஸிஸ்ஸாமீ’’தி வா கரொந்தஸ்ஸ வட்டதி ஏவ. கஸ்மா? ‘‘அத்துத்³தே³ஸ’’ந்தி வுத்தத்தாதி லிகி²தங்.
Kiṃ bhanteti ettakepi vutte. Pucchito yadatthāya paviṭṭho, taṃ kathetuṃ labhati pucchitapaññattā bhikkhācāravatteti likhitaṃ. Hatthakammaṃ yācito ‘‘upakaraṇaṃ, mūlaṃ vā dassatī’’ti yācati, vaṭṭati, na vaṭṭatīti? Vaṭṭati senāsane obhāsaparikathādīnaṃ laddhattāti eke. Tihatthā vāti ettha vaḍḍhakihatthena tihatthā. ‘‘Pamāṇayutto mañcoti pakatividatthiyā navavidatthippamāṇamañco, so tattha ito ca na sañcarati, tasmā catuhatthavitthārā na hotī’’tiādi likhitaṃ. Akuṭiyā pana vatthudesanākiccaṃ natthi ullittāvalittaṃ kātuṃ vuttattā. ‘‘Ullittādibhāvo…pe… ‘chadanameva sandhāya vutto’ti yuttamidaṃ. Kasmāti ce? Yasmā mattikāmayabhittiṃ uṭṭhāpetvā upari ullittaṃ vā avalittaṃ vā ubhayaṃ vā bhittiyā ghaṭitaṃ karontassa āpatti eva vināpi bhittilepenā’’ti likhitaṃ. Evamettha thambhatulāpiṭṭhasaṅghāṭādi niratthakaṃ siyā. Tasmā vicāretvāva gahetabbaṃ. ‘‘Uposathāgārampi bhavissati, ahampi vasissāmī’’ti vā ‘‘bhikkhūhi vā sāmaṇerehi vā ekato vasissāmī’’ti vā karontassa vaṭṭati eva. Kasmā? ‘‘Attuddesa’’nti vuttattāti likhitaṃ.
இத³ங் பன ஸிக்கா²பத³ங் சதுத்த²பாராஜிகங் விய நிதா³னாபெக்க²ங். ந ஹி வக்³கு³முதா³தீரியா பி⁴க்கூ² ஸயமேவ அத்தனோ அஸந்தங் உத்தரிமனுஸ்ஸத⁴ம்மங் முஸாவாத³லக்க²ணங் பாபெத்வா பா⁴ஸிங்ஸு. அஞ்ஞமஞ்ஞஞ்ஹி தே உத்தரிமனுஸ்ஸத⁴ம்மவண்ணங் பா⁴ஸிங்ஸு. ந ச தாவதா பாராஜிகவத்து² ஹோதி, தத்தகேன பன லேஸேன ப⁴க³வா தங் வத்து²ங் நிதா³னங் கத்வா பாராஜிகங் பஞ்ஞபேஸி, ததா² இதா⁴பி. ந ஹி நிதா³னே ‘‘அதே³ஸிதவத்து²காயோ ஸாரம்பா⁴யோ அபரிக்கமனாயோ’’தி வுத்தங். ‘‘அப்பமாணிகாயோ’’தி பன வுத்தத்தா பமாணமதிக்கமந்தஸ்ஸ ஸங்கா⁴தி³ஸேஸோவ நிதா³னாபெக்கோ². தத்த² ஸாரம்பே⁴ அபரிக்கமனே ஸங்கா⁴தி³ஸேஸப்பஸங்க³ங் விய தி³ஸ்ஸமானங் ‘‘விப⁴ங்கோ³ தங்னியமகோ’’தி வுத்தத்தா விப⁴ங்கே³ ந நிவாரேதி. ததா² மஹல்லகே.
Idaṃ pana sikkhāpadaṃ catutthapārājikaṃ viya nidānāpekkhaṃ. Na hi vaggumudātīriyā bhikkhū sayameva attano asantaṃ uttarimanussadhammaṃ musāvādalakkhaṇaṃ pāpetvā bhāsiṃsu. Aññamaññañhi te uttarimanussadhammavaṇṇaṃ bhāsiṃsu. Na ca tāvatā pārājikavatthu hoti, tattakena pana lesena bhagavā taṃ vatthuṃ nidānaṃ katvā pārājikaṃ paññapesi, tathā idhāpi. Na hi nidāne ‘‘adesitavatthukāyo sārambhāyo aparikkamanāyo’’ti vuttaṃ. ‘‘Appamāṇikāyo’’ti pana vuttattā pamāṇamatikkamantassa saṅghādisesova nidānāpekkho. Tattha sārambhe aparikkamane saṅghādisesappasaṅgaṃ viya dissamānaṃ ‘‘vibhaṅgo taṃniyamako’’ti vuttattā vibhaṅge na nivāreti. Tathā mahallake.
எத்தா²ஹ – கிமத்த²ங் மாதிகாயங் து³க்கடவத்து² வுத்தங், நனு விப⁴ங்கே³ ஏவ வத்தப்³ப³ங் ஸியாதி? ஏவமேதங். கிங் நு பி⁴க்கூ² அபி⁴னேதப்³பா³ வத்து²தே³ஸனாய, தேஹி பி⁴க்கூ²ஹி வத்து² தே³ஸேதப்³ப³ங், கீதி³ஸங்? அனாரம்ப⁴ங் ஸபரிக்கமனந்தி. இதரஞ்ஹி ‘‘ஸாரம்பே⁴ சே பி⁴க்கு² வத்து²ஸ்மிங் அபரிக்கமனே’’தி ஏவங் அனுப்பஸங்க³வஸேன ஆக³தத்தா வுத்தங். யஸ்மா வத்து² நாம அத்தி² ஸாரம்ப⁴ங் அபரிக்கமனங், அத்தி² அனாரம்ப⁴ங் ஸபரிக்கமனங், அத்தி² ஸாரம்ப⁴ங் ஸபரிக்கமனங், அத்தி² அனாரம்ப⁴ங் அபரிக்கமனந்தி ப³ஹுவித⁴ங், தஸ்மா ப³ஹுவித⁴த்தா வத்து² தே³ஸேதப்³ப³ங் அனாரம்ப⁴ங் ஸபரிக்கமனங், நேதரந்தி வுத்தங் ஹோதி. கிமத்தி²கா பனெத்த² வத்து²தே³ஸனாதி சே? க³ருகாபத்திபஞ்ஞாபனஹேதுபரிவஜ்ஜனுபாயத்தா. வத்து²அதே³ஸனா ஹி க³ருகாபத்திபஞ்ஞாபனஹேதுபூ⁴தா. க³ருகாபத்திபஞ்ஞாபனங் அகதவிஞ்ஞத்திகி³ஹிபீளாஜனநங், அத்தது³க்க²பரது³க்க²ஹேதுபூ⁴தோ ச ஸாரம்ப⁴பா⁴வோதி ஏதே வத்து²தே³ஸனாபதே³ஸேன உபாயேன பரிவஜ்ஜிதா ஹொந்தி. ந ஹி பி⁴க்கூ² அகப்பியகுடிகரணத்த²ங் கி³ஹீனங் வா பீளானிமித்தங், ஸாரம்ப⁴வத்து²குடிகரணத்த²ங் வா வத்து²ங் தே³ஸெந்தீதி. ஹொந்தி செத்த² –
Etthāha – kimatthaṃ mātikāyaṃ dukkaṭavatthu vuttaṃ, nanu vibhaṅge eva vattabbaṃ siyāti? Evametaṃ. Kiṃ nu bhikkhū abhinetabbā vatthudesanāya, tehi bhikkhūhi vatthu desetabbaṃ, kīdisaṃ? Anārambhaṃ saparikkamananti. Itarañhi ‘‘sārambhe ce bhikkhu vatthusmiṃ aparikkamane’’ti evaṃ anuppasaṅgavasena āgatattā vuttaṃ. Yasmā vatthu nāma atthi sārambhaṃ aparikkamanaṃ, atthi anārambhaṃ saparikkamanaṃ, atthi sārambhaṃ saparikkamanaṃ, atthi anārambhaṃ aparikkamananti bahuvidhaṃ, tasmā bahuvidhattā vatthu desetabbaṃ anārambhaṃ saparikkamanaṃ, netaranti vuttaṃ hoti. Kimatthikā panettha vatthudesanāti ce? Garukāpattipaññāpanahetuparivajjanupāyattā. Vatthuadesanā hi garukāpattipaññāpanahetubhūtā. Garukāpattipaññāpanaṃ akataviññattigihipīḷājananaṃ, attadukkhaparadukkhahetubhūto ca sārambhabhāvoti ete vatthudesanāpadesena upāyena parivajjitā honti. Na hi bhikkhū akappiyakuṭikaraṇatthaṃ gihīnaṃ vā pīḷānimittaṃ, sārambhavatthukuṭikaraṇatthaṃ vā vatthuṃ desentīti. Honti cettha –
‘‘து³க்கடஸ்ஸ ஹி வத்தூ²னங், மாதிகாய பகாஸனா;
‘‘Dukkaṭassa hi vatthūnaṃ, mātikāya pakāsanā;
க³ருகாபத்திஹேதூனங், தேஸங் ஏவங் பகாஸிதா.
Garukāpattihetūnaṃ, tesaṃ evaṃ pakāsitā.
‘‘வத்து²ஸ்ஸ தே³ஸனுபாயேன, க³ருகாபத்திஹேதுயோ;
‘‘Vatthussa desanupāyena, garukāpattihetuyo;
வஜ்ஜிதா ஹொந்தி யங் தஸ்மா, ஸாரம்பா⁴தி³ ஜஹாபித’’ந்தி.
Vajjitā honti yaṃ tasmā, sārambhādi jahāpita’’nti.
குடிகாரஸிக்கா²பத³வண்ணனா நிட்டி²தா.
Kuṭikārasikkhāpadavaṇṇanā niṭṭhitā.
