| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. гудигаарасигкаабад̣̇аван̣н̣анаа
6. Kuṭikārasikkhāpadavaṇṇanā
сан̃н̃аажигааяа банаад̇и зд̇т̇а санд̇и ад̇д̇аваажаго д̇ад̇ияад̇т̇з нибаад̇о, яаажигаад̇и бхаавасаад̇хано, д̇зсан̃жа маж̇жхзбад̣̇алобасамаасо. банаад̇и нибаад̇амад̇д̇амзва. д̇знааха ‘‘саяам̣ бавад̇д̇ид̇аяаажанаа вужжад̇ий’’д̇и. яаа хи ад̇д̇анаа бавад̇д̇ид̇аа, саа ад̇д̇ано наама ход̇ийд̇и ааха ‘‘д̇асмаа’’д̇иаад̣̇и. нану на саггаа яаажанааязва гудим̣ гаад̇унд̇и ануяог̇ам̣ санд̇хааяа д̇ассаад̇хиббааяад̇т̇ам̣ д̣̇ассзд̇ум̣ ‘‘саяам̣ яаажид̇агзхий’’д̇иаад̣̇имааха. д̇ад̇т̇а саяам̣ яаажид̇агзхийд̇и ‘‘ваасим̣ д̣̇зт̇а, парасум̣ д̣̇зт̇аа’’д̇иаад̣̇инаа (баараа. 342) саяам̣ яаажид̇агзхи. убагаран̣зхийд̇и ваасияаад̣̇ийхи. барзна бхан̣д̣асаамигзна ‘‘мама ид̣̇а’’нд̇и абарижжааг̇аарагкан̣аг̇обанавасзна бариг̇г̇ахид̇ам̣ барабариг̇г̇ахид̇агам̣, барасанд̇аганд̇и вуд̇д̇ам̣ ход̇и. муулажчзд̣̇авасзнаад̇и мууласса чинд̣̇анавасзна, барасанд̇агабхаавад̇о можзд̇ваа ад̇д̇ано санд̇агам̣ гад̇ваад̇и вуд̇д̇ам̣ ход̇и. зван̃хи ан̃н̃аад̇агааббаваарид̇адтаанад̇о яаажанд̇асса ан̃н̃аад̇агавин̃н̃ад̇д̇ияаа д̣̇уггадам̣. д̇аавагаалигам̣ бана ваддад̇ийд̇и д̇аавагаалигам̣ гад̇ваа яаажид̇ум̣ ваддад̇и. сагагаммам̣ на яаажид̇аб̣б̣аад̇и баан̣аад̇ибаад̇асигкаабад̣̇арагкан̣ад̇т̇ам̣ вуд̇д̇ам̣. ‘‘хад̇т̇агаммам̣ д̣̇зт̇аа’’д̇и анияамзд̇вааби на яаажид̇аб̣б̣аа. звам̣ яаажид̇аа хи д̇з ‘‘саад̇ху, бханд̇з’’д̇и бхигкум̣ уяяож̇зд̇ваа миг̇зби маарзд̇ваа аахарзяяум̣. нияамзд̇ваа бана ‘‘вихаарз гин̃жи гад̇д̇аб̣б̣ам̣ ад̇т̇и, д̇ад̇т̇а хад̇т̇агаммам̣ д̣̇зт̇аа’’д̇и яаажид̇аб̣б̣аа. ‘‘гуди наама уллид̇д̇аа ваа ход̇и, авалид̇д̇аа ваа уллид̇д̇аавалид̇д̇аа ваа’’д̇и (баараа. 345) бад̣̇абхааж̇анз вуд̇д̇ад̇д̇аа ‘‘гудинд̇и уллид̇д̇аад̣̇ийсу ан̃н̃ад̇ара’’нд̇и вуд̇д̇ам̣. д̇ад̇т̇а уд̣̇д̇хам̣ мукам̣ лид̇д̇аа уллид̇д̇аа. анд̇о лимбанд̇аа хи звам̣ лимбанд̇и. ад̇хо мукам̣ лид̇д̇аа авалид̇д̇аа. б̣ахи лимбанд̇аа хи звам̣ лимбанд̇и. д̇знааха ‘‘д̇ад̇т̇а уллид̇д̇аа наамаа’’д̇иаад̣̇и. бидтасан̇гхаадод̇и д̣̇ваараб̣аахаа. ‘‘суд̇хааяа ваа мад̇д̇игааяа ваа’’д̇и зд̇зна табзд̇ваа имз д̣̇вз лзбз авасзсо бхасмааг̇омаяаад̣̇ибхзд̣̇о алзбод̇и д̣̇ассзд̇и.
Saññācikāyapanāti ettha santi attavācako tatiyatthe nipāto, yācikāti bhāvasādhano, tesañca majjhepadalopasamāso. Panāti nipātamattameva. Tenāha ‘‘sayaṃ pavattitayācanā vuccatī’’ti. Yā hi attanā pavattitā, sā attano nāma hotīti āha ‘‘tasmā’’tiādi. Nanu na sakkā yācanāyeva kuṭiṃ kātunti anuyogaṃ sandhāya tassādhippāyatthaṃ dassetuṃ ‘‘sayaṃ yācitakehī’’tiādimāha. Tattha sayaṃ yācitakehīti ‘‘vāsiṃ detha, pharasuṃ dethā’’tiādinā (pārā. 342) sayaṃ yācitakehi. Upakaraṇehīti vāsiyādīhi. Parena bhaṇḍasāmikena ‘‘mama ida’’nti apariccāgārakkhaṇagopanavasena pariggahitaṃ parapariggahitakaṃ, parasantakanti vuttaṃ hoti. Mūlacchedavasenāti mūlassa chindanavasena, parasantakabhāvato mocetvā attano santakaṃ katvāti vuttaṃ hoti. Evañhi aññātakaappavāritaṭṭhānato yācantassa aññātakaviññattiyā dukkaṭaṃ. Tāvakālikaṃ pana vaṭṭatīti tāvakālikaṃ katvā yācituṃ vaṭṭati. Sakakammaṃ na yācitabbāti pāṇātipātasikkhāpadarakkhaṇatthaṃ vuttaṃ. ‘‘Hatthakammaṃ dethā’’ti aniyametvāpi na yācitabbā. Evaṃ yācitā hi te ‘‘sādhu, bhante’’ti bhikkhuṃ uyyojetvā migepi māretvā āhareyyuṃ. Niyametvā pana ‘‘vihāre kiñci kattabbaṃ atthi, tattha hatthakammaṃ dethā’’ti yācitabbā. ‘‘Kuṭi nāma ullittā vā hoti, avalittā vā ullittāvalittā vā’’ti (pārā. 345) padabhājane vuttattā ‘‘kuṭinti ullittādīsu aññatara’’nti vuttaṃ. Tattha uddhaṃ mukhaṃ littā ullittā. Anto limpantā hi evaṃ limpanti. Adho mukhaṃ littā avalittā. Bahi limpantā hi evaṃ limpanti. Tenāha ‘‘tattha ullittā nāmā’’tiādi. Piṭṭhasaṅghāṭoti dvārabāhā. ‘‘Sudhāya vā mattikāya vā’’ti etena ṭhapetvā ime dve lepe avaseso bhasmāgomayādibhedo alepoti dasseti.
яасмаа бана сан̃н̃аажигааяа гудим̣ гаронд̇знааби ид̇ха вуд̇д̇анаязнзва бадибаж̇ж̇ид̇аб̣б̣ам̣, д̇асмаа ‘‘саяам̣ ваа гаронд̇зна аан̣ад̇д̇ияаа ваа гаараабзнд̇знаа’’д̇и вуд̇д̇ам̣. зд̇т̇а жа ‘‘саяам̣ ваа гаронд̇знаа’’д̇и иминаа саамад̇т̇ияад̇о лаб̣бхамаанамад̇т̇амааха, на д̇у бад̣̇ад̇т̇ад̇о. ‘‘аан̣ад̇д̇ияаа ваа гаараабзнд̇знаа’’д̇и (баараа. адта. 2.348-349) бана бад̣̇ад̇т̇ад̇о. зван̃жа гад̇ваа яад̣̇и бана ‘‘гаронд̇зна ваа гаараабзнд̇зна ваа’’д̇и вад̣̇зяяа, б̣яан̃ж̇анам̣ виломид̇ам̣ бхавзяяа. на хи гаараабзнд̇о гаронд̇о наама ход̇ийд̇и зд̣̇исий жод̣̇анаа анавагаасаад̇и д̣̇адтаб̣б̣ам̣. над̇т̇и саамий бад̇и зд̇иссаад̇и асаамигаа, д̇ам̣ асаамигам̣, аниссаранд̇и ад̇т̇о. аниссарад̇аа жзд̇т̇а гаараабанзнаад̇и ааха ‘‘гаарзд̇аа д̣̇ааяагзна вирахид̇а’’нд̇и. уд̣̇д̣̇зсод̇и уд̣̇д̣̇исид̇аб̣б̣о.
Yasmā pana saññācikāya kuṭiṃ karontenāpi idha vuttanayeneva paṭipajjitabbaṃ, tasmā ‘‘sayaṃ vā karontena āṇattiyā vā kārāpentenā’’ti vuttaṃ. Ettha ca ‘‘sayaṃ vā karontenā’’ti iminā sāmatthiyato labbhamānamatthamāha, na tu padatthato. ‘‘Āṇattiyā vā kārāpentenā’’ti (pārā. aṭṭha. 2.348-349) pana padatthato. Evañca katvā yadi pana ‘‘karontena vā kārāpentena vā’’ti vadeyya, byañjanaṃ vilomitaṃ bhaveyya. Na hi kārāpento karonto nāma hotīti edisī codanā anavakāsāti daṭṭhabbaṃ. Natthi sāmī pati etissāti asāmikā, taṃ asāmikaṃ, anissaranti attho. Anissaratā cettha kārāpanenāti āha ‘‘kāretā dāyakena virahita’’nti. Uddesoti uddisitabbo.
д̇ад̇раад̇и саамисмим̣ бхуммаважананд̇и ааха ‘‘д̇ассаа гудияаа’’д̇и. д̣̇ийгхасод̇и ниссаггаважананд̇и ааха ‘‘д̣̇ийгхад̇о’’д̇и. б̣ахигуддзд̇и гуддасса б̣ахи, т̇усзна миссаго бин̣д̣о т̇усабин̣д̣о, д̇асса барияанд̇о т̇усабин̣д̣абарияанд̇о, д̇зна, т̇усамиссагамад̇д̇игаабин̣д̣абарияанд̇знаад̇и вуд̇д̇ам̣ ход̇и. т̇усабин̣д̣ассуубари сзд̇агаммам̣ бана аб̣б̣охааригам̣. аб̣бханд̇арз бхаво аб̣бханд̇аримо, д̇зна. яад̇т̇аад̇и яассам̣ гудияам̣. бамаан̣аяуд̇д̇од̇и багад̇ивид̣̇ад̇т̇ияаа нававид̣̇ад̇т̇ибамаан̣о. ‘‘д̇ирияам̣ сад̇д̇анд̇араа’’д̇и (баараа. 348) уггам̣сад̇о бамаан̣асса вуд̇д̇ад̇д̇аа ‘‘хздтимагодияаа жад̇ухад̇т̇авид̇т̇аараа на ход̇ий’’д̇и вуд̇д̇ам̣.
Tatrāti sāmismiṃ bhummavacananti āha ‘‘tassā kuṭiyā’’ti. Dīghasoti nissakkavacananti āha ‘‘dīghato’’ti. Bahikuṭṭeti kuṭṭassa bahi, thusena missako piṇḍo thusapiṇḍo, tassa pariyanto thusapiṇḍapariyanto, tena, thusamissakamattikāpiṇḍapariyantenāti vuttaṃ hoti. Thusapiṇḍassūpari setakammaṃ pana abbohārikaṃ. Abbhantare bhavo abbhantarimo, tena. Yatthāti yassaṃ kuṭiyaṃ. Pamāṇayuttoti pakatividatthiyā navavidatthipamāṇo. ‘‘Tiriyaṃ sattantarā’’ti (pārā. 348) ukkaṃsato pamāṇassa vuttattā ‘‘heṭṭhimakoṭiyā catuhatthavitthārā na hotī’’ti vuttaṃ.
сод̇хзд̇ваад̇и самад̇аласиймаман̣д̣аласад̣̇исам̣ гад̇ваа. бад̣̇абхааж̇анз вуд̇д̇анаязна сан̇гхам̣ д̇игкад̇д̇ум̣ яаажид̇ваад̇и ‘‘сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо ‘ахам̣, бханд̇з, сан̃н̃аажигааяа гудим̣ гад̇д̇угаамо асаамигам̣ ад̇д̇уд̣̇д̣̇зсам̣, сохам̣, бханд̇з, сан̇гхам̣ гудивад̇т̇уологанам̣ яаажаамий’’’д̇и (баараа. 349) бад̣̇абхааж̇анз вуд̇д̇анаязна д̇игкад̇д̇ум̣ яаажид̇ваа. сан̇гхзна ваа саммад̇аад̇и бад̣̇абхааж̇анияам̣ (баараа. 350) вуд̇д̇зна н̃ад̇д̇ид̣̇уд̇ияагаммзна, абалоганагаммавасзна ваа сан̇гхзна саммад̇аа. вад̇т̇ууд̇и гудивад̇т̇у. анаарамбханд̇и анубад̣̇д̣̇авам̣. барид̇о гамад̇и г̇ажчад̇и зд̇т̇аад̇и бариггаманам̣, д̇зна саха вад̇д̇ад̇ийд̇и сабариггаманам̣, саубажааранд̇и ад̇т̇о. д̇знааха ‘‘д̇зхи бхигкуухий’’д̇иаад̣̇и.
Sodhetvāti samatalasīmamaṇḍalasadisaṃ katvā. Padabhājane vuttanayena saṅghaṃ tikkhattuṃ yācitvāti ‘‘saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo ‘ahaṃ, bhante, saññācikāya kuṭiṃ kattukāmo asāmikaṃ attuddesaṃ, sohaṃ, bhante, saṅghaṃ kuṭivatthuolokanaṃ yācāmī’’’ti (pārā. 349) padabhājane vuttanayena tikkhattuṃ yācitvā. Saṅghena vā sammatāti padabhājaniyaṃ (pārā. 350) vuttena ñattidutiyakammena, apalokanakammavasena vā saṅghena sammatā. Vatthūti kuṭivatthu. Anārambhanti anupaddavaṃ. Parito kamati gacchati etthāti parikkamanaṃ, tena saha vattatīti saparikkamanaṃ, saupacāranti attho. Tenāha ‘‘tehi bhikkhūhī’’tiādi.
гибиллигаад̣̇ийнанд̇и зд̇т̇а гибиллигаа (баараа. адта. 2.353) наама рад̇д̇агаал̣абин̇г̇алаад̣̇ибхзд̣̇аа яаа гаажи, д̇аа аад̣̇и язсам̣ д̇аани гибиллигаад̣̇ийни, д̇зсам̣. аад̣̇исад̣̇д̣̇зна убажигаад̣̇ийнам̣ сан̇г̇ахан̣ам̣. аасаяод̇и ниб̣ад̣̇д̇хавасанадтаанам̣, со аад̣̇и язсам̣ д̇з аасаяаад̣̇аяо, д̇зхи. аад̣̇исад̣̇д̣̇зна жзд̇т̇а ниссид̇асса г̇ахан̣ам̣. сол̣асахи убад̣̇д̣̇авзхийд̇и ‘‘гибиллигаанам̣ ваа аасаяо ход̇и, убажигаанам̣ ваа унд̣̇уураанам̣ ваа ахийнам̣ ваа вижчигаанам̣ ваа сад̇абад̣̇ийнам̣ ваа хад̇т̇ийнам̣ ваа ассаанам̣ ваа сийхаанам̣ ваа б̣яаг̇гхаанам̣ ваа д̣̇ийбийнам̣ ваа ажчаанам̣ ваа д̇аражчаанам̣ ваа язсам̣ гзсан̃жи д̇иражчаанаг̇ад̇аанам̣ баан̣аанам̣ ваа аасаяо ход̇и, буб̣б̣ан̣н̣аниссид̇ам̣ ваа ход̇и, абаран̣н̣ааб̣бхаагхаад̇ааагхаад̇анасусаанауяяаанарааж̇авад̇т̇ухад̇т̇исаалааассасаалааб̣анд̇ханааг̇аарабаанааг̇аарасуунаражчаажажжарасабхаасам̣саран̣аниссид̇ам̣ ваа ход̇ий’’д̇и (баараа. 353) звам̣ вуд̇д̇зхи сол̣асахи убад̣̇д̣̇авзхи. д̇ад̇т̇а жа аб̣бхаагхаад̇ам̣ (баараа. адта. 2.353) наама гааран̣аагхарам̣. аагхаад̇анам̣ наама д̇хаммаг̇анд̇хигаа. сусаананд̇и махаасусаанам̣. сам̣саран̣ам̣ наама аниб̣б̣иж̇жхаг̇аманийяо г̇ад̇абажжааг̇ад̇амаг̇г̇о.
Kipillikādīnanti ettha kipillikā (pārā. aṭṭha. 2.353) nāma rattakāḷapiṅgalādibhedā yā kāci, tā ādi yesaṃ tāni kipillikādīni, tesaṃ. Ādisaddena upacikādīnaṃ saṅgahaṇaṃ. Āsayoti nibaddhavasanaṭṭhānaṃ, so ādi yesaṃ te āsayādayo, tehi. Ādisaddena cettha nissitassa gahaṇaṃ. Soḷasahi upaddavehīti ‘‘kipillikānaṃ vā āsayo hoti, upacikānaṃ vā undūrānaṃ vā ahīnaṃ vā vicchikānaṃ vā satapadīnaṃ vā hatthīnaṃ vā assānaṃ vā sīhānaṃ vā byagghānaṃ vā dīpīnaṃ vā acchānaṃ vā taracchānaṃ vā yesaṃ kesañci tiracchānagatānaṃ pāṇānaṃ vā āsayo hoti, pubbaṇṇanissitaṃ vā hoti, aparaṇṇaabbhāghātaāghātanasusānauyyānarājavatthuhatthisālāassasālābandhanāgārapānāgārasūnaracchācaccarasabhāsaṃsaraṇanissitaṃ vā hotī’’ti (pārā. 353) evaṃ vuttehi soḷasahi upaddavehi. Tattha ca abbhāghātaṃ (pārā. aṭṭha. 2.353) nāma kāraṇāgharaṃ. Āghātanaṃ nāma dhammagandhikā. Susānanti mahāsusānaṃ. Saṃsaraṇaṃ nāma anibbijjhagamanīyo gatapaccāgatamaggo.
аавиж̇жхид̇ум̣ саггун̣зяяад̇ааяаад̇и чиннад̇адаад̣̇ийнамабхаавад̇о анубарияааяид̇ум̣ саггун̣зяяад̇ааяа. д̇зна бхигкунаад̇и гудигаарагзна бхигкунаа. яаажид̇зхийд̇и ‘‘згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо ‘ахам̣, бханд̇з, сан̃н̃аажигааяа гудим̣ гад̇д̇угаамо асаамигам̣ ад̇д̇уд̣̇д̣̇зсам̣, сохам̣, бханд̇з, сан̇гхам̣ гудивад̇т̇уд̣̇зсанам̣ яаажаамий’’’д̇и (баараа. 351) д̇игкад̇д̇ум̣ яаажид̇зхи. н̃ад̇д̇ид̣̇уд̇иязна гаммзнаад̇и –
Āvijjhituṃ sakkuṇeyyatāyāti chinnataṭādīnamabhāvato anupariyāyituṃ sakkuṇeyyatāya. Tena bhikkhunāti kuṭikārakena bhikkhunā. Yācitehīti ‘‘ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo ‘ahaṃ, bhante, saññācikāya kuṭiṃ kattukāmo asāmikaṃ attuddesaṃ, sohaṃ, bhante, saṅghaṃ kuṭivatthudesanaṃ yācāmī’’’ti (pārā. 351) tikkhattuṃ yācitehi. Ñattidutiyena kammenāti –
‘‘сун̣аад̇у мз, бханд̇з, сан̇гхо, аяам̣ ид̇т̇аннаамо бхигку сан̃н̃аажигааяа гудим̣ гад̇д̇угаамо асаамигам̣ ад̇д̇уд̣̇д̣̇зсам̣, со сан̇гхам̣ гудивад̇т̇уд̣̇зсанам̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно гудивад̇т̇ум̣ д̣̇зсзяяа. зсаа н̃ад̇д̇и. сун̣аад̇у мз, бханд̇з, сан̇гхо, аяам̣ ид̇т̇аннаамо бхигку сан̃н̃аажигааяа гудим̣ гад̇д̇угаамо асаамигам̣ ад̇д̇уд̣̇д̣̇зсам̣, со сан̇гхам̣ гудивад̇т̇уд̣̇зсанам̣ яаажад̇и. сан̇гхо ид̇т̇аннаамасса бхигкуно гудивад̇т̇ум̣ д̣̇зсзд̇и, яассааяасмад̇о камад̇и ид̇т̇аннаамасса бхигкуно гудивад̇т̇усса д̣̇зсанаа, со д̇ун̣хасса. яасса нагкамад̇и, со бхаасзяяа. д̣̇зсид̇ам̣ сан̇гхзна ид̇т̇аннаамасса бхигкуно гудивад̇т̇у, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и –
‘‘Suṇātu me, bhante, saṅgho, ayaṃ itthannāmo bhikkhu saññācikāya kuṭiṃ kattukāmo asāmikaṃ attuddesaṃ, so saṅghaṃ kuṭivatthudesanaṃ yācati. Yadi saṅghassa pattakallaṃ, saṅgho itthannāmassa bhikkhuno kuṭivatthuṃ deseyya. Esā ñatti. Suṇātu me, bhante, saṅgho, ayaṃ itthannāmo bhikkhu saññācikāya kuṭiṃ kattukāmo asāmikaṃ attuddesaṃ, so saṅghaṃ kuṭivatthudesanaṃ yācati. Saṅgho itthannāmassa bhikkhuno kuṭivatthuṃ deseti, yassāyasmato khamati itthannāmassa bhikkhuno kuṭivatthussa desanā, so tuṇhassa. Yassa nakkhamati, so bhāseyya. Desitaṃ saṅghena itthannāmassa bhikkhuno kuṭivatthu, khamati saṅghassa, tasmā tuṇhī, evametaṃ dhārayāmī’’ti –
звам̣ бад̣̇абхааж̇анз вуд̇д̇зна н̃ад̇д̇ид̣̇уд̇иязна гаммзна. аал̣авигаа наама аал̣авирадтз ж̇аад̇аа д̣̇аарагаа, д̇з баб̣б̣аж̇ид̇агаалзби ‘‘аал̣авигаа’’д̇взва бан̃н̃ааяим̣су. д̇з санд̇хааяа вуд̇д̇ам̣ аал̣авигз бхигкуу’’д̇и. лзбз гхадид̇зд̇и (баараа. адта. 2.353) анд̇олзбз ваа анд̇олзбзна сад̣̇д̇хим̣ бхид̇д̇ин̃жа чад̣̇анан̃жа згааб̣ад̣̇д̇хам̣ гад̇ваа гхадид̇з, б̣ахилзбз ваа б̣ахилзбзна сад̣̇д̇хим̣ гхадид̇з. д̣̇вз жа д̣̇уггадаани саарамбхаабариггаманавасзна. убхаяавибаннаад̇и убхаязхи д̣̇зсанаабамаан̣зхи вибаннаа вирахид̇аа убхаяавибаннаа, ад̣̇зсид̇авад̇т̇угаа бамаан̣аад̇игганд̇аад̇и ад̇т̇о. д̇асминд̇и д̣̇ваараб̣анд̇хз ваа ваад̇абаанз ваа. лзбо на гхадияад̇ийд̇и буб̣б̣з д̣̇инналзбо д̣̇ваараб̣анд̇хзна ваа ваад̇абаанзна ваа сад̣̇д̇хим̣ на гхадияад̇и, згааб̣ад̣̇д̇хам̣ худ̇ваа на д̇идтад̇ийд̇и вуд̇д̇ам̣ ход̇и. д̇анд̇и д̣̇ваараб̣анд̇хам̣ ваа ваад̇абаанам̣ ваа бараамасад̇и. батамамзваад̇и лзбагижжасса нидтид̇ад̇д̇аа д̣̇ваараб̣анд̇хаваад̇абаанаанам̣ табанад̇о буб̣б̣зязва, лзбасса нидтид̇агкан̣зязваад̇и ад̇хиббааяо. ‘‘бхигку гудим̣ гарод̇и д̣̇зсид̇авад̇т̇угам̣ бамаан̣игам̣ саарамбхам̣ сабариггаманам̣, аабад̇д̇и д̣̇уггадасса. бхигку гудим̣ гарод̇и д̣̇зсид̇авад̇т̇угам̣ бамаан̣игам̣ анаарамбхам̣ абариггаманам̣, аабад̇д̇и д̣̇уггадассаа’’д̇и (баараа. 355) бад̣̇абхааж̇анияам̣ вуд̇д̇ад̇д̇аа ‘‘гзвалам̣ саарамбхааяаа’’д̇иаад̣̇и вуд̇д̇ам̣. виббагад̇анд̇и анидтид̇ам̣. ан̃н̃асса д̣̇ад̣̇ад̇о жаад̇и ан̃н̃асса буг̇г̇аласса ваа сан̇гхасса ваа д̣̇ад̣̇ад̇о жа. г̇ухаа наама идтагаг̇ухаа ваа силааг̇ухаа ваа д̣̇ааруг̇ухаа ваа бхуумиг̇ухаа ваа. д̇ин̣агуди наама сад̇д̇абхуумигоби баасаад̣̇о д̇ин̣ажчад̣̇ано ‘‘д̇ин̣агудигаа’’д̇и вужжад̇и. ан̃н̃ассаад̇и аажарияасса ваа убаж̇жхааяасса ваа сан̇гхасса ваа. ваасааг̇аарам̣ табзд̇ваад̇и (баараа. адта. 2.364) ад̇д̇ано васанад̇т̇ааяа ваасааг̇аарам̣ табзд̇ваа. убосат̇ааг̇аараад̣̇ийсууд̇и зд̇т̇а аад̣̇исад̣̇д̣̇зна ж̇анд̇аагхарабхож̇анасаалаааг̇г̇исаалаанам̣ г̇ахан̣ам̣. хздтимабамаан̣асамбхавод̇и жад̇ухад̇т̇авид̇т̇ин̣н̣ад̇аа. ад̣̇зсаабзд̇ваа гарод̇од̇и вад̇т̇ум̣ ад̣̇зсаабзд̇ваа бамаан̣аад̇игганд̇ам̣, бамаан̣аяуд̇д̇ам̣ ваа гарод̇о. зд̇т̇а жа вад̇т̇уно ад̣̇зсаабанам̣ агирияаа. гудигаран̣ам̣ гирияаа.
Evaṃ padabhājane vuttena ñattidutiyena kammena. Āḷavikā nāma āḷaviraṭṭhe jātā dārakā, te pabbajitakālepi ‘‘āḷavikā’’tveva paññāyiṃsu. Te sandhāya vuttaṃ āḷavike bhikkhū’’ti. Lepe ghaṭiteti (pārā. aṭṭha. 2.353) antolepe vā antolepena saddhiṃ bhittiñca chadanañca ekābaddhaṃ katvā ghaṭite, bahilepe vā bahilepena saddhiṃ ghaṭite. Dve ca dukkaṭāni sārambhaaparikkamanavasena. Ubhayavipannāti ubhayehi desanāpamāṇehi vipannā virahitā ubhayavipannā, adesitavatthukā pamāṇātikkantāti attho. Tasminti dvārabandhe vā vātapāne vā. Lepo na ghaṭiyatīti pubbe dinnalepo dvārabandhena vā vātapānena vā saddhiṃ na ghaṭiyati, ekābaddhaṃ hutvā na tiṭṭhatīti vuttaṃ hoti. Tanti dvārabandhaṃ vā vātapānaṃ vā parāmasati. Paṭhamamevāti lepakiccassa niṭṭhitattā dvārabandhavātapānānaṃ ṭhapanato pubbeyeva, lepassa niṭṭhitakkhaṇeyevāti adhippāyo. ‘‘Bhikkhu kuṭiṃ karoti desitavatthukaṃ pamāṇikaṃ sārambhaṃ saparikkamanaṃ, āpatti dukkaṭassa. Bhikkhu kuṭiṃ karoti desitavatthukaṃ pamāṇikaṃ anārambhaṃ aparikkamanaṃ, āpatti dukkaṭassā’’ti (pārā. 355) padabhājaniyaṃ vuttattā ‘‘kevalaṃ sārambhāyā’’tiādi vuttaṃ. Vippakatanti aniṭṭhitaṃ. Aññassa dadato cāti aññassa puggalassa vā saṅghassa vā dadato ca. Guhā nāma iṭṭhakaguhā vā silāguhā vā dāruguhā vā bhūmiguhā vā. Tiṇakuṭi nāma sattabhūmikopi pāsādo tiṇacchadano ‘‘tiṇakuṭikā’’ti vuccati. Aññassāti ācariyassa vā upajjhāyassa vā saṅghassa vā. Vāsāgāraṃ ṭhapetvāti (pārā. aṭṭha. 2.364) attano vasanatthāya vāsāgāraṃ ṭhapetvā. Uposathāgārādīsūti ettha ādisaddena jantāgharabhojanasālāaggisālānaṃ gahaṇaṃ. Heṭṭhimapamāṇasambhavoti catuhatthavitthiṇṇatā. Adesāpetvā karototi vatthuṃ adesāpetvā pamāṇātikkantaṃ, pamāṇayuttaṃ vā karoto. Ettha ca vatthuno adesāpanaṃ akiriyā. Kuṭikaraṇaṃ kiriyā.
гудигаарасигкаабад̣̇аван̣н̣анаа нидтид̇аа.
Kuṭikārasikkhāpadavaṇṇanā niṭṭhitā.
