| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
6. гудигаарасигкаабад̣̇аван̣н̣анаа
6. Kuṭikārasikkhāpadavaṇṇanā
гим̣ бханд̇зд̇и зд̇д̇агзби вуд̇д̇з. бужчид̇о яад̣̇ад̇т̇ааяа бавидто, д̇ам̣ гат̇зд̇ум̣ лабхад̇и бужчид̇абан̃н̃ад̇д̇аа бхигкаажааравад̇д̇зд̇и ликид̇ам̣. хад̇т̇агаммам̣ яаажид̇о ‘‘убагаран̣ам̣, муулам̣ ваа д̣̇ассад̇ий’’д̇и яаажад̇и, ваддад̇и, на ваддад̇ийд̇и? ваддад̇и сзнаасанз обхаасабаригат̇аад̣̇ийнам̣ лад̣̇д̇хад̇д̇аад̇и згз. д̇ихад̇т̇аа ваад̇и зд̇т̇а вад̣дхагихад̇т̇зна д̇ихад̇т̇аа. ‘‘бамаан̣аяуд̇д̇о ман̃жод̇и багад̇ивид̣̇ад̇т̇ияаа нававид̣̇ад̇т̇иббамаан̣аман̃жо, со д̇ад̇т̇а ид̇о жа на сан̃жарад̇и, д̇асмаа жад̇ухад̇т̇авид̇т̇аараа на ход̇ий’’д̇иаад̣̇и ликид̇ам̣. агудияаа бана вад̇т̇уд̣̇зсанаагижжам̣ над̇т̇и уллид̇д̇аавалид̇д̇ам̣ гаад̇ум̣ вуд̇д̇ад̇д̇аа. ‘‘уллид̇д̇аад̣̇ибхааво…бз… ‘чад̣̇анамзва санд̇хааяа вуд̇д̇о’д̇и яуд̇д̇амид̣̇ам̣. гасмаад̇и жз? яасмаа мад̇д̇игаамаяабхид̇д̇им̣ удтаабзд̇ваа убари уллид̇д̇ам̣ ваа авалид̇д̇ам̣ ваа убхаяам̣ ваа бхид̇д̇ияаа гхадид̇ам̣ гаронд̇асса аабад̇д̇и зва винааби бхид̇д̇илзбзнаа’’д̇и ликид̇ам̣. звамзд̇т̇а т̇амбхад̇улаабидтасан̇гхаадаад̣̇и нирад̇т̇агам̣ сияаа. д̇асмаа вижаарзд̇ваава г̇ахзд̇аб̣б̣ам̣. ‘‘убосат̇ааг̇аарамби бхависсад̇и, ахамби васиссаамий’’д̇и ваа ‘‘бхигкуухи ваа сааман̣зрзхи ваа згад̇о васиссаамий’’д̇и ваа гаронд̇асса ваддад̇и зва. гасмаа? ‘‘ад̇д̇уд̣̇д̣̇зса’’нд̇и вуд̇д̇ад̇д̇аад̇и ликид̇ам̣.
Kiṃ bhanteti ettakepi vutte. Pucchito yadatthāya paviṭṭho, taṃ kathetuṃ labhati pucchitapaññattā bhikkhācāravatteti likhitaṃ. Hatthakammaṃ yācito ‘‘upakaraṇaṃ, mūlaṃ vā dassatī’’ti yācati, vaṭṭati, na vaṭṭatīti? Vaṭṭati senāsane obhāsaparikathādīnaṃ laddhattāti eke. Tihatthā vāti ettha vaḍḍhakihatthena tihatthā. ‘‘Pamāṇayutto mañcoti pakatividatthiyā navavidatthippamāṇamañco, so tattha ito ca na sañcarati, tasmā catuhatthavitthārā na hotī’’tiādi likhitaṃ. Akuṭiyā pana vatthudesanākiccaṃ natthi ullittāvalittaṃ kātuṃ vuttattā. ‘‘Ullittādibhāvo…pe… ‘chadanameva sandhāya vutto’ti yuttamidaṃ. Kasmāti ce? Yasmā mattikāmayabhittiṃ uṭṭhāpetvā upari ullittaṃ vā avalittaṃ vā ubhayaṃ vā bhittiyā ghaṭitaṃ karontassa āpatti eva vināpi bhittilepenā’’ti likhitaṃ. Evamettha thambhatulāpiṭṭhasaṅghāṭādi niratthakaṃ siyā. Tasmā vicāretvāva gahetabbaṃ. ‘‘Uposathāgārampi bhavissati, ahampi vasissāmī’’ti vā ‘‘bhikkhūhi vā sāmaṇerehi vā ekato vasissāmī’’ti vā karontassa vaṭṭati eva. Kasmā? ‘‘Attuddesa’’nti vuttattāti likhitaṃ.
ид̣̇ам̣ бана сигкаабад̣̇ам̣ жад̇уд̇т̇абаарааж̇игам̣ вияа нид̣̇аанаабзгкам̣. на хи ваг̇г̇умуд̣̇аад̇ийрияаа бхигкуу саяамзва ад̇д̇ано асанд̇ам̣ уд̇д̇аримануссад̇хаммам̣ мусааваад̣̇алагкан̣ам̣ баабзд̇ваа бхаасим̣су. ан̃н̃аман̃н̃ан̃хи д̇з уд̇д̇аримануссад̇хаммаван̣н̣ам̣ бхаасим̣су. на жа д̇аавад̇аа баарааж̇игавад̇т̇у ход̇и, д̇ад̇д̇агзна бана лзсзна бхаг̇аваа д̇ам̣ вад̇т̇ум̣ нид̣̇аанам̣ гад̇ваа баарааж̇игам̣ бан̃н̃абзси, д̇ат̇аа ид̇хааби. на хи нид̣̇аанз ‘‘ад̣̇зсид̇авад̇т̇угааяо саарамбхааяо абариггаманааяо’’д̇и вуд̇д̇ам̣. ‘‘аббамаан̣игааяо’’д̇и бана вуд̇д̇ад̇д̇аа бамаан̣амад̇иггаманд̇асса сан̇гхаад̣̇исзсова нид̣̇аанаабзгко. д̇ад̇т̇а саарамбхз абариггаманз сан̇гхаад̣̇исзсаббасан̇г̇ам̣ вияа д̣̇иссамаанам̣ ‘‘вибхан̇г̇о д̇ам̣нияамаго’’д̇и вуд̇д̇ад̇д̇аа вибхан̇г̇з на ниваарзд̇и. д̇ат̇аа махаллагз.
Idaṃ pana sikkhāpadaṃ catutthapārājikaṃ viya nidānāpekkhaṃ. Na hi vaggumudātīriyā bhikkhū sayameva attano asantaṃ uttarimanussadhammaṃ musāvādalakkhaṇaṃ pāpetvā bhāsiṃsu. Aññamaññañhi te uttarimanussadhammavaṇṇaṃ bhāsiṃsu. Na ca tāvatā pārājikavatthu hoti, tattakena pana lesena bhagavā taṃ vatthuṃ nidānaṃ katvā pārājikaṃ paññapesi, tathā idhāpi. Na hi nidāne ‘‘adesitavatthukāyo sārambhāyo aparikkamanāyo’’ti vuttaṃ. ‘‘Appamāṇikāyo’’ti pana vuttattā pamāṇamatikkamantassa saṅghādisesova nidānāpekkho. Tattha sārambhe aparikkamane saṅghādisesappasaṅgaṃ viya dissamānaṃ ‘‘vibhaṅgo taṃniyamako’’ti vuttattā vibhaṅge na nivāreti. Tathā mahallake.
зд̇т̇ааха – гимад̇т̇ам̣ маад̇игааяам̣ д̣̇уггадавад̇т̇у вуд̇д̇ам̣, нану вибхан̇г̇з зва вад̇д̇аб̣б̣ам̣ сияаад̇и? звамзд̇ам̣. гим̣ ну бхигкуу абхинзд̇аб̣б̣аа вад̇т̇уд̣̇зсанааяа, д̇зхи бхигкуухи вад̇т̇у д̣̇зсзд̇аб̣б̣ам̣, гийд̣̇исам̣? анаарамбхам̣ сабариггамананд̇и. ид̇аран̃хи ‘‘саарамбхз жз бхигку вад̇т̇усмим̣ абариггаманз’’д̇и звам̣ ануббасан̇г̇авасзна ааг̇ад̇ад̇д̇аа вуд̇д̇ам̣. яасмаа вад̇т̇у наама ад̇т̇и саарамбхам̣ абариггаманам̣, ад̇т̇и анаарамбхам̣ сабариггаманам̣, ад̇т̇и саарамбхам̣ сабариггаманам̣, ад̇т̇и анаарамбхам̣ абариггамананд̇и б̣ахувид̇хам̣, д̇асмаа б̣ахувид̇хад̇д̇аа вад̇т̇у д̣̇зсзд̇аб̣б̣ам̣ анаарамбхам̣ сабариггаманам̣, нзд̇аранд̇и вуд̇д̇ам̣ ход̇и. гимад̇т̇игаа банзд̇т̇а вад̇т̇уд̣̇зсанаад̇и жз? г̇аругаабад̇д̇ибан̃н̃аабанахзд̇убариваж̇ж̇анубааяад̇д̇аа. вад̇т̇уад̣̇зсанаа хи г̇аругаабад̇д̇ибан̃н̃аабанахзд̇убхууд̇аа. г̇аругаабад̇д̇ибан̃н̃аабанам̣ агад̇авин̃н̃ад̇д̇иг̇ихибийл̣ааж̇ананам̣, ад̇д̇ад̣̇угкабарад̣̇угкахзд̇убхууд̇о жа саарамбхабхаавод̇и зд̇з вад̇т̇уд̣̇зсанаабад̣̇зсзна убааязна бариваж̇ж̇ид̇аа хонд̇и. на хи бхигкуу агаббияагудигаран̣ад̇т̇ам̣ г̇ихийнам̣ ваа бийл̣аанимид̇д̇ам̣, саарамбхавад̇т̇угудигаран̣ад̇т̇ам̣ ваа вад̇т̇ум̣ д̣̇зсзнд̇ийд̇и. хонд̇и жзд̇т̇а –
Etthāha – kimatthaṃ mātikāyaṃ dukkaṭavatthu vuttaṃ, nanu vibhaṅge eva vattabbaṃ siyāti? Evametaṃ. Kiṃ nu bhikkhū abhinetabbā vatthudesanāya, tehi bhikkhūhi vatthu desetabbaṃ, kīdisaṃ? Anārambhaṃ saparikkamananti. Itarañhi ‘‘sārambhe ce bhikkhu vatthusmiṃ aparikkamane’’ti evaṃ anuppasaṅgavasena āgatattā vuttaṃ. Yasmā vatthu nāma atthi sārambhaṃ aparikkamanaṃ, atthi anārambhaṃ saparikkamanaṃ, atthi sārambhaṃ saparikkamanaṃ, atthi anārambhaṃ aparikkamananti bahuvidhaṃ, tasmā bahuvidhattā vatthu desetabbaṃ anārambhaṃ saparikkamanaṃ, netaranti vuttaṃ hoti. Kimatthikā panettha vatthudesanāti ce? Garukāpattipaññāpanahetuparivajjanupāyattā. Vatthuadesanā hi garukāpattipaññāpanahetubhūtā. Garukāpattipaññāpanaṃ akataviññattigihipīḷājananaṃ, attadukkhaparadukkhahetubhūto ca sārambhabhāvoti ete vatthudesanāpadesena upāyena parivajjitā honti. Na hi bhikkhū akappiyakuṭikaraṇatthaṃ gihīnaṃ vā pīḷānimittaṃ, sārambhavatthukuṭikaraṇatthaṃ vā vatthuṃ desentīti. Honti cettha –
‘‘д̣̇уггадасса хи вад̇т̇уунам̣, маад̇игааяа багаасанаа;
‘‘Dukkaṭassa hi vatthūnaṃ, mātikāya pakāsanā;
г̇аругаабад̇д̇ихзд̇уунам̣, д̇зсам̣ звам̣ багаасид̇аа.
Garukāpattihetūnaṃ, tesaṃ evaṃ pakāsitā.
‘‘вад̇т̇усса д̣̇зсанубааязна, г̇аругаабад̇д̇ихзд̇уяо;
‘‘Vatthussa desanupāyena, garukāpattihetuyo;
важ̇ж̇ид̇аа хонд̇и яам̣ д̇асмаа, саарамбхаад̣̇и ж̇ахаабид̇а’’нд̇и.
Vajjitā honti yaṃ tasmā, sārambhādi jahāpita’’nti.
гудигаарасигкаабад̣̇аван̣н̣анаа нидтид̇аа.
Kuṭikārasikkhāpadavaṇṇanā niṭṭhitā.
