| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
6. гудигаарасигкаабад̣̇аван̣н̣анаа
6. Kuṭikārasikkhāpadavaṇṇanā
342. чадтз зд̇д̇агзнаад̇и зд̇д̇агзна д̣̇ааруаад̣̇инаа. абарижчиннаббамаан̣ааяод̇и абарижчиннад̣̇ааруаад̣̇ибамаан̣ааяо. муулажчзж̇ж̇ааяаад̇и барасанд̇агабхаавад̇о можзд̇ваа ад̇д̇ано зва санд̇агагаран̣авасзнаад̇и ад̇т̇о. звам̣ яаажад̇о ан̃н̃аад̇агавин̃н̃ад̇д̇ид̣̇уггадан̃жзва д̣̇аасабадиг̇г̇ахан̣ад̣̇уггадан̃жа ход̇и ‘‘д̣̇аасид̣̇аасабадиг̇г̇ахан̣аа бадивирад̇о ход̇ий’’д̇и (д̣̇ий. ни. 1.10, 194) важанам̣ ниссааяа адтагат̇аасу бадигкид̇д̇ад̇д̇аа. сагагамманд̇и баан̣авад̇хагаммам̣. ид̣̇ан̃жа баан̣аад̇ибаад̇ад̣̇осабарихаарааяа д̣̇уггадам̣ вуд̇д̇ам̣, на вин̃н̃ад̇д̇ибарихаарааяа. анияамзд̇вааби на яаажид̇аб̣б̣аад̇и саамийжид̣̇ассанад̇т̇ам̣ вуд̇д̇ам̣, суд̣̇д̇хажид̇д̇зна бана хад̇т̇агаммам̣ яаажанд̇асса аабад̇д̇и наама над̇т̇и. яад̣̇ижчагам̣ гаараабзд̇ум̣ ваддад̇ийд̇и ‘‘хад̇т̇агаммам̣ яаажаами, д̣̇зт̇аа’’д̇иаад̣̇инаа аяаажид̇вааби ваддад̇и. сагижжабасуд̇амби звам̣ гаараабзнд̇асса вин̃н̃ад̇д̇и над̇т̇и зва, саамийжид̣̇ассанад̇т̇ам̣ бана вибхаж̇ид̇ваа вуд̇д̇ам̣.
342. Chaṭṭhe ettakenāti ettakena dāruādinā. Aparicchinnappamāṇāyoti aparicchinnadāruādipamāṇāyo. Mūlacchejjāyāti parasantakabhāvato mocetvā attano eva santakakaraṇavasenāti attho. Evaṃ yācato aññātakaviññattidukkaṭañceva dāsapaṭiggahaṇadukkaṭañca hoti ‘‘dāsidāsapaṭiggahaṇā paṭivirato hotī’’ti (dī. ni. 1.10, 194) vacanaṃ nissāya aṭṭhakathāsu paṭikkhittattā. Sakakammanti pāṇavadhakammaṃ. Idañca pāṇātipātadosaparihārāya dukkaṭaṃ vuttaṃ, na viññattiparihārāya. Aniyametvāpi na yācitabbāti sāmīcidassanatthaṃ vuttaṃ, suddhacittena pana hatthakammaṃ yācantassa āpatti nāma natthi. Yadicchakaṃ kārāpetuṃ vaṭṭatīti ‘‘hatthakammaṃ yācāmi, dethā’’tiādinā ayācitvāpi vaṭṭati. Sakiccapasutampi evaṃ kārāpentassa viññatti natthi eva, sāmīcidassanatthaṃ pana vibhajitvā vuttaṃ.
саб̣б̣агаббияабхаавад̣̇ийбанад̇т̇анд̇и саб̣б̣асо габбияабхаавад̣̇ийбанад̇т̇ам̣. муулам̣ д̣̇зт̇аад̇и вад̇д̇ум̣ ваддад̇ийд̇и ‘‘муулам̣ д̣̇ассаамаа’’д̇и батамам̣ вуд̇д̇ад̇д̇аа вин̃н̃ад̇д̇и ваа мууланд̇и важанасса габбияаагаббияавад̇т̇усааман̃н̃аважанад̇д̇зби нидтид̇абхад̇игижжаанам̣ д̣̇аабанад̇о агаббияавад̇т̇усаад̣̇ияанам̣ ваа на ход̇ийд̇и гад̇ваа вуд̇д̇ам̣. анаж̇жхаавуд̇т̇аганд̇и абариг̇г̇ахид̇ам̣.
Sabbakappiyabhāvadīpanatthanti sabbaso kappiyabhāvadīpanatthaṃ. Mūlaṃ dethāti vattuṃ vaṭṭatīti ‘‘mūlaṃ dassāmā’’ti paṭhamaṃ vuttattā viññatti vā mūlanti vacanassa kappiyākappiyavatthusāmaññavacanattepi niṭṭhitabhatikiccānaṃ dāpanato akappiyavatthusādiyanaṃ vā na hotīti katvā vuttaṃ. Anajjhāvutthakanti apariggahitaṃ.
ман̃жа…бз… жийвараад̣̇ийни гаараабзд̇угаамзнаабийд̇иаад̣̇ийсу жийварам̣ гаараабзд̇угаамасса ан̃н̃аад̇агааббаваарид̇ад̇анд̇авааязхи хад̇т̇агаммаяаажанавасзна вааяаабанз вин̃н̃ад̇д̇ибажжаяаа д̣̇уггадаабхаавзби жийваравааяаабанасигкаабад̣̇зна яат̇аарахам̣ баажид̇д̇ияад̣̇уггадаани хонд̇ийд̇и взд̣̇ид̇аб̣б̣ам̣. агаббияагахаабан̣аад̣̇и на д̣̇аад̇аб̣б̣анд̇и габбияамукзна лад̣̇д̇хамби хад̇т̇агаммагаран̣ад̇т̇ааяа имасса гахаабан̣ам̣ д̣̇зхийд̇и вад̇ваа д̣̇аанам̣ на ваддад̇ийд̇и вуд̇д̇ам̣. буб̣б̣з гад̇агаммасса д̣̇аабанз гин̃жааби д̣̇осо на д̣̇иссад̇и, д̇ат̇ааби асааруббамзваад̇и вад̣̇анд̇и. гад̇агаммад̇т̇ааяаби гаад̇аб̣б̣агаммад̇т̇ааяаби габбияавохаарзна барияааяад̇о бхад̇им̣ д̣̇аабзнд̇асса над̇т̇и д̣̇осо. вад̇д̇анд̇и жаарид̇д̇ам̣, аабад̇д̇и на ход̇ийд̇и ад̇хиббааяо.
Mañca…pe… cīvarādīni kārāpetukāmenāpītiādīsu cīvaraṃ kārāpetukāmassa aññātakaappavāritatantavāyehi hatthakammayācanavasena vāyāpane viññattipaccayā dukkaṭābhāvepi cīvaravāyāpanasikkhāpadena yathārahaṃ pācittiyadukkaṭāni hontīti veditabbaṃ. Akappiyakahāpaṇādi na dātabbanti kappiyamukhena laddhampi hatthakammakaraṇatthāya imassa kahāpaṇaṃ dehīti vatvā dānaṃ na vaṭṭatīti vuttaṃ. Pubbe katakammassa dāpane kiñcāpi doso na dissati, tathāpi asāruppamevāti vadanti. Katakammatthāyapi kātabbakammatthāyapi kappiyavohārena pariyāyato bhatiṃ dāpentassa natthi doso. Vattanti cārittaṃ, āpatti na hotīti adhippāyo.
габбияам̣ гаараабзд̇ваа бадиг̇г̇ахзд̇аб̣б̣аанийд̇и саакааяа магкигаб̣ийж̇анзна бан̣н̣аад̣̇ижчзд̣̇з б̣ийж̇аг̇аамагобанасса жзва д̇ад̇т̇а лаг̇г̇араж̇аад̣̇иаббадиг̇г̇ахид̇асса жа барихаарад̇т̇ааяа вуд̇д̇ам̣. д̇ад̣̇убхаяаасан̇гааяа асад̇и д̇ат̇аа агаран̣з д̣̇осо над̇т̇и. над̣̇ийяаад̣̇ийсу уд̣̇агасса абариг̇г̇ахид̇ад̇ааяа ‘‘аахараад̇и вад̇д̇ум̣ ваддад̇ий’’д̇и вуд̇д̇ам̣. ‘‘на аахадам̣ барибхун̃ж̇ид̇у’’нд̇и важанад̇о вин̃н̃ад̇д̇ияаа аабаннам̣ д̣̇уггадам̣ д̣̇зсзд̇вааби д̇ам̣ вад̇т̇ум̣ барибхун̃ж̇анд̇асса буна барибхог̇з д̣̇уггадамзва, бан̃жаннамби сахад̇хаммигаанам̣ на ваддад̇и. ‘‘алаж̇ж̇ийхи бана бхигкуухи ваа сааман̣зрзхи ваа хад̇т̇агаммам̣ на гаарзд̇аб̣б̣а’’нд̇и сааман̃н̃ад̇о вуд̇д̇ад̇д̇аа ад̇д̇ано ад̇т̇ааяа яам̣гин̃жи хад̇т̇агаммам̣ гаарзд̇ум̣ на ваддад̇и. яам̣ бана алаж̇ж̇ий ниваарияамааноби б̣ийж̇анаад̣̇им̣ гарод̇и, д̇ад̇т̇а д̣̇осо над̇т̇и. жзд̇ияагаммаад̣̇ийни бана д̇зхи гаараабзд̇ум̣ ваддад̇и. зд̇т̇а жа ‘‘алаж̇ж̇ийхи сааман̣зрзхий’’д̇и вуд̇д̇ад̇д̇аа ‘‘сан̃жижжа аабад̇д̇им̣ аабаж̇ж̇ад̇ий’’д̇иаад̣̇и (бари. 359) алаж̇ж̇ийлагкан̣ам̣ уггадтавасзна убасамбаннз бадижжа убалагкан̣ад̇о вуд̇д̇анд̇и д̇ам̣лагкан̣авирахид̇аанам̣ сааман̣зраад̣̇ийнам̣ лин̇г̇ад̇т̇знагаг̇од̇рабхубарияосаанаанам̣ бхигкубадин̃н̃аанам̣ д̣̇уссийлаанамби саад̇хааран̣авасзна алаж̇ж̇ид̇аалагкан̣ам̣ яат̇аавихид̇абадибад̇д̇ияам̣ сан̃жижжа ад̇идтанамзваад̇и г̇ахзд̇аб̣б̣ам̣.
Kappiyaṃ kārāpetvā paṭiggahetabbānīti sākhāya makkhikabījanena paṇṇādicchede bījagāmakopanassa ceva tattha laggarajādiappaṭiggahitassa ca parihāratthāya vuttaṃ. Tadubhayāsaṅkāya asati tathā akaraṇe doso natthi. Nadīyādīsu udakassa apariggahitatāya ‘‘āharāti vattuṃ vaṭṭatī’’ti vuttaṃ. ‘‘Na āhaṭaṃ paribhuñjitu’’nti vacanato viññattiyā āpannaṃ dukkaṭaṃ desetvāpi taṃ vatthuṃ paribhuñjantassa puna paribhoge dukkaṭameva, pañcannampi sahadhammikānaṃ na vaṭṭati. ‘‘Alajjīhi pana bhikkhūhi vā sāmaṇerehi vā hatthakammaṃ na kāretabba’’nti sāmaññato vuttattā attano atthāya yaṃkiñci hatthakammaṃ kāretuṃ na vaṭṭati. Yaṃ pana alajjī nivāriyamānopi bījanādiṃ karoti, tattha doso natthi. Cetiyakammādīni pana tehi kārāpetuṃ vaṭṭati. Ettha ca ‘‘alajjīhi sāmaṇerehī’’ti vuttattā ‘‘sañcicca āpattiṃ āpajjatī’’tiādi (pari. 359) alajjīlakkhaṇaṃ ukkaṭṭhavasena upasampanne paṭicca upalakkhaṇato vuttanti taṃlakkhaṇavirahitānaṃ sāmaṇerādīnaṃ liṅgatthenakagotrabhupariyosānānaṃ bhikkhupaṭiññānaṃ dussīlānampi sādhāraṇavasena alajjitālakkhaṇaṃ yathāvihitapaṭipattiyaṃ sañcicca atiṭṭhanamevāti gahetabbaṃ.
аахараабзнд̇асса д̣̇уггаданд̇и вин̃н̃ад̇д̇игкан̣з вин̃н̃ад̇д̇ибажжаяаа, бадилаабхагкан̣з г̇он̣аанам̣ саад̣̇ияанабажжаяаа жа д̣̇уггадам̣. г̇он̣ан̃хи ад̇д̇ано ад̇т̇ааяа авин̃н̃ад̇д̇ияаа лад̣̇д̇хамби саад̣̇ид̇ум̣ на ваддад̇и ‘‘хад̇т̇иг̇авассавал̣авабадиг̇г̇ахан̣аа бадивирад̇о ход̇ий’’д̇и (д̣̇ий. ни. 1.10, 194) вуд̇д̇ад̇д̇аа. д̇знзвааха ‘‘н̃аад̇ибаваарид̇адтаанад̇оби муулажчзж̇ж̇ааяа яаажид̇ум̣ на ваддад̇ий’’д̇и. зд̇т̇а жа вин̃н̃ад̇д̇ид̣̇уггадаабхаавзби агаббияавад̇т̇уяаажанзби бадиг̇г̇ахан̣зби д̣̇уггадамзва. рагкид̇ваад̇и жораад̣̇иубад̣̇д̣̇авад̇о рагкид̇ваа. ж̇аг̇г̇ид̇ваад̇и д̇ин̣ад̣̇аанаад̣̇ийхи босзд̇ваа.
Āharāpentassa dukkaṭanti viññattikkhaṇe viññattipaccayā, paṭilābhakkhaṇe goṇānaṃ sādiyanapaccayā ca dukkaṭaṃ. Goṇañhi attano atthāya aviññattiyā laddhampi sādituṃ na vaṭṭati ‘‘hatthigavassavaḷavapaṭiggahaṇā paṭivirato hotī’’ti (dī. ni. 1.10, 194) vuttattā. Tenevāha ‘‘ñātipavāritaṭṭhānatopi mūlacchejjāya yācituṃ na vaṭṭatī’’ti. Ettha ca viññattidukkaṭābhāvepi akappiyavatthuyācanepi paṭiggahaṇepi dukkaṭameva. Rakkhitvāti corādiupaddavato rakkhitvā. Jaggitvāti tiṇadānādīhi posetvā.
н̃аад̇ибаваарид̇адтаанз бана ваддад̇ийд̇и сагадасса самбадижчид̇аб̣б̣ад̇д̇аа муулажчзж̇ж̇авасзна яаажид̇ум̣ ваддад̇и. д̇аавагаалигам̣ ваддад̇ийд̇и убхаяад̇т̇ааби ваддад̇ийд̇и ад̇т̇о . ваасиаад̣̇ийни буг̇г̇алигааниби вадданд̇ийд̇и ааха ‘‘зса наяо ваасий’’д̇иаад̣̇и. валлиаад̣̇ийсу жа барабариг̇г̇ахид̇зсу жа зсзва наяод̇и яож̇зд̇аб̣б̣ам̣. ‘‘г̇арубхан̣д̣аббахонагзсуязваа’’д̇и ид̣̇ам̣ вин̃н̃ад̇д̇им̣ санд̇хааяа вуд̇д̇ам̣. ад̣̇иннаад̣̇аанз бана д̇ин̣асалаагам̣ убаад̣̇ааяа барабариг̇г̇ахид̇ам̣ т̇зяяажид̇д̇зна г̇ан̣хад̇о авахааро зва, бхан̣д̣аг̇гхзна гаарзд̇аб̣б̣о. валлиаад̣̇ийсууд̇и зд̇т̇а аад̣̇и-сад̣̇д̣̇зна баал̣иааг̇ад̇аанам̣ (баараа. 349) взл̣уаад̣̇ийнам̣ сан̇г̇ахо. д̇ад̇т̇а яасмим̣ бад̣̇зсз харид̇аалаж̇аад̇ихин̇г̇улаад̣̇и аббагамби махаг̇гхам̣ ход̇и, д̇ад̇т̇а д̇ам̣ д̇аалабаггабамаан̣ад̇о уунамби г̇арубхан̣д̣амзва, вин̃н̃аабзд̇ун̃жа на ваддад̇и.
Ñātipavāritaṭṭhāne pana vaṭṭatīti sakaṭassa sampaṭicchitabbattā mūlacchejjavasena yācituṃ vaṭṭati. Tāvakālikaṃ vaṭṭatīti ubhayatthāpi vaṭṭatīti attho . Vāsiādīni puggalikānipi vaṭṭantīti āha ‘‘esa nayo vāsī’’tiādi. Valliādīsu ca parapariggahitesu ca eseva nayoti yojetabbaṃ. ‘‘Garubhaṇḍappahonakesuyevā’’ti idaṃ viññattiṃ sandhāya vuttaṃ. Adinnādāne pana tiṇasalākaṃ upādāya parapariggahitaṃ theyyacittena gaṇhato avahāro eva, bhaṇḍagghena kāretabbo. Valliādīsūti ettha ādi-saddena pāḷiāgatānaṃ (pārā. 349) veḷuādīnaṃ saṅgaho. Tattha yasmiṃ padese haritālajātihiṅgulādi appakampi mahagghaṃ hoti, tattha taṃ tālapakkapamāṇato ūnampi garubhaṇḍameva, viññāpetuñca na vaṭṭati.
саад̇и вин̃н̃ад̇д̇и. баригат̇аад̣̇ийсу ‘‘сзнаасанам̣ самб̣аад̇ха’’нд̇иаад̣̇инаа (висуд̣̇д̇хи. 1.19) барияааязна гат̇анам̣ баригат̇аа наама. уж̇угамзва агат̇зд̇ваа ‘‘бхигкуунам̣ гим̣ баасаад̣̇о на ваддад̇ий’’д̇иаад̣̇инаа (висуд̣̇д̇хи. 1.19) ад̇хиббааяо яат̇аавибхууд̇о ход̇и, звам̣ бхаасанам̣ обхаасо наама. сзнаасанаад̣̇иад̇т̇ам̣ бхуумибаригаммаад̣̇игаран̣авасзна бажжаяуббаад̣̇ааяа нимид̇д̇агаран̣ам̣ нимид̇д̇агаммам̣ наама. уггаманд̇ийд̇и абаг̇ажчанд̇и.
Sāti viññatti. Parikathādīsu ‘‘senāsanaṃ sambādha’’ntiādinā (visuddhi. 1.19) pariyāyena kathanaṃ parikathā nāma. Ujukameva akathetvā ‘‘bhikkhūnaṃ kiṃ pāsādo na vaṭṭatī’’tiādinā (visuddhi. 1.19) adhippāyo yathāvibhūto hoti, evaṃ bhāsanaṃ obhāso nāma. Senāsanādiatthaṃ bhūmiparikammādikaraṇavasena paccayuppādāya nimittakaraṇaṃ nimittakammaṃ nāma. Ukkamantīti apagacchanti.
344. ман̣и ган̣тз ассаад̇и ман̣иган̣то. д̣̇зваван̣н̣анд̇и д̣̇звад̇д̇абхаавам̣.
344. Maṇi kaṇṭhe assāti maṇikaṇṭho. Devavaṇṇanti devattabhāvaṃ.
345. баал̣ияам̣ бад̇д̇зна мз ад̇т̇од̇и (баараа. 345) анад̇т̇игамби бад̇д̇зна бхигкум̣ звам̣ вад̣̇аабзнд̇о бхаг̇аваа сод̇т̇ияаа манд̇абад̣̇авасзна вад̣̇аабзси. соби бхигку бхаг̇авад̇аа аан̣ад̇д̇аважанам̣ вад̣̇змийд̇и авожа, д̇знасса мусаа на ход̇и. ат̇а ваа ‘‘бад̇д̇зна мз ад̇т̇о’’д̇и ид̣̇ам̣ ‘‘бад̇д̇ам̣ д̣̇ад̣̇анд̇уу’’д̇и иминаа самаанад̇т̇анд̇и д̣̇адтаб̣б̣ам̣. зса наяо ман̣инаа мз ад̇т̇од̇и зд̇т̇ааби. д̇асмаа ан̃н̃зсамби зваруубам̣ гат̇знд̇асса, гат̇аабзнд̇асса жа важанад̣̇осо над̇т̇ийд̇и г̇ахзд̇аб̣б̣ам̣.
345. Pāḷiyaṃ pattena me atthoti (pārā. 345) anatthikampi pattena bhikkhuṃ evaṃ vadāpento bhagavā sotthiyā mantapadavasena vadāpesi. Sopi bhikkhu bhagavatā āṇattavacanaṃ vademīti avoca, tenassa musā na hoti. Atha vā ‘‘pattena me attho’’ti idaṃ ‘‘pattaṃ dadantū’’ti iminā samānatthanti daṭṭhabbaṃ. Esa nayo maṇinā me atthoti etthāpi. Tasmā aññesampi evarūpaṃ kathentassa, kathāpentassa ca vacanadoso natthīti gahetabbaṃ.
349. уд̣̇д̇хам̣мукам̣ лид̇д̇аа уллид̇д̇аа, чад̣̇анасса анд̇о лимбанд̇аа хи язбхуяязна уд̣̇д̇хам̣мукаа лимбанд̇и. д̇знааха ‘‘анд̇олид̇д̇аа’’д̇и. ад̇хомукам̣ лид̇д̇аа авалид̇д̇аа. б̣ахи лимбанд̇аа хи язбхуяязна ад̇хомукаа лимбанд̇и. д̇знааха ‘‘б̣ахилид̇д̇аа’’д̇и.
349. Uddhaṃmukhaṃ littā ullittā, chadanassa anto limpantā hi yebhuyyena uddhaṃmukhā limpanti. Tenāha ‘‘antolittā’’ti. Adhomukhaṃ littā avalittā. Bahi limpantā hi yebhuyyena adhomukhā limpanti. Tenāha ‘‘bahilittā’’ti.
б̣яан̃ж̇анам̣ виломид̇ам̣ бхавзяяаад̇и яасмаа ‘‘гаараяамаанзнаа’’д̇и имасса хзд̇угад̇д̇уважанасса ‘‘гаронд̇знаа’’д̇и ид̣̇ам̣ суд̣̇д̇хагад̇д̇уважанам̣ барияааяаважанам̣ на ход̇и, д̇асмаа ‘‘гаронд̇зна ваа гаараабзнд̇зна ваа’’д̇и гаараяамаанзнаад̇и б̣ахууд̣̇д̣̇зсабад̣̇аануг̇ун̣ам̣ гаран̣аважанзнзва бад̣̇ад̇т̇ам̣ гад̇ваа нид̣̇д̣̇зсз гад̇з б̣яан̃ж̇анам̣ вируд̣̇д̇хам̣ бхавзяяа, д̇ат̇аа бана бад̣̇ад̇т̇авасзна ад̣̇ассзд̇ваа саамад̇т̇ияад̇о сид̣̇д̇хамзвад̇т̇ам̣ д̣̇ассзд̇ум̣ бажжад̇д̇авасзна ‘‘гаронд̇о ваа гаараабзнд̇о ваа’’д̇и бад̣̇абхааж̇анам̣ вуд̇д̇анд̇и ад̇хиббааяо. д̇знааха ‘‘ад̇т̇амад̇д̇амзваа’’д̇иаад̣̇и. бад̣̇ад̇т̇ад̇о, саамад̇т̇ияад̇о жа лаб̣бхамаанам̣ ад̇т̇амад̇д̇амзваад̇и ад̇т̇о. яан̃хи гаараяамаанзна бадибаж̇ж̇ид̇аб̣б̣ам̣, д̇ам̣ гаронд̇знааби бадибаж̇ж̇ид̇аб̣б̣амзваад̇и ид̣̇амзд̇т̇а саамад̇т̇ияам̣ д̣̇адтаб̣б̣ам̣.
Byañjanaṃ vilomitaṃ bhaveyyāti yasmā ‘‘kārayamānenā’’ti imassa hetukattuvacanassa ‘‘karontenā’’ti idaṃ suddhakattuvacanaṃ pariyāyavacanaṃ na hoti, tasmā ‘‘karontena vā kārāpentena vā’’ti kārayamānenāti bahuuddesapadānuguṇaṃ karaṇavacaneneva padatthaṃ katvā niddese kate byañjanaṃ viruddhaṃ bhaveyya, tathā pana padatthavasena adassetvā sāmatthiyato siddhamevatthaṃ dassetuṃ paccattavasena ‘‘karonto vā kārāpento vā’’ti padabhājanaṃ vuttanti adhippāyo. Tenāha ‘‘atthamattamevā’’tiādi. Padatthato, sāmatthiyato ca labbhamānaṃ atthamattamevāti attho. Yañhi kārayamānena paṭipajjitabbaṃ, taṃ karontenāpi paṭipajjitabbamevāti idamettha sāmatthiyaṃ daṭṭhabbaṃ.
уд̣̇д̣̇зсод̇и саамибхаавзна уд̣̇д̣̇исид̇аб̣б̣о. сзд̇агамманд̇и сзд̇аван̣н̣агаран̣ад̇т̇ам̣ сзд̇аван̣н̣амад̇д̇игааяа ваа суд̇хааяа ваа гад̇ад̇анугалзбо, д̇зна бана саха минияамаанз бамаан̣аад̇игганд̇ам̣ ход̇ийд̇и сан̇гаанивааран̣ад̇т̇ам̣ ааха ‘‘аб̣б̣охаарига’’нд̇и. д̇зна бамаан̣аад̇игганд̇авохаарам̣ на г̇ажчад̇и гудияаа анан̇г̇ад̇д̇аад̇и ад̇хиббааяо.
Uddesoti sāmibhāvena uddisitabbo. Setakammanti setavaṇṇakaraṇatthaṃ setavaṇṇamattikāya vā sudhāya vā katatanukalepo, tena pana saha miniyamāne pamāṇātikkantaṃ hotīti saṅkānivāraṇatthaṃ āha ‘‘abbohārika’’nti. Tena pamāṇātikkantavohāraṃ na gacchati kuṭiyā anaṅgattāti adhippāyo.
яат̇аавуд̇д̇асса ад̇т̇асса вуд̇д̇анаяам̣ д̣̇ассзнд̇зна ‘‘вуд̇д̇ан̃хзд̇а’’нд̇иаад̣̇и вуд̇д̇ам̣. д̇ад̇т̇а ‘‘ааяаамад̇о жа вид̇т̇аарад̇о жаа’’д̇и авад̇ваа ‘‘ааяаамад̇о ваа вид̇т̇аарад̇о ваа’’д̇и вигаббад̇т̇асса ваа-сад̣̇д̣̇асса вуд̇д̇ад̇д̇аа згад̇обхааг̇з вад̣дхид̇зби аабад̇д̇ийд̇и багаасид̇анд̇и ад̇хиббааяо. д̇ихад̇т̇аад̇и багад̇ихад̇т̇зна д̇ихад̇т̇аа, ‘‘вад̣дхагийхад̇т̇знаа’’д̇иби (саарад̇т̇а. дий. 2.348-349) вад̣̇анд̇и, д̇ам̣ ‘‘яад̇т̇а…бз… аяам̣ гудийд̇и сан̇кяам̣ на г̇ажчад̇ий’’д̇и иминаа вируж̇жхад̇и вад̣дхагийхад̇т̇зна д̇ихад̇т̇ааяаби гудияаа бамаан̣аяуд̇д̇асса ман̃жасса сукзна баривад̇д̇анад̇о. ‘‘уунагажад̇ухад̇т̇аа ваа’’д̇и ид̣̇ан̃жа бажчимаббамаан̣аяуд̇д̇асса ман̃жасса абаривад̇д̇анаарахам̣ санд̇хааяа вуд̇д̇ам̣. яад̣̇и хи багад̇ихад̇т̇зна жад̇ухад̇т̇ааяаби гудияаа бамаан̣аяуд̇д̇о ман̃жо на баривад̇д̇ад̇и, саа агудийязва, д̇асмаа ман̃жабаривад̇д̇анамад̇д̇знзва бамаан̣анд̇и г̇ахзд̇аб̣б̣ам̣. бамаан̣аяуд̇д̇о ман̃жод̇и саб̣б̣абажчимаббамаан̣аяуд̇д̇о ман̃жо. со хи багад̇ивид̣̇ад̇т̇ияаа нававид̣̇ад̇т̇иго, адтавид̣̇ад̇т̇иго ваа ход̇и, д̇ад̇о куд̣̇д̣̇аго ман̃жо сийсуубад̇хаанам̣ табзд̇ваа баад̣̇ам̣ басаарзд̇ваа нибаж̇ж̇ид̇ум̣ на баход̇и. бамаан̣ад̇о уунад̇арамбийд̇и уггадтаббамаан̣ад̇о уунад̇арамби, ид̣̇ан̃жа хздтимаббамаан̣аяуд̇д̇ааяаби вад̇т̇уд̣̇зсанаа гаад̇аб̣б̣аа, на ваад̇и санд̣̇зханивад̇д̇анад̇т̇ам̣ вуд̇д̇ам̣.
Yathāvuttassa atthassa vuttanayaṃ dassentena ‘‘vuttañheta’’ntiādi vuttaṃ. Tattha ‘‘āyāmato ca vitthārato cā’’ti avatvā ‘‘āyāmato vā vitthārato vā’’ti vikappatthassa vā-saddassa vuttattā ekatobhāge vaḍḍhitepi āpattīti pakāsitanti adhippāyo. Tihatthāti pakatihatthena tihatthā, ‘‘vaḍḍhakīhatthenā’’tipi (sārattha. ṭī. 2.348-349) vadanti, taṃ ‘‘yattha…pe… ayaṃ kuṭīti saṅkhyaṃ na gacchatī’’ti iminā virujjhati vaḍḍhakīhatthena tihatthāyapi kuṭiyā pamāṇayuttassa mañcassa sukhena parivattanato. ‘‘Ūnakacatuhatthā vā’’ti idañca pacchimappamāṇayuttassa mañcassa aparivattanārahaṃ sandhāya vuttaṃ. Yadi hi pakatihatthena catuhatthāyapi kuṭiyā pamāṇayutto mañco na parivattati, sā akuṭīyeva, tasmā mañcaparivattanamatteneva pamāṇanti gahetabbaṃ. Pamāṇayutto mañcoti sabbapacchimappamāṇayutto mañco. So hi pakatividatthiyā navavidatthiko, aṭṭhavidatthiko vā hoti, tato khuddako mañco sīsūpadhānaṃ ṭhapetvā pādaṃ pasāretvā nipajjituṃ na pahoti. Pamāṇato ūnatarampīti ukkaṭṭhappamāṇato ūnatarampi, idañca heṭṭhimappamāṇayuttāyapi vatthudesanā kātabbā, na vāti sandehanivattanatthaṃ vuttaṃ.
галалалзбод̇и гзнажи силзсзна гад̇алзбо, сзд̇арад̇д̇аад̣̇иван̣н̣агаран̣ад̇т̇ам̣ гад̇ад̇амб̣амад̇д̇игаад̣̇игалалалзбо ваа. д̇знааха ‘‘алзбо зваа’’д̇и. д̇зна д̇ал̣аагаад̣̇ийсу гханзна галалзна гад̇аб̣ахалалзбо мад̇д̇игаалзбанз зва бависад̇и лзбавохаараг̇аманад̇од̇и д̣̇ассзд̇и. бидтасан̇гхаадо наама д̣̇ваараб̣аахасан̇каад̇о жад̇урассад̣̇аарусан̇гхаадо, яад̇т̇а сауд̇д̇арабаасам̣ гаваадам̣ абассааяа д̣̇ваарам̣ бид̣̇аханд̇и.
Kalalalepoti kenaci silesena katalepo, setarattādivaṇṇakaraṇatthaṃ katatambamattikādikalalalepo vā. Tenāha ‘‘alepo evā’’ti. Tena taḷākādīsu ghanena kalalena katabahalalepo mattikālepane eva pavisati lepavohāragamanatoti dasseti. Piṭṭhasaṅghāṭo nāma dvārabāhasaṅkhāto caturassadārusaṅghāṭo, yattha sauttarapāsaṃ kavāṭaṃ apassāya dvāraṃ pidahanti.
ологзд̇ваабийд̇и абалогзд̇вааби, абалоганагаммавасзнаабийд̇и ад̇т̇о, абасад̣̇д̣̇ассааби оаад̣̇зсо гад̇од̇и д̣̇адтаб̣б̣о.
Oloketvāpīti apaloketvāpi, apalokanakammavasenāpīti attho, apasaddassāpi oādeso katoti daṭṭhabbo.
353. ниб̣ад̣̇д̇хаг̇ожарадтаанамбийд̇и зд̇т̇а г̇ожарааяа баггаманд̇аанам̣ хад̇т̇ийнам̣ ниб̣ад̣̇д̇хаг̇аманамаг̇г̇оби сан̇г̇аяхад̇и. зд̇зсанд̇и сийхаад̣̇ийнам̣. г̇ожарабхуумийд̇и аамисаг̇г̇ахан̣адтаанам̣. на г̇ахид̇аад̇и бадигкибид̇аб̣б̣абхаавзна на г̇ахид̇аа, на ваарид̇аад̇и ад̇т̇о. сийхаад̣̇ийнан̃хи г̇ожараг̇г̇ахан̣адтаанам̣ хад̇т̇ийнам̣ вияа ниб̣ад̣̇д̇хам̣ на ход̇и, яад̇т̇а бана г̇омахим̣саад̣̇ибаан̣агаа санд̇и, д̣̇уурамби д̇ам̣ таанам̣ сийгхам̣ г̇анд̇ваа г̇ожарам̣ г̇ан̣ханд̇и. д̇асмаа д̇зсам̣ д̇ам̣ на ваарид̇ам̣, ниб̣ад̣̇д̇хаг̇аманамаг̇г̇ова ваарид̇о аасаяад̇о г̇аманамаг̇г̇асса ниб̣ад̣̇д̇хад̇д̇аа. ан̃н̃зсамби ваал̣аананд̇и аран̃н̃амахим̣саад̣̇ийнам̣. аарог̇яад̇т̇ааяаад̇и нирубад̣̇д̣̇авааяа. сзсаанийд̇и буб̣б̣ан̣н̣аниссид̇аад̣̇ийни сол̣аса. д̇аани жа ж̇анасаммад̣̇д̣̇амахаасаммад̣̇д̣̇агудивилобасарийрабийл̣аад̣̇иубад̣̇д̣̇авзхи саубад̣̇д̣̇аваанийд̇и взд̣̇ид̇аб̣б̣аани. абхихананд̇и зд̇т̇аад̇и аб̣бхаагхаад̇ам̣. ‘‘взригхара’’нд̇и вуд̇д̇амзвад̇т̇ам̣ вибхаавзд̇ум̣ ‘‘жораанам̣ мааран̣ад̇т̇ааяа гад̇а’’нд̇и вуд̇д̇ам̣.
353.Nibaddhagocaraṭṭhānampīti ettha gocarāya pakkamantānaṃ hatthīnaṃ nibaddhagamanamaggopi saṅgayhati. Etesanti sīhādīnaṃ. Gocarabhūmīti āmisaggahaṇaṭṭhānaṃ. Na gahitāti paṭikkhipitabbabhāvena na gahitā, na vāritāti attho. Sīhādīnañhi gocaraggahaṇaṭṭhānaṃ hatthīnaṃ viya nibaddhaṃ na hoti, yattha pana gomahiṃsādipāṇakā santi, dūrampi taṃ ṭhānaṃ sīghaṃ gantvā gocaraṃ gaṇhanti. Tasmā tesaṃ taṃ na vāritaṃ, nibaddhagamanamaggova vārito āsayato gamanamaggassa nibaddhattā. Aññesampi vāḷānanti araññamahiṃsādīnaṃ. Ārogyatthāyāti nirupaddavāya. Sesānīti pubbaṇṇanissitādīni soḷasa. Tāni ca janasammaddamahāsammaddakuṭivilopasarīrapīḷādiupaddavehi saupaddavānīti veditabbāni. Abhihananti etthāti abbhāghātaṃ. ‘‘Verighara’’nti vuttamevatthaṃ vibhāvetuṃ ‘‘corānaṃ māraṇatthāya kata’’nti vuttaṃ.
д̇хаммаг̇анд̇хигаад̇и д̇хаммзна д̣̇ан̣д̣анийд̇ияаа хад̇т̇абаад̣̇аад̣̇ижчинд̣̇анаг̇анд̇хигаа. г̇анд̇хигаад̇и жа яасса убари хад̇т̇аад̣̇им̣ табзд̇ваа чинд̣̇анд̇и, д̇аад̣̇исам̣ д̣̇аарукан̣д̣апалагаад̇и вужжад̇и, д̇зна жа убалагкид̇ам̣ таанам̣. баал̣ияам̣ ражчааниссид̇анд̇и рат̇игааниссид̇ам̣. жажжараниссид̇анд̇и жад̇уннам̣ рат̇игаанам̣ санд̇хиниссид̇ам̣. сагадзнаад̇и идтагасуд̇хаад̣̇ибхан̣д̣аахаран̣асагадзна.
Dhammagandhikāti dhammena daṇḍanītiyā hatthapādādicchindanagandhikā. Gandhikāti ca yassa upari hatthādiṃ ṭhapetvā chindanti, tādisaṃ dārukhaṇḍaphalakāti vuccati, tena ca upalakkhitaṃ ṭhānaṃ. Pāḷiyaṃ racchānissitanti rathikānissitaṃ. Caccaranissitanti catunnaṃ rathikānaṃ sandhinissitaṃ. Sakaṭenāti iṭṭhakasudhādibhaṇḍāharaṇasakaṭena.
баажинанд̇и сзнаасанасса бхуумид̇о бадтааяа яаава д̇алаавасаанам̣ жинид̇аб̣б̣авад̇т̇угам̣ ад̇хидтаанам̣, яасса убари бхид̇д̇ит̇амбхаад̣̇ийни жа бад̇идтабзнд̇и. д̇знааха ‘‘д̇ад̇о бадтааяаа’’д̇иаад̣̇и. гин̃жааби ид̇ха буб̣б̣абаяог̇асахабаяог̇аанам̣ ад̣̇иннаад̣̇аанз вияа висзсо над̇т̇и, д̇ат̇ааби д̇зсам̣ вибхааг̇зна д̣̇ассанам̣ бхинд̣̇ид̇ваа ваа буна гаад̇аб̣б̣аад̇и зд̇т̇а гудияаа бхзд̣̇зна барижчзд̣̇ад̣̇ассанад̇т̇ам̣ гад̇ам̣. д̇ад̣̇ад̇т̇ааяаад̇и д̇ажчанад̇т̇ааяа. звам̣ гад̇анд̇и ад̣̇зсид̇авад̇т̇угам̣ бамаан̣аад̇игганд̇ам̣ ваа гад̇ам̣. бан̣н̣асааланд̇и бан̣н̣агудияаа д̇ин̣абан̣н̣ажун̣н̣асса абарибад̇анад̇т̇ааяа анд̇о жа б̣ахи жа лимбанд̇и, д̇ам̣ санд̇хааязд̇ам̣ вуд̇д̇ам̣. д̇знзва вагкад̇и ‘‘бан̣н̣асаалам̣ лимбад̇ий’’д̇и.
Pācinanti senāsanassa bhūmito paṭṭhāya yāva talāvasānaṃ cinitabbavatthukaṃ adhiṭṭhānaṃ, yassa upari bhittithambhādīni ca patiṭṭhapenti. Tenāha ‘‘tato paṭṭhāyā’’tiādi. Kiñcāpi idha pubbapayogasahapayogānaṃ adinnādāne viya viseso natthi, tathāpi tesaṃ vibhāgena dassanaṃ bhinditvā vā puna kātabbāti ettha kuṭiyā bhedena paricchedadassanatthaṃ kataṃ. Tadatthāyāti tacchanatthāya. Evaṃ katanti adesitavatthukaṃ pamāṇātikkantaṃ vā kataṃ. Paṇṇasālanti paṇṇakuṭiyā tiṇapaṇṇacuṇṇassa aparipatanatthāya anto ca bahi ca limpanti, taṃ sandhāyetaṃ vuttaṃ. Teneva vakkhati ‘‘paṇṇasālaṃ limpatī’’ti.
анд̇олзбзнзва нидтаабзд̇угаамам̣ санд̇хааяа ‘‘анд̇олзбз ваа’’д̇иаад̣̇и вуд̇д̇ам̣. б̣ахилзбз ваад̇и зд̇т̇ааби зсзва наяо. д̇асминд̇и д̣̇ваараб̣анд̇хз ваа ваад̇абаанз ваа табид̇зд̇и яож̇зд̇аб̣б̣ам̣. д̇ассогаасанд̇и д̇асса д̣̇ваараб̣анд̇хаад̣̇исса огаасабхууд̇ам̣ чид̣̇д̣̇ам̣. буна вад̣дхзд̇ваад̇и буб̣б̣з табид̇огаасам̣ куд̣̇д̣̇агам̣ жз, д̇ам̣ д̣̇ваараваад̇абаанажчид̣̇д̣̇абхзд̣̇анзна буна вад̣дхзд̇ваа. табид̇зд̇и д̣̇ваараб̣анд̇хз ваа г̇авагкасан̇гхаадз ваа аанзд̇ваа д̇асмим̣ вад̣дхид̇з ваа авад̣дхид̇з ваа чид̣̇д̣̇з бад̇идтаабид̇з. лзбо на гхадийяад̇ийд̇и саманд̇ад̇о д̣̇инно лзбо д̇ат̇аа табид̇зна д̣̇ваараб̣анд̇ханзна ваа ваад̇абаанзна ваа сад̣̇д̇хим̣ на гхадийяад̇и, згааб̣ад̣̇д̇хам̣ на ход̇ийд̇и вуд̇д̇ам̣ ход̇и. д̇анд̇и д̣̇ваараб̣анд̇хам̣ ваа ваад̇абаанам̣ ваа. батамамзва сан̇гхаад̣̇исзсод̇и д̇зсам̣ саманд̇ад̇о буб̣б̣зва лзбасса гхадзд̇ваа нидтаабид̇ад̇д̇аа д̣̇ваараб̣анд̇хаваад̇абаанаанам̣ табанад̇о буб̣б̣з зва сан̇гхаад̣̇исзсо.
Antolepeneva niṭṭhāpetukāmaṃ sandhāya ‘‘antolepe vā’’tiādi vuttaṃ. Bahilepe vāti etthāpi eseva nayo. Tasminti dvārabandhe vā vātapāne vā ṭhapiteti yojetabbaṃ. Tassokāsanti tassa dvārabandhādissa okāsabhūtaṃ chiddaṃ. Puna vaḍḍhetvāti pubbe ṭhapitokāsaṃ khuddakaṃ ce, taṃ dvāravātapānacchiddabhedanena puna vaḍḍhetvā. Ṭhapiteti dvārabandhe vā gavakkhasaṅghāṭe vā ānetvā tasmiṃ vaḍḍhite vā avaḍḍhite vā chidde patiṭṭhāpite. Lepo na ghaṭīyatīti samantato dinno lepo tathā ṭhapitena dvārabandhanena vā vātapānena vā saddhiṃ na ghaṭīyati, ekābaddhaṃ na hotīti vuttaṃ hoti. Tanti dvārabandhaṃ vā vātapānaṃ vā. Paṭhamameva saṅghādisesoti tesaṃ samantato pubbeva lepassa ghaṭetvā niṭṭhāpitattā dvārabandhavātapānānaṃ ṭhapanato pubbe eva saṅghādiseso.
лзбагхаданзнзваад̇и идтагаахи гад̇аваад̇абаанаад̣̇ийни винаа саманд̇аа лзбагхаданзнзва аабад̇д̇и ваад̇абаанаад̣̇ийнам̣ алзбогаасад̇д̇аа, идтагаахи гад̇ад̇д̇аа ваа, ваад̇абаанаад̣̇ийсуби лзбасса бхид̇д̇илзбзна сад̣̇д̇хим̣ гхаданзнзваад̇иби ад̇т̇ам̣ вад̣̇анд̇и. д̇ад̇т̇аад̇и бан̣н̣асаалааяам̣. аалогад̇т̇ааяа адтан̇г̇уламад̇д̇ам̣ табзд̇ваа лимбад̇ийд̇и д̣̇ааругуддасса д̣̇ааруунаманд̇араа адтан̇г̇уламад̇д̇ам̣ виварам̣ яаава лимбад̇и, д̇аава аалогад̇т̇ааяа табзд̇ваа авасзсам̣ сагуддажчад̣̇анам̣ лимбад̇и, бажчаа зд̇ам̣ виварам̣ лимбиссаамийд̇и звам̣ табанз анаабад̇д̇ийд̇и ад̇хиббааяо. сажз бана звам̣ агад̇ваа саб̣б̣ад̣̇ааби аалогад̇т̇ааяа ваад̇абаанавасзна табзд̇и, ваад̇абаанад̣̇ваарасан̇гхаадз гхадид̇з лзбо жа гхадийяад̇и, батамамзва сан̇гхаад̣̇исзсод̇и д̣̇ассзнд̇о ааха ‘‘сажз’’д̇иаад̣̇и. мад̇д̇игаагуддамзва мад̇д̇игаалзбасан̇кяам̣ г̇ажчад̇ийд̇и ааха ‘‘сажз мад̇д̇игааяа гуддам̣ гарод̇и, чад̣̇аналзбзна сад̣̇д̇хим̣ гхаданз аабад̇д̇ий’’д̇и. убхиннам̣ анаабад̇д̇ийд̇и буримасса лзбасса агхадид̇ад̇д̇аа д̣̇уд̇ияасса ад̇д̇уд̣̇д̣̇зсигад̇ааяа асамбхавад̇о.
Lepaghaṭanenevāti iṭṭhakāhi katavātapānādīni vinā samantā lepaghaṭaneneva āpatti vātapānādīnaṃ alepokāsattā, iṭṭhakāhi katattā vā, vātapānādīsupi lepassa bhittilepena saddhiṃ ghaṭanenevātipi atthaṃ vadanti. Tatthāti paṇṇasālāyaṃ. Ālokatthāya aṭṭhaṅgulamattaṃ ṭhapetvā limpatīti dārukuṭṭassa dārūnamantarā aṭṭhaṅgulamattaṃ vivaraṃ yāva limpati, tāva ālokatthāya ṭhapetvā avasesaṃ sakuṭṭacchadanaṃ limpati, pacchā etaṃ vivaraṃ limpissāmīti evaṃ ṭhapane anāpattīti adhippāyo. Sace pana evaṃ akatvā sabbadāpi ālokatthāya vātapānavasena ṭhapeti, vātapānadvārasaṅghāṭe ghaṭite lepo ca ghaṭīyati, paṭhamameva saṅghādisesoti dassento āha ‘‘sace’’tiādi. Mattikākuṭṭameva mattikālepasaṅkhyaṃ gacchatīti āha ‘‘sace mattikāya kuṭṭaṃ karoti, chadanalepena saddhiṃ ghaṭane āpattī’’ti. Ubhinnaṃ anāpattīti purimassa lepassa aghaṭitattā dutiyassa attuddesikatāya asambhavato.
354. аабад̇д̇ибхзд̣̇ад̣̇ассанад̇т̇анд̇и д̇ад̇т̇а ‘‘саарамбхз жа абариггаманз жа д̣̇уггадам̣ ад̣̇зсид̇авад̇т̇угад̇ааяа , бамаан̣аад̇игганд̇ад̇ааяа жа сан̇гхаад̣̇исзсо’’д̇и звам̣ аабад̇д̇иязва вибхааг̇ад̣̇ассанад̇т̇ам̣.
354.Āpattibhedadassanatthanti tattha ‘‘sārambhe ca aparikkamane ca dukkaṭaṃ adesitavatthukatāya , pamāṇātikkantatāya ca saṅghādiseso’’ti evaṃ āpattiyeva vibhāgadassanatthaṃ.
361. анидтид̇з гудигаммзд̇и лзбабарияосаанз гудигаммз згабин̣д̣амад̇д̇знаби анидтид̇з. ‘‘ан̃н̃асса буг̇г̇аласса ваа’’д̇и ид̣̇ам̣ мууладтасса анаабад̇д̇ид̣̇ассанад̇т̇ам̣ вуд̇д̇ам̣. язна бана лад̣̇д̇хам̣, д̇ассааби д̇ам̣ нидтаабзнд̇асса ‘‘барзхи виббагад̇ам̣ ад̇д̇анаа барияосаабзд̇и, аабад̇д̇и сан̇гхаад̣̇исзсассаа’’д̇иаад̣̇иважанад̇о (баараа. 363) аабад̇д̇иязва. буб̣б̣з гад̇агаммамби лад̣̇д̇хагаалад̇о бадтааяа ад̇д̇ано ад̇т̇ааязва гад̇ам̣ наама ход̇и, д̇асмаа д̇знааби сан̇гхасса ваа сааман̣зраад̣̇ийнам̣ ваа д̣̇ад̇ваа нидтаабзд̇аб̣б̣ам̣. ‘‘ан̃н̃асса ваа’’д̇и ид̣̇ам̣ анубасамбаннам̣язва санд̇хааяа вуд̇д̇анд̇и г̇ахзд̇аб̣б̣ам̣, гзжи бана ‘‘барад̇о лад̣̇д̇хааяа гудияаа нидтаабанз анаабад̇д̇иаад̣̇ид̇о бадтааяа ад̇д̇ано ад̇т̇ааяа агад̇ад̇д̇аа’’д̇и вад̣̇анд̇и. абажинид̇аб̣б̣аад̇и яаава баажинаа вид̣̇д̇хам̣сзд̇аб̣б̣аа. бхуумисамам̣ гад̇ваад̇и баажинад̇алаавасаанам̣ гад̇ваа.
361.Aniṭṭhite kuṭikammeti lepapariyosāne kuṭikamme ekapiṇḍamattenapi aniṭṭhite. ‘‘Aññassa puggalassa vā’’ti idaṃ mūlaṭṭhassa anāpattidassanatthaṃ vuttaṃ. Yena pana laddhaṃ, tassāpi taṃ niṭṭhāpentassa ‘‘parehi vippakataṃ attanā pariyosāpeti, āpatti saṅghādisesassā’’tiādivacanato (pārā. 363) āpattiyeva. Pubbe katakammampi laddhakālato paṭṭhāya attano atthāyeva kataṃ nāma hoti, tasmā tenāpi saṅghassa vā sāmaṇerādīnaṃ vā datvā niṭṭhāpetabbaṃ. ‘‘Aññassa vā’’ti idaṃ anupasampannaṃyeva sandhāya vuttanti gahetabbaṃ, keci pana ‘‘parato laddhāya kuṭiyā niṭṭhāpane anāpattiādito paṭṭhāya attano atthāya akatattā’’ti vadanti. Apacinitabbāti yāva pācinā viddhaṃsetabbā. Bhūmisamaṃ katvāti pācinatalāvasānaṃ katvā.
364. лзн̣анд̇и баб̣б̣ад̇алзн̣ам̣. на хзд̇т̇а лзбо гхадийяад̇ийд̇и чад̣̇аналзбасса абхаавад̇о вуд̇д̇ам̣, висум̣ зва ваа анун̃н̃аад̇ад̇д̇аа. сажз лзн̣асса анд̇о убарибхааг̇з жид̇д̇агаммаад̣̇игаран̣ад̇т̇ам̣ лзбам̣ д̣̇знд̇и, уллид̇д̇агудисан̇кяам̣ на г̇ажчад̇и, ваддад̇и зва. идтагаад̣̇ийхи гад̇ам̣ жад̇урассагуудааг̇аарасан̣таанам̣ згаган̣н̣игааб̣ад̣̇д̇хам̣ наад̇иужжам̣ бадиссаяависзсам̣ ‘‘г̇ухаа’’д̇и вад̣̇анд̇и, д̇аад̣̇исам̣ маханд̇амби уллид̇д̇аавалид̇д̇ам̣ гаронд̇асса анаабад̇д̇и. бхуумиг̇уханд̇и уман̇г̇аг̇ухам̣.
364.Leṇanti pabbataleṇaṃ. Na hettha lepo ghaṭīyatīti chadanalepassa abhāvato vuttaṃ, visuṃ eva vā anuññātattā. Sace leṇassa anto uparibhāge cittakammādikaraṇatthaṃ lepaṃ denti, ullittakuṭisaṅkhyaṃ na gacchati, vaṭṭati eva. Iṭṭhakādīhi kataṃ caturassakūṭāgārasaṇṭhānaṃ ekakaṇṇikābaddhaṃ nātiuccaṃ paṭissayavisesaṃ ‘‘guhā’’ti vadanti, tādisaṃ mahantampi ullittāvalittaṃ karontassa anāpatti. Bhūmiguhanti umaṅgaguhaṃ.
адтагат̇аасууд̇и гуггудажчигаг̇зханд̇иаад̣̇ийсу адтагат̇аасу д̇ин̣агудигаа гуггудажчигаг̇зханд̇и вад̇ваа буна д̇ам̣ виваранд̇зхи адтагат̇аажариязхи чад̣̇анам̣ д̣̇ан̣д̣агзхи…бз… вуд̇д̇аад̇и яож̇анаа д̣̇адтаб̣б̣аа. д̇ад̇т̇а д̣̇ан̣д̣агзхи ж̇аалаб̣ад̣̇д̇хам̣ гад̇ваад̇и д̣̇ийгхад̇о, д̇ирияад̇о жа табзд̇ваа валлияаад̣̇ийхи б̣ад̣̇д̇хад̣̇ан̣д̣агзхи ж̇аалам̣ вияа гад̇ваа. со жаад̇и уллид̇д̇аад̣̇ибхааво. чад̣̇анамзва санд̇хааяа вуд̇д̇од̇и чад̣̇анасса анд̇о жа б̣ахи жа лимбанамзва санд̇хааяа вуд̇д̇о. мад̇д̇игаагуддз бхид̇д̇илзбам̣ винааби бхид̇д̇ияаа сад̣̇д̇хим̣ чад̣̇аналзбасса гхаданамад̇д̇знааби аабад̇д̇исамбхавад̇о чад̣̇аналзбова бад̇хаананд̇и взд̣̇ид̇аб̣б̣ам̣. гин̃жааби звам̣, ат̇а ко ‘‘убажигааможанад̇т̇амзва хздтаа баасаан̣агуддам̣ гад̇ваа д̇ам̣ алимбид̇ваа убари лимбад̇и, лзбо на гхадийяад̇и наама, анаабад̇д̇иязваа’’д̇иаад̣̇иважанад̇о бана чад̣̇аналзбагхаданад̇т̇ам̣ сагалааяаби бхид̇д̇ияаа лзбо авассам̣ ижчид̇аб̣б̣ова д̇ассаа згад̣̇зсасса алзбзби чад̣̇аналзбасса агхаданад̇о. д̇знааха ‘‘лзбо на гхадийяад̇ий’’д̇и. зд̇т̇аад̇и д̇ин̣агудигааяам̣. на гзвалан̃жа д̇ин̣агудигааяам̣ зва, лзн̣аг̇ухаад̣̇ийсуби саарамбхаабариггаманабажжаяааби анаабад̇д̇и зва, иминаа бана наязна ан̃н̃ассад̇т̇ааяа гудим̣ гаронд̇ассааби саарамбхаад̣̇ибажжаяааби анаабад̇д̇ибхааво ад̇т̇ад̇о д̣̇ассид̇о зва ход̇ийд̇и.
Aṭṭhakathāsūti kukkuṭacchikagehantiādīsu aṭṭhakathāsu tiṇakuṭikā kukkuṭacchikagehanti vatvā puna taṃ vivarantehi aṭṭhakathācariyehi chadanaṃ daṇḍakehi…pe… vuttāti yojanā daṭṭhabbā. Tattha daṇḍakehi jālabaddhaṃ katvāti dīghato, tiriyato ca ṭhapetvā valliyādīhi baddhadaṇḍakehi jālaṃ viya katvā. So cāti ullittādibhāvo. Chadanameva sandhāya vuttoti chadanassa anto ca bahi ca limpanameva sandhāya vutto. Mattikākuṭṭe bhittilepaṃ vināpi bhittiyā saddhiṃ chadanalepassa ghaṭanamattenāpi āpattisambhavato chadanalepova padhānanti veditabbaṃ. Kiñcāpi evaṃ, atha kho ‘‘upacikāmocanatthameva heṭṭhā pāsāṇakuṭṭaṃ katvā taṃ alimpitvā upari limpati, lepo na ghaṭīyati nāma, anāpattiyevā’’tiādivacanato pana chadanalepaghaṭanatthaṃ sakalāyapi bhittiyā lepo avassaṃ icchitabbova tassā ekadesassa alepepi chadanalepassa aghaṭanato. Tenāha ‘‘lepo na ghaṭīyatī’’ti. Etthāti tiṇakuṭikāyaṃ. Na kevalañca tiṇakuṭikāyaṃ eva, leṇaguhādīsupi sārambhāparikkamanapaccayāpi anāpatti eva, iminā pana nayena aññassatthāya kuṭiṃ karontassāpi sārambhādipaccayāpi anāpattibhāvo atthato dassito eva hotīti.
д̇ад̇т̇а баал̣ивирод̇хам̣ барихарид̇ум̣ ‘‘яам̣ банаа’’д̇иаад̣̇и вуд̇д̇ам̣. аяан̃хзд̇т̇а ад̇хиббааяо – ан̃н̃асса убаж̇жхааяаад̣̇ино ад̇т̇ааяа гаронд̇асса саарамбхаад̣̇ибажжаяааби анаабад̇д̇и зва, яам̣ бана баал̣ияам̣ ‘‘аабад̇д̇игааругаанам̣ д̇ин̣н̣ам̣ д̣̇уггадаана’’нд̇иаад̣̇иважанам̣, д̇ам̣ ан̃н̃ассад̇т̇ааяа гаронд̇асса, на саарамбхаад̣̇ибажжаяаа аабад̇д̇ид̣̇ассанад̇т̇ам̣ вуд̇д̇ам̣, гин̃жарахи яат̇аасамаад̣̇идтааяа гудияаа агаран̣абажжаяаа аабад̇д̇ид̣̇ассанад̇т̇анд̇и. д̇ад̇т̇а яат̇аасамаад̣̇идтааяаад̇и ‘‘бхигку самаад̣̇исид̇ваа баггамад̇и, ‘гудим̣ мз гарот̇аа’д̇и самаад̣̇исад̇и жа, д̣̇зсид̇авад̇т̇угаа жа ход̇у анаарамбхаа жа сабариггаманаа жаа’’д̇и звам̣ гаараабагзна аан̣ад̇д̇иггамам̣ мун̃жид̇ваа гаран̣абажжаяаад̇и ад̇хиббааяо. гад̇т̇ажи бана бод̇т̇агз ‘‘гудилагкан̣аббад̇д̇амби гудим̣ ан̃н̃асса…бз… гаронд̇асса анаабад̇д̇ий’’д̇и имасса баатасса ананд̇арам̣ ‘‘яам̣ бана аабад̇д̇и гааругаана’’нд̇иаад̣̇ибаато д̣̇иссад̇и, сова яуд̇д̇ад̇аро. зван̃хи сад̇и д̇ад̇т̇а ад̇хиббааяо баагадо ход̇и.
Tattha pāḷivirodhaṃ pariharituṃ ‘‘yaṃ panā’’tiādi vuttaṃ. Ayañhettha adhippāyo – aññassa upajjhāyādino atthāya karontassa sārambhādipaccayāpi anāpatti eva, yaṃ pana pāḷiyaṃ ‘‘āpattikārukānaṃ tiṇṇaṃ dukkaṭāna’’ntiādivacanaṃ, taṃ aññassatthāya karontassa, na sārambhādipaccayā āpattidassanatthaṃ vuttaṃ, kiñcarahi yathāsamādiṭṭhāya kuṭiyā akaraṇapaccayā āpattidassanatthanti. Tattha yathāsamādiṭṭhāyāti ‘‘bhikkhu samādisitvā pakkamati, ‘kuṭiṃ me karothā’ti samādisati ca, desitavatthukā ca hotu anārambhā ca saparikkamanā cā’’ti evaṃ kārāpakena āṇattikkamaṃ muñcitvā karaṇapaccayāti adhippāyo. Katthaci pana potthake ‘‘kuṭilakkhaṇappattampi kuṭiṃ aññassa…pe… karontassa anāpattī’’ti imassa pāṭhassa anantaraṃ ‘‘yaṃ pana āpatti kārukāna’’ntiādipāṭho dissati, sova yuttataro. Evañhi sati tattha adhippāyo pākaṭo hoti.
анаабад̇д̇ийд̇и вад̇ваад̇и ваасааг̇аарад̇т̇ааяа зва анияамид̇ад̇д̇аа анаабад̇д̇ийд̇и вад̇ваа. ад̣̇зсаабзд̇ваа гарод̇од̇и бамаан̣аяуд̇д̇амби гарод̇о. ажид̇д̇аганд̇и бан̣н̣ад̇д̇иаж̇аананажид̇д̇зна ажид̇д̇агам̣. уллид̇д̇аад̣̇ийнам̣ ан̃н̃ад̇арад̇аа, хздтимаббамаан̣асамбхаво, ад̣̇зсид̇авад̇т̇угад̇аа, бамаан̣аад̇игганд̇ад̇аа, ад̇д̇уд̣̇д̣̇зсигад̇аа, ваасааг̇аарад̇аа, лзбагхаданаад̇и сад̇д̇а ваа бамаан̣аяуд̇д̇ан̇г̇аад̣̇ийсу ча ваа ан̇г̇аани.
Anāpattīti vatvāti vāsāgāratthāya eva aniyamitattā anāpattīti vatvā. Adesāpetvā karototi pamāṇayuttampi karoto. Acittakanti paṇṇattiajānanacittena acittakaṃ. Ullittādīnaṃ aññataratā, heṭṭhimappamāṇasambhavo, adesitavatthukatā, pamāṇātikkantatā, attuddesikatā, vāsāgāratā, lepaghaṭanāti satta vā pamāṇayuttaṅgādīsu cha vā aṅgāni.
гудигаарасигкаабад̣̇аван̣н̣анаа нидтид̇аа.
Kuṭikārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. гудигаарасигкаабад̣̇ам̣ • 6. Kuṭikārasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
