| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. гудигаасуд̇д̇аван̣н̣анаа
9. Kuṭikāsuttavaṇṇanā
19. навамз гажжи д̇з гудигаад̇и аяам̣ д̣̇звад̇аа д̣̇аса маасз анд̇овасанадтаанадтзна маад̇арам̣ гудигам̣ гад̇ваа, яат̇аа сагун̣аа д̣̇ивасам̣ г̇ожарабасуд̇аа рад̇д̇им̣ гулаавагам̣ аллийяанд̇и, звамзвам̣ сад̇д̇аа д̇ад̇т̇а д̇ад̇т̇а г̇анд̇вааби маад̇уг̇аамасса санд̇игам̣ ааг̇ажчанд̇и, аалаяавасзна бхарияам̣ гулаавагам̣ гад̇ваа. гулабавзн̣им̣ санд̇аанагадтзна буд̇д̇з санд̇аанагз гад̇ваа, д̇ан̣хам̣ б̣анд̇ханам̣ гад̇ваа, г̇аат̇ааб̣анд̇ханзна имз бан̃хз самод̇хаанзд̇ваа бхаг̇аванд̇ам̣ бужчи, бхаг̇аваабиссаа виссаж̇ж̇знд̇о д̇аг̇гхаад̇иаад̣̇имааха. д̇ад̇т̇а д̇аг̇гхаад̇и згам̣саважанз нибаад̇о. над̇т̇ийд̇и бахааяа баб̣б̣аж̇ид̇ад̇д̇аа ваддасмим̣ ваа буна маад̇угужчиваасасса д̣̇аарабхаран̣асса буд̇д̇аниб̣б̣ад̇д̇ияаа ваа абхаавад̇о над̇т̇и.
19. Navame kacci te kuṭikāti ayaṃ devatā dasa māse antovasanaṭṭhānaṭṭhena mātaraṃ kuṭikaṃ katvā, yathā sakuṇā divasaṃ gocarapasutā rattiṃ kulāvakaṃ allīyanti, evamevaṃ sattā tattha tattha gantvāpi mātugāmassa santikaṃ āgacchanti, ālayavasena bhariyaṃ kulāvakaṃ katvā. Kulapaveṇiṃ santānakaṭṭhena putte santānake katvā, taṇhaṃ bandhanaṃ katvā, gāthābandhanena ime pañhe samodhānetvā bhagavantaṃ pucchi, bhagavāpissā vissajjento tagghātiādimāha. Tattha tagghāti ekaṃsavacane nipāto. Natthīti pahāya pabbajitattā vaṭṭasmiṃ vā puna mātukucchivāsassa dārabharaṇassa puttanibbattiyā vā abhāvato natthi.
д̣̇звад̇аа ‘‘маяаа саннаахам̣ б̣анд̇хид̇ваа г̇ул̣хаа бан̃хаа бужчид̇аа, аяан̃жа саман̣о бужчид̇амад̇д̇зязва виссаж̇ж̇зси, ж̇аанам̣ ну ко мз аж̇жхаасаяам̣ гат̇зси, уд̣̇ааху аж̇аанам̣ яам̣ ваа д̇ам̣ ваа мукаарул̣хам̣ гат̇зсий’’д̇и жинд̇зд̇ваа буна гинд̇ааханд̇иаад̣̇имааха. д̇ад̇т̇а гинд̇ааханд̇и гим̣ д̇з ахам̣. ат̇ассаа бхаг̇аваа аажигканд̇о маад̇аранд̇иаад̣̇имааха. сааху д̇зд̇и г̇аат̇ааяа анумод̣̇ид̇ваа самбахам̣сид̇ваа бхаг̇аванд̇ам̣ ванд̣̇ид̇ваа г̇анд̇хамаалаад̣̇ийхи бууж̇зд̇ваа ад̇д̇ано д̣̇звадтаанамзва г̇ад̇аад̇и.
Devatā ‘‘mayā sannāhaṃ bandhitvā guḷhā pañhā pucchitā, ayañca samaṇo pucchitamatteyeva vissajjesi, jānaṃ nu kho me ajjhāsayaṃ kathesi, udāhu ajānaṃ yaṃ vā taṃ vā mukhāruḷhaṃ kathesī’’ti cintetvā puna kintāhantiādimāha. Tattha kintāhanti kiṃ te ahaṃ. Athassā bhagavā ācikkhanto mātarantiādimāha. Sāhu teti gāthāya anumoditvā sampahaṃsitvā bhagavantaṃ vanditvā gandhamālādīhi pūjetvā attano devaṭṭhānameva gatāti.
гудигаасуд̇д̇аван̣н̣анаа нидтид̇аа.
Kuṭikāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. гудигаасуд̇д̇ам̣ • 9. Kuṭikāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. гудигаасуд̇д̇аван̣н̣анаа • 9. Kuṭikāsuttavaṇṇanā
