| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. กุฎิกาสุตฺตวณฺณนา
9. Kuṭikāsuttavaṇṇanā
๑๙. อโนฺตติ กุจฺฉิอพฺภนฺตเรฯ วสนฎฺฐานเฎฺฐนาติ วสนภาเวนฯ กุลปเวณินฺติ กุลาจารํ กุลตนฺติํฯ สนฺตานกเฎฺฐนาติ กุลสนฺตติยา พนฺธนภาเวน ฯ เอวํ สพฺพปเทหิ ปุจฺฉิตตฺถสฺส อนุชานนวเสน ‘‘เอกํสวจเน นิปาโต’’ติ วุตฺตํฯ อาปาทิกา โปสิกา มาตุจฺฉา มหาปชาปติ มาตา เอวาติ กตฺวา ‘‘ปหาย ปพฺพชิตตฺตา’’ติ อวิเสสโต วุตฺตํฯ ปหาย ปพฺพชิตตฺตา นตฺถีติ อาเนตฺวา สมฺพโนฺธฯ ปุน มาตุกุจฺฉิวาสาทีนํ อภาววจเนเนว วฎฺฎมฺหิ พนฺธนสฺส อภาโว ทีปิโต โหตีติ น คหิโตฯ อยํ กิร เทวตา ยถา ปุถุชฺชนา พุทฺธานํ คุเณ น ชานนฺติ, เอวํ น ชานาติ, ตสฺมา ‘‘มยา สนฺนาหํ พนฺธิตฺวา’’ติอาทิมาหฯ
19.Antoti kucchiabbhantare. Vasanaṭṭhānaṭṭhenāti vasanabhāvena. Kulapaveṇinti kulācāraṃ kulatantiṃ. Santānakaṭṭhenāti kulasantatiyā bandhanabhāvena . Evaṃ sabbapadehi pucchitatthassa anujānanavasena ‘‘ekaṃsavacane nipāto’’ti vuttaṃ. Āpādikā posikā mātucchā mahāpajāpati mātā evāti katvā ‘‘pahāya pabbajitattā’’ti avisesato vuttaṃ. Pahāya pabbajitattā natthīti ānetvā sambandho. Puna mātukucchivāsādīnaṃ abhāvavacaneneva vaṭṭamhi bandhanassa abhāvo dīpito hotīti na gahito. Ayaṃ kira devatā yathā puthujjanā buddhānaṃ guṇe na jānanti, evaṃ na jānāti, tasmā ‘‘mayā sannāhaṃ bandhitvā’’tiādimāha.
กุฎิกาสุตฺตวณฺณนา นิฎฺฐิตาฯ
Kuṭikāsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. กุฎิกาสุตฺตํ • 9. Kuṭikāsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. กุฎิกาสุตฺตวณฺณนา • 9. Kuṭikāsuttavaṇṇanā
