| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ကုဋိကာသုတ္တဝဏ္ဏနာ
9. Kuṭikāsuttavaṇṇanā
၁၉. အန္တောတိ ကုစ္ဆိအဗ္ဘန္တရေ။ ဝသနဋ္ဌာနဋ္ဌေနာတိ ဝသနဘာဝေန။ ကုလပဝေဏိန္တိ ကုလာစာရံ ကုလတန္တိံ။ သန္တာနကဋ္ဌေနာတိ ကုလသန္တတိယာ ဗန္ဓနဘာဝေန ။ ဧဝံ သဗ္ဗပဒေဟိ ပုစ္ဆိတတ္ထသ္သ အနုဇာနနဝသေန ‘‘ဧကံသဝစနေ နိပာတော’’တိ ဝုတ္တံ။ အာပာဒိကာ ပောသိကာ မာတုစ္ဆာ မဟာပဇာပတိ မာတာ ဧဝာတိ ကတ္ဝာ ‘‘ပဟာယ ပဗ္ဗဇိတတ္တာ’’တိ အဝိသေသတော ဝုတ္တံ။ ပဟာယ ပဗ္ဗဇိတတ္တာ နတ္ထီတိ အာနေတ္ဝာ သမ္ဗန္ဓော။ ပုန မာတုကုစ္ဆိဝာသာဒီနံ အဘာဝဝစနေနေဝ ဝဋ္ဋမ္ဟိ ဗန္ဓနသ္သ အဘာဝော ဒီပိတော ဟောတီတိ န ဂဟိတော။ အယံ ကိရ ဒေဝတာ ယထာ ပုထုဇ္ဇနာ ဗုဒ္ဓာနံ ဂုဏေ န ဇာနန္တိ, ဧဝံ န ဇာနာတိ, တသ္မာ ‘‘မယာ သန္နာဟံ ဗန္ဓိတ္ဝာ’’တိအာဒိမာဟ။
19.Antoti kucchiabbhantare. Vasanaṭṭhānaṭṭhenāti vasanabhāvena. Kulapaveṇinti kulācāraṃ kulatantiṃ. Santānakaṭṭhenāti kulasantatiyā bandhanabhāvena . Evaṃ sabbapadehi pucchitatthassa anujānanavasena ‘‘ekaṃsavacane nipāto’’ti vuttaṃ. Āpādikā posikā mātucchā mahāpajāpati mātā evāti katvā ‘‘pahāya pabbajitattā’’ti avisesato vuttaṃ. Pahāya pabbajitattā natthīti ānetvā sambandho. Puna mātukucchivāsādīnaṃ abhāvavacaneneva vaṭṭamhi bandhanassa abhāvo dīpito hotīti na gahito. Ayaṃ kira devatā yathā puthujjanā buddhānaṃ guṇe na jānanti, evaṃ na jānāti, tasmā ‘‘mayā sannāhaṃ bandhitvā’’tiādimāha.
ကုဋိကာသုတ္တဝဏ္ဏနာ နိဋ္ဌိတာ။
Kuṭikāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ကုဋိကာသုတ္တံ • 9. Kuṭikāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. ကုဋိကာသုတ္တဝဏ္ဏနာ • 9. Kuṭikāsuttavaṇṇanā
