| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਕੁਟਿਕਾਸੁਤ੍ਤવਣ੍ਣਨਾ
9. Kuṭikāsuttavaṇṇanā
੧੯. ਨવਮੇ ਕਚ੍ਚਿ ਤੇ ਕੁਟਿਕਾਤਿ ਅਯਂ ਦੇવਤਾ ਦਸ ਮਾਸੇ ਅਨ੍ਤੋવਸਨਟ੍ਠਾਨਟ੍ਠੇਨ ਮਾਤਰਂ ਕੁਟਿਕਂ ਕਤ੍વਾ, ਯਥਾ ਸਕੁਣਾ ਦਿવਸਂ ਗੋਚਰਪਸੁਤਾ ਰਤ੍ਤਿਂ ਕੁਲਾવਕਂ ਅਲ੍ਲੀਯਨ੍ਤਿ, ਏવਮੇવਂ ਸਤ੍ਤਾ ਤਤ੍ਥ ਤਤ੍ਥ ਗਨ੍ਤ੍વਾਪਿ ਮਾਤੁਗਾਮਸ੍ਸ ਸਨ੍ਤਿਕਂ ਆਗਚ੍ਛਨ੍ਤਿ, ਆਲਯવਸੇਨ ਭਰਿਯਂ ਕੁਲਾવਕਂ ਕਤ੍વਾ। ਕੁਲਪવੇਣਿਂ ਸਨ੍ਤਾਨਕਟ੍ਠੇਨ ਪੁਤ੍ਤੇ ਸਨ੍ਤਾਨਕੇ ਕਤ੍વਾ, ਤਣ੍ਹਂ ਬਨ੍ਧਨਂ ਕਤ੍વਾ, ਗਾਥਾਬਨ੍ਧਨੇਨ ਇਮੇ ਪਞ੍ਹੇ ਸਮੋਧਾਨੇਤ੍વਾ ਭਗવਨ੍ਤਂ ਪੁਚ੍ਛਿ, ਭਗવਾਪਿਸ੍ਸਾ વਿਸ੍ਸਜ੍ਜੇਨ੍ਤੋ ਤਗ੍ਘਾਤਿਆਦਿਮਾਹ। ਤਤ੍ਥ ਤਗ੍ਘਾਤਿ ਏਕਂਸવਚਨੇ ਨਿਪਾਤੋ। ਨਤ੍ਥੀਤਿ ਪਹਾਯ ਪਬ੍ਬਜਿਤਤ੍ਤਾ વਟ੍ਟਸ੍ਮਿਂ વਾ ਪੁਨ ਮਾਤੁਕੁਚ੍ਛਿવਾਸਸ੍ਸ ਦਾਰਭਰਣਸ੍ਸ ਪੁਤ੍ਤਨਿਬ੍ਬਤ੍ਤਿਯਾ વਾ ਅਭਾવਤੋ ਨਤ੍ਥਿ।
19. Navame kacci te kuṭikāti ayaṃ devatā dasa māse antovasanaṭṭhānaṭṭhena mātaraṃ kuṭikaṃ katvā, yathā sakuṇā divasaṃ gocarapasutā rattiṃ kulāvakaṃ allīyanti, evamevaṃ sattā tattha tattha gantvāpi mātugāmassa santikaṃ āgacchanti, ālayavasena bhariyaṃ kulāvakaṃ katvā. Kulapaveṇiṃ santānakaṭṭhena putte santānake katvā, taṇhaṃ bandhanaṃ katvā, gāthābandhanena ime pañhe samodhānetvā bhagavantaṃ pucchi, bhagavāpissā vissajjento tagghātiādimāha. Tattha tagghāti ekaṃsavacane nipāto. Natthīti pahāya pabbajitattā vaṭṭasmiṃ vā puna mātukucchivāsassa dārabharaṇassa puttanibbattiyā vā abhāvato natthi.
ਦੇવਤਾ ‘‘ਮਯਾ ਸਨ੍ਨਾਹਂ ਬਨ੍ਧਿਤ੍વਾ ਗੁਲ਼੍ਹਾ ਪਞ੍ਹਾ ਪੁਚ੍ਛਿਤਾ, ਅਯਞ੍ਚ ਸਮਣੋ ਪੁਚ੍ਛਿਤਮਤ੍ਤੇਯੇવ વਿਸ੍ਸਜ੍ਜੇਸਿ, ਜਾਨਂ ਨੁ ਖੋ ਮੇ ਅਜ੍ਝਾਸਯਂ ਕਥੇਸਿ, ਉਦਾਹੁ ਅਜਾਨਂ ਯਂ વਾ ਤਂ વਾ ਮੁਖਾਰੁਲ਼੍ਹਂ ਕਥੇਸੀ’’ਤਿ ਚਿਨ੍ਤੇਤ੍વਾ ਪੁਨ ਕਿਨ੍ਤਾਹਨ੍ਤਿਆਦਿਮਾਹ। ਤਤ੍ਥ ਕਿਨ੍ਤਾਹਨ੍ਤਿ ਕਿਂ ਤੇ ਅਹਂ। ਅਥਸ੍ਸਾ ਭਗવਾ ਆਚਿਕ੍ਖਨ੍ਤੋ ਮਾਤਰਨ੍ਤਿਆਦਿਮਾਹ। ਸਾਹੁ ਤੇਤਿ ਗਾਥਾਯ ਅਨੁਮੋਦਿਤ੍વਾ ਸਮ੍ਪਹਂਸਿਤ੍વਾ ਭਗવਨ੍ਤਂ વਨ੍ਦਿਤ੍વਾ ਗਨ੍ਧਮਾਲਾਦੀਹਿ ਪੂਜੇਤ੍વਾ ਅਤ੍ਤਨੋ ਦੇવਟ੍ਠਾਨਮੇવ ਗਤਾਤਿ।
Devatā ‘‘mayā sannāhaṃ bandhitvā guḷhā pañhā pucchitā, ayañca samaṇo pucchitamatteyeva vissajjesi, jānaṃ nu kho me ajjhāsayaṃ kathesi, udāhu ajānaṃ yaṃ vā taṃ vā mukhāruḷhaṃ kathesī’’ti cintetvā puna kintāhantiādimāha. Tattha kintāhanti kiṃ te ahaṃ. Athassā bhagavā ācikkhanto mātarantiādimāha. Sāhu teti gāthāya anumoditvā sampahaṃsitvā bhagavantaṃ vanditvā gandhamālādīhi pūjetvā attano devaṭṭhānameva gatāti.
ਕੁਟਿਕਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kuṭikāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕੁਟਿਕਾਸੁਤ੍ਤਂ • 9. Kuṭikāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਕੁਟਿਕਾਸੁਤ੍ਤવਣ੍ਣਨਾ • 9. Kuṭikāsuttavaṇṇanā
