| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. гудивихаарид̇т̇зраг̇аат̇ааван̣н̣анаа
6. Kuṭivihārittheragāthāvaṇṇanā
го гудигааяанд̇и ааяасмад̇о гудивихаарид̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о аагаасзна г̇ажчанд̇асса ‘‘уд̣̇агад̣̇аанам̣ д̣̇ассаамий’’д̇и сийд̇алам̣ уд̣̇агам̣ г̇ахзд̇ваа бийд̇исоманассаж̇аад̇о уд̣̇д̇хаммуко худ̇ваа угкиби. сад̇т̇аа д̇асса аж̇жхаасаяам̣ н̃ад̇ваа басаад̣̇асам̣вад̣дханад̇т̇ам̣ аагаасз тид̇ова самбадижчи. со д̇зна анаббагам̣ бийд̇исоманассам̣ бадисам̣взд̣̇зси. сзсам̣ ан̃ж̇анаванияад̇т̇зрасса вад̇т̇умхи вуд̇д̇асад̣̇исамзва. аяам̣ бана висзсо – аяам̣ гира вуд̇д̇анаязна баб̣б̣аж̇ид̇ваа гад̇абуб̣б̣агижжо вибассанам̣ ануяун̃ж̇анд̇о сааяам̣ кзд̇д̇асамийбзна г̇ажчанд̇о д̣̇звз пусааяанд̇з кзд̇д̇абаалагасса бун̃н̃ам̣ д̇ин̣агудим̣ д̣̇исваа бависид̇ваа д̇ад̇т̇а д̇ин̣асант̇аарагз нисийд̣̇и . нисиннамад̇д̇ова уд̇усаббааяам̣ лабхид̇ваа вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.11.29-35) –
Kokuṭikāyanti āyasmato kuṭivihārittherassa gāthā. Kā uppatti? So kira padumuttarassa bhagavato ākāsena gacchantassa ‘‘udakadānaṃ dassāmī’’ti sītalaṃ udakaṃ gahetvā pītisomanassajāto uddhammukho hutvā ukkhipi. Satthā tassa ajjhāsayaṃ ñatvā pasādasaṃvaḍḍhanatthaṃ ākāse ṭhitova sampaṭicchi. So tena anappakaṃ pītisomanassaṃ paṭisaṃvedesi. Sesaṃ añjanavaniyattherassa vatthumhi vuttasadisameva. Ayaṃ pana viseso – ayaṃ kira vuttanayena pabbajitvā katapubbakicco vipassanaṃ anuyuñjanto sāyaṃ khettasamīpena gacchanto deve phusāyante khettapālakassa puññaṃ tiṇakuṭiṃ disvā pavisitvā tattha tiṇasanthārake nisīdi . Nisinnamattova utusappāyaṃ labhitvā vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.11.29-35) –
‘‘суван̣н̣аван̣н̣ам̣ самб̣уд̣̇д̇хам̣, г̇ажчанд̇ам̣ анилан̃ж̇асз;
‘‘Suvaṇṇavaṇṇaṃ sambuddhaṃ, gacchantaṃ anilañjase;
гхад̇аасанам̣ва ж̇алид̇ам̣, аад̣̇ид̇д̇ам̣ва худ̇аасанам̣.
Ghatāsanaṃva jalitaṃ, ādittaṃva hutāsanaṃ.
‘‘баан̣инаа уд̣̇агам̣ г̇аяха, аагаасз угкибим̣ ахам̣;
‘‘Pāṇinā udakaṃ gayha, ākāse ukkhipiṃ ahaṃ;
самбадижчи махаавийро, б̣уд̣̇д̇хо гаарун̣иго иси.
Sampaṭicchi mahāvīro, buddho kāruṇiko isi.
‘‘анд̇алигкз тид̇о сад̇т̇аа, бад̣̇умуд̇д̇аранаамаго;
‘‘Antalikkhe ṭhito satthā, padumuttaranāmako;
мама сан̇габбаман̃н̃ааяа, имаа г̇аат̇аа абхаасат̇а.
Mama saṅkappamaññāya, imā gāthā abhāsatha.
‘‘иминаа д̣̇агад̣̇аанзна, бийд̇иуббаад̣̇анзна жа;
‘‘Iminā dakadānena, pītiuppādanena ca;
габбасад̇асахассамби, д̣̇уг̇г̇ад̇им̣ нубабаж̇ж̇ад̇и.
Kappasatasahassampi, duggatiṃ nupapajjati.
‘‘д̇зна гаммзна д̣̇вибад̣̇инд̣̇а, логаж̇здта нараасабха;
‘‘Tena kammena dvipadinda, lokajeṭṭha narāsabha;
бад̇д̇омхи ажалам̣ таанам̣, хид̇ваа ж̇аяабарааж̇аяам̣.
Pattomhi acalaṃ ṭhānaṃ, hitvā jayaparājayaṃ.
‘‘сахассарааж̇анаамзна, д̇аяо д̇з жаггавад̇д̇ино;
‘‘Sahassarājanāmena, tayo te cakkavattino;
бан̃жасадтигаббасад̇з, жаад̇уранд̇аа ж̇анаад̇хибаа.
Pañcasaṭṭhikappasate, cāturantā janādhipā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зрз д̇ад̇т̇а нисиннз кзд̇д̇абаалаго ааг̇анд̇ваа ‘‘го гудигааяа’’нд̇и ааха. д̇ам̣ суд̇ваа т̇зро ‘‘бхигку гудигааяа’’нд̇иаад̣̇имааха. д̇аяид̣̇ам̣ кзд̇д̇абааласса т̇зрасса жа важанам̣ згаж̇жхам̣ гад̇ваа –
Arahattaṃ pana patvā there tattha nisinne khettapālako āgantvā ‘‘ko kuṭikāya’’nti āha. Taṃ sutvā thero ‘‘bhikkhu kuṭikāya’’ntiādimāha. Tayidaṃ khettapālassa therassa ca vacanaṃ ekajjhaṃ katvā –
56.
56.
‘‘го гудигааяам̣ бхигку гудигааяам̣, вийд̇арааг̇о сусамаахид̇ажид̇д̇о;
‘‘Ko kuṭikāyaṃ bhikkhu kuṭikāyaṃ, vītarāgo susamāhitacitto;
звам̣ ж̇аанаахи аавусо, амогхаа д̇з гудигаа гад̇аа’’д̇и. –
Evaṃ jānāhi āvuso, amoghā te kuṭikā katā’’ti. –
д̇ат̇ааруубзна сан̇г̇ийд̇им̣ ааробид̇ам̣.
Tathārūpena saṅgītiṃ āropitaṃ.
д̇ад̇т̇а го гудигааяанд̇и, ‘‘имиссам̣ гудигааяам̣ го нисинно’’д̇и кзд̇д̇абааласса бужчааважанам̣. д̇асса бхигку гудигааяанд̇и т̇зрасса бадиважанад̣̇аанам̣. ат̇а нам̣ ад̇д̇ано ануд̇д̇арад̣̇агкин̣зяяабхаавад̇о д̇ам̣ гудибарибхог̇ам̣ анумод̣̇аабзд̇ваа ул̣аарам̣ д̇амзва бун̃н̃ам̣ бад̇идтаабзд̇ум̣ ‘‘вийд̇арааг̇о’’д̇иаад̣̇и вуд̇д̇ам̣. д̇ассад̇т̇о – зго бхиннагилзсо бхигку д̇з гудигааяам̣ нисинно, д̇ад̇о зва со аг̇г̇амаг̇г̇зна саб̣б̣асо самужчиннарааг̇ад̇ааяа вийд̇арааг̇о ануд̇д̇арасамаад̇хинаа ниб̣б̣аанам̣ аарамман̣ам̣ гад̇ваа судту самаахид̇ажид̇д̇ад̇ааяа сусамаахид̇ажид̇д̇о, иман̃жа ад̇т̇ам̣, аавусо кзд̇д̇абаала, яат̇аахам̣ вад̣̇аами, звам̣ ж̇аанаахи сад̣̇д̣̇аха ад̇химужжассу. амогхаа д̇з гудигаа гад̇аа д̇аяаа гад̇аа гудигаа амогхаа аван̃жхаа сапалаа сауд̣̇раяаа, яасмаа арахад̇аа кийн̣аасавзна барибхуд̇д̇аа. сажз д̇вам̣ анумод̣̇аси, д̇ам̣ д̇з бхависсад̇и д̣̇ийгхарад̇д̇ам̣ хид̇ааяа сукааяаад̇и.
Tattha ko kuṭikāyanti, ‘‘imissaṃ kuṭikāyaṃ ko nisinno’’ti khettapālassa pucchāvacanaṃ. Tassa bhikkhu kuṭikāyanti therassa paṭivacanadānaṃ. Atha naṃ attano anuttaradakkhiṇeyyabhāvato taṃ kuṭiparibhogaṃ anumodāpetvā uḷāraṃ tameva puññaṃ patiṭṭhāpetuṃ ‘‘vītarāgo’’tiādi vuttaṃ. Tassattho – eko bhinnakileso bhikkhu te kuṭikāyaṃ nisinno, tato eva so aggamaggena sabbaso samucchinnarāgatāya vītarāgo anuttarasamādhinā nibbānaṃ ārammaṇaṃ katvā suṭṭhu samāhitacittatāya susamāhitacitto, imañca atthaṃ, āvuso khettapāla, yathāhaṃ vadāmi, evaṃ jānāhi saddaha adhimuccassu. Amoghāte kuṭikā katā tayā katā kuṭikā amoghā avañjhā saphalā saudrayā, yasmā arahatā khīṇāsavena paribhuttā. Sace tvaṃ anumodasi, taṃ te bhavissati dīgharattaṃ hitāya sukhāyāti.
д̇ам̣ суд̇ваа кзд̇д̇абаало ‘‘лаабхаа вад̇а мз, сулад̣̇д̇хам̣ вад̇а мз, яасса мз гудигааяам̣ зд̣̇исо аяяо бависид̇ваа нисийд̣̇ад̇ий’’д̇и басаннажид̇д̇о анумод̣̇анд̇о адтааси. имам̣ бана д̇зсам̣ гат̇аасаллаабам̣ бхаг̇аваа д̣̇иб̣б̣ааяа сод̇ад̇хаад̇уяаа суд̇ваа анумод̣̇анан̃жасса н̃ад̇ваа д̇амбхаавиним̣ самбад̇д̇им̣ вибхаавзнд̇о кзд̇д̇абаалам̣ имаахи г̇аат̇аахи аж̇жхабхааси –
Taṃ sutvā khettapālo ‘‘lābhā vata me, suladdhaṃ vata me, yassa me kuṭikāyaṃ ediso ayyo pavisitvā nisīdatī’’ti pasannacitto anumodanto aṭṭhāsi. Imaṃ pana tesaṃ kathāsallāpaṃ bhagavā dibbāya sotadhātuyā sutvā anumodanañcassa ñatvā tambhāviniṃ sampattiṃ vibhāvento khettapālaṃ imāhi gāthāhi ajjhabhāsi –
‘‘вихааси гудияам̣ бхигку, санд̇ажид̇д̇о анаасаво;
‘‘Vihāsi kuṭiyaṃ bhikkhu, santacitto anāsavo;
д̇зна гаммавибаагзна, д̣̇звинд̣̇о д̇вам̣ бхависсаси.
Tena kammavipākena, devindo tvaṃ bhavissasi.
‘‘чад̇д̇им̣сагкад̇д̇ум̣ д̣̇звинд̣̇о, д̣̇звараж̇ж̇ам̣ гариссаси;
‘‘Chattiṃsakkhattuṃ devindo, devarajjaṃ karissasi;
жад̇уд̇д̇им̣сагкад̇д̇ум̣ жаггавад̇д̇ий, рааж̇аа радтз бхависсаси;
Catuttiṃsakkhattuṃ cakkavattī, rājā raṭṭhe bhavissasi;
рад̇анагуди наама бажжзгаб̣уд̣̇д̇хо, вийд̇арааг̇о бхависсасий’’д̇и.
Ratanakuṭi nāma paccekabuddho, vītarāgo bhavissasī’’ti.
гудигааяам̣ лад̣̇д̇хависзсад̇д̇аа бана т̇зрасса д̇ад̇о бабхуд̇и гудивихаарийд̇взва саман̃н̃аа уд̣̇абаад̣̇и. аяамзва жа т̇зрасса ан̃н̃ааб̣яаагаран̣аг̇аат̇ааби ахосийд̇и.
Kuṭikāyaṃ laddhavisesattā pana therassa tato pabhuti kuṭivihārītveva samaññā udapādi. Ayameva ca therassa aññābyākaraṇagāthāpi ahosīti.
гудивихаарид̇т̇зраг̇аат̇ааван̣н̣анаа нидтид̇аа.
Kuṭivihārittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. гудивихаарид̇т̇зраг̇аат̇аа • 6. Kuṭivihārittheragāthā
