| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. কুতূহলসালাসুত্তৰণ্ণনা
9. Kutūhalasālāsuttavaṇṇanā
৪১৮. নানাৰিধন্তি তংতংদিট্ঠিৰাদপটিসংযুত্তং অঞ্ঞম্পি ৰা নানাৰিধং তিরচ্ছানকথং। বহূনং কুতূহলুপ্পত্তিট্ঠানতোতি যোজনা। যাৰ আভস্সরব্রহ্মলোকা গচ্ছতীতি অগ্গিনা কপ্পৰুট্ঠানকালে গচ্ছতি, তং সন্ধায ৰুত্তং। ইমঞ্চ কাযন্তি ইমং রূপকাযং। চুতিচিত্তেন নিক্খিপতীতি চুতিচিত্তেন ভিজ্জমানেন নিক্খিপতি। চুতিচিত্তস্স হি ওরং সত্তরসমস্স চিত্তস্স উপ্পাদক্খণে উপ্পন্নং কম্মজরূপং চুতিচিত্তেন সদ্ধিং নিরুজ্ঝতি, ততো পরং কম্মজরূপং ন উপ্পজ্জতি। যদি উপ্পজ্জেয্য, মরণং ন সিযা, চুতিচিত্তং রূপং ন সমুট্ঠাপেতি, আহারজস্স চ অসম্ভৰো এৰ, উতুজং পন ৰত্ততেৰ। যস্মা পটিসন্ধিক্খণে সত্তো অঞ্ঞতরণায উপপজ্জতি নাম, চুতিক্খণে পটিসন্ধিচিত্তং অলদ্ধং অঞ্ঞতরণায, তস্মা ৰুত্তং ‘‘চুতিক্খণে…পে॰… হোতী’’তি।
418.Nānāvidhanti taṃtaṃdiṭṭhivādapaṭisaṃyuttaṃ aññampi vā nānāvidhaṃ tiracchānakathaṃ. Bahūnaṃ kutūhaluppattiṭṭhānatoti yojanā. Yāva ābhassarabrahmalokā gacchatīti agginā kappavuṭṭhānakāle gacchati, taṃ sandhāya vuttaṃ. Imañca kāyanti imaṃ rūpakāyaṃ. Cuticittena nikkhipatīti cuticittena bhijjamānena nikkhipati. Cuticittassa hi oraṃ sattarasamassa cittassa uppādakkhaṇe uppannaṃ kammajarūpaṃ cuticittena saddhiṃ nirujjhati, tato paraṃ kammajarūpaṃ na uppajjati. Yadi uppajjeyya, maraṇaṃ na siyā, cuticittaṃ rūpaṃ na samuṭṭhāpeti, āhārajassa ca asambhavo eva, utujaṃ pana vattateva. Yasmā paṭisandhikkhaṇe satto aññataraṇāya upapajjati nāma, cutikkhaṇe paṭisandhicittaṃ aladdhaṃ aññataraṇāya, tasmā vuttaṃ ‘‘cutikkhaṇe…pe… hotī’’ti.
কুতূহলসালাসুত্তৰণ্ণনা নিট্ঠিতা।
Kutūhalasālāsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. কুতূহলসালাসুত্তং • 9. Kutūhalasālāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. কুতূহলসালাসুত্তৰণ্ণনা • 9. Kutūhalasālāsuttavaṇṇanā
