| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. กุตูหลสาลาสุตฺตวณฺณนา
9. Kutūhalasālāsuttavaṇṇanā
๔๑๘. นานาวิธนฺติ ตํตํทิฎฺฐิวาทปฎิสํยุตฺตํ อญฺญมฺปิ วา นานาวิธํ ติรจฺฉานกถํฯ พหูนํ กุตูหลุปฺปตฺติฎฺฐานโตติ โยชนาฯ ยาว อาภสฺสรพฺรหฺมโลกา คจฺฉตีติ อคฺคินา กปฺปวุฎฺฐานกาเล คจฺฉติ, ตํ สนฺธาย วุตฺตํฯ อิมญฺจ กายนฺติ อิมํ รูปกายํฯ จุติจิเตฺตน นิกฺขิปตีติ จุติจิเตฺตน ภิชฺชมาเนน นิกฺขิปติฯ จุติจิตฺตสฺส หิ โอรํ สตฺตรสมสฺส จิตฺตสฺส อุปฺปาทกฺขเณ อุปฺปนฺนํ กมฺมชรูปํ จุติจิเตฺตน สทฺธิํ นิรุชฺฌติ, ตโต ปรํ กมฺมชรูปํ น อุปฺปชฺชติฯ ยทิ อุปฺปเชฺชยฺย, มรณํ น สิยา, จุติจิตฺตํ รูปํ น สมุฎฺฐาเปติ, อาหารชสฺส จ อสมฺภโว เอว, อุตุชํ ปน วตฺตเตวฯ ยสฺมา ปฎิสนฺธิกฺขเณ สโตฺต อญฺญตรณาย อุปปชฺชติ นาม, จุติกฺขเณ ปฎิสนฺธิจิตฺตํ อลทฺธํ อญฺญตรณาย, ตสฺมา วุตฺตํ ‘‘จุติกฺขเณ…เป.… โหตี’’ติฯ
418.Nānāvidhanti taṃtaṃdiṭṭhivādapaṭisaṃyuttaṃ aññampi vā nānāvidhaṃ tiracchānakathaṃ. Bahūnaṃ kutūhaluppattiṭṭhānatoti yojanā. Yāva ābhassarabrahmalokā gacchatīti agginā kappavuṭṭhānakāle gacchati, taṃ sandhāya vuttaṃ. Imañca kāyanti imaṃ rūpakāyaṃ. Cuticittena nikkhipatīti cuticittena bhijjamānena nikkhipati. Cuticittassa hi oraṃ sattarasamassa cittassa uppādakkhaṇe uppannaṃ kammajarūpaṃ cuticittena saddhiṃ nirujjhati, tato paraṃ kammajarūpaṃ na uppajjati. Yadi uppajjeyya, maraṇaṃ na siyā, cuticittaṃ rūpaṃ na samuṭṭhāpeti, āhārajassa ca asambhavo eva, utujaṃ pana vattateva. Yasmā paṭisandhikkhaṇe satto aññataraṇāya upapajjati nāma, cutikkhaṇe paṭisandhicittaṃ aladdhaṃ aññataraṇāya, tasmā vuttaṃ ‘‘cutikkhaṇe…pe… hotī’’ti.
กุตูหลสาลาสุตฺตวณฺณนา นิฎฺฐิตาฯ
Kutūhalasālāsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. กุตูหลสาลาสุตฺตํ • 9. Kutūhalasālāsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. กุตูหลสาลาสุตฺตวณฺณนา • 9. Kutūhalasālāsuttavaṇṇanā
