| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਕੁਤੂਹਲਸਾਲਾਸੁਤ੍ਤવਣ੍ਣਨਾ
9. Kutūhalasālāsuttavaṇṇanā
੪੧੮. ਨਾਨਾવਿਧਨ੍ਤਿ ਤਂਤਂਦਿਟ੍ਠਿવਾਦਪਟਿਸਂਯੁਤ੍ਤਂ ਅਞ੍ਞਮ੍ਪਿ વਾ ਨਾਨਾવਿਧਂ ਤਿਰਚ੍ਛਾਨਕਥਂ। ਬਹੂਨਂ ਕੁਤੂਹਲੁਪ੍ਪਤ੍ਤਿਟ੍ਠਾਨਤੋਤਿ ਯੋਜਨਾ। ਯਾવ ਆਭਸ੍ਸਰਬ੍ਰਹ੍ਮਲੋਕਾ ਗਚ੍ਛਤੀਤਿ ਅਗ੍ਗਿਨਾ ਕਪ੍ਪવੁਟ੍ਠਾਨਕਾਲੇ ਗਚ੍ਛਤਿ, ਤਂ ਸਨ੍ਧਾਯ વੁਤ੍ਤਂ। ਇਮਞ੍ਚ ਕਾਯਨ੍ਤਿ ਇਮਂ ਰੂਪਕਾਯਂ। ਚੁਤਿਚਿਤ੍ਤੇਨ ਨਿਕ੍ਖਿਪਤੀਤਿ ਚੁਤਿਚਿਤ੍ਤੇਨ ਭਿਜ੍ਜਮਾਨੇਨ ਨਿਕ੍ਖਿਪਤਿ। ਚੁਤਿਚਿਤ੍ਤਸ੍ਸ ਹਿ ਓਰਂ ਸਤ੍ਤਰਸਮਸ੍ਸ ਚਿਤ੍ਤਸ੍ਸ ਉਪ੍ਪਾਦਕ੍ਖਣੇ ਉਪ੍ਪਨ੍ਨਂ ਕਮ੍ਮਜਰੂਪਂ ਚੁਤਿਚਿਤ੍ਤੇਨ ਸਦ੍ਧਿਂ ਨਿਰੁਜ੍ਝਤਿ, ਤਤੋ ਪਰਂ ਕਮ੍ਮਜਰੂਪਂ ਨ ਉਪ੍ਪਜ੍ਜਤਿ। ਯਦਿ ਉਪ੍ਪਜ੍ਜੇਯ੍ਯ, ਮਰਣਂ ਨ ਸਿਯਾ, ਚੁਤਿਚਿਤ੍ਤਂ ਰੂਪਂ ਨ ਸਮੁਟ੍ਠਾਪੇਤਿ, ਆਹਾਰਜਸ੍ਸ ਚ ਅਸਮ੍ਭવੋ ਏવ, ਉਤੁਜਂ ਪਨ વਤ੍ਤਤੇવ। ਯਸ੍ਮਾ ਪਟਿਸਨ੍ਧਿਕ੍ਖਣੇ ਸਤ੍ਤੋ ਅਞ੍ਞਤਰਣਾਯ ਉਪਪਜ੍ਜਤਿ ਨਾਮ, ਚੁਤਿਕ੍ਖਣੇ ਪਟਿਸਨ੍ਧਿਚਿਤ੍ਤਂ ਅਲਦ੍ਧਂ ਅਞ੍ਞਤਰਣਾਯ, ਤਸ੍ਮਾ વੁਤ੍ਤਂ ‘‘ਚੁਤਿਕ੍ਖਣੇ…ਪੇ॰… ਹੋਤੀ’’ਤਿ।
418.Nānāvidhanti taṃtaṃdiṭṭhivādapaṭisaṃyuttaṃ aññampi vā nānāvidhaṃ tiracchānakathaṃ. Bahūnaṃ kutūhaluppattiṭṭhānatoti yojanā. Yāva ābhassarabrahmalokā gacchatīti agginā kappavuṭṭhānakāle gacchati, taṃ sandhāya vuttaṃ. Imañca kāyanti imaṃ rūpakāyaṃ. Cuticittena nikkhipatīti cuticittena bhijjamānena nikkhipati. Cuticittassa hi oraṃ sattarasamassa cittassa uppādakkhaṇe uppannaṃ kammajarūpaṃ cuticittena saddhiṃ nirujjhati, tato paraṃ kammajarūpaṃ na uppajjati. Yadi uppajjeyya, maraṇaṃ na siyā, cuticittaṃ rūpaṃ na samuṭṭhāpeti, āhārajassa ca asambhavo eva, utujaṃ pana vattateva. Yasmā paṭisandhikkhaṇe satto aññataraṇāya upapajjati nāma, cutikkhaṇe paṭisandhicittaṃ aladdhaṃ aññataraṇāya, tasmā vuttaṃ ‘‘cutikkhaṇe…pe… hotī’’ti.
ਕੁਤੂਹਲਸਾਲਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kutūhalasālāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕੁਤੂਹਲਸਾਲਾਸੁਤ੍ਤਂ • 9. Kutūhalasālāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਕੁਤੂਹਲਸਾਲਾਸੁਤ੍ਤવਣ੍ਣਨਾ • 9. Kutūhalasālāsuttavaṇṇanā
