| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൯. കുതൂഹലസാലാസുത്തവണ്ണനാ
9. Kutūhalasālāsuttavaṇṇanā
൪൧൮. നാനാവിധന്തി തംതംദിട്ഠിവാദപടിസംയുത്തം അഞ്ഞമ്പി വാ നാനാവിധം തിരച്ഛാനകഥം. ബഹൂനം കുതൂഹലുപ്പത്തിട്ഠാനതോതി യോജനാ. യാവ ആഭസ്സരബ്രഹ്മലോകാ ഗച്ഛതീതി അഗ്ഗിനാ കപ്പവുട്ഠാനകാലേ ഗച്ഛതി, തം സന്ധായ വുത്തം. ഇമഞ്ച കായന്തി ഇമം രൂപകായം. ചുതിചിത്തേന നിക്ഖിപതീതി ചുതിചിത്തേന ഭിജ്ജമാനേന നിക്ഖിപതി. ചുതിചിത്തസ്സ ഹി ഓരം സത്തരസമസ്സ ചിത്തസ്സ ഉപ്പാദക്ഖണേ ഉപ്പന്നം കമ്മജരൂപം ചുതിചിത്തേന സദ്ധിം നിരുജ്ഝതി, തതോ പരം കമ്മജരൂപം ന ഉപ്പജ്ജതി. യദി ഉപ്പജ്ജേയ്യ, മരണം ന സിയാ, ചുതിചിത്തം രൂപം ന സമുട്ഠാപേതി, ആഹാരജസ്സ ച അസമ്ഭവോ ഏവ, ഉതുജം പന വത്തതേവ. യസ്മാ പടിസന്ധിക്ഖണേ സത്തോ അഞ്ഞതരണായ ഉപപജ്ജതി നാമ, ചുതിക്ഖണേ പടിസന്ധിചിത്തം അലദ്ധം അഞ്ഞതരണായ, തസ്മാ വുത്തം ‘‘ചുതിക്ഖണേ…പേ॰… ഹോതീ’’തി.
418.Nānāvidhanti taṃtaṃdiṭṭhivādapaṭisaṃyuttaṃ aññampi vā nānāvidhaṃ tiracchānakathaṃ. Bahūnaṃ kutūhaluppattiṭṭhānatoti yojanā. Yāva ābhassarabrahmalokā gacchatīti agginā kappavuṭṭhānakāle gacchati, taṃ sandhāya vuttaṃ. Imañca kāyanti imaṃ rūpakāyaṃ. Cuticittena nikkhipatīti cuticittena bhijjamānena nikkhipati. Cuticittassa hi oraṃ sattarasamassa cittassa uppādakkhaṇe uppannaṃ kammajarūpaṃ cuticittena saddhiṃ nirujjhati, tato paraṃ kammajarūpaṃ na uppajjati. Yadi uppajjeyya, maraṇaṃ na siyā, cuticittaṃ rūpaṃ na samuṭṭhāpeti, āhārajassa ca asambhavo eva, utujaṃ pana vattateva. Yasmā paṭisandhikkhaṇe satto aññataraṇāya upapajjati nāma, cutikkhaṇe paṭisandhicittaṃ aladdhaṃ aññataraṇāya, tasmā vuttaṃ ‘‘cutikkhaṇe…pe… hotī’’ti.
കുതൂഹലസാലാസുത്തവണ്ണനാ നിട്ഠിതാ.
Kutūhalasālāsuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൯. കുതൂഹലസാലാസുത്തം • 9. Kutūhalasālāsuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൯. കുതൂഹലസാലാസുത്തവണ്ണനാ • 9. Kutūhalasālāsuttavaṇṇanā
