| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ลพุชทายกเตฺถรอปทานํ
2. Labujadāyakattheraapadānaṃ
๗.
7.
‘‘นคเร พนฺธุมติยา, อาสิํ อารามิโก ตทา;
‘‘Nagare bandhumatiyā, āsiṃ ārāmiko tadā;
อทฺทสํ วิรชํ พุทฺธํ, คจฺฉนฺตํ อนิลญฺชเสฯ
Addasaṃ virajaṃ buddhaṃ, gacchantaṃ anilañjase.
๘.
8.
‘‘ลพุชสฺส ผลํ คยฺห, พุทฺธเสฎฺฐสฺสทาสหํ;
‘‘Labujassa phalaṃ gayha, buddhaseṭṭhassadāsahaṃ;
อากาเส ฐิตโก สโนฺต, ปฎิคณฺหิ มหายโสฯ
Ākāse ṭhitako santo, paṭigaṇhi mahāyaso.
๙.
9.
‘‘วิตฺติสญฺชนนํ มยฺหํ, ทิฎฺฐธมฺมสุขาวหํ;
‘‘Vittisañjananaṃ mayhaṃ, diṭṭhadhammasukhāvahaṃ;
ผลํ พุทฺธสฺส ทตฺวาน, วิปฺปสเนฺนน เจตสาฯ
Phalaṃ buddhassa datvāna, vippasannena cetasā.
๑๐.
10.
‘‘อธิคจฺฉิํ ตทา ปีติํ, วิปุลญฺจ สุขุตฺตมํ;
‘‘Adhigacchiṃ tadā pītiṃ, vipulañca sukhuttamaṃ;
อุปฺปชฺชเตว รตนํ, นิพฺพตฺตสฺส ตหิํ ตหิํฯ
Uppajjateva ratanaṃ, nibbattassa tahiṃ tahiṃ.
๑๑.
11.
‘‘เอกนวุติโต กเปฺป, ยํ ผลมททิํ ตทา;
‘‘Ekanavutito kappe, yaṃ phalamadadiṃ tadā;
ทุคฺคติํ นาภิชานามิ, ผลทานสฺสิทํ ผลํฯ
Duggatiṃ nābhijānāmi, phaladānassidaṃ phalaṃ.
๑๒.
12.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๑๓.
13.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๑๔.
14.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ลพุชทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā labujadāyako thero imā gāthāyo abhāsitthāti.
ลพุชทายกเตฺถรสฺสาปทานํ ทุติยํฯ
Labujadāyakattherassāpadānaṃ dutiyaṃ.
