| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. ලබුජදායකත්‌ථෙරඅපදානං
2. Labujadāyakattheraapadānaṃ
7.
7.
‘‘නගරෙ බන්‌ධුමතියා, ආසිං ආරාමිකො තදා;
‘‘Nagare bandhumatiyā, āsiṃ ārāmiko tadā;
අද්‌දසං විරජං බුද්‌ධං, ගච්‌ඡන්‌තං අනිලඤ්‌ජසෙ.
Addasaṃ virajaṃ buddhaṃ, gacchantaṃ anilañjase.
8.
8.
‘‘ලබුජස්‌ස ඵලං ගය්‌හ, බුද්‌ධසෙට්‌ඨස්‌සදාසහං;
‘‘Labujassa phalaṃ gayha, buddhaseṭṭhassadāsahaṃ;
ආකාසෙ ඨිතකො සන්‌තො, පටිගණ්‌හි මහායසො.
Ākāse ṭhitako santo, paṭigaṇhi mahāyaso.
9.
9.
‘‘විත්‌තිසඤ්‌ජනනං මය්‌හං, දිට්‌ඨධම්‌මසුඛාවහං;
‘‘Vittisañjananaṃ mayhaṃ, diṭṭhadhammasukhāvahaṃ;
ඵලං බුද්‌ධස්‌ස දත්‌වාන, විප්‌පසන්‌නෙන චෙතසා.
Phalaṃ buddhassa datvāna, vippasannena cetasā.
10.
10.
‘‘අධිගච්‌ඡිං තදා පීතිං, විපුලඤ්‌ච සුඛුත්‌තමං;
‘‘Adhigacchiṃ tadā pītiṃ, vipulañca sukhuttamaṃ;
උප්‌පජ්‌ජතෙව රතනං, නිබ්‌බත්‌තස්‌ස තහිං තහිං.
Uppajjateva ratanaṃ, nibbattassa tahiṃ tahiṃ.
11.
11.
‘‘එකනවුතිතො කප්‌පෙ, යං ඵලමදදිං තදා;
‘‘Ekanavutito kappe, yaṃ phalamadadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
12.
12.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
13.
13.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
14.
14.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ලබුජදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā labujadāyako thero imā gāthāyo abhāsitthāti.
ලබුජදායකත්‌ථෙරස්‌සාපදානං දුතියං.
Labujadāyakattherassāpadānaṃ dutiyaṃ.
