| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਸਮੁਦ੍ਦવਗ੍ਗੋ
2. Samuddavaggo
੧. ਲਾਬੁਲਤਙ੍ਗਪਞ੍ਹੋ
1. Lābulataṅgapañho
੧. ‘‘ਭਨ੍ਤੇ ਨਾਗਸੇਨ, ‘ਲਾਬੁਲਤਾਯ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਲਾਬੁਲਤਾ ਤਿਣੇ વਾ ਕਟ੍ਠੇ વਾ ਲਤਾਯ વਾ ਸੋਣ੍ਡਿਕਾਹਿ ਆਲਮ੍ਬਿਤ੍વਾ ਤਸ੍ਸੂਪਰਿ વਡ੍ਢਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਰਹਤ੍ਤੇ ਅਭਿવਡ੍ਢਿਤੁਕਾਮੇਨ ਮਨਸਾ ਆਰਮ੍ਮਣਂ ਆਲਮ੍ਬਿਤ੍વਾ ਅਰਹਤ੍ਤੇ ਅਭਿવਡ੍ਢਿਤਬ੍ਬਂ। ਇਦਂ, ਮਹਾਰਾਜ, ਲਾਬੁਲਤਾਯ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
1. ‘‘Bhante nāgasena, ‘lābulatāya ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, lābulatā tiṇe vā kaṭṭhe vā latāya vā soṇḍikāhi ālambitvā tassūpari vaḍḍhati, evameva kho, mahārāja, yoginā yogāvacarena arahatte abhivaḍḍhitukāmena manasā ārammaṇaṃ ālambitvā arahatte abhivaḍḍhitabbaṃ. Idaṃ, mahārāja, lābulatāya ekaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ਯਥਾ ਲਾਬੁਲਤਾ ਨਾਮ, ਤਿਣੇ ਕਟ੍ਠੇ ਲਤਾਯ વਾ।
‘‘‘Yathā lābulatā nāma, tiṇe kaṭṭhe latāya vā;
ਆਲਮ੍ਬਿਤ੍વਾ ਸੋਣ੍ਡਿਕਾਹਿ, ਤਤੋ વਡ੍ਢਤਿ ਉਪ੍ਪਰਿ॥
Ālambitvā soṇḍikāhi, tato vaḍḍhati uppari.
‘‘‘ਤਥੇવ ਬੁਦ੍ਧਪੁਤ੍ਤੇਨ, ਅਰਹਤ੍ਤਫਲਕਾਮਿਨਾ।
‘‘‘Tatheva buddhaputtena, arahattaphalakāminā;
ਆਰਮ੍ਮਣਂ ਆਲਮ੍ਬਿਤ੍વਾ, વਡ੍ਢਿਤਬ੍ਬਂ ਅਸੇਕ੍ਖਫਲੇ’’’ਤਿ॥
Ārammaṇaṃ ālambitvā, vaḍḍhitabbaṃ asekkhaphale’’’ti.
ਲਾਬੁਲਤਙ੍ਗਪਞ੍ਹੋ ਪਠਮੋ।
Lābulataṅgapañho paṭhamo.
