| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
2. лакумаавимаанаван̣н̣анаа
2. Lakhumāvimānavaṇṇanā
абхигганд̇зна ван̣н̣знаад̇и лакумаавимаанам̣. д̇асса гаа уббад̇д̇и? бхаг̇авад̇и б̣аараан̣асияам̣ вихаранд̇з гзваддад̣̇ваарам̣ наама б̣аараан̣асинаг̇арасса згам̣ д̣̇ваарам̣, д̇асса авид̣̇уурз нивидтаг̇аамоби ‘‘гзваддад̣̇ваара’’нд̇взва бан̃н̃ааяид̇т̇а. д̇ад̇т̇а лакумаа наама згаа ид̇т̇ий сад̣̇д̇хаа басаннаа б̣уд̣̇д̇хисамбаннаа д̇зна д̣̇ваарзна бависанд̇з бхигкуу д̣̇исваа ванд̣̇ид̇ваа ад̇д̇ано г̇зхам̣ нзд̇ваа гадажчубхигкам̣ д̣̇ад̇ваа д̇знзва барижаязна сад̣̇д̇хааяа вад̣дхамаанааяа аасанасаалам̣ гаарзд̇ваа д̇ад̇т̇а бавидтаанам̣ бхигкуунам̣ аасанам̣ убанзд̇и, баанийяам̣ барибхож̇анийяам̣ убадтабзд̇и. яан̃жа од̣̇анагуммаасад̣аагаад̣̇и ад̇д̇ано г̇зхз виж̇ж̇ад̇и, д̇ам̣ бхигкуунам̣ д̣̇зд̇и. саа бхигкуунам̣ санд̇игз д̇хаммам̣ суд̇ваа саран̣зсу жа сийлзсу жа бад̇идтааяа самаахид̇аа худ̇ваа вибассанаагаммадтаанам̣ уг̇г̇ахзд̇ваа вибассанам̣ уссуггаабзнд̇ий убаниссаяасамбаннад̇ааяа на жирассзва сод̇аабад̇д̇ипалз бад̇идтахи. саа абарабхааг̇з гаалам̣ гад̇ваа д̇аавад̇им̣сабхаванз махад̇и вимаанз ниб̣б̣ад̇д̇и, ажчараасахассан̃жассаа баривааро ахоси. саа д̇ад̇т̇а д̣̇иб̣б̣асамбад̇д̇им̣ анубхаванд̇ий бамод̣̇амаанаа вижарад̇и. д̇ам̣ ааяасмаа махаамог̇г̇аллаано д̣̇зважааригам̣ жаранд̇о ‘‘абхигганд̇зна ван̣н̣знаа’’д̇иаад̣̇иг̇аат̇аахи бужчийд̇и саб̣б̣ам̣ вуд̇д̇анаяамзва. д̇зна вуд̇д̇ам̣ –
Abhikkantenavaṇṇenāti lakhumāvimānaṃ. Tassa kā uppatti? Bhagavati bārāṇasiyaṃ viharante kevaṭṭadvāraṃ nāma bārāṇasinagarassa ekaṃ dvāraṃ, tassa avidūre niviṭṭhagāmopi ‘‘kevaṭṭadvāra’’ntveva paññāyittha. Tattha lakhumā nāma ekā itthī saddhā pasannā buddhisampannā tena dvārena pavisante bhikkhū disvā vanditvā attano gehaṃ netvā kaṭacchubhikkhaṃ datvā teneva paricayena saddhāya vaḍḍhamānāya āsanasālaṃ kāretvā tattha paviṭṭhānaṃ bhikkhūnaṃ āsanaṃ upaneti, pānīyaṃ paribhojanīyaṃ upaṭṭhapeti. Yañca odanakummāsaḍākādi attano gehe vijjati, taṃ bhikkhūnaṃ deti. Sā bhikkhūnaṃ santike dhammaṃ sutvā saraṇesu ca sīlesu ca patiṭṭhāya samāhitā hutvā vipassanākammaṭṭhānaṃ uggahetvā vipassanaṃ ussukkāpentī upanissayasampannatāya na cirasseva sotāpattiphale patiṭṭhahi. Sā aparabhāge kālaṃ katvā tāvatiṃsabhavane mahati vimāne nibbatti, accharāsahassañcassā parivāro ahosi. Sā tattha dibbasampattiṃ anubhavantī pamodamānā vicarati. Taṃ āyasmā mahāmoggallāno devacārikaṃ caranto ‘‘abhikkantena vaṇṇenā’’tiādigāthāhi pucchīti sabbaṃ vuttanayameva. Tena vuttaṃ –
173.
173.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
174.
174.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
175.
175.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
176.
176.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
177.
177.
‘‘гзваддад̣̇ваараа нигкамма, аху маяхам̣ нивзсанам̣;
‘‘Kevaṭṭadvārā nikkhamma, ahu mayhaṃ nivesanaṃ;
д̇ад̇т̇а сан̃жарамаанаанам̣, саавагаанам̣ махзсинам̣.
Tattha sañcaramānānaṃ, sāvakānaṃ mahesinaṃ.
178.
178.
‘‘од̣̇анам̣ гуммаасам̣ д̣аагам̣, лон̣асовийраган̃жахам̣;
‘‘Odanaṃ kummāsaṃ ḍākaṃ, loṇasovīrakañcahaṃ;
ад̣̇аасим̣ уж̇убхууд̇зсу, виббасаннзна жзд̇асаа.
Adāsiṃ ujubhūtesu, vippasannena cetasā.
179.
179.
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
баадихаарияабагкан̃жа, адтан̇г̇асусамааг̇ад̇ам̣.
Pāṭihāriyapakkhañca, aṭṭhaṅgasusamāgataṃ.
180.
180.
‘‘убосат̇ам̣ убавасиссам̣, сад̣̇аа сийлзсу сам̣вуд̇аа;
‘‘Uposathaṃ upavasissaṃ, sadā sīlesu saṃvutā;
сан̃н̃амаа сам̣вибхааг̇аа жа, вимаанам̣ аавасаамахам̣.
Saññamā saṃvibhāgā ca, vimānaṃ āvasāmahaṃ.
181.
181.
‘‘баан̣аад̇ибаад̇аа вирад̇аа, мусааваад̣̇аа жа сан̃н̃ад̇аа;
‘‘Pāṇātipātā viratā, musāvādā ca saññatā;
т̇зяяаа жа ад̇ижаараа жа, маж̇ж̇абаанаа жа аарагаа.
Theyyā ca aticārā ca, majjapānā ca ārakā.
182.
182.
‘‘бан̃жасигкаабад̣̇з рад̇аа, арияасажжаана говид̣̇аа;
‘‘Pañcasikkhāpade ratā, ariyasaccāna kovidā;
убаасигаа жагкумад̇о, г̇од̇амасса яасассино.
Upāsikā cakkhumato, gotamassa yasassino.
183.
183.
‘‘д̇зна мзд̇аад̣̇исо ван̣н̣о…бз… ван̣н̣о жа мз саб̣б̣ад̣̇исаа бабхаасад̇ий’’д̇и.
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
мама жа, бханд̇з, важанзна бхаг̇авад̇о баад̣̇з сирасаа ванд̣̇зяяааси ‘‘лакумаа наама, бханд̇з, убаасигаа бхаг̇авад̇о баад̣̇з сирасаа ванд̣̇ад̇ий’’д̇и. анажчарияам̣ ко банзд̇ам̣, бханд̇з, яам̣ мам̣ бхаг̇аваа ан̃н̃ад̇арасмим̣ сааман̃н̃апалз б̣яаагарзяяа. д̇ам̣ бхаг̇аваа сагад̣̇ааг̇аамипалз б̣яаагаасийд̇и.
Mama ca, bhante, vacanena bhagavato pāde sirasā vandeyyāsi ‘‘lakhumā nāma, bhante, upāsikā bhagavato pāde sirasā vandatī’’ti. Anacchariyaṃ kho panetaṃ, bhante, yaṃ maṃ bhagavā aññatarasmiṃ sāmaññaphale byākareyya. Taṃ bhagavā sakadāgāmiphale byākāsīti.
177. д̇ад̇т̇а гзваддад̣̇ваараа нигкаммаад̇и гзваддад̣̇ваарад̇о нигкаманадтаанз.
177. Tattha kevaṭṭadvārā nikkhammāti kevaṭṭadvārato nikkhamanaṭṭhāne.
178. д̣ааганд̇и д̇ан̣д̣улзяяагаад̣̇исаагаб̣яан̃ж̇анам̣. лон̣асовийраганд̇и д̇хан̃н̃арасаад̣̇ийхи б̣ахуухи самбхаарзхи самбаад̣̇зд̇аб̣б̣ам̣ згам̣ баанагам̣. ‘‘аажаамаган̃ж̇игалон̣ууд̣̇ага’’нд̇иби вад̣̇анд̇и.
178.Ḍākanti taṇḍuleyyakādisākabyañjanaṃ. Loṇasovīrakanti dhaññarasādīhi bahūhi sambhārehi sampādetabbaṃ ekaṃ pānakaṃ. ‘‘Ācāmakañjikaloṇūdaka’’ntipi vadanti.
бужчаависсаж̇ж̇анаавасаанз саа т̇зрасса д̇хаммад̣̇зсанааяа сагад̣̇ааг̇аамипалам̣ баабун̣и. сзсам̣ уд̇д̇араавид̇хаанз вуд̇д̇анаяаанусаарзна зва взд̣̇ид̇аб̣б̣ам̣.
Pucchāvissajjanāvasāne sā therassa dhammadesanāya sakadāgāmiphalaṃ pāpuṇi. Sesaṃ uttarāvidhāne vuttanayānusārena eva veditabbaṃ.
лакумаавимаанаван̣н̣анаа нидтид̇аа.
Lakhumāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 2. лакумаавимаанавад̇т̇у • 2. Lakhumāvimānavatthu
