| Library / Tipiṭaka / තිපිටක • Tipiṭaka / නෙත්‌තිප්‌පකරණ-අට්‌ඨකථා • Nettippakaraṇa-aṭṭhakathā |
5. ලක්‌ඛණහාරසම්‌පාතවණ්‌ණනා
5. Lakkhaṇahārasampātavaṇṇanā
67. ඉන්‌ද්‍රියෙසු ගුත්‌තද්‌වාරතා සතිසංවරො, සතිබලෙන ච නෙක්‌ඛම්‌මවිතක්‌කාදිබහුලො හොතීති වුත්‌තං – ‘‘තස්‌මා රක්‌ඛිතචිත්‌තස්‌ස සම්‌මාසඞ්‌කප්‌පගොචරොති ඉදං සතින්‌ද්‍රිය’’න්‌ති. තස්‌සත්‌ථො – ‘‘තස්‌මා රක්‌ඛිතචිත්‌තස්‌ස සම්‌මාසඞ්‌කප්‌පගොචරො’’ති එත්‌ථ රක්‌ඛිතචිත්‌තතාය ච සම්‌මාසඞ්‌කප්‌පගොචරතා කාරණූපචාරෙන ඉදං සතින්‌ද්‍රියං, ගහිතානි භවන්‌ති පඤ්‌චින්‌ද්‍රියානි ඉන්‌ද්‍රියලක්‌ඛණෙන විමුත්‌තිපරිපාචනභාවෙන වා එකලක්‌ඛණත්‌තාති අධිප්‌පායො. ගහිතො භවතීති එත්‌ථ මග්‌ගලක්‌ඛණෙන ගහණං සුවිඤ්‌ඤෙය්‍යන්‌ති තං ඨපෙත්‌වා කාරණතො ගහණං දස්‌සෙතුං ‘‘සම්‌මාදිට්‌ඨිතො හි සම්‌මාසඞ්‌කප්‌පො පභවතී’’තිආදි වුත්‌තං. තතො එව ගහිතො භවති අරියො අට්‌ඨඞ්‌ගිකො මග්‌ගොති වත්‌වා විමුත්‌තිවිමුත්‌තිඤාණදස්‌සනානිපි වුත්‌තානි.
67. Indriyesu guttadvāratā satisaṃvaro, satibalena ca nekkhammavitakkādibahulo hotīti vuttaṃ – ‘‘tasmā rakkhitacittassa sammāsaṅkappagocaroti idaṃ satindriya’’nti. Tassattho – ‘‘tasmā rakkhitacittassa sammāsaṅkappagocaro’’ti ettha rakkhitacittatāya ca sammāsaṅkappagocaratā kāraṇūpacārena idaṃ satindriyaṃ, gahitāni bhavanti pañcindriyāni indriyalakkhaṇena vimuttiparipācanabhāvena vā ekalakkhaṇattāti adhippāyo. Gahito bhavatīti ettha maggalakkhaṇena gahaṇaṃ suviññeyyanti taṃ ṭhapetvā kāraṇato gahaṇaṃ dassetuṃ ‘‘sammādiṭṭhito hi sammāsaṅkappo pabhavatī’’tiādi vuttaṃ. Tato eva gahito bhavati ariyo aṭṭhaṅgiko maggoti vatvā vimuttivimuttiñāṇadassanānipi vuttāni.
ලක්‌ඛණහාරසම්‌පාතවණ්‌ණනා නිට්‌ඨිතා.
Lakkhaṇahārasampātavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / නෙත්‌තිප්‌පකරණපාළි • Nettippakaraṇapāḷi / 5. ලක්‌ඛණහාරසම්‌පාතො • 5. Lakkhaṇahārasampāto
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / ඛුද්‌දකනිකාය (ටීකා) • Khuddakanikāya (ṭīkā) / නෙත්‌තිවිභාවිනී • Nettivibhāvinī / 5. ලක්‌ඛණහාරසම්‌පාතවිභාවනා • 5. Lakkhaṇahārasampātavibhāvanā
