| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā |
੫. ਲਕ੍ਖਣਹਾਰਸਮ੍ਪਾਤવਣ੍ਣਨਾ
5. Lakkhaṇahārasampātavaṇṇanā
੬੭. ਇਨ੍ਦ੍ਰਿਯੇਸੁ ਗੁਤ੍ਤਦ੍વਾਰਤਾ ਸਤਿਸਂવਰੋ, ਸਤਿਬਲੇਨ ਚ ਨੇਕ੍ਖਮ੍ਮવਿਤਕ੍ਕਾਦਿਬਹੁਲੋ ਹੋਤੀਤਿ વੁਤ੍ਤਂ – ‘‘ਤਸ੍ਮਾ ਰਕ੍ਖਿਤਚਿਤ੍ਤਸ੍ਸ ਸਮ੍ਮਾਸਙ੍ਕਪ੍ਪਗੋਚਰੋਤਿ ਇਦਂ ਸਤਿਨ੍ਦ੍ਰਿਯ’’ਨ੍ਤਿ। ਤਸ੍ਸਤ੍ਥੋ – ‘‘ਤਸ੍ਮਾ ਰਕ੍ਖਿਤਚਿਤ੍ਤਸ੍ਸ ਸਮ੍ਮਾਸਙ੍ਕਪ੍ਪਗੋਚਰੋ’’ਤਿ ਏਤ੍ਥ ਰਕ੍ਖਿਤਚਿਤ੍ਤਤਾਯ ਚ ਸਮ੍ਮਾਸਙ੍ਕਪ੍ਪਗੋਚਰਤਾ ਕਾਰਣੂਪਚਾਰੇਨ ਇਦਂ ਸਤਿਨ੍ਦ੍ਰਿਯਂ, ਗਹਿਤਾਨਿ ਭવਨ੍ਤਿ ਪਞ੍ਚਿਨ੍ਦ੍ਰਿਯਾਨਿ ਇਨ੍ਦ੍ਰਿਯਲਕ੍ਖਣੇਨ વਿਮੁਤ੍ਤਿਪਰਿਪਾਚਨਭਾવੇਨ વਾ ਏਕਲਕ੍ਖਣਤ੍ਤਾਤਿ ਅਧਿਪ੍ਪਾਯੋ। ਗਹਿਤੋ ਭવਤੀਤਿ ਏਤ੍ਥ ਮਗ੍ਗਲਕ੍ਖਣੇਨ ਗਹਣਂ ਸੁવਿਞ੍ਞੇਯ੍ਯਨ੍ਤਿ ਤਂ ਠਪੇਤ੍વਾ ਕਾਰਣਤੋ ਗਹਣਂ ਦਸ੍ਸੇਤੁਂ ‘‘ਸਮ੍ਮਾਦਿਟ੍ਠਿਤੋ ਹਿ ਸਮ੍ਮਾਸਙ੍ਕਪ੍ਪੋ ਪਭવਤੀ’’ਤਿਆਦਿ વੁਤ੍ਤਂ। ਤਤੋ ਏવ ਗਹਿਤੋ ਭવਤਿ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋਤਿ વਤ੍વਾ વਿਮੁਤ੍ਤਿવਿਮੁਤ੍ਤਿਞਾਣਦਸ੍ਸਨਾਨਿਪਿ વੁਤ੍ਤਾਨਿ।
67. Indriyesu guttadvāratā satisaṃvaro, satibalena ca nekkhammavitakkādibahulo hotīti vuttaṃ – ‘‘tasmā rakkhitacittassa sammāsaṅkappagocaroti idaṃ satindriya’’nti. Tassattho – ‘‘tasmā rakkhitacittassa sammāsaṅkappagocaro’’ti ettha rakkhitacittatāya ca sammāsaṅkappagocaratā kāraṇūpacārena idaṃ satindriyaṃ, gahitāni bhavanti pañcindriyāni indriyalakkhaṇena vimuttiparipācanabhāvena vā ekalakkhaṇattāti adhippāyo. Gahito bhavatīti ettha maggalakkhaṇena gahaṇaṃ suviññeyyanti taṃ ṭhapetvā kāraṇato gahaṇaṃ dassetuṃ ‘‘sammādiṭṭhito hi sammāsaṅkappo pabhavatī’’tiādi vuttaṃ. Tato eva gahito bhavati ariyo aṭṭhaṅgiko maggoti vatvā vimuttivimuttiñāṇadassanānipi vuttāni.
ਲਕ੍ਖਣਹਾਰਸਮ੍ਪਾਤવਣ੍ਣਨਾ ਨਿਟ੍ਠਿਤਾ।
Lakkhaṇahārasampātavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੫. ਲਕ੍ਖਣਹਾਰਸਮ੍ਪਾਤੋ • 5. Lakkhaṇahārasampāto
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੫. ਲਕ੍ਖਣਹਾਰਸਮ੍ਪਾਤવਿਭਾવਨਾ • 5. Lakkhaṇahārasampātavibhāvanā
