| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
5. лагкан̣ахаарасамбаад̇авибхааванаа
5. Lakkhaṇahārasampātavibhāvanā
67. язна язна бад̣̇адтаанахаарасамбаад̇зна суд̇д̇аббад̣̇зсад̇т̇аани бад̣̇адтаанаани аажариязна нид̣̇д̇хаарид̇аани, амхзхи жа н̃аад̇аани, со бад̣̇адтаанахаарасамбаад̇о барибун̣н̣о, ‘‘гад̇амо лагкан̣ахаарасамбаад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо лагкан̣о хаарасамбаад̇о’’д̇иаад̣̇и вуд̇д̇ам̣. д̇ад̇т̇а д̇зсу д̣̇зсанаахаарасамбаад̇аад̣̇ийсу сол̣асасу хаарасамбаад̇зсу гад̇амо сам̣ван̣н̣анаависзсо лагкан̣ахаарасамбаад̇о наамаад̇и бужчад̇и.
67. Yena yena padaṭṭhānahārasampātena suttappadesatthāni padaṭṭhānāni ācariyena niddhāritāni, amhehi ca ñātāni, so padaṭṭhānahārasampāto paripuṇṇo, ‘‘katamo lakkhaṇahārasampāto’’ti pucchitabbattā ‘‘tattha katamo lakkhaṇo hārasampāto’’tiādi vuttaṃ. Tattha tesu desanāhārasampātādīsu soḷasasu hārasampātesu katamo saṃvaṇṇanāviseso lakkhaṇahārasampāto nāmāti pucchati.
‘‘гад̇амзхи суд̇д̇ад̇т̇зхи самааналагкан̣аа гад̇амз д̇хаммаа г̇ахид̇аа’’д̇и бужчид̇аб̣б̣ад̇д̇аа ‘‘д̇асмаа’’д̇иаад̣̇и вуд̇д̇ам̣. ‘‘д̇асмаа рагкид̇ажид̇д̇асса, саммаасан̇габбаг̇ожаро’’д̇и суд̇д̇аббад̣̇зсзна вуд̇д̇ам̣ ид̣̇ам̣ рагкан̣ам̣ сад̇инд̣̇рияам̣ г̇ахид̇ам̣, сад̇инд̣̇рияз г̇ахид̇з сад̣̇д̇хаад̣̇ибан̃жинд̣̇рияаани г̇ахид̇аани бхаванд̇и инд̣̇рияадтзна самааналагкан̣ад̇д̇аа. ‘‘саммаад̣̇идтибурзгкааро’’д̇и суд̇д̇аббад̣̇зсзна вуд̇д̇аа саммаад̣̇идти г̇ахид̇аа, саммаад̣̇идтияаа г̇ахид̇ааяа арияо адтан̇г̇иго маг̇г̇о г̇ахид̇о бхавад̇и. д̇ам̣ гисса хзд̇ууд̇и гааран̣ам̣ бужчад̇и. бужчид̇ваа гааран̣амааха ‘‘саммаад̣̇идтид̇о хий’’д̇иаад̣̇инаа. саммаад̣̇идтихзд̇уд̇о саммаасан̇габбо хи яасмаа бабхавад̇и, д̇асмаа, саммаасан̇габбад̇о саммааваажаа хи яасмаа бабхавад̇и, д̇асмаа, саммааваажаад̇о саммаагамманд̇о хи яасмаа бабхавад̇и, д̇асмаа, саммаагамманд̇ад̇о саммааааж̇ийво хи яасмаа бабхавад̇и, д̇асмаа, саммааааж̇ийвад̇о саммаавааяаамо хи яасмаа бабхавад̇и, д̇асмаа, саммаавааяаамад̇о саммаасад̇ихи яасмаа бабхавад̇и, д̇асмаа, саммаасад̇ид̇о саммаасамаад̇хи хи яасмаа бабхавад̇и, д̇асмаа, саммаасамаад̇хид̇о саммаавимуд̇д̇и хи яасмаа бабхавад̇и, д̇асмаа, саммаавимуд̇д̇ид̇о саммаавимуд̇д̇ин̃аан̣ад̣̇ассанам̣ хи яасмаа бабхавад̇и, д̇асмаа, арияо адтан̇г̇иго маг̇г̇о г̇ахид̇о бхавад̇ийд̇и.
‘‘Katamehi suttatthehi samānalakkhaṇā katame dhammā gahitā’’ti pucchitabbattā ‘‘tasmā’’tiādi vuttaṃ. ‘‘Tasmā rakkhitacittassa, sammāsaṅkappagocaro’’ti suttappadesena vuttaṃ idaṃ rakkhaṇaṃ satindriyaṃ gahitaṃ, satindriye gahite saddhādipañcindriyāni gahitāni bhavanti indriyaṭṭhena samānalakkhaṇattā. ‘‘Sammādiṭṭhipurekkhāro’’ti suttappadesena vuttā sammādiṭṭhi gahitā, sammādiṭṭhiyā gahitāya ariyo aṭṭhaṅgiko maggo gahito bhavati. Taṃ kissa hetūti kāraṇaṃ pucchati. Pucchitvā kāraṇamāha ‘‘sammādiṭṭhito hī’’tiādinā. Sammādiṭṭhihetuto sammāsaṅkappo hi yasmā pabhavati, tasmā, sammāsaṅkappato sammāvācā hi yasmā pabhavati, tasmā, sammāvācāto sammākammanto hi yasmā pabhavati, tasmā, sammākammantato sammāājīvo hi yasmā pabhavati, tasmā, sammāājīvato sammāvāyāmo hi yasmā pabhavati, tasmā, sammāvāyāmato sammāsatihi yasmā pabhavati, tasmā, sammāsatito sammāsamādhi hi yasmā pabhavati, tasmā, sammāsamādhito sammāvimutti hi yasmā pabhavati, tasmā, sammāvimuttito sammāvimuttiñāṇadassanaṃ hi yasmā pabhavati, tasmā, ariyo aṭṭhaṅgiko maggo gahito bhavatīti.
‘‘зд̇д̇агова лагкан̣ахаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о лагкан̣о хаарасамбаад̇о’’д̇и вуд̇д̇ам̣. язна язна сам̣ван̣н̣анаависзсабхууд̇зна лагкан̣ахаарасамбаад̇зна суд̇д̇аббад̣̇зсад̇т̇аа самааналагкан̣зна г̇ахид̇аа бхаванд̇и, со со сам̣ван̣н̣анаависзсабхууд̇о лагкан̣ахаарасамбаад̇о нияуд̇д̇о яат̇аарахам̣ нид̣̇д̇хаарзд̇ваа яуж̇ж̇ид̇аб̣б̣од̇и ад̇т̇о г̇ахид̇од̇и.
‘‘Ettakova lakkhaṇahārasampāto paripuṇṇo’’ti vattabbattā ‘‘niyutto lakkhaṇo hārasampāto’’ti vuttaṃ. Yena yena saṃvaṇṇanāvisesabhūtena lakkhaṇahārasampātena suttappadesatthā samānalakkhaṇena gahitā bhavanti, so so saṃvaṇṇanāvisesabhūto lakkhaṇahārasampāto niyutto yathārahaṃ niddhāretvā yujjitabboti attho gahitoti.
ид̇и лагкан̣ахаарасамбаад̇з сад̇д̇иб̣алаануруубаа ражид̇аа
Iti lakkhaṇahārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 5. лагкан̣ахаарасамбаад̇о • 5. Lakkhaṇahārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 5. лагкан̣ахаарасамбаад̇аван̣н̣анаа • 5. Lakkhaṇahārasampātavaṇṇanā
