| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
5. лагкан̣ахааравибхан̇г̇авибхааванаа
5. Lakkhaṇahāravibhaṅgavibhāvanā
23. язна язна сам̣ван̣н̣анаависзсабхууд̇зна бад̣̇адтаанавибхан̇г̇зна авиж̇ж̇аад̣̇ийнам̣ бад̣̇адтаанаани вибхад̇д̇аани, со сам̣ван̣н̣анаависзсабхууд̇о бад̣̇адтаанахааравибхан̇г̇о барибун̣н̣о, ‘‘гад̇амо лагкан̣ахааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо лагкан̣о хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇а-сад̣̇д̣̇асса ад̇т̇о вуд̇д̇ова. гад̇амо сам̣ван̣н̣анаависзсо лагкан̣о хааро лагкан̣ахааравибхан̇г̇од̇и бужчад̇и. ‘‘вуд̇д̇амхи згад̇хаммз’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘яз д̇хаммаа’’д̇иаад̣̇иго вид̇т̇аарасам̣ван̣н̣анаависзсо лагкан̣о хааро лагкан̣ахааравибхан̇г̇о наамаад̇и вин̃н̃зяяод̇и. д̇зна вуд̇д̇ам̣ –‘‘д̇ад̇т̇а гад̇амо лагкан̣о хаарод̇иаад̣̇и лагкан̣ахааравибхан̇г̇о наамаа’’д̇и (нзд̇д̇и. адта. 23). аяам̣ ид̣̇аани вужжамаано вид̇т̇аарабхууд̇о лагкан̣о хааро бидагад̇д̇аяз д̣̇зсид̇зсу д̇хаммзсу гим̣ наама лагкид̇аб̣б̣ам̣ д̇хаммам̣ лагкийяад̇ийд̇и бужчид̇ваа бужчид̇з лагкан̣ахааравижаяз д̇хаммз сан̇кзбзна д̣̇ассзд̇ум̣ ‘‘яз д̇хаммаа’’д̇иаад̣̇и вуд̇д̇ам̣. д̇ад̇т̇а яз д̇хаммаад̇и яз самуухаа д̇хаммаа. згалагкан̣аад̇и самааналагкан̣аа. д̇зсам̣ д̇хаммаананд̇и самааналагкан̣аанам̣ д̇зсам̣ самуухад̇хаммаанам̣, нид̣̇д̇хааран̣з жзд̇ам̣. згасмим̣ д̇хаммзд̇и самааналагкан̣з згасмим̣ д̇хаммз, баал̣ияам̣ бхаг̇авад̇аа вуд̇д̇з сад̇и вуд̇д̇ад̇хаммад̇о авасидтасамааналагкан̣аа д̇хаммаа самааналагкан̣зна вуд̇д̇аа бхаванд̇ийд̇и ад̇т̇о.
23. Yena yena saṃvaṇṇanāvisesabhūtena padaṭṭhānavibhaṅgena avijjādīnaṃ padaṭṭhānāni vibhattāni, so saṃvaṇṇanāvisesabhūto padaṭṭhānahāravibhaṅgo paripuṇṇo, ‘‘katamo lakkhaṇahāravibhaṅgo’’ti pucchitabbattā ‘‘tattha katamo lakkhaṇo hāro’’tiādi vuttaṃ. Tattha tattha-saddassa attho vuttova. Katamo saṃvaṇṇanāviseso lakkhaṇo hāro lakkhaṇahāravibhaṅgoti pucchati. ‘‘Vuttamhi ekadhamme’’tiādiniddesassa idāni mayā vuccamāno ‘‘ye dhammā’’tiādiko vitthārasaṃvaṇṇanāviseso lakkhaṇo hāro lakkhaṇahāravibhaṅgo nāmāti viññeyyoti. Tena vuttaṃ –‘‘tattha katamo lakkhaṇo hārotiādi lakkhaṇahāravibhaṅgo nāmā’’ti (netti. aṭṭha. 23). Ayaṃ idāni vuccamāno vitthārabhūto lakkhaṇo hāro piṭakattaye desitesu dhammesu kiṃ nāma lakkhitabbaṃ dhammaṃ lakkhīyatīti pucchitvā pucchite lakkhaṇahāravicaye dhamme saṅkhepena dassetuṃ ‘‘ye dhammā’’tiādi vuttaṃ. Tattha ye dhammāti ye samūhā dhammā. Ekalakkhaṇāti samānalakkhaṇā. Tesaṃ dhammānanti samānalakkhaṇānaṃ tesaṃ samūhadhammānaṃ, niddhāraṇe cetaṃ. Ekasmiṃ dhammeti samānalakkhaṇe ekasmiṃ dhamme, pāḷiyaṃ bhagavatā vutte sati vuttadhammato avasiṭṭhasamānalakkhaṇā dhammā samānalakkhaṇena vuttā bhavantīti attho.
лагкан̣ахаарависаяз д̇хаммз вид̇т̇аарад̇о имасмим̣ д̇хаммз вуд̇д̇з имз самааналагкан̣аа д̇хаммааби вуд̇д̇аа бхаванд̇ийд̇и нияамзд̇ваа д̣̇ассзд̇ум̣ ‘‘яат̇аа гим̣ бхавз’’д̇иаад̣̇имааха. д̇ассад̇т̇о – яат̇аа язна багаарзна вуд̇д̇аа бхаванд̇и, со багааро гим̣ бхавзд̇и бужчад̇и. яат̇аа язна багаарзна вуд̇д̇аа бхаванд̇и, со багааро самааналагкан̣аад̇и бхааво бхавзд̇и ад̇т̇о. гинд̇и бхаг̇аваа ааха? ‘‘жагкум̣ бхигкавз’’д̇иаад̣̇им̣ бхаг̇аваа ааха. ‘‘жагкум̣, бхигкавз, анавадтид̇а’’нд̇иаад̣̇имхи вуд̇д̇з ‘‘сод̇ам̣, бхигкавз, анавадтид̇а’’нд̇иаад̣̇иважанамби вуд̇д̇амзва бхавад̇и.
Lakkhaṇahāravisaye dhamme vitthārato imasmiṃ dhamme vutte ime samānalakkhaṇā dhammāpi vuttā bhavantīti niyametvā dassetuṃ ‘‘yathā kiṃ bhave’’tiādimāha. Tassattho – yathā yena pakārena vuttā bhavanti, so pakāro kiṃ bhaveti pucchati. Yathā yena pakārena vuttā bhavanti, so pakāro samānalakkhaṇāti bhāvo bhaveti attho. Kinti bhagavā āha? ‘‘Cakkhuṃ bhikkhave’’tiādiṃ bhagavā āha. ‘‘Cakkhuṃ, bhikkhave, anavaṭṭhita’’ntiādimhi vutte ‘‘sotaṃ, bhikkhave, anavaṭṭhita’’ntiādivacanampi vuttameva bhavati.
‘‘анавадтид̇аад̣̇илагкан̣зна самааналагкан̣ад̇д̇аа ваа аж̇жхад̇д̇игааяад̇анабхаавзна самааналагкан̣ад̇д̇аа ваад̇и ааяад̇анавасзнзва згалагкан̣ам̣ вад̇д̇аб̣б̣а’’нд̇и вад̇д̇аб̣б̣ад̇д̇аа канд̇хавасзнаби згалагкан̣ам̣ д̣̇ассзд̇ум̣ ‘‘яат̇аа жаахаа’’д̇иаад̣̇и вуд̇д̇ам̣. ‘‘ад̇ийд̇з, раад̇ха, руубз анабзгко ход̇и, анааг̇ад̇ам̣ руубам̣ маа абхинанд̣̇и , бажжуббаннасса руубасса ниб̣б̣ид̣̇ааяа вирааг̇ааяа нирод̇хааяа жааг̇ааяа бадиниссаг̇г̇ааяа бадибаж̇ж̇аа’’д̇и вуд̇д̇з ‘‘ад̇ийд̇ааяа, раад̇ха, взд̣̇анааяа анабзгко ход̇и, анааг̇ад̇ам̣ взд̣̇анам̣ маа абхинанд̣̇и, бажжуббаннааяа взд̣̇анааяа ниб̣б̣ид̣̇ааяа вирааг̇ааяа нирод̇хааяа жааг̇ааяа бадиниссаг̇г̇ааяа бадибаж̇ж̇аа’’д̇иаад̣̇и вуд̇д̇ам̣ бхавз.
‘‘Anavaṭṭhitādilakkhaṇena samānalakkhaṇattā vā ajjhattikāyatanabhāvena samānalakkhaṇattā vāti āyatanavaseneva ekalakkhaṇaṃ vattabba’’nti vattabbattā khandhavasenapi ekalakkhaṇaṃ dassetuṃ ‘‘yathā cāhā’’tiādi vuttaṃ. ‘‘Atīte, rādha, rūpe anapekkho hoti, anāgataṃ rūpaṃ mā abhinandi , paccuppannassa rūpassa nibbidāya virāgāya nirodhāya cāgāya paṭinissaggāya paṭipajjā’’ti vutte ‘‘atītāya, rādha, vedanāya anapekkho hoti, anāgataṃ vedanaṃ mā abhinandi, paccuppannāya vedanāya nibbidāya virāgāya nirodhāya cāgāya paṭinissaggāya paṭipajjā’’tiādi vuttaṃ bhave.
‘‘анабзгканийяалагкан̣зна самааналагкан̣ад̇д̇аа ваа канд̇халагкан̣зна самааналагкан̣ад̇д̇аа ваад̇и канд̇хааяад̇анавасзнзва згалагкан̣ад̇хаммаа вад̇д̇аб̣б̣аа’’д̇и вад̇д̇аб̣б̣ад̇д̇аа сад̇ибадтаанавасзнааби вад̇д̇аб̣б̣аад̇и д̣̇ассзд̇ум̣ ‘‘яат̇аахаа’’д̇иаад̣̇и вуд̇д̇ам̣. д̇ад̇т̇а яат̇аа язна згалагкан̣ад̇д̇зна жа бхаг̇аваа ааха, д̇ат̇аа жа д̇зна згалагкан̣ад̇д̇зна жа авуд̇д̇ааби д̇хаммаа вуд̇д̇аа бхаванд̇ийд̇и ад̇т̇о. яз вибассагаа буг̇г̇алаа бан̃жасу канд̇хзсу нижжам̣ сусамаарад̣̇д̇хаа нижжам̣ гааяаг̇ад̇аасад̇им̣ бхаавзнд̇и, д̇з вибассагаа агижжам̣ субхасукаад̣̇игам̣, гасиваан̣иж̇ж̇аад̣̇игаммам̣ ваа на сзванд̇и, гижжз асубхаасукаад̣̇игз, гааяаад̣̇игз ваа саад̇ажжагаарино хонд̇ийд̇и бхаг̇аваа аахаад̇и яож̇анаа.
‘‘Anapekkhanīyalakkhaṇena samānalakkhaṇattā vā khandhalakkhaṇena samānalakkhaṇattā vāti khandhāyatanavaseneva ekalakkhaṇadhammā vattabbā’’ti vattabbattā satipaṭṭhānavasenāpi vattabbāti dassetuṃ ‘‘yathāhā’’tiādi vuttaṃ. Tattha yathā yena ekalakkhaṇattena ca bhagavā āha, tathā ca tena ekalakkhaṇattena ca avuttāpi dhammā vuttā bhavantīti attho. Ye vipassakā puggalā pañcasu khandhesu niccaṃ susamāraddhā niccaṃ kāyagatāsatiṃ bhāventi, te vipassakā akiccaṃ subhasukhādikaṃ, kasivāṇijjādikammaṃ vā na sevanti, kicce asubhāsukhādike, kāyādike vā sātaccakārino hontīti bhagavā āhāti yojanā.
ид̇исад̣̇д̣̇асса жзд̇т̇а згасса лобо. ид̇и звам̣ ‘‘язсан̃жаа’’д̇иаад̣̇иг̇аат̇ааяа гзсаад̣̇игз гааяз г̇ад̇ааяа бавад̇д̇ааяа сад̇ияаа бхаг̇авад̇аа саруубзна вуд̇д̇ааяа виж̇ж̇амаанааяа д̇ад̣̇авасзсаа взд̣̇анааг̇ад̇аа сад̇и жа жид̇д̇аг̇ад̇аа сад̇и жа д̇хаммаг̇ад̇аа сад̇и жа сад̇ибадтаанабхаавзна згалагкан̣ад̇д̇зна вуд̇д̇аа бхаванд̇ийд̇и сан̇кзбад̇о нижжам̣ сусамаарад̣̇д̇хаа нижжам̣ взд̣̇анааг̇ад̇аа сад̇и жа…бз… нижжам̣ жид̇д̇аг̇ад̇аа сад̇и жа…бз… нижжам̣ д̇хаммаг̇ад̇аа сад̇ийд̇и вад̇д̇аб̣б̣аад̇и.
Itisaddassa cettha ekassa lopo. Iti evaṃ ‘‘yesañcā’’tiādigāthāya kesādike kāye gatāya pavattāya satiyā bhagavatā sarūpena vuttāya vijjamānāya tadavasesā vedanāgatā sati ca cittagatā sati ca dhammagatā sati ca satipaṭṭhānabhāvena ekalakkhaṇattena vuttā bhavantīti saṅkhepato niccaṃ susamāraddhā niccaṃ vedanāgatā sati ca…pe… niccaṃ cittagatā sati ca…pe… niccaṃ dhammagatā satīti vattabbāti.
‘‘сад̇ибадтаанавасзнзва згалагкан̣аа д̇хаммаа вад̇д̇аб̣б̣аа’’д̇и вад̇д̇аб̣б̣ад̇д̇аа ‘‘д̇ат̇аа яам̣ гин̃жий’’д̇иаад̣̇и вуд̇д̇ам̣. д̇ад̇т̇а яам̣ гин̃жи руубааяад̇анам̣ жагкувин̃н̃аан̣зна д̣̇идтам̣, яам̣ гин̃жи сад̣̇д̣̇ааяад̇анам̣ сод̇авин̃н̃аан̣зна суд̇ам̣, яам̣ гин̃жи г̇анд̇харасаподтаб̣б̣ааяад̇анам̣ гхаанавин̃н̃аан̣аад̣̇ид̇д̇аязна вин̃н̃аан̣зна муд̇ам̣, ид̇и звам̣ д̣̇идтаад̣̇ид̇д̇аяз бхаг̇авад̇аа саруубзна вуд̇д̇з сад̇и д̇ад̣̇авасзсам̣ яам̣ гин̃жи вин̃н̃аад̇ам̣ д̇хаммаарамман̣абарияаабаннам̣ руубам̣ бхаг̇авад̇аа ааламб̣ид̇аб̣б̣абхаавзна згалагкан̣ад̇д̇аа вуд̇д̇ам̣ бхавад̇ийд̇и ад̇т̇о. ат̇а ваа яам̣ гин̃жи руубааяад̇анам̣ д̣̇идтам̣ бхаг̇авад̇аа вуд̇д̇ам̣, д̇асмим̣ вуд̇д̇з сад̇и д̇ад̣̇авасзсам̣ суд̇аад̣̇игамби вуд̇д̇ам̣ ход̇ийд̇и аад̣̇иад̇т̇о висум̣ висум̣ яож̇зд̇аб̣б̣о. д̇зна вуд̇д̇ам̣ – ‘‘д̣̇идтам̣ ваа суд̇ам̣ ваа муд̇ам̣ ваа’’д̇и.
‘‘Satipaṭṭhānavaseneva ekalakkhaṇā dhammā vattabbā’’ti vattabbattā ‘‘tathā yaṃ kiñcī’’tiādi vuttaṃ. Tattha yaṃ kiñci rūpāyatanaṃ cakkhuviññāṇena diṭṭhaṃ, yaṃ kiñci saddāyatanaṃ sotaviññāṇena sutaṃ, yaṃ kiñci gandharasaphoṭṭhabbāyatanaṃ ghānaviññāṇādittayena viññāṇena mutaṃ, iti evaṃ diṭṭhādittaye bhagavatā sarūpena vutte sati tadavasesaṃ yaṃ kiñci viññātaṃ dhammārammaṇapariyāpannaṃ rūpaṃ bhagavatā ālambitabbabhāvena ekalakkhaṇattā vuttaṃ bhavatīti attho. Atha vā yaṃ kiñci rūpāyatanaṃ diṭṭhaṃ bhagavatā vuttaṃ, tasmiṃ vutte sati tadavasesaṃ sutādikampi vuttaṃ hotīti ādiattho visuṃ visuṃ yojetabbo. Tena vuttaṃ – ‘‘diṭṭhaṃ vā sutaṃ vā mutaṃ vā’’ti.
‘‘гааяаг̇ад̇ааяа сад̇ияаа вуд̇д̇ааяа д̇ад̣̇авасзсаа взд̣̇анааг̇ад̇аасад̇иаад̣̇аяоязва вад̇д̇аб̣б̣аа’’д̇и бужчид̇аб̣б̣ад̇д̇аа сад̇д̇ад̇им̣саб̣од̇хибагкияад̇хаммааби вуд̇д̇аа бхаванд̇ийд̇и д̣̇ассзд̇ум̣ ‘‘яат̇аа жааха бхаг̇аваа’’д̇иаад̣̇и вуд̇д̇ам̣. д̇ад̇т̇а яат̇аа язна нияяаанигалагкан̣зна згалагкан̣ад̇д̇зна жа бхаг̇аваа ааха, д̇ат̇аа д̇зна згалагкан̣ад̇д̇зна жа бхаг̇аваа ааха, д̇ат̇аа д̇зна згалагкан̣ад̇д̇зна жа вуд̇д̇аа бхаванд̇ийд̇и ад̇т̇о. ‘‘д̇асмаа абхиж̇жхаад̣̇оманассзна абхибхууд̇ад̇д̇аа иха мама саасанз, бхигку, д̇вам̣ аад̇аабий самбаж̇аано сад̇имаа худ̇ваа логз абхиж̇жхаад̣̇оманассам̣ д̇ад̣̇ан̇г̇аббахаанзна ваа вигкамбханаббахаанзна ваа винзяяа винаяид̇ваа гааяз гзсаад̣̇ируубагааяз гааяаанубассий гзсаад̣̇ируубагааяаанубассий худ̇ваа вихараахий’’д̇и бхаг̇авад̇аа вуд̇д̇з сад̇и ‘‘д̇асмаад̇иха, д̇вам̣ бхигку, взд̣̇анаасу взд̣̇анаанубассий вихараахи аад̇аабий самбаж̇аано сад̇имаа винзяяа логз абхиж̇жхаад̣̇оманассам̣, д̇асмаад̇иха, д̇вам̣ бхигку, жид̇д̇з жид̇д̇аанубассий вихараахи…бз… д̣̇оманассам̣, д̇асмаад̇иха, д̇вам̣ бхигку, д̇хаммзсу д̇хаммаанубассий вихараахи…бз… д̣̇оманасса’’нд̇и вуд̇д̇ам̣ бхавад̇ийд̇и сан̇кзбад̇т̇о взд̣̇ид̇аб̣б̣о. вид̇т̇аарад̇т̇о бана адтагат̇ааяам̣ (нзд̇д̇и. адта. 23) б̣ахуд̇хаа вуд̇д̇од̇и амхзхи на вид̇т̇аарид̇о.
‘‘Kāyagatāya satiyā vuttāya tadavasesā vedanāgatāsatiādayoyeva vattabbā’’ti pucchitabbattā sattatiṃsabodhipakkhiyadhammāpi vuttā bhavantīti dassetuṃ ‘‘yathā cāha bhagavā’’tiādi vuttaṃ. Tattha yathā yena niyyānikalakkhaṇena ekalakkhaṇattena ca bhagavā āha, tathā tena ekalakkhaṇattena ca bhagavā āha, tathā tena ekalakkhaṇattena ca vuttā bhavantīti attho. ‘‘Tasmā abhijjhādomanassena abhibhūtattā iha mama sāsane, bhikkhu, tvaṃ ātāpī sampajāno satimā hutvā loke abhijjhādomanassaṃ tadaṅgappahānena vā vikkhambhanappahānena vā vineyya vinayitvā kāye kesādirūpakāye kāyānupassī kesādirūpakāyānupassī hutvā viharāhī’’ti bhagavatā vutte sati ‘‘tasmātiha, tvaṃ bhikkhu, vedanāsu vedanānupassī viharāhi ātāpī sampajāno satimā vineyya loke abhijjhādomanassaṃ, tasmātiha, tvaṃ bhikkhu, citte cittānupassī viharāhi…pe… domanassaṃ, tasmātiha, tvaṃ bhikkhu, dhammesu dhammānupassī viharāhi…pe… domanassa’’nti vuttaṃ bhavatīti saṅkhepattho veditabbo. Vitthārattho pana aṭṭhakathāyaṃ (netti. aṭṭha. 23) bahudhā vuttoti amhehi na vitthārito.
‘‘згасмим̣ сад̇ибадтаанз вуд̇д̇з гасмаа жад̇д̇ааро сад̇ибадтаанаа вуд̇д̇аа бхавзяяу’’нд̇и вад̇д̇аб̣б̣ад̇д̇аа ‘‘аад̇аабийд̇и вийрияинд̣̇рияа’’нд̇иаад̣̇и вуд̇д̇ам̣. д̇ад̇т̇а ‘‘аад̇аабий’’д̇и иминаа бад̣̇зна гааяавзд̣̇анаажид̇д̇ад̇хаммзсу бавад̇д̇ам̣ вийрияинд̣̇рияам̣ вуд̇д̇ам̣. ‘‘самбаж̇аано’’д̇и бад̣̇зна гааяавзд̣̇анаажид̇д̇ад̇хаммзсу бавад̇д̇ам̣ бан̃н̃инд̣̇рияам̣ вуд̇д̇ам̣. ‘‘сад̇имаа’’д̇и бад̣̇зна гааяавзд̣̇анаажид̇д̇ад̇хаммзсу бавад̇д̇ам̣ сад̇инд̣̇рияам̣ вуд̇д̇ам̣. ‘‘винзяяа логз абхиж̇жхаад̣̇оманасса’’нд̇и бад̣̇зна гааяавзд̣̇анаажид̇д̇ад̇хаммзсу бавад̇д̇ам̣ самаад̇хинд̣̇рияам̣ вуд̇д̇ам̣, на гааязязва бавад̇д̇ам̣. звам̣ багаарзна гааяз гааяаанубассино яог̇ааважарасса жад̇д̇ааро сад̇ибадтаанаа бхааванаабаарибуурим̣ г̇ажчанд̇ийд̇и жз вад̣̇зяяа, звам̣ сад̇и жад̇уннам̣ вийрияабан̃н̃аасад̇исамаад̇хийнам̣ инд̣̇рияаанам̣ жад̇уннам̣ сад̇ибадтаанаанам̣ саад̇хагабхаавзна згалагкан̣ад̇д̇аа самааналагкан̣ад̇д̇аа баарибуурим̣ г̇ажчанд̇ийд̇и яож̇анаа. д̇зна вуд̇д̇ам̣ адтагат̇ааяам̣ – ‘‘жад̇усад̇ибадтаанасаад̇ханз имзсам̣ инд̣̇рияаанам̣ сабхаавабхзд̣̇аабхаавад̇о самааналагкан̣ад̇д̇аа’’д̇и (нзд̇д̇и. адта. 23).
‘‘Ekasmiṃ satipaṭṭhāne vutte kasmā cattāro satipaṭṭhānā vuttā bhaveyyu’’nti vattabbattā ‘‘ātāpīti vīriyindriya’’ntiādi vuttaṃ. Tattha ‘‘ātāpī’’ti iminā padena kāyavedanācittadhammesu pavattaṃ vīriyindriyaṃ vuttaṃ. ‘‘Sampajāno’’ti padena kāyavedanācittadhammesu pavattaṃ paññindriyaṃ vuttaṃ. ‘‘Satimā’’ti padena kāyavedanācittadhammesu pavattaṃ satindriyaṃ vuttaṃ. ‘‘Vineyya loke abhijjhādomanassa’’nti padena kāyavedanācittadhammesu pavattaṃ samādhindriyaṃ vuttaṃ, na kāyeyeva pavattaṃ. Evaṃ pakārena kāye kāyānupassino yogāvacarassa cattāro satipaṭṭhānā bhāvanāpāripūriṃ gacchantīti ce vadeyya, evaṃ sati catunnaṃ vīriyapaññāsatisamādhīnaṃ indriyānaṃ catunnaṃ satipaṭṭhānānaṃ sādhakabhāvena ekalakkhaṇattā samānalakkhaṇattā pāripūriṃ gacchantīti yojanā. Tena vuttaṃ aṭṭhakathāyaṃ – ‘‘catusatipaṭṭhānasādhane imesaṃ indriyānaṃ sabhāvabhedābhāvato samānalakkhaṇattā’’ti (netti. aṭṭha. 23).
24. ‘‘звам̣ вуд̇д̇зби жад̇д̇ааро сад̇ибадтаанааязва вад̇д̇аб̣б̣аа бхавзяяум̣, гат̇ам̣ сад̇д̇ад̇им̣саб̣од̇хибагкияад̇хаммаа вад̇д̇аб̣б̣аа’’д̇и вад̇д̇аб̣б̣ад̇д̇аа ‘‘жад̇уусу сад̇ибадтаанзсуу’’д̇иаад̣̇и вуд̇д̇ам̣. д̇ад̇т̇а жад̇уусу сад̇ибадтаанзсу язна яог̇ааважарзна бхаавияамаанзсу д̇асса яог̇ааважарасса жад̇д̇ааро саммаббад̇хаанаа бхааванаабаарибуурим̣ г̇ажчанд̇и. звам̣ сзсзсуби яож̇анаа гаад̇аб̣б̣аа. жад̇уннам̣ сажжаанам̣ б̣уж̇жханам̣ б̣од̇хам̣, арияамаг̇г̇ан̃аан̣ам̣, б̣од̇хам̣ г̇ажчанд̇ийд̇и б̣од̇хан̇г̇амаа. б̣од̇хасса арияамаг̇г̇ан̃аан̣асса багкз бхаваад̇и б̣од̇хибагкияаа.
24. ‘‘Evaṃ vuttepi cattāro satipaṭṭhānāyeva vattabbā bhaveyyuṃ, kathaṃ sattatiṃsabodhipakkhiyadhammā vattabbā’’ti vattabbattā ‘‘catūsu satipaṭṭhānesū’’tiādi vuttaṃ. Tattha catūsu satipaṭṭhānesu yena yogāvacarena bhāviyamānesu tassa yogāvacarassa cattāro sammappadhānā bhāvanāpāripūriṃ gacchanti. Evaṃ sesesupi yojanā kātabbā. Catunnaṃ saccānaṃ bujjhanaṃ bodhaṃ, ariyamaggañāṇaṃ, bodhaṃ gacchantīti bodhaṅgamā. Bodhassa ariyamaggañāṇassa pakkhe bhavāti bodhipakkhiyā.
‘‘гусалааязва д̇хаммаа згалагкан̣абхаавзна нийхарид̇аа гим̣, уд̣̇ааху агусалааби д̇хаммаа’’д̇и бужчид̇аб̣б̣ад̇д̇аа ‘‘звам̣ агусалаабий’’д̇иаад̣̇и вуд̇д̇ам̣. д̇ад̇т̇а гусалаа д̇хаммаа згалагкан̣ад̇д̇зна нид̣̇д̇хаарид̇аа яат̇аа, звам̣ агусалааби д̇хаммаа згалагкан̣ад̇д̇зна нид̣̇д̇хаарид̇аб̣б̣ааязваад̇и ад̇т̇о. ‘‘гат̇ам̣ нид̣̇д̇хаарзд̇аб̣б̣аа’’д̇и бужчид̇аб̣б̣ад̇д̇аа бахаанзгадтабхаавзна нид̣̇д̇хаарзд̇аб̣б̣аад̇и д̣̇ассзнд̇о ‘‘згалагкан̣ад̇д̇аа бахаанам̣ аб̣бхад̇т̇ам̣ г̇ажчанд̇ий’’д̇и ааха. д̇ад̇т̇а згалагкан̣ад̇д̇аад̇и бахаанзгадтабхаавзна самааналагкан̣ад̇д̇аа. ‘‘гад̇амам̣ бахаанам̣ аб̣бхад̇т̇ам̣ г̇ажчанд̇ий’’д̇и бужчид̇аб̣б̣ад̇д̇аа ‘‘жад̇уусу сад̇ибадтаанзсуу’’д̇иаад̣̇и вуд̇д̇ам̣.
‘‘Kusalāyeva dhammā ekalakkhaṇabhāvena nīharitā kiṃ, udāhu akusalāpi dhammā’’ti pucchitabbattā ‘‘evaṃ akusalāpī’’tiādi vuttaṃ. Tattha kusalā dhammā ekalakkhaṇattena niddhāritā yathā, evaṃ akusalāpi dhammā ekalakkhaṇattena niddhāritabbāyevāti attho. ‘‘Kathaṃ niddhāretabbā’’ti pucchitabbattā pahānekaṭṭhabhāvena niddhāretabbāti dassento ‘‘ekalakkhaṇattā pahānaṃ abbhatthaṃ gacchantī’’ti āha. Tattha ekalakkhaṇattāti pahānekaṭṭhabhāvena samānalakkhaṇattā. ‘‘Katamaṃ pahānaṃ abbhatthaṃ gacchantī’’ti pucchitabbattā ‘‘catūsu satipaṭṭhānesū’’tiādi vuttaṃ.
д̇ад̇т̇а жад̇уусу…бз… барин̃н̃ам̣ г̇ажчанд̇ийд̇и гааяааг̇ад̇аасад̇ибадтаанз яог̇ааважарзна бхаавияамаанз сад̇и д̇зна яог̇ааважарзна асубхз гзсаад̣̇игз руубагааяз ‘‘субха’’нд̇и вибаллаасо бахийяад̇и, асса яог̇ааважарасса габ̣ал̣ийгаараахааро барин̃н̃ам̣ г̇ажчад̇и, ‘‘аахаарасамуд̣̇аяаа руубасамуд̣̇аяо’’д̇и (сам̣. ни. 3.56) вуд̇д̇ад̇д̇аа руубагааяз чанд̣̇арааг̇ам̣ баж̇аханд̇асса д̇асса самуд̣̇аяз габ̣ал̣ийгаараахаарзби чанд̣̇арааг̇о бахийяад̇ийд̇и ад̇т̇о. взд̣̇анааг̇ад̇аасад̇ибадтаанз бхаавияамаанз сад̇и д̣̇угкз ‘‘сука’’нд̇и вибаллаасо бахийяад̇и, асса яог̇ааважарасса пассаахааро барин̃н̃ам̣ г̇ажчад̇и, ‘‘пассабажжаяаа взд̣̇анаа’’д̇и (ма. ни. 3.126; сам̣. ни. 2.1, 39; махаава. 1; уд̣̇аа. 1; вибха. 225) вуд̇д̇ад̇д̇аа взд̣̇анааяа чанд̣̇арааг̇ам̣ баж̇аханд̇асса д̇асса бажжаяз пассаахаарз чанд̣̇арааг̇о бахийяад̇и. жид̇д̇аг̇ад̇аасад̇ибадтаанз бхаавияамаанз анижжз ‘‘нижжа’’нд̇и вибаллаасо бахийяад̇и, асса яог̇ааважарасса вин̃н̃аан̣аахааро барин̃н̃ам̣ г̇ажчад̇и. д̇хаммаг̇ад̇аасад̇ибадтаанз бхаавияамаанз анад̇д̇ани ‘‘ад̇д̇аа’’д̇и вибаллаасо бахийяад̇и, асса яог̇ааважарасса маносан̃жзд̇анаахааро барин̃н̃ам̣ г̇ажчад̇ийд̇и висум̣ висум̣ яож̇зд̇ваа згзгасмим̣ бахаад̇аб̣б̣з вуд̇д̇з д̇ад̣̇авасзсаа бахаад̇аб̣б̣аа вуд̇д̇аа бхаванд̇и бахаад̇аб̣б̣абхаавзна згалагкан̣ад̇д̇аад̇и ад̇т̇о г̇ахзд̇аб̣б̣о.
Tattha catūsu…pe… pariññaṃ gacchantīti kāyāgatāsatipaṭṭhāne yogāvacarena bhāviyamāne sati tena yogāvacarena asubhe kesādike rūpakāye ‘‘subha’’nti vipallāso pahīyati, assa yogāvacarassa kabaḷīkārāhāro pariññaṃ gacchati, ‘‘āhārasamudayā rūpasamudayo’’ti (saṃ. ni. 3.56) vuttattā rūpakāye chandarāgaṃ pajahantassa tassa samudaye kabaḷīkārāhārepi chandarāgo pahīyatīti attho. Vedanāgatāsatipaṭṭhāne bhāviyamāne sati dukkhe ‘‘sukha’’nti vipallāso pahīyati, assa yogāvacarassa phassāhāro pariññaṃ gacchati, ‘‘phassapaccayā vedanā’’ti (ma. ni. 3.126; saṃ. ni. 2.1, 39; mahāva. 1; udā. 1; vibha. 225) vuttattā vedanāya chandarāgaṃ pajahantassa tassa paccaye phassāhāre chandarāgo pahīyati. Cittagatāsatipaṭṭhāne bhāviyamāne anicce ‘‘nicca’’nti vipallāso pahīyati, assa yogāvacarassa viññāṇāhāro pariññaṃ gacchati. Dhammagatāsatipaṭṭhāne bhāviyamāne anattani ‘‘attā’’ti vipallāso pahīyati, assa yogāvacarassa manosañcetanāhāro pariññaṃ gacchatīti visuṃ visuṃ yojetvā ekekasmiṃ pahātabbe vutte tadavasesā pahātabbā vuttā bhavanti pahātabbabhāvena ekalakkhaṇattāti attho gahetabbo.
‘‘аахаараа жасса барин̃н̃ам̣ г̇ажчанд̇ий’’д̇и важанз аахаарзсу бавад̇д̇аа гаамарааг̇ад̣̇осамохаа б̣яанд̇ийгад̇аа хонд̇ийд̇и ад̇т̇о г̇ахид̇о. габ̣ал̣ийгаараахааран̃хи аараб̣бха бавад̇д̇з гаамарааг̇з виж̇ж̇амаанз габ̣ал̣ийгаараахаарасса виж̇аананаа над̇т̇зва, д̇асмим̣ гаамарааг̇з бана бахийнз бариж̇аананаа бхавад̇ийд̇и. сзсаахаараж̇аананамби зсзва наяо. яасса яог̇ааважарасса сад̇ибадтаанаа бхаавид̇аа, вибаллаасаа бахийнаа, аахаарабариж̇аананаа уббаннаа, со яог̇ааважаро убаад̣̇аанзхи анубаад̣̇аано бхавад̇и. субхасан̃н̃ид̇з хи гааяз гаамубаад̣̇аанам̣ висзсзна бхавад̇ийд̇и субхасан̃н̃ид̇о гааяо гаамубаад̣̇аанасса вад̇т̇у, гааяаг̇ад̇ааяа сад̇ияаа анусарид̇аб̣б̣о асубхасан̃н̃ид̇о гзсаад̣̇и гаамубаад̣̇аанасса вад̇т̇у на ход̇взва. сукавзд̣̇анааяа ассаад̣̇авасзна д̣̇идтубаад̣̇аанам̣ бхавад̇ийд̇и сукасан̃н̃ид̇аа взд̣̇анаа д̣̇идтубаад̣̇аанасса вад̇т̇у, взд̣̇анааг̇ад̇ааяа бана сад̇ияаа анубассид̇аб̣б̣аа взд̣̇анаа д̣̇идтубаад̣̇аанасса вад̇т̇у на ход̇взва. ‘‘жид̇д̇ам̣ нижжа’’нд̇и д̣̇идтиг̇ахан̣авасзна д̇асса д̇асса ад̇д̇ано сийлавад̇авасзна барисуд̣̇д̇хийд̇и бараамасанам̣ ход̇ийд̇и жид̇д̇ам̣ сийлаб̣б̣ад̇убаад̣̇аанасса вад̇т̇у, жид̇д̇аг̇ад̇ааяа бана сад̇ияаа анубассид̇аб̣б̣ам̣ жид̇д̇ам̣ сийлаб̣б̣ад̇убаад̣̇аанасса вад̇т̇у на ход̇взва. д̇хаммз наамаруубабарижчзд̣̇зна яат̇аабхууд̇ам̣ абассанд̇асса д̇хаммзсу ад̇д̇аабхинивзсо ход̇ийд̇и д̇хаммаа ад̇д̇аваад̣̇убаад̣̇аанасса вад̇т̇у, д̇хаммаг̇ад̇ааяа бана сад̇ияаа анубассид̇аб̣б̣аа д̇хаммаа ад̇д̇аваад̣̇убаад̣̇аанасса вад̇т̇у на хонд̇и зва. д̇асмаа жад̇уусу сад̇ибадтаанзсу бхаавияамаанзсу убаад̣̇аанзхи анубаад̣̇аано бхавад̇ийд̇и вуд̇д̇анд̇и ад̇хиббааяо г̇ахзд̇аб̣б̣о.
‘‘Āhārā cassa pariññaṃ gacchantī’’ti vacane āhāresu pavattā kāmarāgadosamohā byantīkatā hontīti attho gahito. Kabaḷīkārāhārañhi ārabbha pavatte kāmarāge vijjamāne kabaḷīkārāhārassa vijānanā nattheva, tasmiṃ kāmarāge pana pahīne parijānanā bhavatīti. Sesāhārajānanampi eseva nayo. Yassa yogāvacarassa satipaṭṭhānā bhāvitā, vipallāsā pahīnā, āhāraparijānanā uppannā, so yogāvacaro upādānehi anupādāno bhavati. Subhasaññite hi kāye kāmupādānaṃ visesena bhavatīti subhasaññito kāyo kāmupādānassa vatthu, kāyagatāya satiyā anusaritabbo asubhasaññito kesādi kāmupādānassa vatthu na hotveva. Sukhavedanāya assādavasena diṭṭhupādānaṃ bhavatīti sukhasaññitā vedanā diṭṭhupādānassa vatthu, vedanāgatāya pana satiyā anupassitabbā vedanā diṭṭhupādānassa vatthu na hotveva. ‘‘Cittaṃ nicca’’nti diṭṭhigahaṇavasena tassa tassa attano sīlavatavasena parisuddhīti parāmasanaṃ hotīti cittaṃ sīlabbatupādānassa vatthu, cittagatāya pana satiyā anupassitabbaṃ cittaṃ sīlabbatupādānassa vatthu na hotveva. Dhamme nāmarūpaparicchedena yathābhūtaṃ apassantassa dhammesu attābhiniveso hotīti dhammā attavādupādānassa vatthu, dhammagatāya pana satiyā anupassitabbā dhammā attavādupādānassa vatthu na honti eva. Tasmā catūsu satipaṭṭhānesu bhāviyamānesu upādānehi anupādāno bhavatīti vuttanti adhippāyo gahetabbo.
‘‘язна яог̇ааважарзна сад̇ибадтаанаа бхаавид̇аа, со яог̇ааважаро убаад̣̇аанзхиязва анубаад̣̇аано бхавад̇ий’’д̇и бужчид̇аб̣б̣ад̇д̇аа яог̇аад̣̇ийхиби висам̣яуд̇д̇о бхавад̇ийд̇и д̣̇ассзд̇ум̣ ‘‘яог̇зхи жа висам̣яуд̇д̇о’’д̇иаад̣̇и вуд̇д̇ам̣. д̇ад̇т̇а яог̇зхи жаад̇и гаамаяог̇абхаваяог̇ад̣̇идтияог̇аавиж̇ж̇ааяог̇зхи жа. висам̣яуд̇д̇од̇и д̇ад̣̇ан̇г̇аббахаанавигкамбханаббахаанасамужчзд̣̇аббахаанавасзна виг̇ад̇о, вимуд̇д̇о жа бхавад̇ийд̇и ад̇т̇о. субхасан̃н̃ид̇о хи руубагааяо гаамарааг̇асса вад̇т̇у ход̇и, гааяаг̇ад̇ааяа бана сад̇ияаа анубассид̇аб̣б̣о гааяо гаамарааг̇асса вад̇т̇у на ход̇взва. ‘‘суко’’д̇и ваа ‘‘сукахзд̇уу’’д̇и ваа г̇ахан̣ийяо бхаво бхаварааг̇асса вад̇т̇у ход̇и, взд̣̇анааг̇ад̇ааяа бана сад̇ияаа анубассид̇аб̣б̣о бхаво бхаварааг̇асса вад̇т̇у на ход̇и. ‘‘ад̇д̇аа’’д̇и абхинивисид̇аб̣б̣ам̣ жид̇д̇ам̣ д̣̇идтияог̇асса вад̇т̇у ход̇и, жид̇д̇аг̇ад̇ааяа бана сад̇ияаа анубассид̇аб̣б̣ам̣ жид̇д̇ам̣ д̣̇идтияог̇асса вад̇т̇у на ход̇и. виниб̣бхог̇асса д̣̇уггарад̇д̇аа, д̇хаммаанам̣ д̇хаммамад̇д̇ад̇ааяа жа д̣̇уббадивиж̇жхад̇д̇аа авиниб̣бхуж̇ид̇аб̣б̣аа, д̇хаммамад̇д̇ад̇ааяа аббадивиж̇жхид̇аб̣б̣аа д̇хаммаа авиж̇ж̇ааяог̇асса вад̇т̇у хонд̇и, д̇хаммаг̇ад̇ааяа бана сад̇ияаа анубассид̇аб̣б̣аа д̇хаммаа авиж̇ж̇ааяог̇асса вад̇т̇у на хонд̇и. д̇асмаа жад̇усад̇ибадтаанаанубассаго ‘‘яог̇зхи жа висам̣яуд̇д̇о’’д̇и вуд̇д̇о. аяам̣ наяо аасавзхи жа анаасаво бхавад̇и, огхзхи жа нид̇т̇ин̣н̣о бхавад̇ийд̇и зд̇т̇ааби яож̇зд̇аб̣б̣о.
‘‘Yena yogāvacarena satipaṭṭhānā bhāvitā, so yogāvacaro upādānehiyeva anupādāno bhavatī’’ti pucchitabbattā yogādīhipi visaṃyutto bhavatīti dassetuṃ ‘‘yogehi ca visaṃyutto’’tiādi vuttaṃ. Tattha yogehi cāti kāmayogabhavayogadiṭṭhiyogaavijjāyogehi ca. Visaṃyuttoti tadaṅgappahānavikkhambhanappahānasamucchedappahānavasena vigato, vimutto ca bhavatīti attho. Subhasaññito hi rūpakāyo kāmarāgassa vatthu hoti, kāyagatāya pana satiyā anupassitabbo kāyo kāmarāgassa vatthu na hotveva. ‘‘Sukho’’ti vā ‘‘sukhahetū’’ti vā gahaṇīyo bhavo bhavarāgassa vatthu hoti, vedanāgatāya pana satiyā anupassitabbo bhavo bhavarāgassa vatthu na hoti. ‘‘Attā’’ti abhinivisitabbaṃ cittaṃ diṭṭhiyogassa vatthu hoti, cittagatāya pana satiyā anupassitabbaṃ cittaṃ diṭṭhiyogassa vatthu na hoti. Vinibbhogassa dukkarattā, dhammānaṃ dhammamattatāya ca duppaṭivijjhattā avinibbhujitabbā, dhammamattatāya appaṭivijjhitabbā dhammā avijjāyogassa vatthu honti, dhammagatāya pana satiyā anupassitabbā dhammā avijjāyogassa vatthu na honti. Tasmā catusatipaṭṭhānānupassako ‘‘yogehi ca visaṃyutto’’ti vutto. Ayaṃ nayo āsavehi ca anāsavo bhavati, oghehi ca nitthiṇṇo bhavatīti etthāpi yojetabbo.
г̇ант̇зхи жа виббаяуд̇д̇о бхавад̇ийд̇и зд̇т̇а бана субхасан̃н̃ид̇о руубагааяо абхиж̇жхаагааяаг̇ант̇асса вад̇т̇у, гааяаг̇ад̇ааяа бана сад̇ияаа анубассид̇аб̣б̣о руубагааяо абхиж̇жхаагааяаг̇ант̇асса вад̇т̇у на ход̇и. д̣̇угкад̣̇угкавибарин̣аамад̣̇угкасан̇каарад̣̇угкабхууд̇аа взд̣̇анаа б̣яаабаад̣̇агааяаг̇ант̇асса вад̇т̇у хонд̇и, д̇зна вуд̇д̇ам̣ – ‘‘д̣̇угкааяа взд̣̇анааяа бадигхаанусаяо анусзд̇ий’’д̇и (ма. ни. 1.465). взд̣̇анааг̇ад̇ааяа бана сад̇ияаа анубассид̇аб̣б̣аа взд̣̇анаа б̣яаабаад̣̇агааяаг̇ант̇асса вад̇т̇у на ход̇и. ‘‘жид̇д̇ам̣ нижжа’’нд̇и абхинивзсавасзна сассад̇асса ‘‘ад̇д̇ано сийлзна суд̣̇д̇хи, вад̇зна суд̣̇д̇хий’’д̇и бараамасанам̣ ход̇и, д̇асмаа ‘‘нижжа’’нд̇и г̇ахид̇ам̣ жид̇д̇ам̣ сийлаб̣б̣ад̇абараамаасагааяаг̇ант̇асса вад̇т̇у, жид̇д̇аг̇ад̇ааяа бана сад̇ияаа анубассид̇аб̣б̣ам̣ жид̇д̇ам̣ сийлаб̣б̣ад̇абараамаасасса вад̇т̇у на ход̇и. д̇хаммаанам̣ саббажжаяанаамаруубасабхаавасса ад̣̇ассанад̇о бхавад̣̇идтивибхавад̣̇идти ход̇и, д̇асмаа ‘‘ид̣̇ам̣ сажжа’’нд̇и абхинивисид̇аб̣б̣аа д̇хаммаа ид̣̇ам̣сажжаабхинивзсагааяаг̇ант̇асса вад̇т̇у, д̇хаммаг̇ад̇ааяа бана сад̇ияаа анубассид̇аб̣б̣аа д̇хаммаа ид̣̇ам̣сажжаабхинивзсагааяаг̇ант̇асса вад̇т̇у на хонд̇и, д̇асмаа жад̇усад̇ибадтаанаанубассаго ‘‘г̇ант̇зхи жа виббаяуд̇д̇о’’д̇и вуд̇д̇о.
Ganthehi ca vippayutto bhavatīti ettha pana subhasaññito rūpakāyo abhijjhākāyaganthassa vatthu, kāyagatāya pana satiyā anupassitabbo rūpakāyo abhijjhākāyaganthassa vatthu na hoti. Dukkhadukkhavipariṇāmadukkhasaṅkhāradukkhabhūtā vedanā byāpādakāyaganthassa vatthu honti, tena vuttaṃ – ‘‘dukkhāya vedanāya paṭighānusayo anusetī’’ti (ma. ni. 1.465). Vedanāgatāya pana satiyā anupassitabbā vedanā byāpādakāyaganthassa vatthu na hoti. ‘‘Cittaṃ nicca’’nti abhinivesavasena sassatassa ‘‘attano sīlena suddhi, vatena suddhī’’ti parāmasanaṃ hoti, tasmā ‘‘nicca’’nti gahitaṃ cittaṃ sīlabbataparāmāsakāyaganthassa vatthu, cittagatāya pana satiyā anupassitabbaṃ cittaṃ sīlabbataparāmāsassa vatthu na hoti. Dhammānaṃ sappaccayanāmarūpasabhāvassa adassanato bhavadiṭṭhivibhavadiṭṭhi hoti, tasmā ‘‘idaṃ sacca’’nti abhinivisitabbā dhammā idaṃsaccābhinivesakāyaganthassa vatthu, dhammagatāya pana satiyā anupassitabbā dhammā idaṃsaccābhinivesakāyaganthassa vatthu na honti, tasmā catusatipaṭṭhānānupassako ‘‘ganthehi ca vippayutto’’ti vutto.
субхасан̃н̃ид̇о жа гааяо рааг̇асалласса вад̇т̇у, гааяаг̇ад̇ааяа бана сад̇ияаа анубассид̇аб̣б̣о гааяо рааг̇асалласса вад̇т̇у на ход̇и. сукасан̃н̃ид̇ааяа взд̣̇анааяа д̣̇осо ход̇и, д̇асмаа взд̣̇анаа д̣̇осасалласса вад̇т̇у, взд̣̇анааг̇ад̇ааяа бана сад̇ияаа анубассид̇аб̣б̣аа взд̣̇анаа д̣̇осасалласса вад̇т̇у на ход̇и. ‘‘жид̇д̇ам̣ ад̇д̇аа’’д̇и г̇ахзд̇ваа ‘‘ад̇д̇аа сзяяо’’д̇иаад̣̇ивасзна бавад̇д̇асса маанасалласса жид̇д̇ам̣ вад̇т̇у, жид̇д̇аг̇ад̇ааяа бана сад̇ияаа анубассид̇аб̣б̣ам̣ жид̇д̇ам̣ маанасалласса вад̇т̇у на ход̇и. д̇хаммаанам̣ саббажжаяанаамаруубасабхаавасса аж̇аананад̇о д̇хаммаа мохасалласса вад̇т̇у, д̇хаммаг̇ад̇ааяа бана сад̇ияаа анубассид̇аб̣б̣аа д̇хаммаа мохасалласса вад̇т̇у на хонд̇и, д̇асмаа жад̇усад̇ибадтаанаанубассаго ‘‘саллзхи жа висалло бхавад̇ий’’д̇и вуд̇д̇о.
Subhasaññito ca kāyo rāgasallassa vatthu, kāyagatāya pana satiyā anupassitabbo kāyo rāgasallassa vatthu na hoti. Sukhasaññitāya vedanāya doso hoti, tasmā vedanā dosasallassa vatthu, vedanāgatāya pana satiyā anupassitabbā vedanā dosasallassa vatthu na hoti. ‘‘Cittaṃ attā’’ti gahetvā ‘‘attā seyyo’’tiādivasena pavattassa mānasallassa cittaṃ vatthu, cittagatāya pana satiyā anupassitabbaṃ cittaṃ mānasallassa vatthu na hoti. Dhammānaṃ sappaccayanāmarūpasabhāvassa ajānanato dhammā mohasallassa vatthu, dhammagatāya pana satiyā anupassitabbā dhammā mohasallassa vatthu na honti, tasmā catusatipaṭṭhānānupassako ‘‘sallehi ca visallo bhavatī’’ti vutto.
‘‘аахаараа жасса барин̃н̃ам̣ г̇ажчанд̇ий’’д̇и аажариязна вуд̇д̇ам̣, ‘‘гим̣ бана аахаараава асса яог̇ааважарасса барин̃н̃ам̣ г̇ажчанд̇и, уд̣̇ааху ан̃н̃збий’’д̇и бужчид̇аб̣б̣ад̇д̇аа вин̃н̃аан̣адтид̇ияо жа асса яог̇ааважарасса барин̃н̃ам̣ г̇ажчанд̇ийд̇и д̣̇ассзд̇ум̣ ‘‘вин̃н̃аан̣адтид̇ияо жасса барин̃н̃ам̣ г̇ажчанд̇ий’’д̇и вуд̇д̇ам̣. язна яог̇ааважарзна жад̇д̇ааро сад̇ибадтаанаа бхаавид̇аа, д̇асса яог̇ааважарасса гааяавзд̣̇анаажид̇д̇ад̇хаммаава барин̃н̃ам̣ г̇ажчзяяум̣, на вин̃н̃аан̣адтид̇ияод̇и жз вад̣̇зяяа гааяаанубассанаад̣̇ийхи жа гааяавзд̣̇анаажид̇д̇ад̇хаммзсу барин̃н̃аад̇зсу сан̃н̃ааяаби барин̃н̃аад̇аб̣б̣абхаавад̇о. саа хи взд̣̇анаажид̇д̇асан̇каад̇зна д̇хаммзсу барин̃н̃аад̇зсу авинаабхаавад̇о барин̃н̃аад̇ааваад̇и.
‘‘Āhārā cassa pariññaṃ gacchantī’’ti ācariyena vuttaṃ, ‘‘kiṃ pana āhārāva assa yogāvacarassa pariññaṃ gacchanti, udāhu aññepī’’ti pucchitabbattā viññāṇaṭṭhitiyo ca assa yogāvacarassa pariññaṃ gacchantīti dassetuṃ ‘‘viññāṇaṭṭhitiyo cassa pariññaṃ gacchantī’’ti vuttaṃ. Yena yogāvacarena cattāro satipaṭṭhānā bhāvitā, tassa yogāvacarassa kāyavedanācittadhammāva pariññaṃ gaccheyyuṃ, na viññāṇaṭṭhitiyoti ce vadeyya kāyānupassanādīhi ca kāyavedanācittadhammesu pariññātesu saññāyapi pariññātabbabhāvato. Sā hi vedanācittasaṅkhātena dhammesu pariññātesu avinābhāvato pariññātāvāti.
язна жад̇д̇ааро сад̇ибадтаанаа бхаавид̇аа, со яог̇ааважаро убаад̣̇аанзхи анубаад̣̇аано жа, яог̇зхи висам̣яуд̇д̇о жа, канд̇хзхи виббаяуд̇д̇о жа, аасавзхи анаасаво жа, огхзхи нид̇т̇ин̣н̣о жа, саллзхи висалло жа бхавад̇ийд̇и вуд̇д̇о, ‘‘гим̣ бана д̇ат̇аавид̇хова ход̇и, уд̣̇ааху ан̃н̃ат̇аабий’’д̇и бужчид̇аб̣б̣ад̇д̇аа аг̇ад̇имби на г̇ажчад̇ийд̇и д̣̇ассзнд̇о ‘‘аг̇ад̇иг̇аманзхи жа на аг̇ад̇им̣ г̇ажчад̇ий’’д̇и ааха. субхаад̣̇исан̃н̃ид̇з руубагааяз абзгкамаано буг̇г̇ало чанд̣̇ааг̇ад̇им̣ г̇ажчад̇ийд̇и субхаад̣̇исан̃н̃ид̇о руубагааяо висзсад̇о чанд̣̇ааг̇ад̇ияаа вад̇т̇у ход̇и, гааяаанубассанаасад̇ибадтаанзна бана анубассид̇аб̣б̣о ассаасабассаасаад̣̇иго гааяо чанд̣̇ааг̇ад̇ияаа вад̇т̇у на ход̇и, д̇асмаа гааяаанубассанаасад̇ибадтаанабхааванам̣ бхаавзнд̇о буг̇г̇ало чанд̣̇ааг̇ад̇им̣ на г̇ажчад̇и. сукавзд̣̇анассаад̣̇авасзна взд̣̇аяамаано д̇ад̣̇абхаавзна б̣яаабаад̣̇ам̣ ааг̇ажчад̇ийд̇и сукавзд̣̇анаа д̣̇осааг̇ад̇ияаа вад̇т̇у ход̇и, взд̣̇анаанубассанаасад̇ибадтаанзна бана анубассид̇аб̣б̣аа взд̣̇анаа д̣̇осааг̇ад̇ияаа вад̇т̇у на ход̇и , д̇асмаа взд̣̇анаасад̇ибадтаанабхааванам̣ бхаавзнд̇о буг̇г̇ало д̣̇осааг̇ад̇им̣ на г̇ажчад̇и. санд̇ад̇игханавасзна ‘‘нижжам̣, д̇хува’’нд̇и г̇ахид̇ам̣ жид̇д̇ам̣ мохасса вад̇т̇у ход̇и, жид̇д̇аанубассанаасад̇ибадтаанзна бана анубассид̇аб̣б̣ам̣ жид̇д̇ам̣ мохасса вад̇т̇у на ход̇и, д̇асмаа жид̇д̇аанубассанаасад̇ибадтаанабхааванам̣ бхаавзнд̇о буг̇г̇ало д̣̇осааг̇ад̇им̣ на г̇ажчад̇и. вибхаж̇ид̇ваа д̇хаммасабхаавам̣ аж̇аананд̇асса бхаяам̣ ж̇ааяад̇ийд̇и вибхаж̇ид̇ваа аж̇аанияасабхааваа д̇хаммаа бхаяасса вад̇т̇у хонд̇и, д̇хаммаанубассанаасад̇ибадтаанзна бана анубассид̇аб̣б̣аа вибхаж̇ид̇ваа ж̇аанид̇аб̣б̣аа д̇хаммаа рааг̇асса вад̇т̇у на хонд̇и, д̇асмаа д̇хаммаанубассанаасад̇ибадтаанабхааванам̣ бхаавзнд̇о буг̇г̇ало бхаяааг̇ад̇им̣ на г̇ажчад̇и. звам̣ бахаад̇аб̣б̣абхаавзна згалагкан̣з агусалзби д̇хаммз нийхарид̇ваа ид̣̇аани ниг̇амзд̇ум̣ ‘‘звам̣ агусалааби д̇хаммаа згалагкан̣ад̇д̇аа бахаанам̣ аб̣бхад̇т̇ам̣ г̇ажчанд̇ий’’д̇и буна вуд̇д̇ам̣.
Yena cattāro satipaṭṭhānā bhāvitā, so yogāvacaro upādānehi anupādāno ca, yogehi visaṃyutto ca, khandhehi vippayutto ca, āsavehi anāsavo ca, oghehi nitthiṇṇo ca, sallehi visallo ca bhavatīti vutto, ‘‘kiṃ pana tathāvidhova hoti, udāhu aññathāpī’’ti pucchitabbattā agatimpi na gacchatīti dassento ‘‘agatigamanehi ca na agatiṃ gacchatī’’ti āha. Subhādisaññite rūpakāye apekkhamāno puggalo chandāgatiṃ gacchatīti subhādisaññito rūpakāyo visesato chandāgatiyā vatthu hoti, kāyānupassanāsatipaṭṭhānena pana anupassitabbo assāsapassāsādiko kāyo chandāgatiyā vatthu na hoti, tasmā kāyānupassanāsatipaṭṭhānabhāvanaṃ bhāvento puggalo chandāgatiṃ na gacchati. Sukhavedanassādavasena vedayamāno tadabhāvena byāpādaṃ āgacchatīti sukhavedanā dosāgatiyā vatthu hoti, vedanānupassanāsatipaṭṭhānena pana anupassitabbā vedanā dosāgatiyā vatthu na hoti , tasmā vedanāsatipaṭṭhānabhāvanaṃ bhāvento puggalo dosāgatiṃ na gacchati. Santatighanavasena ‘‘niccaṃ, dhuva’’nti gahitaṃ cittaṃ mohassa vatthu hoti, cittānupassanāsatipaṭṭhānena pana anupassitabbaṃ cittaṃ mohassa vatthu na hoti, tasmā cittānupassanāsatipaṭṭhānabhāvanaṃ bhāvento puggalo dosāgatiṃ na gacchati. Vibhajitvā dhammasabhāvaṃ ajānantassa bhayaṃ jāyatīti vibhajitvā ajāniyasabhāvā dhammā bhayassa vatthu honti, dhammānupassanāsatipaṭṭhānena pana anupassitabbā vibhajitvā jānitabbā dhammā rāgassa vatthu na honti, tasmā dhammānupassanāsatipaṭṭhānabhāvanaṃ bhāvento puggalo bhayāgatiṃ na gacchati. Evaṃ pahātabbabhāvena ekalakkhaṇe akusalepi dhamme nīharitvā idāni nigametuṃ ‘‘evaṃ akusalāpi dhammā ekalakkhaṇattā pahānaṃ abbhatthaṃ gacchantī’’ti puna vuttaṃ.
бхаавзд̇аб̣б̣зсу д̇хаммзсу згад̣̇зсзсу вуд̇д̇з д̇ад̣̇авасзсааби бхаавзд̇аб̣б̣аа д̇хаммаа згалагкан̣ад̇д̇аа нийхарид̇ваа вад̇д̇аб̣б̣аа, бахаад̇аб̣б̣зсуби д̇хаммзсу згад̣̇зсз вуд̇д̇з д̇ад̣̇авасзсааби д̇хаммаа бахаад̇аб̣б̣аа згалагкан̣ад̇д̇аа нийхарид̇ваа вад̇д̇аб̣б̣аад̇и аажариязна вуд̇д̇аа, амхзхи жа н̃аад̇аа, ‘‘ан̃н̃ат̇ааби яад̣̇и вад̇д̇аб̣б̣аа сияум̣, д̇зби вад̣̇ат̇аа’’д̇и вад̇д̇аб̣б̣абхаавад̇о ан̃н̃знаби барияааязна лагкан̣ахаарасса уд̣̇аахаран̣аани д̣̇ассзд̇ум̣ ‘‘яад̇т̇а ваа банаа’’д̇иаад̣̇и вуд̇д̇ам̣ . д̇ад̇т̇а яад̇т̇а яассам̣ руубзгад̣̇зсад̣̇зсанааяам̣ руубинд̣̇рияам̣ руббаналагкан̣ам̣ жагкунд̣̇рияаад̣̇иж̇ийвид̇инд̣̇рияабарияосаанам̣ адтавид̇хам̣ инд̣̇рияам̣ руубзгад̣̇зсам̣ бхаг̇авад̇аа д̣̇зсид̇ам̣. д̇ад̇т̇зва д̇ассам̣ руубзгад̣̇зсад̣̇зсанааяам̣ руубад̇хаад̇у руббаналагкан̣аа жагкуд̇хаад̇аад̣̇иподтаб̣б̣ад̇хаад̇убарияосаанаа д̣̇асавид̇хаа руубад̇хаад̇у руббаналагкан̣зна згалагкан̣ад̇д̇аа д̣̇зсид̇аа. саб̣б̣о руубагканд̇хо жа д̣̇зсид̇о. руубааяад̇анам̣ руббаналагкан̣ам̣ жагкааяад̇анаад̣̇иподтаб̣б̣ааяад̇анабарияосаанам̣ д̣̇асавид̇хам̣ ааяад̇анам̣ руббаналагкан̣зна згалагкан̣ад̇д̇аа бхаг̇авад̇аа д̣̇зсид̇ам̣.
Bhāvetabbesu dhammesu ekadesesu vutte tadavasesāpi bhāvetabbā dhammā ekalakkhaṇattā nīharitvā vattabbā, pahātabbesupi dhammesu ekadese vutte tadavasesāpi dhammā pahātabbā ekalakkhaṇattā nīharitvā vattabbāti ācariyena vuttā, amhehi ca ñātā, ‘‘aññathāpi yadi vattabbā siyuṃ, tepi vadathā’’ti vattabbabhāvato aññenapi pariyāyena lakkhaṇahārassa udāharaṇāni dassetuṃ ‘‘yattha vā panā’’tiādi vuttaṃ . Tattha yattha yassaṃ rūpekadesadesanāyaṃ rūpindriyaṃ ruppanalakkhaṇaṃ cakkhundriyādijīvitindriyapariyosānaṃ aṭṭhavidhaṃ indriyaṃ rūpekadesaṃ bhagavatā desitaṃ. Tattheva tassaṃ rūpekadesadesanāyaṃ rūpadhātu ruppanalakkhaṇā cakkhudhātādiphoṭṭhabbadhātupariyosānā dasavidhā rūpadhātu ruppanalakkhaṇena ekalakkhaṇattā desitā. Sabbo rūpakkhandho ca desito. Rūpāyatanaṃ ruppanalakkhaṇaṃ cakkhāyatanādiphoṭṭhabbāyatanapariyosānaṃ dasavidhaṃ āyatanaṃ ruppanalakkhaṇena ekalakkhaṇattā bhagavatā desitaṃ.
яад̇т̇а ваа бана яассам̣ взд̣̇анзгад̣̇зсад̣̇зсанааяам̣ сукаа взд̣̇анаа бхаг̇авад̇аа д̣̇зсид̇аа, д̇ад̇т̇а д̇ассам̣ взд̣̇анзгад̣̇зсад̣̇зсанааяам̣ сукинд̣̇рияан̃жа д̣̇зсид̇ам̣, соманассинд̣̇рияан̃жа д̣̇зсид̇ам̣, д̣̇угкасамуд̣̇аяо арияасажжан̃жа д̣̇зсид̇ам̣ сукавзд̣̇анаабхаавзна згалагкан̣ад̇д̇аа. яад̇т̇а ваа бана яассам̣ взд̣̇анзгад̣̇зсад̣̇зсанааяам̣ д̣̇угкаа взд̣̇анаа бхаг̇авад̇аа д̣̇зсид̇аа, д̇ад̇т̇а д̇ассам̣ взд̣̇анзгад̣̇зсад̣̇зсанааяам̣ д̣̇угкинд̣̇рияан̃жа д̣̇зсид̇ам̣ д̣̇оманассинд̣̇рияан̃жа д̣̇зсид̇ам̣, д̣̇угкам̣ арияасажжан̃жа д̣̇зсид̇ам̣ д̣̇угкавзд̣̇анаабхаавзна згалагкан̣ад̇д̇аа. яад̇т̇а ваа бана яассам̣ взд̣̇анзгад̣̇зсад̣̇зсанааяам̣ ад̣̇угкамасукаа взд̣̇анаа бхаг̇авад̇аа д̣̇зсид̇аа, д̇ад̇т̇а д̇ассам̣ взд̣̇анзгад̣̇зсад̣̇зсанааяам̣ убзгкинд̣̇рияан̃жа д̣̇зсид̇ам̣, саб̣б̣о бадижжасамуббаад̣̇о жа д̣̇зсид̇од̇и яож̇анаа гаад̇аб̣б̣аа.
Yattha vā pana yassaṃ vedanekadesadesanāyaṃ sukhā vedanā bhagavatā desitā, tattha tassaṃ vedanekadesadesanāyaṃ sukhindriyañca desitaṃ, somanassindriyañca desitaṃ, dukkhasamudayo ariyasaccañca desitaṃ sukhavedanābhāvena ekalakkhaṇattā. Yattha vā pana yassaṃ vedanekadesadesanāyaṃ dukkhā vedanā bhagavatā desitā, tattha tassaṃ vedanekadesadesanāyaṃ dukkhindriyañca desitaṃ domanassindriyañca desitaṃ, dukkhaṃ ariyasaccañca desitaṃ dukkhavedanābhāvena ekalakkhaṇattā. Yattha vā pana yassaṃ vedanekadesadesanāyaṃ adukkhamasukhā vedanā bhagavatā desitā, tattha tassaṃ vedanekadesadesanāyaṃ upekkhindriyañca desitaṃ, sabbo paṭiccasamuppādo ca desitoti yojanā kātabbā.
яассам̣ д̣̇зсанааяам̣ ад̣̇угкамасукаа взд̣̇анаа д̣̇зсид̇аа, д̇ассам̣ д̣̇зсанааяам̣ убзгкинд̣̇рияам̣ д̣̇зсид̇ам̣ ход̇у самааналагкан̣ад̇д̇аа, ‘‘гзна бадижжасамуббаад̣̇о д̣̇зсид̇о бхавзяяаа’’д̇и вад̇д̇аб̣б̣абхаавад̇о ‘‘гзна гааран̣знаа’’д̇и бужчид̇ваа гааран̣ам̣ д̣̇ассзд̇ум̣ ‘‘ад̣̇угкамасукааяаа’’д̇иаад̣̇и вуд̇д̇ам̣. д̇ад̇т̇а ад̣̇угкамасукааяа взд̣̇анааяа хи яасмаа авиж̇ж̇аа анусзд̇и, д̇асмаа авиж̇ж̇аа д̣̇зсид̇аа ход̇и. авиж̇ж̇ааяа жа д̣̇зсид̇ааяа авиж̇ж̇аамуулаго саб̣б̣оби бадижжасамуббаад̣̇о ‘‘авиж̇ж̇аабажжаяаа сан̇каараа…бз… д̣̇угкагканд̇хасса самуд̣̇аяо ход̇ий’’д̇и д̣̇зсид̇ова ход̇ийд̇и ад̇хиббааяо д̣̇адтаб̣б̣о.
Yassaṃ desanāyaṃ adukkhamasukhā vedanā desitā, tassaṃ desanāyaṃ upekkhindriyaṃ desitaṃ hotu samānalakkhaṇattā, ‘‘kena paṭiccasamuppādo desito bhaveyyā’’ti vattabbabhāvato ‘‘kena kāraṇenā’’ti pucchitvā kāraṇaṃ dassetuṃ ‘‘adukkhamasukhāyā’’tiādi vuttaṃ. Tattha adukkhamasukhāya vedanāya hi yasmā avijjā anuseti, tasmā avijjā desitā hoti. Avijjāya ca desitāya avijjāmūlako sabbopi paṭiccasamuppādo ‘‘avijjāpaccayā saṅkhārā…pe… dukkhakkhandhassa samudayo hotī’’ti desitova hotīti adhippāyo daṭṭhabbo.
‘‘авиж̇ж̇аабажжаяаа сан̇каараа…бз… самуд̣̇аяо ход̇ий’’д̇и ануломавасзна бавад̇д̇о яо бадижжасамуббаад̣̇о д̣̇зсид̇од̇и аажариязна вуд̇д̇о, ‘‘яад̣̇и д̇ат̇аа бавад̇д̇о со жа бадижжасамуббаад̣̇о д̣̇зсид̇о, звам̣ сад̇и саб̣б̣о жа бадижжасамуббаад̣̇о д̣̇зсид̇о’’д̇и на вад̇д̇аб̣б̣од̇и жод̣̇анам̣ манаси гад̇ваа ‘‘со жаа’’д̇иаад̣̇и вуд̇д̇ам̣. д̇ад̇т̇а яо жа ануломавасзна бавад̇д̇о, со жа сарааг̇асад̣̇осасамохасам̣гилзсабагкзна хаад̇аб̣б̣о. яо жа бадиломавасзна ‘‘авиж̇ж̇ааяа д̇взва асзсавирааг̇анирод̇хаа сан̇кааранирод̇хо’’д̇иаад̣̇иго бавад̇д̇о, со жа вийд̇арааг̇авийд̇ад̣̇осавийд̇амохаарияад̇хаммзхи хаад̇аб̣б̣о. яо жа ануломабадиломавасзна бавад̇д̇о, со жа д̇ад̣̇убхаязхи хаад̇аб̣б̣о. д̇асмаа ‘‘саб̣б̣о жа бадижжасамуббаад̣̇о д̣̇зсид̇о’’д̇и вад̇д̇аб̣б̣оваад̇и ад̇хиббааяо г̇ахзд̇аб̣б̣о.
‘‘Avijjāpaccayā saṅkhārā…pe… samudayo hotī’’ti anulomavasena pavatto yo paṭiccasamuppādo desitoti ācariyena vutto, ‘‘yadi tathā pavatto so ca paṭiccasamuppādo desito, evaṃ sati sabbo ca paṭiccasamuppādo desito’’ti na vattabboti codanaṃ manasi katvā ‘‘so cā’’tiādi vuttaṃ. Tattha yo ca anulomavasena pavatto, so ca sarāgasadosasamohasaṃkilesapakkhena hātabbo. Yo ca paṭilomavasena ‘‘avijjāya tveva asesavirāganirodhā saṅkhāranirodho’’tiādiko pavatto, so ca vītarāgavītadosavītamohaariyadhammehi hātabbo. Yo ca anulomapaṭilomavasena pavatto, so ca tadubhayehi hātabbo. Tasmā ‘‘sabbo ca paṭiccasamuppādo desito’’ti vattabbovāti adhippāyo gahetabbo.
‘‘яз д̇хаммаа згалагкан̣аа, д̇зсам̣ д̇хаммаанам̣ згасмим̣ д̇хаммз вуд̇д̇з авасидтаа д̇хаммаа вуд̇д̇аа бхаванд̇ийд̇иаад̣̇инаа (нзд̇д̇и. 23) аажариязна яаа лагкан̣ахаараяож̇анаа вуд̇д̇аа, саава гаад̇аб̣б̣аа, на ан̃н̃ат̇аа гаад̇аб̣б̣аа’’д̇и бужчид̇аб̣б̣абхаавад̇о ан̃н̃ат̇ааби лагкан̣ахаараяож̇анаа гаад̇аб̣б̣ааязваад̇и д̣̇ассзд̇ум̣ ‘‘звам̣ яз д̇хаммаа’’д̇иаад̣̇и вуд̇д̇ам̣. д̇ад̇т̇а яз бат̇авийаад̣̇аяо руубад̇хаммаа, яз пассаад̣̇аяо аруубад̇хаммаа санд̇хааран̣аад̣̇игижжад̇о сан̇гхадданаад̣̇игижжад̇о згалагкан̣аа, д̇зсам̣ руубааруубад̇хаммаанам̣ згасмим̣ д̇хаммз вуд̇д̇з авасидтаа руубааруубад̇хаммаа вуд̇д̇аа бхаванд̇и. яз бат̇авийаад̣̇аяо руубад̇хаммаа, яз пассаад̣̇аяо аруубад̇хаммаа гагкал̣аад̣̇илагкан̣ад̇о пусанаад̣̇илагкан̣ад̇о згалагкан̣аа, д̇зсам̣ руубааруубад̇хаммаанам̣ згасмим̣ д̇хаммз вуд̇д̇з авасидтаа руубааруубад̇хаммаа вуд̇д̇аа бхаванд̇и. яз д̇хаммаа руббанасааман̃н̃ад̇о наманасааман̃н̃ад̇о анижжаад̣̇исааман̃н̃ад̇о ваа канд̇хааяад̇анаад̣̇исааман̃н̃ад̇о ваа згалагкан̣аа, д̇зсам̣ сан̇кад̇ад̇хаммаанам̣ згасмим̣ сан̇кад̇ад̇хаммз вуд̇д̇з авасидтаа д̇хаммаа вуд̇д̇аа бхаванд̇и. яз сан̇кад̇ад̇хаммаа бхан̇г̇уббаад̣̇ад̇о сан̇кад̇о жуд̇уубабаад̇ад̇о самаананирод̇хуббаад̣̇асан̇кад̇ад̇о ваа жуд̇уубабаад̇ад̇о згалагкан̣аа, д̇зсам̣ сан̇кад̇ад̇хаммаанам̣ згасмим̣ сан̇кад̇ад̇хаммз вуд̇д̇з авасидтаа сан̇кад̇ад̇хаммаа вуд̇д̇аа бхаванд̇ийд̇и ад̇т̇аяож̇анаа гаад̇аб̣б̣аа.
‘‘Ye dhammā ekalakkhaṇā, tesaṃ dhammānaṃ ekasmiṃ dhamme vutte avasiṭṭhā dhammā vuttā bhavantītiādinā (netti. 23) ācariyena yā lakkhaṇahārayojanā vuttā, sāva kātabbā, na aññathā kātabbā’’ti pucchitabbabhāvato aññathāpi lakkhaṇahārayojanā kātabbāyevāti dassetuṃ ‘‘evaṃ ye dhammā’’tiādi vuttaṃ. Tattha ye pathavīādayo rūpadhammā, ye phassādayo arūpadhammā sandhāraṇādikiccato saṅghaṭṭanādikiccato ekalakkhaṇā, tesaṃ rūpārūpadhammānaṃ ekasmiṃ dhamme vutte avasiṭṭhā rūpārūpadhammā vuttā bhavanti. Ye pathavīādayo rūpadhammā, ye phassādayo arūpadhammā kakkhaḷādilakkhaṇato phusanādilakkhaṇato ekalakkhaṇā, tesaṃ rūpārūpadhammānaṃ ekasmiṃ dhamme vutte avasiṭṭhā rūpārūpadhammā vuttā bhavanti. Ye dhammā ruppanasāmaññato namanasāmaññato aniccādisāmaññato vā khandhāyatanādisāmaññato vā ekalakkhaṇā, tesaṃ saṅkhatadhammānaṃ ekasmiṃ saṅkhatadhamme vutte avasiṭṭhā dhammā vuttā bhavanti. Ye saṅkhatadhammā bhaṅguppādato saṅkhato cutūpapātato samānanirodhuppādasaṅkhatato vā cutūpapātato ekalakkhaṇā, tesaṃ saṅkhatadhammānaṃ ekasmiṃ saṅkhatadhamme vutte avasiṭṭhā saṅkhatadhammā vuttā bhavantīti atthayojanā kātabbā.
гижжад̇о жа лагкан̣ад̇о жаад̇иаад̣̇ийсу жа-сад̣̇д̣̇зна сахажаран̣асамаанахзд̇уд̇аад̣̇аяо сан̇г̇ахид̇аад̇и д̣̇адтаб̣б̣аа . сахажаран̣аад̣̇ийсу жа яам̣ вад̇д̇аб̣б̣ам̣, д̇ам̣ ‘‘наанад̇д̇агааяанаанад̇д̇асан̃н̃ино (д̣̇ий. ни. 3.341, 357, 359; а. ни. 9.24), наанад̇д̇асан̃н̃аанам̣ аманасигаараа’’д̇иаад̣̇ийсу сахажаарид̇ааяа сан̃н̃аасахаг̇ад̇аа д̇хаммаа нид̣̇д̇хаарид̇аад̇иаад̣̇инаа вуд̇д̇амзва.
Kiccato ca lakkhaṇato cātiādīsu ca-saddena sahacaraṇasamānahetutādayo saṅgahitāti daṭṭhabbā . Sahacaraṇādīsu ca yaṃ vattabbaṃ, taṃ ‘‘nānattakāyanānattasaññino (dī. ni. 3.341, 357, 359; a. ni. 9.24), nānattasaññānaṃ amanasikārā’’tiādīsu sahacāritāya saññāsahagatā dhammā niddhāritātiādinā vuttameva.
‘‘згасмим̣ д̇хаммз саруубад̇о вуд̇д̇з згалагкан̣аад̣̇ид̇о авасидтад̇хаммаанамби вуд̇д̇абхааво гзна амхзхи ж̇аанид̇аб̣б̣о сад̣̇д̣̇ахид̇аб̣б̣о’’д̇и вад̇д̇аб̣б̣абхаавад̇о ‘‘д̇знаа’’д̇иаад̣̇и вуд̇д̇ам̣. д̇ад̇т̇а д̇зна авасидтад̇хаммаанамби вуд̇д̇абхаавзна ‘‘вуд̇д̇амхи згад̇хаммз’’д̇иаад̣̇игам̣ яам̣ важанам̣ ааяасмаа махаагажжаано ааха, д̇зна важанзна д̇умхзхи авасидтаанамби вуд̇д̇абхааво ж̇аанид̇аб̣б̣о сад̣̇д̣̇ахид̇аб̣б̣од̇и вуд̇д̇ам̣ ход̇и.
‘‘Ekasmiṃ dhamme sarūpato vutte ekalakkhaṇādito avasiṭṭhadhammānampi vuttabhāvo kena amhehi jānitabbo saddahitabbo’’ti vattabbabhāvato ‘‘tenā’’tiādi vuttaṃ. Tattha tena avasiṭṭhadhammānampi vuttabhāvena ‘‘vuttamhi ekadhamme’’tiādikaṃ yaṃ vacanaṃ āyasmā mahākaccāno āha, tena vacanena tumhehi avasiṭṭhānampi vuttabhāvo jānitabbo saddahitabboti vuttaṃ hoti.
‘‘зд̇д̇аавад̇аа жа лагкан̣ахааро барибун̣н̣о, ан̃н̃о нияуд̇д̇о над̇т̇ий’’д̇и вад̇д̇аб̣б̣ад̇д̇аа ‘‘нияуд̇д̇о лагкан̣о хааро’’д̇и вуд̇д̇ам̣. д̇ад̇т̇а яассам̣ баал̣ияам̣ згасмим̣ д̇хаммз вуд̇д̇з авасидтад̇хаммааби язна лагкан̣ахаарзна нид̣̇д̇хаарид̇аа, д̇ассам̣ баал̣ияам̣ со лагкан̣о хааро нияуд̇д̇о нид̣̇д̇хаарзд̇ваа яож̇ид̇од̇и ад̇т̇о д̣̇адтаб̣б̣од̇и.
‘‘Ettāvatā ca lakkhaṇahāro paripuṇṇo, añño niyutto natthī’’ti vattabbattā ‘‘niyutto lakkhaṇo hāro’’ti vuttaṃ. Tattha yassaṃ pāḷiyaṃ ekasmiṃ dhamme vutte avasiṭṭhadhammāpi yena lakkhaṇahārena niddhāritā, tassaṃ pāḷiyaṃ so lakkhaṇo hāro niyutto niddhāretvā yojitoti attho daṭṭhabboti.
ид̇и лагкан̣ахааравибхан̇г̇з сад̇д̇иб̣алаануруубаа ражид̇аа
Iti lakkhaṇahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 5. лагкан̣ахааравибхан̇г̇о • 5. Lakkhaṇahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 5. лагкан̣ахааравибхан̇г̇аван̣н̣анаа • 5. Lakkhaṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 5. лагкан̣ахааравибхан̇г̇аван̣н̣анаа • 5. Lakkhaṇahāravibhaṅgavaṇṇanā
