| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
5. лагкан̣ахааравибхан̇г̇о
5. Lakkhaṇahāravibhaṅgo
23. д̇ад̇т̇а гад̇амо лагкан̣о хааро? ‘‘вуд̇д̇амхи згад̇хаммз’’д̇и, аяам̣ лагкан̣о хааро. гим̣ лагкаяад̇и? яз д̇хаммаа згалагкан̣аа, д̇зсам̣ д̇хаммаанам̣ згасмим̣ д̇хаммз вуд̇д̇з авасидтаа д̇хаммаа вуд̇д̇аа бхаванд̇и. яат̇аа гим̣ бхавз? яат̇ааха бхаг̇аваа –
23. Tattha katamo lakkhaṇo hāro? ‘‘Vuttamhi ekadhamme’’ti, ayaṃ lakkhaṇo hāro. Kiṃ lakkhayati? Ye dhammā ekalakkhaṇā, tesaṃ dhammānaṃ ekasmiṃ dhamme vutte avasiṭṭhā dhammā vuttā bhavanti. Yathā kiṃ bhave? Yathāha bhagavā –
‘‘жагкум̣ , бхигкавз, анавадтид̇ам̣ ид̇д̇арам̣ барид̇д̇ам̣ бабхан̇г̇у барад̇о д̣̇угкам̣ б̣яасанам̣ жаланам̣ 1 гуггул̣ам̣ сан̇каарам̣ 2 вад̇хагам̣ амид̇д̇амаж̇жхз. имасмим̣ жагкусмим̣ вуд̇д̇з авасидтаани аж̇жхад̇д̇игаани ааяад̇анаани вуд̇д̇аани бхаванд̇и. гзна гааран̣зна? саб̣б̣аани хи ча аж̇жхад̇д̇игаани ааяад̇анаани вад̇хагадтзна згалагкан̣аани. яат̇аа жааха бхаг̇аваа –
‘‘Cakkhuṃ , bhikkhave, anavaṭṭhitaṃ ittaraṃ parittaṃ pabhaṅgu parato dukkhaṃ byasanaṃ calanaṃ 3 kukkuḷaṃ saṅkhāraṃ 4 vadhakaṃ amittamajjhe. Imasmiṃ cakkhusmiṃ vutte avasiṭṭhāni ajjhattikāni āyatanāni vuttāni bhavanti. Kena kāraṇena? Sabbāni hi cha ajjhattikāni āyatanāni vadhakaṭṭhena ekalakkhaṇāni. Yathā cāha bhagavā –
‘‘ад̇ийд̇з , раад̇ха, руубз анабзгко хохи, анааг̇ад̇ам̣ руубам̣ маа абхинанд̣̇и 5, бажжуббаннасса руубасса ниб̣б̣ид̣̇ааяа вирааг̇ааяа нирод̇хааяа жааг̇ааяа бадиниссаг̇г̇ааяа бадибаж̇ж̇а. имасмим̣ руубагканд̇хз вуд̇д̇з авасидтаа канд̇хаа вуд̇д̇аа бхаванд̇и. гзна гааран̣зна? саб̣б̣з хи бан̃жагканд̇хаа яамаговаад̣̇асуд̇д̇з 6 вад̇хагадтзна згалагкан̣аа вуд̇д̇аа. яат̇аа жааха бхаг̇аваа –
‘‘Atīte , rādha, rūpe anapekkho hohi, anāgataṃ rūpaṃ mā abhinandi 7, paccuppannassa rūpassa nibbidāya virāgāya nirodhāya cāgāya paṭinissaggāya paṭipajja. Imasmiṃ rūpakkhandhe vutte avasiṭṭhā khandhā vuttā bhavanti. Kena kāraṇena? Sabbe hi pañcakkhandhā yamakovādasutte 8 vadhakaṭṭhena ekalakkhaṇā vuttā. Yathā cāha bhagavā –
‘‘язсан̃жа 9 сусамаарад̣̇д̇хаа, нижжам̣ гааяаг̇ад̇аасад̇и;
‘‘Yesañca 10 susamāraddhā, niccaṃ kāyagatāsati;
агижжам̣ д̇з на сзванд̇и, гижжз саад̇ажжагаарино’’.
Akiccaṃ te na sevanti, kicce sātaccakārino’’.
ид̇и гааяаг̇ад̇ааяа сад̇ияаа вуд̇д̇ааяа вуд̇д̇аа бхаванд̇и взд̣̇анааг̇ад̇аа сад̇и жид̇д̇аг̇ад̇аа д̇хаммаг̇ад̇аа жа. д̇ат̇аа яам̣ гин̃жи д̣̇идтам̣ ваа суд̇ам̣ ваа муд̇ам̣ ваад̇и вуд̇д̇з вуд̇д̇ам̣ бхавад̇и вин̃н̃аад̇ам̣. яат̇аа жааха бхаг̇аваа –
Iti kāyagatāya satiyā vuttāya vuttā bhavanti vedanāgatā sati cittagatā dhammagatā ca. Tathā yaṃ kiñci diṭṭhaṃ vā sutaṃ vā mutaṃ vāti vutte vuttaṃ bhavati viññātaṃ. Yathā cāha bhagavā –
д̇асмаад̇иха д̇вам̣ бхигку гааяз гааяаанубассий вихараахи аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. ‘‘аад̇аабий’’д̇и вийрияинд̣̇рияам̣, ‘‘самбаж̇аано’’д̇и бан̃н̃инд̣̇рияам̣, ‘‘сад̇имаа’’д̇и сад̇инд̣̇рияам̣, ‘‘винзяяа логз абхиж̇жхаад̣̇оманасса’’нд̇и самаад̇хинд̣̇рияам̣, звам̣ гааяз гааяаанубассино вихарад̇о жад̇д̇ааро сад̇ибадтаанаа бхааванаабаарибуурим̣ г̇ажчанд̇и. гзна гааран̣зна, згалагкан̣ад̇д̇аа жад̇уннам̣ инд̣̇рияаанам̣.
Tasmātiha tvaṃ bhikkhu kāye kāyānupassī viharāhi ātāpī sampajāno satimā vineyya loke abhijjhādomanassaṃ. ‘‘Ātāpī’’ti vīriyindriyaṃ, ‘‘sampajāno’’ti paññindriyaṃ, ‘‘satimā’’ti satindriyaṃ, ‘‘vineyya loke abhijjhādomanassa’’nti samādhindriyaṃ, evaṃ kāye kāyānupassino viharato cattāro satipaṭṭhānā bhāvanāpāripūriṃ gacchanti. Kena kāraṇena, ekalakkhaṇattā catunnaṃ indriyānaṃ.
24. жад̇уусу сад̇ибадтаанзсу бхаавияамаанзсу жад̇д̇ааро саммаббад̇хаанаа бхааванаабаарибуурим̣ г̇ажчанд̇и, жад̇уусу саммаббад̇хаанзсу бхаавияамаанзсу жад̇д̇ааро ид̣̇д̇хибаад̣̇аа бхаавияамаанзсу бан̃жинд̣̇рияаани бхааванаабаарибуурим̣ г̇ажчанд̇и, жад̇уусу ид̣̇д̇хибаад̣̇зсу бхааванаабаарибуурим̣ г̇ажчанд̇и, бан̃жасу инд̣̇риязсу бхаавияамаанзсу бан̃жа б̣алаани бхааванаабаарибуурим̣ г̇ажчанд̇и, бан̃жасу б̣алзсу бхаавияамаанзсу сад̇д̇а б̣ож̇жхан̇г̇аа бхааванаабаарибуурим̣ г̇ажчанд̇и, сад̇д̇асу б̣ож̇жхан̇г̇зсу бхаавияамаанзсу арияо адтан̇г̇иго маг̇г̇о бхааванаабаарибуурим̣ г̇ажчад̇и, саб̣б̣зва 11 б̣од̇хан̇г̇амаа д̇хаммаа б̣од̇хибагкияаа бхааванаабаарибуурим̣ г̇ажчанд̇и . гзна гааран̣зна, саб̣б̣з хи б̣од̇хан̇г̇амаа б̣од̇хибагкияаа нзяяаанигалагкан̣зна згалагкан̣аа, д̇з згалагкан̣ад̇д̇аа бхааванаабаарибуурим̣ г̇ажчанд̇и.
24. Catūsu satipaṭṭhānesu bhāviyamānesu cattāro sammappadhānā bhāvanāpāripūriṃ gacchanti, catūsu sammappadhānesu bhāviyamānesu cattāro iddhipādā bhāviyamānesu pañcindriyāni bhāvanāpāripūriṃ gacchanti, catūsu iddhipādesu bhāvanāpāripūriṃ gacchanti, pañcasu indriyesu bhāviyamānesu pañca balāni bhāvanāpāripūriṃ gacchanti, pañcasu balesu bhāviyamānesu satta bojjhaṅgā bhāvanāpāripūriṃ gacchanti, sattasu bojjhaṅgesu bhāviyamānesu ariyo aṭṭhaṅgiko maggo bhāvanāpāripūriṃ gacchati, sabbeva 12 bodhaṅgamā dhammā bodhipakkhiyā bhāvanāpāripūriṃ gacchanti . Kena kāraṇena, sabbe hi bodhaṅgamā bodhipakkhiyā neyyānikalakkhaṇena ekalakkhaṇā, te ekalakkhaṇattā bhāvanāpāripūriṃ gacchanti.
звам̣ агусалааби д̇хаммаа згалагкан̣ад̇д̇аа бахаанам̣ аб̣бхад̇т̇ам̣ г̇ажчанд̇и. жад̇уусу сад̇ибадтаанзсу бхаавияамаанзсу вибаллаасаа бахийяанд̇и, аахаараа жасса барин̃н̃ам̣ г̇ажчанд̇и, убаад̣̇аанзхи анубаад̣̇аано бхавад̇и, яог̇зхи жа висам̣яуд̇д̇о бхавад̇и, г̇ант̇зхи жа виббаяуд̇д̇о бхавад̇и, аасавзхи жа анаасаво бхавад̇и, огхзхи жа нид̇т̇ин̣н̣о бхавад̇и, саллзхи жа висалло бхавад̇и, вин̃н̃аан̣адтид̇ияо жасса барин̃н̃ам̣ г̇ажчанд̇и, аг̇ад̇иг̇аманзхи на аг̇ад̇им̣ г̇ажчад̇и, звам̣ агусалааби д̇хаммаа згалагкан̣ад̇д̇аа бахаанам̣ аб̣бхад̇т̇ам̣ г̇ажчанд̇и.
Evaṃ akusalāpi dhammā ekalakkhaṇattā pahānaṃ abbhatthaṃ gacchanti. Catūsu satipaṭṭhānesu bhāviyamānesu vipallāsā pahīyanti, āhārā cassa pariññaṃ gacchanti, upādānehi anupādāno bhavati, yogehi ca visaṃyutto bhavati, ganthehi ca vippayutto bhavati, āsavehi ca anāsavo bhavati, oghehi ca nitthiṇṇo bhavati, sallehi ca visallo bhavati, viññāṇaṭṭhitiyo cassa pariññaṃ gacchanti, agatigamanehi na agatiṃ gacchati, evaṃ akusalāpi dhammā ekalakkhaṇattā pahānaṃ abbhatthaṃ gacchanti.
яад̇т̇а ваа бана руубинд̣̇рияам̣ д̣̇зсид̇ам̣, д̣̇зсид̇аа д̇ад̇т̇зва руубад̇хаад̇у руубагканд̇хо руубан̃жааяад̇анам̣. яад̇т̇а ваа бана сукаа взд̣̇анаа д̣̇зсид̇аа, д̣̇зсид̇ам̣ д̇ад̇т̇а сукинд̣̇рияам̣ соманассинд̣̇рияам̣ д̣̇угкасамуд̣̇аяо жа арияасажжам̣. яад̇т̇а ваа бана д̣̇угкаа взд̣̇анаа д̣̇зсид̇аа, д̣̇зсид̇ам̣ д̇ад̇т̇а д̣̇угкинд̣̇рияам̣ д̣̇оманассинд̣̇рияам̣ д̣̇угкан̃жа арияасажжам̣. яад̇т̇а ваа бана ад̣̇угкамасукаа взд̣̇анаа д̣̇зсид̇аа, д̣̇зсид̇ам̣ д̇ад̇т̇а убзгкинд̣̇рияам̣ саб̣б̣о жа бадижжасамуббаад̣̇о. гзна гааран̣зна, ад̣̇угкамасукааяа хи взд̣̇анааяа авиж̇ж̇аа анусзд̇и. авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и, звамзд̇асса гзваласса д̣̇угкагканд̇хасса самуд̣̇аяо ход̇и. со жа сарааг̇асад̣̇осасамохасам̣гилзсабагкзна хаад̇аб̣б̣о, вийд̇арааг̇авийд̇ад̣̇осавийд̇амохаарияад̇хаммзхи хаад̇аб̣б̣о.
Yattha vā pana rūpindriyaṃ desitaṃ, desitā tattheva rūpadhātu rūpakkhandho rūpañcāyatanaṃ. Yattha vā pana sukhā vedanā desitā, desitaṃ tattha sukhindriyaṃ somanassindriyaṃ dukkhasamudayo ca ariyasaccaṃ. Yattha vā pana dukkhā vedanā desitā, desitaṃ tattha dukkhindriyaṃ domanassindriyaṃ dukkhañca ariyasaccaṃ. Yattha vā pana adukkhamasukhā vedanā desitā, desitaṃ tattha upekkhindriyaṃ sabbo ca paṭiccasamuppādo. Kena kāraṇena, adukkhamasukhāya hi vedanāya avijjā anuseti. Avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti, evametassa kevalassa dukkhakkhandhassa samudayo hoti. So ca sarāgasadosasamohasaṃkilesapakkhena hātabbo, vītarāgavītadosavītamohaariyadhammehi hātabbo.
звам̣ яз д̇хаммаа згалагкан̣аа гижжад̇о жа лагкан̣ад̇о жа сааман̃н̃ад̇о жа жуд̇уубабаад̇ад̇о жа, д̇зсам̣ д̇хаммаанам̣ згасмим̣ д̇хаммз вуд̇д̇з авасидтаа д̇хаммаа вуд̇д̇аа бхаванд̇и. д̇знааха ааяасмаа махаагажжааяано ‘‘вуд̇д̇амхи згад̇хаммз’’д̇и.
Evaṃ ye dhammā ekalakkhaṇā kiccato ca lakkhaṇato ca sāmaññato ca cutūpapātato ca, tesaṃ dhammānaṃ ekasmiṃ dhamme vutte avasiṭṭhā dhammā vuttā bhavanti. Tenāha āyasmā mahākaccāyano ‘‘vuttamhi ekadhamme’’ti.
нияуд̇д̇о лагкан̣о хааро.
Niyutto lakkhaṇo hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 5. лагкан̣ахааравибхан̇г̇аван̣н̣анаа • 5. Lakkhaṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 5. лагкан̣ахааравибхан̇г̇аван̣н̣анаа • 5. Lakkhaṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 5. лагкан̣ахааравибхан̇г̇авибхааванаа • 5. Lakkhaṇahāravibhaṅgavibhāvanā
