| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၇. လက္ခဏကထာဝဏ္ဏနာ
7. Lakkhaṇakathāvaṇṇanā
၄၀၀. ဣဒာနိ လက္ခဏကထာ နာမ ဟောတိ။ တတ္ထ ‘‘ယေဟိ သမန္နာဂတသ္သ မဟာပုရိသသ္သ ဒ္ဝေဝ ဂတိယော ဘဝန္တီ’’တိ (ဒီ. နိ. ၁.၂၅၈) ဣမံ သုတ္တံ အယောနိသော ဂဟေတ္ဝာ လက္ခဏသမန္နာဂတော ဗောဓိသတ္တောဝ ဟောတီတိ ယေသံ လဒ္ဓိ, သေယ္ယထာပိ ဧတရဟိ ဥတ္တရာပထကာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။
400. Idāni lakkhaṇakathā nāma hoti. Tattha ‘‘yehi samannāgatassa mahāpurisassa dveva gatiyo bhavantī’’ti (dī. ni. 1.258) imaṃ suttaṃ ayoniso gahetvā lakkhaṇasamannāgato bodhisattova hotīti yesaṃ laddhi, seyyathāpi etarahi uttarāpathakānaṃ; te sandhāya pucchā sakavādissa, paṭiññā itarassa.
စက္ကဝတ္တိသတ္တောတိ ပဉ္ဟေသု ယသ္မာ စက္ကဝတ္တီ သတ္တောပိ စ ဗောဓိသတ္တောပိ, တသ္မာ အဗောဓိသတ္တံ သန္ဓာယ ပဋိက္ခိပတိ။ ဗောဓိသတ္တံ သန္ဓာယ ပဋိဇာနာတိ။
Cakkavattisattoti pañhesu yasmā cakkavattī sattopi ca bodhisattopi, tasmā abodhisattaṃ sandhāya paṭikkhipati. Bodhisattaṃ sandhāya paṭijānāti.
၄၀၂. ဒ္ဝတ္တိံသိမာနီတိသုတ္တံ ဗောဓိသတ္တမေဝ သန္ဓာယ ဝုတ္တံ။ သော ဟိ ပစ္ဆိမေ ဘဝေ ဗုဒ္ဓော ဟောတိ, ဣတရေသု စက္ကဝတ္တီ, တသ္မာ အာဘတမ္ပိ အနာဘတသဒိသမေဝာတိ။
402. Dvattiṃsimānītisuttaṃ bodhisattameva sandhāya vuttaṃ. So hi pacchime bhave buddho hoti, itaresu cakkavattī, tasmā ābhatampi anābhatasadisamevāti.
လက္ခဏကထာဝဏ္ဏနာ။
Lakkhaṇakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၃၉) ၇. လက္ခဏကထာ • (39) 7. Lakkhaṇakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၇. လက္ခဏကထာဝဏ္ဏနာ • 7. Lakkhaṇakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၇. လက္ခဏကထာဝဏ္ဏနာ • 7. Lakkhaṇakathāvaṇṇanā
