| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
7. ලක්‌ඛණකථාවණ්‌ණනා
7. Lakkhaṇakathāvaṇṇanā
400. ඉදානි ලක්‌ඛණකථා නාම හොති. තත්‌ථ ‘‘යෙහි සමන්‌නාගතස්‌ස මහාපුරිසස්‌ස ද්‌වෙව ගතියො භවන්‌තී’’ති (දී. නි. 1.258) ඉමං සුත්‌තං අයොනිසො ගහෙත්‌වා ලක්‌ඛණසමන්‌නාගතො බොධිසත්‌තොව හොතීති යෙසං ලද්‌ධි, සෙය්‍යථාපි එතරහි උත්‌තරාපථකානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස.
400. Idāni lakkhaṇakathā nāma hoti. Tattha ‘‘yehi samannāgatassa mahāpurisassa dveva gatiyo bhavantī’’ti (dī. ni. 1.258) imaṃ suttaṃ ayoniso gahetvā lakkhaṇasamannāgato bodhisattova hotīti yesaṃ laddhi, seyyathāpi etarahi uttarāpathakānaṃ; te sandhāya pucchā sakavādissa, paṭiññā itarassa.
චක්‌කවත්‌තිසත්‌තොති පඤ්‌හෙසු යස්‌මා චක්‌කවත්‌තී සත්‌තොපි ච බොධිසත්‌තොපි, තස්‌මා අබොධිසත්‌තං සන්‌ධාය පටික්‌ඛිපති. බොධිසත්‌තං සන්‌ධාය පටිජානාති.
Cakkavattisattoti pañhesu yasmā cakkavattī sattopi ca bodhisattopi, tasmā abodhisattaṃ sandhāya paṭikkhipati. Bodhisattaṃ sandhāya paṭijānāti.
402. ද්‌වත්‌තිංසිමානීතිසුත්‌තං බොධිසත්‌තමෙව සන්‌ධාය වුත්‌තං. සො හි පච්‌ඡිමෙ භවෙ බුද්‌ධො හොති, ඉතරෙසු චක්‌කවත්‌තී, තස්‌මා ආභතම්‌පි අනාභතසදිසමෙවාති.
402. Dvattiṃsimānītisuttaṃ bodhisattameva sandhāya vuttaṃ. So hi pacchime bhave buddho hoti, itaresu cakkavattī, tasmā ābhatampi anābhatasadisamevāti.
ලක්‌ඛණකථාවණ්‌ණනා.
Lakkhaṇakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (39) 7. ලක්‌ඛණකථා • (39) 7. Lakkhaṇakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 7. ලක්‌ඛණකථාවණ්‌ණනා • 7. Lakkhaṇakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 7. ලක්‌ඛණකථාවණ්‌ණනා • 7. Lakkhaṇakathāvaṇṇanā
