| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၄. လက္ခဏမာတိကာဝဏ္ဏနာ
4. Lakkhaṇamātikāvaṇṇanā
၄. ဝိသုံ ယောဇနာ ကာတဗ္ဗာတိ ယော တီဟိ သင္ဂဟော စတူဟိ စ သမ္ပယောဂော ဝုတ္တော, တံ သဘာဂော ဘာဝော ပယောဇေတိ, ယော စ တီဟိ အသင္ဂဟော စတူဟိ စ ဝိပ္ပယောဂော ဝုတ္တော, တံ ဝိသဘာဂော ဘာဝောတိ ဣမမတ္ထံ ဒသ္သေန္တော ‘‘သင္ဂဟော။ပေ.။ ဝိညာယတီ’’တိ အာဟ။ ယသ္သ သင္ဂဟော, သော ဓမ္မော ခန္ဓာဒိကော သဘာဂော။ ယသ္သ အသင္ဂဟော, သော ဝိသဘာဂော။ တထာ သမ္ပယောဂေသုပိ ဝေဒိတဗ္ဗံ။ ဣဒာနိ ယထာဝုတ္တံ သဘာဂတံ သရူပတော နိဒ္ဓာရေတ္ဝာ ဒသ္သေတုံ ‘‘တတ္ထာ’’တိအာဒိ ဝုတ္တံ။ တတ္ထ သမာနဘာဝော သင္ဂဟေ သဘာဂတာ, ဧကုပ္ပာဒာဒိကော သမ္ပယောဂေတိ ဣမိနာ ရုပ္ပနာဒိဝိဓုရော အသမာနသဘာဝော အသင္ဂဟေ ဝိသဘာဂတာ, နာနုပ္ပာဒာဒိကော ဝိပ္ပယောဂေတိ အယမတ္ထော အတ္ထသိဒ္ဓောတိ န ဝုတ္တောတိ။
4. Visuṃ yojanā kātabbāti yo tīhi saṅgaho catūhi ca sampayogo vutto, taṃ sabhāgo bhāvo payojeti, yo ca tīhi asaṅgaho catūhi ca vippayogo vutto, taṃ visabhāgo bhāvoti imamatthaṃ dassento ‘‘saṅgaho…pe… viññāyatī’’ti āha. Yassa saṅgaho, so dhammo khandhādiko sabhāgo. Yassa asaṅgaho, so visabhāgo. Tathā sampayogesupi veditabbaṃ. Idāni yathāvuttaṃ sabhāgataṃ sarūpato niddhāretvā dassetuṃ ‘‘tatthā’’tiādi vuttaṃ. Tattha samānabhāvo saṅgahe sabhāgatā, ekuppādādiko sampayogeti iminā ruppanādividhuro asamānasabhāvo asaṅgahe visabhāgatā, nānuppādādiko vippayogeti ayamattho atthasiddhoti na vuttoti.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓာတုကထာပာဠိ • Dhātukathāpāḷi / ၄. လက္ခဏမာတိကာ • 4. Lakkhaṇamātikā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၄. လက္ခဏမာတိကာဝဏ္ဏနာ • 4. Lakkhaṇamātikāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၄. လက္ခဏမာတိကာဝဏ္ဏနာ • 4. Lakkhaṇamātikāvaṇṇanā
