| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೪. ಲಕ್ಖಣಮಾತಿಕಾವಣ್ಣನಾ
4. Lakkhaṇamātikāvaṇṇanā
೪. ವಿಸುಂ ಯೋಜನಾ ಕಾತಬ್ಬಾತಿ ಯೋ ತೀಹಿ ಸಙ್ಗಹೋ ಚತೂಹಿ ಚ ಸಮ್ಪಯೋಗೋ ವುತ್ತೋ, ತಂ ಸಭಾಗೋ ಭಾವೋ ಪಯೋಜೇತಿ, ಯೋ ಚ ತೀಹಿ ಅಸಙ್ಗಹೋ ಚತೂಹಿ ಚ ವಿಪ್ಪಯೋಗೋ ವುತ್ತೋ, ತಂ ವಿಸಭಾಗೋ ಭಾವೋತಿ ಇಮಮತ್ಥಂ ದಸ್ಸೇನ್ತೋ ‘‘ಸಙ್ಗಹೋ…ಪೇ॰… ವಿಞ್ಞಾಯತೀ’’ತಿ ಆಹ। ಯಸ್ಸ ಸಙ್ಗಹೋ, ಸೋ ಧಮ್ಮೋ ಖನ್ಧಾದಿಕೋ ಸಭಾಗೋ। ಯಸ್ಸ ಅಸಙ್ಗಹೋ, ಸೋ ವಿಸಭಾಗೋ। ತಥಾ ಸಮ್ಪಯೋಗೇಸುಪಿ ವೇದಿತಬ್ಬಂ। ಇದಾನಿ ಯಥಾವುತ್ತಂ ಸಭಾಗತಂ ಸರೂಪತೋ ನಿದ್ಧಾರೇತ್ವಾ ದಸ್ಸೇತುಂ ‘‘ತತ್ಥಾ’’ತಿಆದಿ ವುತ್ತಂ। ತತ್ಥ ಸಮಾನಭಾವೋ ಸಙ್ಗಹೇ ಸಭಾಗತಾ, ಏಕುಪ್ಪಾದಾದಿಕೋ ಸಮ್ಪಯೋಗೇತಿ ಇಮಿನಾ ರುಪ್ಪನಾದಿವಿಧುರೋ ಅಸಮಾನಸಭಾವೋ ಅಸಙ್ಗಹೇ ವಿಸಭಾಗತಾ, ನಾನುಪ್ಪಾದಾದಿಕೋ ವಿಪ್ಪಯೋಗೇತಿ ಅಯಮತ್ಥೋ ಅತ್ಥಸಿದ್ಧೋತಿ ನ ವುತ್ತೋತಿ।
4. Visuṃ yojanā kātabbāti yo tīhi saṅgaho catūhi ca sampayogo vutto, taṃ sabhāgo bhāvo payojeti, yo ca tīhi asaṅgaho catūhi ca vippayogo vutto, taṃ visabhāgo bhāvoti imamatthaṃ dassento ‘‘saṅgaho…pe… viññāyatī’’ti āha. Yassa saṅgaho, so dhammo khandhādiko sabhāgo. Yassa asaṅgaho, so visabhāgo. Tathā sampayogesupi veditabbaṃ. Idāni yathāvuttaṃ sabhāgataṃ sarūpato niddhāretvā dassetuṃ ‘‘tatthā’’tiādi vuttaṃ. Tattha samānabhāvo saṅgahe sabhāgatā, ekuppādādiko sampayogeti iminā ruppanādividhuro asamānasabhāvo asaṅgahe visabhāgatā, nānuppādādiko vippayogeti ayamattho atthasiddhoti na vuttoti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಧಾತುಕಥಾಪಾಳಿ • Dhātukathāpāḷi / ೪. ಲಕ್ಖಣಮಾತಿಕಾ • 4. Lakkhaṇamātikā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೪. ಲಕ್ಖಣಮಾತಿಕಾವಣ್ಣನಾ • 4. Lakkhaṇamātikāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೪. ಲಕ್ಖಣಮಾತಿಕಾವಣ್ಣನಾ • 4. Lakkhaṇamātikāvaṇṇanā
