| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā |
༤. ལཀྑཎམཱཏིཀཱཝཎྞནཱ
4. Lakkhaṇamātikāvaṇṇanā
༤. ཝིསུཾ ཡོཛནཱ ཀཱཏབྦཱཏི ཡོ ཏཱིཧི སངྒཧོ ཙཏཱུཧི ཙ སམྤཡོགོ ཝུཏྟོ, ཏཾ སབྷཱགོ བྷཱཝོ པཡོཛེཏི, ཡོ ཙ ཏཱིཧི ཨསངྒཧོ ཙཏཱུཧི ཙ ཝིཔྤཡོགོ ཝུཏྟོ, ཏཾ ཝིསབྷཱགོ བྷཱཝོཏི ཨིམམཏྠཾ དསྶེནྟོ ‘‘སངྒཧོ…པེ॰… ཝིཉྙཱཡཏཱི’’ཏི ཨཱཧ། ཡསྶ སངྒཧོ, སོ དྷམྨོ ཁནྡྷཱདིཀོ སབྷཱགོ། ཡསྶ ཨསངྒཧོ, སོ ཝིསབྷཱགོ། ཏཐཱ སམྤཡོགེསུཔི ཝེདིཏབྦཾ། ཨིདཱནི ཡཐཱཝུཏྟཾ སབྷཱགཏཾ སརཱུཔཏོ ནིདྡྷཱརེཏྭཱ དསྶེཏུཾ ‘‘ཏཏྠཱ’’ཏིཨཱདི ཝུཏྟཾ། ཏཏྠ སམཱནབྷཱཝོ སངྒཧེ སབྷཱགཏཱ, ཨེཀུཔྤཱདཱདིཀོ སམྤཡོགེཏི ཨིམིནཱ རུཔྤནཱདིཝིདྷུརོ ཨསམཱནསབྷཱཝོ ཨསངྒཧེ ཝིསབྷཱགཏཱ, ནཱནུཔྤཱདཱདིཀོ ཝིཔྤཡོགེཏི ཨཡམཏྠོ ཨཏྠསིདྡྷོཏི ན ཝུཏྟོཏི།
4. Visuṃ yojanā kātabbāti yo tīhi saṅgaho catūhi ca sampayogo vutto, taṃ sabhāgo bhāvo payojeti, yo ca tīhi asaṅgaho catūhi ca vippayogo vutto, taṃ visabhāgo bhāvoti imamatthaṃ dassento ‘‘saṅgaho…pe… viññāyatī’’ti āha. Yassa saṅgaho, so dhammo khandhādiko sabhāgo. Yassa asaṅgaho, so visabhāgo. Tathā sampayogesupi veditabbaṃ. Idāni yathāvuttaṃ sabhāgataṃ sarūpato niddhāretvā dassetuṃ ‘‘tatthā’’tiādi vuttaṃ. Tattha samānabhāvo saṅgahe sabhāgatā, ekuppādādiko sampayogeti iminā ruppanādividhuro asamānasabhāvo asaṅgahe visabhāgatā, nānuppādādiko vippayogeti ayamattho atthasiddhoti na vuttoti.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷཱཏུཀཐཱཔཱལི༹ • Dhātukathāpāḷi / ༤. ལཀྑཎམཱཏིཀཱ • 4. Lakkhaṇamātikā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. ལཀྑཎམཱཏིཀཱཝཎྞནཱ • 4. Lakkhaṇamātikāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༤. ལཀྑཎམཱཏིཀཱཝཎྞནཱ • 4. Lakkhaṇamātikāvaṇṇanā
