| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൪. ലക്ഖണമാതികാവണ്ണനാ
4. Lakkhaṇamātikāvaṇṇanā
൪. സങ്ഗഹോയേവ സങ്ഗഹനയോ. സഭാഗോ. വിസഭാഗോതി ഏതസ്സ ‘‘തീഹി സങ്ഗഹോ, തീഹി അസങ്ഗഹോ’’തി ഏതേന, ‘‘ചതൂഹി സമ്പയോഗോ, ചതൂഹി വിപ്പയോഗോ’’തി ഏതേനപി വിസും യോജനാ കാതബ്ബാ. തേന സങ്ഗഹോ അസങ്ഗഹോ ച സഭാഗോ വിസഭാഗോ ച ഭാവോ, തഥാ സമ്പയോഗോ വിപ്പയോഗോ ചാതി അയമത്ഥോ വിഞ്ഞായതി. യസ്സ വാ സങ്ഗഹോ ച അസങ്ഗഹോ ച, സോ ധമ്മോ സഭാഗോ വിസഭാഗോ ച, തഥാ യസ്സ സമ്പയോഗോ വിപ്പയോഗോ ച, സോപി സഭാഗോ വിസഭാഗോ ചാതി. തത്ഥ യേന രൂപക്ഖന്ധോ…പേ॰… മനോവിഞ്ഞാണധാതൂതി ധമ്മാ ഗണനം ഗച്ഛന്തി, സോ രുപ്പനാദികോ സമാനഭാവോ സങ്ഗഹേ സഭാഗതാ, ഏകുപ്പാദാദികോ സമ്പയോഗേ വേദിതബ്ബോ.
4. Saṅgahoyeva saṅgahanayo. Sabhāgo. Visabhāgoti etassa ‘‘tīhi saṅgaho, tīhi asaṅgaho’’ti etena, ‘‘catūhi sampayogo, catūhi vippayogo’’ti etenapi visuṃ yojanā kātabbā. Tena saṅgaho asaṅgaho ca sabhāgo visabhāgo ca bhāvo, tathā sampayogo vippayogo cāti ayamattho viññāyati. Yassa vā saṅgaho ca asaṅgaho ca, so dhammo sabhāgo visabhāgo ca, tathā yassa sampayogo vippayogo ca, sopi sabhāgo visabhāgo cāti. Tattha yena rūpakkhandho…pe… manoviññāṇadhātūti dhammā gaṇanaṃ gacchanti, so ruppanādiko samānabhāvo saṅgahe sabhāgatā, ekuppādādiko sampayoge veditabbo.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൪. ലക്ഖണമാതികാ • 4. Lakkhaṇamātikā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ലക്ഖണമാതികാവണ്ണനാ • 4. Lakkhaṇamātikāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൪. ലക്ഖണമാതികാവണ്ണനാ • 4. Lakkhaṇamātikāvaṇṇanā
