| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
२. लक्खणसुत्तवण्णना
2. Lakkhaṇasuttavaṇṇanā
२. दुतिये कायद्वारादिपवत्तं कम्मं लक्खणं सञ्जाननकारणं अस्साति कम्मलक्खणो। अपदानसोभनी पञ्ञाति या पञ्ञा नाम अपदानेन सोभति, बाला च पण्डिता च अत्तनो अत्तनो चरितेनेव पाकटा होन्तीति अत्थो। बालेन हि गतमग्गो रुक्खगच्छगामनिगमादीनि झापेत्वा गच्छन्तस्स इन्दग्गिनो गतमग्गो विय होति, झामट्ठानमत्तमेव अङ्गारमसिछारिकासमाकुलं पञ्ञायति। पण्डितेन गतमग्गो कुसोब्भादयो पूरेत्वा विविधसस्ससम्पदं आवहमानेन चतुदीपिकमेघेन गतमग्गो विय होति। यथा तेन गतमग्गे उदकपूरानि चेव विविधसस्सफलाफलानि च तानि तानि ठानानि पञ्ञायन्ति, एवं पण्डितेन गतमग्गे सम्पत्तियोव पञ्ञायन्ति नो विपत्तियोति। सेसमेत्थ उत्तानत्थमेव।
2. Dutiye kāyadvārādipavattaṃ kammaṃ lakkhaṇaṃ sañjānanakāraṇaṃ assāti kammalakkhaṇo. Apadānasobhanī paññāti yā paññā nāma apadānena sobhati, bālā ca paṇḍitā ca attano attano cariteneva pākaṭā hontīti attho. Bālena hi gatamaggo rukkhagacchagāmanigamādīni jhāpetvā gacchantassa indaggino gatamaggo viya hoti, jhāmaṭṭhānamattameva aṅgāramasichārikāsamākulaṃ paññāyati. Paṇḍitena gatamaggo kusobbhādayo pūretvā vividhasassasampadaṃ āvahamānena catudīpikameghena gatamaggo viya hoti. Yathā tena gatamagge udakapūrāni ceva vividhasassaphalāphalāni ca tāni tāni ṭhānāni paññāyanti, evaṃ paṇḍitena gatamagge sampattiyova paññāyanti no vipattiyoti. Sesamettha uttānatthameva.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / २. लक्खणसुत्तं • 2. Lakkhaṇasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / २. लक्खणसुत्तवण्णना • 2. Lakkhaṇasuttavaṇṇanā
