| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢. ལཀྑཎསུཏྟཝཎྞནཱ
2. Lakkhaṇasuttavaṇṇanā
༢. དུཏིཡེ ཀཱཡདྭཱརཱདིཔཝཏྟཾ ཀམྨཾ ལཀྑཎཾ སཉྫཱནནཀཱརཎཾ ཨསྶཱཏི ཀམྨལཀྑཎོ། ཨཔདཱནསོབྷནཱི པཉྙཱཏི ཡཱ པཉྙཱ ནཱམ ཨཔདཱནེན སོབྷཏི, བཱལཱ ཙ པཎྜིཏཱ ཙ ཨཏྟནོ ཨཏྟནོ ཙརིཏེནེཝ པཱཀཊཱ ཧོནྟཱིཏི ཨཏྠོ། བཱལེན ཧི གཏམགྒོ རུཀྑགཙྪགཱམནིགམཱདཱིནི ཛྷཱཔེཏྭཱ གཙྪནྟསྶ ཨིནྡགྒིནོ གཏམགྒོ ཝིཡ ཧོཏི, ཛྷཱམཊྛཱནམཏྟམེཝ ཨངྒཱརམསིཚཱརིཀཱསམཱཀུལཾ པཉྙཱཡཏི། པཎྜིཏེན གཏམགྒོ ཀུསོབྦྷཱདཡོ པཱུརེཏྭཱ ཝིཝིདྷསསྶསམྤདཾ ཨཱཝཧམཱནེན ཙཏུདཱིཔིཀམེགྷེན གཏམགྒོ ཝིཡ ཧོཏི། ཡཐཱ ཏེན གཏམགྒེ ཨུདཀཔཱུརཱནི ཙེཝ ཝིཝིདྷསསྶཕལཱཕལཱནི ཙ ཏཱནི ཏཱནི ཋཱནཱནི པཉྙཱཡནྟི, ཨེཝཾ པཎྜིཏེན གཏམགྒེ སམྤཏྟིཡོཝ པཉྙཱཡནྟི ནོ ཝིཔཏྟིཡོཏི། སེསམེཏྠ ཨུཏྟཱནཏྠམེཝ།
2. Dutiye kāyadvārādipavattaṃ kammaṃ lakkhaṇaṃ sañjānanakāraṇaṃ assāti kammalakkhaṇo. Apadānasobhanī paññāti yā paññā nāma apadānena sobhati, bālā ca paṇḍitā ca attano attano cariteneva pākaṭā hontīti attho. Bālena hi gatamaggo rukkhagacchagāmanigamādīni jhāpetvā gacchantassa indaggino gatamaggo viya hoti, jhāmaṭṭhānamattameva aṅgāramasichārikāsamākulaṃ paññāyati. Paṇḍitena gatamaggo kusobbhādayo pūretvā vividhasassasampadaṃ āvahamānena catudīpikameghena gatamaggo viya hoti. Yathā tena gatamagge udakapūrāni ceva vividhasassaphalāphalāni ca tāni tāni ṭhānāni paññāyanti, evaṃ paṇḍitena gatamagge sampattiyova paññāyanti no vipattiyoti. Sesamettha uttānatthameva.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. ལཀྑཎསུཏྟཾ • 2. Lakkhaṇasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢. ལཀྑཎསུཏྟཝཎྞནཱ • 2. Lakkhaṇasuttavaṇṇanā
