| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. лагун̣д̣агабхад̣̇д̣̇ияасуд̇д̇аван̣н̣анаа
6. Lakuṇḍakabhaddiyasuttavaṇṇanā
240. чадтз д̣̇уб̣б̣ан̣н̣анд̇и вируубасарийраван̣н̣ам̣. огодимаганд̇и рассам̣. барибхууд̇аруубанд̇и бамаан̣авасзна барибхууд̇аж̇аад̇игам̣. д̇ам̣ гира чаб̣б̣аг̇г̇ияаа бхигкуу, ‘‘аавусо бхад̣̇д̣̇ияа, аавусо, бхад̣̇д̣̇ияаа’’д̇и д̇ад̇т̇а д̇ад̇т̇а бараамасид̇ваа наанаббагаарам̣ гийл̣анд̇и аагад̣дханд̇и баригад̣дханд̇и. д̇зна вуд̇д̇ам̣ ‘‘барибхууд̇арууба’’нд̇и. гасмаа банзса зваруубо ж̇аад̇о? аяам̣ гира ад̇ийд̇з зго махаарааж̇аа ахоси, д̇асса махаллагаа жа махаллагид̇т̇ияо жа бадигуулаа хонд̇и. со сажз махаллагз бассад̇и, д̇зсам̣ жуул̣ам̣ табаабзд̇ваа гажчам̣ б̣анд̇хаабзд̇ваа яат̇ааружи гийл̣аабзд̇и. махаллагид̇т̇ияоби д̣̇исваа д̇аасамби ижчид̇ижчид̇ам̣ виббагаарам̣ гад̇ваа яат̇ааружи гийл̣аабзд̇и. д̇зсам̣ буд̇д̇ад̇хийд̇аад̣̇ийнам̣ санд̇игз махаасаараж̇ж̇ам̣ уббаж̇ж̇ад̇и. д̇асса баабагирияаа бат̇авид̇о бадтааяа чад̣̇звалогз згаголаахалам̣ агааси.
240. Chaṭṭhe dubbaṇṇanti virūpasarīravaṇṇaṃ. Okoṭimakanti rassaṃ. Paribhūtarūpanti pamāṇavasena paribhūtajātikaṃ. Taṃ kira chabbaggiyā bhikkhū, ‘‘āvuso bhaddiya, āvuso, bhaddiyā’’ti tattha tattha parāmasitvā nānappakāraṃ kīḷanti ākaḍḍhanti parikaḍḍhanti. Tena vuttaṃ ‘‘paribhūtarūpa’’nti. Kasmā panesa evarūpo jāto? Ayaṃ kira atīte eko mahārājā ahosi, tassa mahallakā ca mahallakitthiyo ca paṭikūlā honti. So sace mahallake passati, tesaṃ cūḷaṃ ṭhapāpetvā kacchaṃ bandhāpetvā yathāruci kīḷāpeti. Mahallakitthiyopi disvā tāsampi icchiticchitaṃ vippakāraṃ katvā yathāruci kīḷāpeti. Tesaṃ puttadhītādīnaṃ santike mahāsārajjaṃ uppajjati. Tassa pāpakiriyā pathavito paṭṭhāya chadevaloke ekakolāhalaṃ akāsi.
ат̇а сагго жинд̇зси – ‘‘аяам̣ анд̇хаб̣аало махааж̇анам̣ вихзтзд̇и, гариссаамисса ниг̇г̇аха’’нд̇и. со махаллагаг̇аамияаван̣н̣ам̣ гад̇ваа яаанагз згам̣ д̇аггажаадим̣ ааробзд̇ваа яаанам̣ бзсзнд̇о наг̇арам̣ бависад̇и. рааж̇ааби хад̇т̇им̣ ааруяха наг̇арад̇о нигканд̇о д̇ам̣ д̣̇исваа – ‘‘аяам̣ махаллаго д̇аггаяаанагзна амхаагам̣ абхимуко ааг̇ажчад̇и, ваарзт̇а ваарзт̇аа’’д̇и ааха. мануссаа ид̇о жид̇о жа багканд̣̇анд̇ааби на бассанд̇и. сагго хи ‘‘рааж̇аава мам̣ бассад̇у, маа ан̃н̃з’’д̇и звам̣ ад̇хидтахи. ат̇а д̇зсу мануссзсу ‘‘гахам̣, д̣̇зва, гахам̣ д̣̇зваа’’д̇и вад̣̇анд̇зсу зва рааж̇аа саха хад̇т̇инаа важчо вияа д̇хзнуяаа яаанасса хздтаа баависи. сагго д̇аггажаадим̣ бхинд̣̇и.
Atha sakko cintesi – ‘‘ayaṃ andhabālo mahājanaṃ viheṭheti, karissāmissa niggaha’’nti. So mahallakagāmiyavaṇṇaṃ katvā yānake ekaṃ takkacāṭiṃ āropetvā yānaṃ pesento nagaraṃ pavisati. Rājāpi hatthiṃ āruyha nagarato nikkhanto taṃ disvā – ‘‘ayaṃ mahallako takkayānakena amhākaṃ abhimukho āgacchati, vāretha vārethā’’ti āha. Manussā ito cito ca pakkhandantāpi na passanti. Sakko hi ‘‘rājāva maṃ passatu, mā aññe’’ti evaṃ adhiṭṭhahi. Atha tesu manussesu ‘‘kahaṃ, deva, kahaṃ devā’’ti vadantesu eva rājā saha hatthinā vaccho viya dhenuyā yānassa heṭṭhā pāvisi. Sakko takkacāṭiṃ bhindi.
рааж̇аа сийсад̇о бадтааяа д̇аггзна гилиннасарийро ахоси. со сарийрам̣ уб̣б̣аддаабзд̇ваа уяяаанабогкаран̣ияам̣ нхад̇ваа алан̇гад̇асарийро наг̇арам̣ бависанд̇о буна д̇ам̣ ад̣̇д̣̇аса. д̣̇исваа ‘‘аяам̣ со амхзхи д̣̇идтамахаллаго буна д̣̇иссад̇и. ваарзт̇а ваарзт̇а на’’нд̇и ааха. мануссаа ‘‘гахам̣, д̣̇зва, гахам̣, д̣̇зваа’’д̇и ид̇о жид̇о жа вид̇хаавим̣су. со батамавиббагаарамзва буна баабун̣и. д̇асмим̣ кан̣з сагго г̇он̣з жа яаанан̃жа анд̇арад̇хаабзд̇ваа аагаасз тад̇ваа ааха, ‘‘анд̇хаб̣аала, д̇вам̣ маяи д̇аггаваан̣иж̇аго зсо’’д̇и сан̃н̃ам̣ гароси, саггохам̣ д̣̇зварааж̇аа, ‘‘д̇авзд̇ам̣ баабагирияам̣ ниваарзссаамий’’д̇и ааг̇ад̇о, ‘‘маа буна зваруубам̣ агаасий’’д̇и санд̇аж̇ж̇зд̇ваа аг̇амааси. иминаа гаммзна со д̣̇уб̣б̣ан̣н̣о ахоси.
Rājā sīsato paṭṭhāya takkena kilinnasarīro ahosi. So sarīraṃ ubbaṭṭāpetvā uyyānapokkharaṇiyaṃ nhatvā alaṅkatasarīro nagaraṃ pavisanto puna taṃ addasa. Disvā ‘‘ayaṃ so amhehi diṭṭhamahallako puna dissati. Vāretha vāretha na’’nti āha. Manussā ‘‘kahaṃ, deva, kahaṃ, devā’’ti ito cito ca vidhāviṃsu. So paṭhamavippakārameva puna pāpuṇi. Tasmiṃ khaṇe sakko goṇe ca yānañca antaradhāpetvā ākāse ṭhatvā āha, ‘‘andhabāla, tvaṃ mayi takkavāṇijako eso’’ti saññaṃ karosi, sakkohaṃ devarājā, ‘‘tavetaṃ pāpakiriyaṃ nivāressāmī’’ti āgato, ‘‘mā puna evarūpaṃ akāsī’’ti santajjetvā agamāsi. Iminā kammena so dubbaṇṇo ahosi.
вибассийсаммаасамб̣уд̣̇д̇хагаалз банзса жид̇д̇абад̇д̇агогило наама худ̇ваа кзмз миг̇ад̣̇ааяз васанд̇о згад̣̇ивасам̣ химаванд̇ам̣ г̇анд̇ваа мад̇хурам̣ амб̣апалам̣ д̇ун̣д̣зна г̇ахзд̇ваа ааг̇ажчанд̇о бхигкусан̇гхабариваарам̣ сад̇т̇аарам̣ д̣̇исваа жинд̇зси – ‘‘ахам̣ ан̃н̃зсу д̣̇ивасзсу рид̇д̇аго д̇ат̇ааг̇ад̇ам̣ бассаами. аж̇ж̇а бана мз имам̣ амб̣абаггам̣ ад̇т̇и, д̣̇асаб̣аласса д̇ам̣ д̣̇ассаамий’’д̇и од̇арид̇ваа аагаасз жарад̇и. сад̇т̇аа д̇асса жид̇д̇ам̣ н̃ад̇ваа убадтаагам̣ ологзси. со бад̇д̇ам̣ нийхарид̇ваа д̣̇асаб̣алам̣ ванд̣̇ид̇ваа сад̇т̇у хад̇т̇з табзси. гогило д̣̇асаб̣аласса бад̇д̇з амб̣абаггам̣ бад̇идтаабзси. сад̇т̇аа д̇ад̇т̇зва нисийд̣̇ид̇ваа д̇ам̣ барибхун̃ж̇и. гогило басаннажид̇д̇о бунаббунам̣ д̣̇асаб̣аласса г̇ун̣з ааваж̇ж̇зд̇ваа д̣̇асаб̣алам̣ ванд̣̇ид̇ваа ад̇д̇ано гулаавагам̣ г̇анд̇ваа сад̇д̇аахам̣ бийд̇исукзнзва вийд̇инаамзси. иминаа гаммзна саро мад̇хуро ахоси.
Vipassīsammāsambuddhakāle panesa cittapattakokilo nāma hutvā kheme migadāye vasanto ekadivasaṃ himavantaṃ gantvā madhuraṃ ambaphalaṃ tuṇḍena gahetvā āgacchanto bhikkhusaṅghaparivāraṃ satthāraṃ disvā cintesi – ‘‘ahaṃ aññesu divasesu rittako tathāgataṃ passāmi. Ajja pana me imaṃ ambapakkaṃ atthi, dasabalassa taṃ dassāmī’’ti otaritvā ākāse carati. Satthā tassa cittaṃ ñatvā upaṭṭhākaṃ olokesi. So pattaṃ nīharitvā dasabalaṃ vanditvā satthu hatthe ṭhapesi. Kokilo dasabalassa patte ambapakkaṃ patiṭṭhāpesi. Satthā tattheva nisīditvā taṃ paribhuñji. Kokilo pasannacitto punappunaṃ dasabalassa guṇe āvajjetvā dasabalaṃ vanditvā attano kulāvakaṃ gantvā sattāhaṃ pītisukheneva vītināmesi. Iminā kammena saro madhuro ahosi.
гассабасаммаасамб̣уд̣̇д̇хагаалз бана жзд̇ияз аарад̣̇д̇хз ‘‘гим̣бамаан̣ам̣ гарома? сад̇д̇аяож̇анаббамаан̣ам̣. ад̇имаханд̇ам̣ зд̇ам̣, чаяож̇анаббамаан̣ам̣ гарома. ид̣̇амби ад̇имаханд̇ам̣, бан̃жаяож̇анам̣ гарома, жад̇уяож̇анам̣, д̇ияож̇анам̣, д̣̇вияож̇ана’’нд̇и. аяам̣ д̇ад̣̇аа ж̇здтагавад̣дхагий худ̇ваа, ‘‘звам̣, бхо, анааг̇ад̇з сукабадиж̇аг̇г̇ид̇ам̣ гаад̇ум̣ ваддад̇ий’’д̇и вад̇ваа раж̇ж̇ум̣ аад̣̇ааяа баригкибанд̇о г̇аавуд̇амад̇д̇агз тад̇ваа, ‘‘згзгам̣ мукам̣ г̇аавуд̇ам̣ ход̇у, жзд̇ияам̣ яож̇анааваддам̣ яож̇ануб̣б̣зд̇хам̣ бхависсад̇ий’’д̇и ааха. д̇з д̇асса важанз адтам̣су. жзд̇ияам̣ сад̇д̇ад̣̇ивасасад̇д̇амаасаад̇хигзхи сад̇д̇ахи сам̣важчарзхи нидтид̇ам̣. ид̇и аббамаан̣асса б̣уд̣̇д̇хасса бамаан̣ам̣ агаасийд̇и. д̇зна гаммзна огодимаго ж̇аад̇о.
Kassapasammāsambuddhakāle pana cetiye āraddhe ‘‘kiṃpamāṇaṃ karoma? Sattayojanappamāṇaṃ. Atimahantaṃ etaṃ, chayojanappamāṇaṃ karoma. Idampi atimahantaṃ, pañcayojanaṃ karoma, catuyojanaṃ, tiyojanaṃ, dviyojana’’nti. Ayaṃ tadā jeṭṭhakavaḍḍhakī hutvā, ‘‘evaṃ, bho, anāgate sukhapaṭijaggitaṃ kātuṃ vaṭṭatī’’ti vatvā rajjuṃ ādāya parikkhipanto gāvutamattake ṭhatvā, ‘‘ekekaṃ mukhaṃ gāvutaṃ hotu, cetiyaṃ yojanāvaṭṭaṃ yojanubbedhaṃ bhavissatī’’ti āha. Te tassa vacane aṭṭhaṃsu. Cetiyaṃ sattadivasasattamāsādhikehi sattahi saṃvaccharehi niṭṭhitaṃ. Iti appamāṇassa buddhassa pamāṇaṃ akāsīti. Tena kammena okoṭimako jāto.
хад̇т̇аяо басад̣̇аа миг̇аад̇и хад̇т̇ино жа басад̣̇амиг̇аа жа. над̇т̇и гааяасмим̣ д̇уляад̇аад̇и гааяасмим̣ бамаан̣ам̣ наама над̇т̇и, агааран̣ам̣ гааяабамаан̣анд̇и ад̇т̇о. чадтам̣.
Hatthayo pasadā migāti hatthino ca pasadamigā ca. Natthi kāyasmiṃ tulyatāti kāyasmiṃ pamāṇaṃ nāma natthi, akāraṇaṃ kāyapamāṇanti attho. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. лагун̣д̣агабхад̣̇д̣̇ияасуд̇д̇ам̣ • 6. Lakuṇḍakabhaddiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. лагун̣д̣агабхад̣̇д̣̇ияасуд̇д̇аван̣н̣анаа • 6. Lakuṇḍakabhaddiyasuttavaṇṇanā
