| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
6. ලකුණ්‌ඩකභද්‌දියසුත්‌තවණ්‌ණනා
6. Lakuṇḍakabhaddiyasuttavaṇṇanā
240. විරූපසරීරවණ්‌ණන්‌ති අසුන්‌දරඡවිවණ්‌ණඤ්‌චෙව අසුන්‌දරසණ්‌ඨානඤ්‌ච. පමාණවසෙනාති සරීරප්‌පමාණවසෙන. ඉච්‌ඡිතිච්‌ඡිතන්‌ති අත්‌තනා ඉච්‌ඡිතිච්‌ඡිතං. මහාසාරජ්‌ජන්‌ති මහන්‌තො මඞ්‌කුභාවො.
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
ගුණෙ ආවජ්‌ජෙත්‌වාති අත්‌තනා ජානනකනියාමෙන සත්‌ථුනො කායගුණෙ ච චාරිත්‌තගුණෙ ච ආවජ්‌ජෙත්‌වා මනසි කත්‌වා.
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
යොජනාවට්‌ටන්‌ති යොජනපරික්‌ඛෙපං.
Yojanāvaṭṭanti yojanaparikkhepaṃ.
‘‘කායස්‌මී’’ති ගාථාසුඛත්‌ථං නිරනුනාසිකං කත්‌වා නිද්‌දෙසොති වුත්‌තං ‘‘කායස්‌මි’’න්‌ති. අකාරණං කායප්‌පමාණන්‌ති සරීරප්‌පමාණං නාම අප්‌පමාණං, සීලාදිගුණාව පමාණන්‌ති අධිප්‌පායො.
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
ලකුණ්‌ඩකභද්‌දියසුත්‌තවණ්‌ණනා නිට්‌ඨිතා.
Lakuṇḍakabhaddiyasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. ලකුණ්‌ඩකභද්‌දියසුත්‌තං • 6. Lakuṇḍakabhaddiyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. ලකුණ්‌ඩකභද්‌දියසුත්‌තවණ්‌ණනා • 6. Lakuṇḍakabhaddiyasuttavaṇṇanā
