| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
55. бхад̣̇д̣̇ияаваг̇г̇о
55. Bhaddiyavaggo
1. лагун̣д̣агабхад̣̇д̣̇ияад̇т̇зраабад̣̇аанаван̣н̣анаа
1. Lakuṇḍakabhaddiyattheraapadānavaṇṇanā
бан̃жабан̃н̃аасамаваг̇г̇з батамаабад̣̇аанз бад̣̇умуд̇д̇аро наама ж̇инод̇иаад̣̇игам̣ ааяасмад̇о лагун̣д̣агабхад̣̇д̣̇ияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз махаабхог̇агулз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇у д̇хаммам̣ сун̣анд̇о нисинно сад̇т̇аарам̣ згам̣ бхигкум̣ ман̃ж̇уссараанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о б̣уд̣̇д̇хаббамукасса бхигкусан̇гхасса саббисагкараад̣̇имад̇хурарасасаммиссам̣ махаад̣̇аанам̣ д̣̇ад̇ваа ‘‘ахамби, бханд̇з, анааг̇ад̇з аяам̣ бхигку вияа згасса б̣уд̣̇д̇хасса саасанз ман̃ж̇уссараанам̣ аг̇г̇о бхавзяяа’’нд̇и бан̣ид̇хаанам̣ агааси. бхаг̇аваа д̇асса ананд̇арааяам̣ д̣̇исваа б̣яаагарид̇ваа баггаами.
Pañcapaññāsamavagge paṭhamāpadāne padumuttaro nāma jinotiādikaṃ āyasmato lakuṇḍakabhaddiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare mahābhogakule nibbattitvā viññutaṃ patto satthu dhammaṃ suṇanto nisinno satthāraṃ ekaṃ bhikkhuṃ mañjussarānaṃ aggaṭṭhāne ṭhapentaṃ disvā sayampi taṃ ṭhānantaraṃ patthento buddhappamukhassa bhikkhusaṅghassa sappisakkharādimadhurarasasammissaṃ mahādānaṃ datvā ‘‘ahampi, bhante, anāgate ayaṃ bhikkhu viya ekassa buddhassa sāsane mañjussarānaṃ aggo bhaveyya’’nti paṇidhānaṃ akāsi. Bhagavā tassa anantarāyaṃ disvā byākaritvā pakkāmi.
со яаавад̇ааяугам̣ бун̃н̃аани гад̇ваа д̣̇звамануссзсу сам̣саранд̇о убхаяасамбад̇д̇ияо анубхавид̇ваа пуссабхаг̇авад̇о гаалз жид̇рагогило худ̇ваа ниб̣б̣ад̇д̇о рааж̇уяяаанад̇о мад̇хурам̣ амб̣апалам̣ д̇ун̣д̣знаад̣̇ааяа г̇ажчанд̇о сад̇т̇аарам̣ д̣̇исваа басаннамаанасо ‘‘д̣̇ассаами б̣уд̣̇д̇хассаа’’д̇и жид̇д̇ам̣ уббаад̣̇зси. сад̇т̇аа д̇асса жид̇д̇аажаарам̣ н̃ад̇ваа бад̇д̇ам̣ г̇ахзд̇ваа нисийд̣̇и. гогило д̣̇асаб̣аласса бад̇д̇з амб̣абаггам̣ табзси. сад̇т̇аа д̇асса соманассуббаад̣̇анад̇т̇ам̣ д̇асса бассанд̇ассзва д̇ам̣ барибхун̃ж̇и. ат̇а со гогило басаннамаанасо д̇знзва бийд̇исукзна сад̇д̇аахам̣ вийд̇инаамзси. д̇знзва бун̃н̃агаммзна уббаннуббаннабхавз ман̃ж̇уссаро ахоси. гассабасаммаасамб̣уд̣̇д̇хагаалз вад̣дхагигулз ниб̣б̣ад̇д̇зд̇ваа ж̇здтагавад̣дхагий худ̇ваа баагадо ахоси. бариниб̣б̣уд̇з бхаг̇авад̇и д̇асса сарийрад̇хаад̇уяо нид̣̇ахид̇ум̣ сад̇д̇аяож̇анаббамаан̣з т̇уубз аарад̣̇д̇хз со ааха – ‘‘яож̇анааваддам̣ яож̇ануб̣б̣зд̇хам̣ гаромаа’’д̇и. д̇з саб̣б̣з д̇асса важанз адтам̣су. ид̇и аббамаан̣асса б̣уд̣̇д̇хасса ораббамаан̣ам̣ жзд̇ияам̣ гаарзси, д̇зна гаммзна ниб̣б̣ад̇д̇адтаанз ан̃н̃зхи хийнаббамаан̣о ахоси. со амхаагам̣ бхаг̇авад̇о гаалз гулаг̇зхз ниб̣б̣ад̇д̇ид̇ваа ад̇ирассад̇ааяа жа суван̣н̣абадимаа вияа сунд̣̇арасарийрад̇ааяа жа лагун̣д̣агабхад̣̇д̣̇ияод̇и бан̃н̃ааяид̇т̇а. со абарабхааг̇з сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа б̣ахуссуд̇о д̇хаммагат̇иго худ̇ваа мад̇хурзна сарзна барзсам̣ д̇хаммам̣ гат̇зси.
So yāvatāyukaṃ puññāni katvā devamanussesu saṃsaranto ubhayasampattiyo anubhavitvā phussabhagavato kāle citrakokilo hutvā nibbatto rājuyyānato madhuraṃ ambaphalaṃ tuṇḍenādāya gacchanto satthāraṃ disvā pasannamānaso ‘‘dassāmi buddhassā’’ti cittaṃ uppādesi. Satthā tassa cittācāraṃ ñatvā pattaṃ gahetvā nisīdi. Kokilo dasabalassa patte ambapakkaṃ ṭhapesi. Satthā tassa somanassuppādanatthaṃ tassa passantasseva taṃ paribhuñji. Atha so kokilo pasannamānaso teneva pītisukhena sattāhaṃ vītināmesi. Teneva puññakammena uppannuppannabhave mañjussaro ahosi. Kassapasammāsambuddhakāle vaḍḍhakikule nibbattetvā jeṭṭhakavaḍḍhakī hutvā pākaṭo ahosi. Parinibbute bhagavati tassa sarīradhātuyo nidahituṃ sattayojanappamāṇe thūpe āraddhe so āha – ‘‘yojanāvaṭṭaṃ yojanubbedhaṃ karomā’’ti. Te sabbe tassa vacane aṭṭhaṃsu. Iti appamāṇassa buddhassa orappamāṇaṃ cetiyaṃ kāresi, tena kammena nibbattaṭṭhāne aññehi hīnappamāṇo ahosi. So amhākaṃ bhagavato kāle kulagehe nibbattitvā atirassatāya ca suvaṇṇapaṭimā viya sundarasarīratāya ca lakuṇḍakabhaddiyoti paññāyittha. So aparabhāge satthu dhammadesanaṃ sutvā paṭiladdhasaddho pabbajitvā bahussuto dhammakathiko hutvā madhurena sarena paresaṃ dhammaṃ kathesi.
ат̇згасмим̣ уссавад̣̇ивасз згзна б̣раахман̣зна сад̣̇д̇хим̣ рат̇зна г̇ажчанд̇ий згаа г̇ан̣игаа т̇зрам̣ д̣̇исваа д̣̇анд̇авид̣̇ам̣сагам̣ хаси. т̇зро д̇ассаа д̣̇анд̇адтигз нимид̇д̇ам̣ г̇ахзд̇ваа жхаанам̣ уббаад̣̇зд̇ваа д̇ам̣ баад̣̇агам̣ гад̇ваа вибассанам̣ вад̣дхзд̇ваа анааг̇аамий ахоси, со абхин̣хам̣ гааяаг̇ад̇ааяа сад̇ияаа вихаранд̇о згад̣̇ивасам̣ ааяасмад̇аа д̇хаммасзнаабад̇инаа овад̣̇ияамаано анусаасияамаано арахад̇д̇з бад̇идтахи. згажжз бхигкуу жа сааман̣зраа жа д̇асса арахад̇д̇аббад̇д̇абхаавам̣ аж̇аананд̇о ган̣н̣зсу г̇ахзд̇ваа гад̣дханд̇и, сийсз б̣аахааяа хад̇т̇абаад̣̇аад̣̇ийсу ваа г̇ахзд̇ваа жаалзд̇ваа гийл̣анд̇аа вихзтзсум̣. ат̇а бхаг̇аваа суд̇ваа – ‘‘маа, бхигкавз, мама буд̇д̇ам̣ вихзтзт̇аа’’д̇и ааха. д̇ад̇о бадтааяа д̇ам̣ ‘‘арахаа’’д̇и ж̇аанид̇ваа на вихзтзсум̣.
Athekasmiṃ ussavadivase ekena brāhmaṇena saddhiṃ rathena gacchantī ekā gaṇikā theraṃ disvā dantavidaṃsakaṃ hasi. Thero tassā dantaṭṭhike nimittaṃ gahetvā jhānaṃ uppādetvā taṃ pādakaṃ katvā vipassanaṃ vaḍḍhetvā anāgāmī ahosi, so abhiṇhaṃ kāyagatāya satiyā viharanto ekadivasaṃ āyasmatā dhammasenāpatinā ovadiyamāno anusāsiyamāno arahatte patiṭṭhahi. Ekacce bhikkhū ca sāmaṇerā ca tassa arahattappattabhāvaṃ ajānanto kaṇṇesu gahetvā kaḍḍhanti, sīse bāhāya hatthapādādīsu vā gahetvā cāletvā kīḷantā viheṭhesuṃ. Atha bhagavā sutvā – ‘‘mā, bhikkhave, mama puttaṃ viheṭhethā’’ti āha. Tato paṭṭhāya taṃ ‘‘arahā’’ti jānitvā na viheṭhesuṃ.
12. со арахаа худ̇ваа сан̃ж̇аад̇асоманассо ад̇д̇ано буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. ман̃ж̇унаабхинигууж̇аханд̇и мад̇хурзна бзманиязна сарзна абхинигууж̇им̣ сад̣̇д̣̇ам̣ нижчаарзсим̣ аханд̇и ад̇т̇о. сзсамзд̇т̇а сувин̃н̃зяяамзваад̇и.
12. So arahā hutvā sañjātasomanasso attano pubbacaritāpadānaṃ pakāsento padumuttaro nāma jinotiādimāha. Mañjunābhinikūjahanti madhurena pemaniyena sarena abhinikūjiṃ saddaṃ nicchāresiṃ ahanti attho. Sesamettha suviññeyyamevāti.
лагун̣д̣агабхад̣̇д̣̇ияад̇т̇зраабад̣̇аанаван̣н̣анаа самад̇д̇аа.
Lakuṇḍakabhaddiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. лагун̣д̣абхад̣̇д̣̇ияад̇т̇зраабад̣̇аанам̣ • 1. Lakuṇḍabhaddiyattheraapadānaṃ
