| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. лагун̣д̣агабхад̣̇д̣̇ияад̇т̇зраг̇аат̇ааван̣н̣анаа
2. Lakuṇḍakabhaddiyattheragāthāvaṇṇanā
барз амб̣аадагаараамзд̇иаад̣̇игаа ааяасмад̇о лагун̣д̣агабхад̣̇д̣̇ияад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз махаабхог̇з гулз ниб̣б̣ад̇д̇ид̇ваа, ваяаббад̇д̇о сад̇т̇у санд̇игз д̇хаммам̣ сун̣анд̇о нисинно д̇асмим̣ кан̣з сад̇т̇аарам̣ згам̣ бхигкум̣ ман̃ж̇уссараанам̣ аг̇г̇адтаанз табзнд̇ам̣ д̣̇исваа, саяамби д̇ам̣ таанам̣ бад̇т̇знд̇о б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа, ‘‘ахо вад̇аахамби анааг̇ад̇з аяам̣ бхигку вияа згасса б̣уд̣̇д̇хасса саасанз ман̃ж̇уссараанам̣ аг̇г̇о бхавзяяа’’нд̇и бан̣ид̇хаанам̣ агааси. бхаг̇аваа жа д̇асса ананд̇арааяад̇ам̣ д̣̇исваа б̣яаагарид̇ваа баггаами.
Pare ambāṭakārāmetiādikā āyasmato lakuṇḍakabhaddiyattherassa gāthā. Kā uppatti? Ayaṃ kira padumuttarassa bhagavato kāle haṃsavatīnagare mahābhoge kule nibbattitvā, vayappatto satthu santike dhammaṃ suṇanto nisinno tasmiṃ khaṇe satthāraṃ ekaṃ bhikkhuṃ mañjussarānaṃ aggaṭṭhāne ṭhapentaṃ disvā, sayampi taṃ ṭhānaṃ patthento buddhappamukhassa bhikkhusaṅghassa mahādānaṃ datvā, ‘‘aho vatāhampi anāgate ayaṃ bhikkhu viya ekassa buddhassa sāsane mañjussarānaṃ aggo bhaveyya’’nti paṇidhānaṃ akāsi. Bhagavā ca tassa anantarāyataṃ disvā byākaritvā pakkāmi.
со д̇ад̇т̇а яааваж̇ийвам̣ бун̃н̃аани гад̇ваа д̣̇звамануссзсу сам̣саранд̇о пуссасса бхаг̇авад̇о гаалз жид̇д̇абад̇д̇агогило худ̇ваа рааж̇уяяаанад̇о мад̇хурам̣ амб̣апалам̣ д̇ун̣д̣знаад̣̇ааяа г̇ажчанд̇о сад̇т̇аарам̣ д̣̇исваа басаннамаанасо ‘‘д̣̇ассаамий’’д̇и жид̇д̇ам̣ уббаад̣̇зси. сад̇т̇аа д̇асса жид̇д̇ам̣ н̃ад̇ваа бад̇д̇ам̣ г̇ахзд̇ваа нисийд̣̇и. гогило д̣̇асаб̣аласса бад̇д̇з амб̣абаггам̣ бад̇идтаабзси. сад̇т̇аа д̇ам̣ барибхун̃ж̇и. со гогило басаннамаанасо д̇знзва бийд̇исукзна сад̇д̇аахам̣ вийд̇инаамзси. д̇зна жа бун̃н̃агаммзна ман̃ж̇уссаро ахоси. гассабасаммаасамб̣уд̣̇д̇хагаалз бана жзд̇ияз аарад̣̇д̇хз гим̣ бамаан̣ам̣ гарома? сад̇д̇аяож̇анаббамаан̣ам̣. ад̇имаханд̇амзд̇ам̣. чаяож̇анаббамаан̣ам̣. зд̇амби ад̇имаханд̇ам̣. бан̃жаяож̇анам̣, жад̇уяож̇анам̣, д̇ияож̇анам̣, д̣̇вияож̇ананд̇и вуд̇д̇з аяам̣ д̇ад̣̇аа ж̇здтавад̣дхагий худ̇ваа ‘‘зт̇а, бхо, анааг̇ад̇з сукабадиж̇аг̇г̇ияам̣ гаад̇ум̣ ваддад̇ий’’д̇и вад̇ваа раж̇ж̇уяаа баригкибанд̇о г̇аавуд̇амад̇д̇агз тад̇ваа ‘‘згзгам̣ мукам̣ г̇аавуд̇ам̣ г̇аавуд̇ам̣ ход̇у, жзд̇ияам̣ згаяож̇анааваддам̣ яож̇ануб̣б̣зд̇хам̣ бхависсад̇ий’’д̇и ааха. д̇з д̇асса важанз адтам̣су. ид̇и аббамаан̣асса б̣уд̣̇д̇хасса бамаан̣ам̣ агаасийд̇и. д̇зна бана гаммзна ниб̣б̣ад̇д̇аниб̣б̣ад̇д̇адтаанз ан̃н̃зхи нийжад̇араббамаан̣о ход̇и.
So tattha yāvajīvaṃ puññāni katvā devamanussesu saṃsaranto phussassa bhagavato kāle cittapattakokilo hutvā rājuyyānato madhuraṃ ambaphalaṃ tuṇḍenādāya gacchanto satthāraṃ disvā pasannamānaso ‘‘dassāmī’’ti cittaṃ uppādesi. Satthā tassa cittaṃ ñatvā pattaṃ gahetvā nisīdi. Kokilo dasabalassa patte ambapakkaṃ patiṭṭhāpesi. Satthā taṃ paribhuñji. So kokilo pasannamānaso teneva pītisukhena sattāhaṃ vītināmesi. Tena ca puññakammena mañjussaro ahosi. Kassapasammāsambuddhakāle pana cetiye āraddhe kiṃ pamāṇaṃ karoma? Sattayojanappamāṇaṃ. Atimahantametaṃ. Chayojanappamāṇaṃ. Etampi atimahantaṃ. Pañcayojanaṃ, catuyojanaṃ, tiyojanaṃ, dviyojananti vutte ayaṃ tadā jeṭṭhavaḍḍhakī hutvā ‘‘etha, bho, anāgate sukhapaṭijaggiyaṃ kātuṃ vaṭṭatī’’ti vatvā rajjuyā parikkhipanto gāvutamattake ṭhatvā ‘‘ekekaṃ mukhaṃ gāvutaṃ gāvutaṃ hotu, cetiyaṃ ekayojanāvaṭṭaṃ yojanubbedhaṃ bhavissatī’’ti āha. Te tassa vacane aṭṭhaṃsu. Iti appamāṇassa buddhassa pamāṇaṃ akāsīti. Tena pana kammena nibbattanibbattaṭṭhāne aññehi nīcatarappamāṇo hoti.
со амхаагам̣ сад̇т̇у гаалз саавад̇т̇ияам̣ махаабхог̇агулз ниб̣б̣ад̇д̇и, бхад̣̇д̣̇ияод̇исса наамам̣ ахоси. ад̇ирассад̇ааяа бана лагун̣д̣агабхад̣̇д̣̇ияод̇и бан̃н̃ааяид̇т̇а. со сад̇т̇у санд̇игз д̇хаммам̣ суд̇ваа, бадилад̣̇д̇хасад̣̇д̇хо баб̣б̣аж̇ид̇ваа, б̣ахуссуд̇о д̇хаммагат̇иго худ̇ваа мад̇хурзна сарзна барзсам̣ д̇хаммам̣ гат̇зси. ат̇згасмим̣ уссавад̣̇ивасз згзна б̣раахман̣зна сад̣̇д̇хим̣ рат̇зна г̇ажчанд̇ий ан̃н̃ад̇араа г̇ан̣игаа т̇зрам̣ д̣̇исваа д̣̇анд̇авид̣̇ам̣сагам̣ хаси. т̇зро д̇ассаа д̣̇анд̇адтигз нимид̇д̇ам̣ г̇ахзд̇ваа жхаанам̣ уббаад̣̇зд̇ваа, д̇ам̣ баад̣̇агам̣ гад̇ваа, вибассанам̣ бадтабзд̇ваа, анааг̇аамий ахоси. со абхин̣хам̣ гааяаг̇ад̇ааяа сад̇ияаа вихаранд̇о згад̣̇ивасам̣ ааяасмад̇аа д̇хаммасзнаабад̇инаа овад̣̇ияамаано арахад̇д̇з бад̇идтахи. д̇зна вуд̇д̇ам̣ абад̣̇аанз (аба. т̇зра 2.55.1-33) –
So amhākaṃ satthu kāle sāvatthiyaṃ mahābhogakule nibbatti, bhaddiyotissa nāmaṃ ahosi. Atirassatāya pana lakuṇḍakabhaddiyoti paññāyittha. So satthu santike dhammaṃ sutvā, paṭiladdhasaddho pabbajitvā, bahussuto dhammakathiko hutvā madhurena sarena paresaṃ dhammaṃ kathesi. Athekasmiṃ ussavadivase ekena brāhmaṇena saddhiṃ rathena gacchantī aññatarā gaṇikā theraṃ disvā dantavidaṃsakaṃ hasi. Thero tassā dantaṭṭhike nimittaṃ gahetvā jhānaṃ uppādetvā, taṃ pādakaṃ katvā, vipassanaṃ paṭṭhapetvā, anāgāmī ahosi. So abhiṇhaṃ kāyagatāya satiyā viharanto ekadivasaṃ āyasmatā dhammasenāpatinā ovadiyamāno arahatte patiṭṭhahi. Tena vuttaṃ apadāne (apa. thera 2.55.1-33) –
‘‘бад̣̇умуд̇д̇аро наама ж̇ино, саб̣б̣ад̇хаммзсу жагкумаа;
‘‘Padumuttaro nāma jino, sabbadhammesu cakkhumā;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣ сздтибуд̇д̇о махад̣̇д̇хано;
‘‘Tadāhaṃ haṃsavatiyaṃ seṭṭhiputto mahaddhano;
ж̇ан̇гхаавихаарам̣ вижарам̣, сан̇гхаараамам̣ аг̇ажчахам̣.
Jaṅghāvihāraṃ vicaraṃ, saṅghārāmaṃ agacchahaṃ.
‘‘д̇ад̣̇аа со логабаж̇ж̇од̇о, д̇хаммам̣ д̣̇зсзси нааяаго;
‘‘Tadā so lokapajjoto, dhammaṃ desesi nāyako;
ман̃ж̇уссараанам̣ баварам̣, саавагам̣ абхигид̇д̇аяи.
Mañjussarānaṃ pavaraṃ, sāvakaṃ abhikittayi.
‘‘д̇ам̣ суд̇ваа муд̣̇ид̇о худ̇ваа, гаарам̣ гад̇ваа махзсино;
‘‘Taṃ sutvā mudito hutvā, kāraṃ katvā mahesino;
ванд̣̇ид̇ваа сад̇т̇уно баад̣̇з, д̇ам̣ таанамабхибад̇т̇аяим̣.
Vanditvā satthuno pāde, taṃ ṭhānamabhipatthayiṃ.
‘‘д̇ад̣̇аа б̣уд̣̇д̇хо вияаагааси, сан̇гхамаж̇жхз винааяаго;
‘‘Tadā buddho viyākāsi, saṅghamajjhe vināyako;
анааг̇ад̇амхи ад̣̇д̇хаанз, лажчасз д̇ам̣ манорат̇ам̣.
Anāgatamhi addhāne, lacchase taṃ manorathaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
бхад̣̇д̣̇ияо наама наамзна, хзссад̇и сад̇т̇у сааваго.
Bhaddiyo nāma nāmena, hessati satthu sāvako.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̣̇взнавуд̇з ид̇о габбз, пуссо уббаж̇ж̇и нааяаго;
‘‘Dvenavute ito kappe, phusso uppajji nāyako;
д̣̇ураасад̣̇о д̣̇уббасахо, саб̣б̣алогуд̇д̇амо ж̇ино.
Durāsado duppasaho, sabbalokuttamo jino.
‘‘жаран̣зна жа самбанно, б̣рахаа уж̇у бад̇аабаваа;
‘‘Caraṇena ca sampanno, brahā uju patāpavā;
хид̇зсий саб̣б̣асад̇д̇аанам̣, б̣ахум̣ можзси б̣анд̇ханаа.
Hitesī sabbasattānaṃ, bahuṃ mocesi bandhanā.
‘‘нанд̣̇аараамаванз д̇асса, ахосим̣ пуссагогило;
‘‘Nandārāmavane tassa, ahosiṃ phussakokilo;
г̇анд̇хагудисамаасаннз, амб̣аругкз васаамахам̣.
Gandhakuṭisamāsanne, ambarukkhe vasāmahaṃ.
‘‘д̇ад̣̇аа бин̣д̣ааяа г̇ажчанд̇ам̣, д̣̇агкин̣зяяам̣ ж̇инуд̇д̇амам̣;
‘‘Tadā piṇḍāya gacchantaṃ, dakkhiṇeyyaṃ jinuttamaṃ;
д̣̇исваа жид̇д̇ам̣ басаад̣̇зд̇ваа, ман̃ж̇унаабхинигууж̇ахам̣.
Disvā cittaṃ pasādetvā, mañjunābhinikūjahaṃ.
‘‘рааж̇уяяаанам̣ д̇ад̣̇аа г̇анд̇ваа, субаггам̣ ганагад̇д̇ажам̣;
‘‘Rājuyyānaṃ tadā gantvā, supakkaṃ kanakattacaṃ;
амб̣абин̣д̣ам̣ г̇ахзд̇ваана, самб̣уд̣̇д̇хассобанаамаяим̣.
Ambapiṇḍaṃ gahetvāna, sambuddhassopanāmayiṃ.
‘‘д̇ад̣̇аа мз жид̇д̇аман̃н̃ааяа, махаагаарун̣иго ж̇ино;
‘‘Tadā me cittamaññāya, mahākāruṇiko jino;
убадтаагасса хад̇т̇ад̇о, бад̇д̇ам̣ баг̇г̇ан̣хи нааяаго.
Upaṭṭhākassa hatthato, pattaṃ paggaṇhi nāyako.
‘‘ад̣̇аасим̣ хадтажид̇д̇охам̣, амб̣абин̣д̣ам̣ махаамунз;
‘‘Adāsiṃ haṭṭhacittohaṃ, ambapiṇḍaṃ mahāmune;
бад̇д̇з багкибба багкзхи, бан̃ж̇алим̣ гад̇ваана ман̃ж̇унаа.
Patte pakkhippa pakkhehi, pañjaliṃ katvāna mañjunā.
‘‘сарзна раж̇анийязна, саванийязна ваг̇г̇унаа;
‘‘Sarena rajanīyena, savanīyena vaggunā;
вассанд̇о б̣уд̣̇д̇хабууж̇ад̇т̇ам̣, нийл̣ам̣ г̇анд̇ваа нибаж̇ж̇ахам̣.
Vassanto buddhapūjatthaṃ, nīḷaṃ gantvā nipajjahaṃ.
‘‘д̇ад̣̇аа муд̣̇ид̇ажид̇д̇ам̣ мам̣, б̣уд̣̇д̇хабзмаг̇ад̇аасаяам̣;
‘‘Tadā muditacittaṃ maṃ, buddhapemagatāsayaṃ;
сагун̣аг̇гхи убааг̇анд̇ваа, гхаад̇аяий д̣̇удтамаанасо.
Sakuṇagghi upāgantvā, ghātayī duṭṭhamānaso.
‘‘д̇ад̇о жуд̇охам̣ д̇усид̇з, анубход̇ваа махаасукам̣;
‘‘Tato cutohaṃ tusite, anubhotvā mahāsukhaṃ;
мануссаяонимааг̇ажчим̣, д̇асса гаммасса ваахасаа.
Manussayonimāgacchiṃ, tassa kammassa vāhasā.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘саасанам̣ ж̇од̇аяид̇ваа со, абхибхуяяа гуд̇ид̇т̇ияз;
‘‘Sāsanaṃ jotayitvā so, abhibhuyya kutitthiye;
винаяид̇ваана взнзяяз, ниб̣б̣уд̇о со сасааваго.
Vinayitvāna veneyye, nibbuto so sasāvako.
‘‘ниб̣б̣уд̇з д̇амхи логаг̇г̇з, басаннаа ж̇анад̇аа б̣ахуу;
‘‘Nibbute tamhi lokagge, pasannā janatā bahū;
бууж̇анад̇т̇ааяа б̣уд̣̇д̇хасса, т̇уубам̣ губ̣б̣анд̇и сад̇т̇уно.
Pūjanatthāya buddhassa, thūpaṃ kubbanti satthuno.
‘‘сад̇д̇аяож̇анигам̣ т̇уубам̣, сад̇д̇арад̇анабхуусид̇ам̣;
‘‘Sattayojanikaṃ thūpaṃ, sattaratanabhūsitaṃ;
гариссаама махзсисса, ижжзвам̣ манд̇аяанд̇и д̇з.
Karissāma mahesissa, iccevaṃ mantayanti te.
‘‘гигино гаасирааж̇асса, д̇ад̣̇аа сзнааяа нааяаго;
‘‘Kikino kāsirājassa, tadā senāya nāyako;
худ̇ваахам̣ аббамаан̣асса, бамаан̣ам̣ жзд̇ияз вад̣̇им̣.
Hutvāhaṃ appamāṇassa, pamāṇaṃ cetiye vadiṃ.
‘‘д̇ад̣̇аа д̇з мама ваагязна, жзд̇ияам̣ яож̇ануг̇г̇ад̇ам̣;
‘‘Tadā te mama vākyena, cetiyaṃ yojanuggataṃ;
агам̣су наравийрасса, наанаарад̇анабхуусид̇ам̣.
Akaṃsu naravīrassa, nānāratanabhūsitaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, ж̇аад̇о сздтигулз ахам̣;
‘‘Pacchime ca bhave dāni, jāto seṭṭhikule ahaṃ;
саавад̇т̇ияам̣ бураварз, ид̣̇д̇хз пийд̇з махад̣̇д̇ханз.
Sāvatthiyaṃ puravare, iddhe phīte mahaddhane.
‘‘бураббавзсз суг̇ад̇ам̣, д̣̇исваа вимхид̇амаанасо;
‘‘Purappavese sugataṃ, disvā vimhitamānaso;
баб̣б̣аж̇ид̇ваана на жирам̣, арахад̇д̇амабаабун̣им̣.
Pabbajitvāna na ciraṃ, arahattamapāpuṇiṃ.
‘‘жзд̇ияасса бамаан̣ам̣ яам̣, агарим̣ д̇зна гаммунаа;
‘‘Cetiyassa pamāṇaṃ yaṃ, akariṃ tena kammunā;
лагун̣д̣агасарийрохам̣, ж̇аад̇о барибхаваарахо.
Lakuṇḍakasarīrohaṃ, jāto paribhavāraho.
‘‘сарзна мад̇хурзнаахам̣, бууж̇ид̇ваа исисад̇д̇амам̣;
‘‘Sarena madhurenāhaṃ, pūjitvā isisattamaṃ;
ман̃ж̇уссараанам̣ бхигкуунам̣, аг̇г̇ад̇д̇аманубаабун̣им̣.
Mañjussarānaṃ bhikkhūnaṃ, aggattamanupāpuṇiṃ.
‘‘палад̣̇аанзна б̣уд̣̇д̇хасса, г̇ун̣аануссаран̣зна жа;
‘‘Phaladānena buddhassa, guṇānussaraṇena ca;
сааман̃н̃апаласамбанно, вихараами анаасаво.
Sāmaññaphalasampanno, viharāmi anāsavo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
абарабхааг̇з ан̃н̃ам̣ б̣яаагаронд̇о –
Aparabhāge aññaṃ byākaronto –
466.
466.
‘‘барз амб̣аадагаараамз, ванасан̣д̣амхи бхад̣̇д̣̇ияо;
‘‘Pare ambāṭakārāme, vanasaṇḍamhi bhaddiyo;
самуулам̣ д̇ан̣хамаб̣б̣уяха, д̇ад̇т̇а бхад̣̇д̣̇ова жхааяад̇и.
Samūlaṃ taṇhamabbuyha, tattha bhaddova jhāyati.
467.
467.
‘‘раманд̇згз муд̣̇ин̇г̇зхи, вийн̣аахи бан̣авзхи жа;
‘‘Ramanteke mudiṅgehi, vīṇāhi paṇavehi ca;
ахан̃жа ругкамууласмим̣, рад̇о б̣уд̣̇д̇хасса саасанз.
Ahañca rukkhamūlasmiṃ, rato buddhassa sāsane.
468.
468.
‘‘б̣уд̣̇д̇хо жз мз варам̣ д̣̇аж̇ж̇аа, со жа лаб̣бхзт̇а мз варо;
‘‘Buddho ce me varaṃ dajjā, so ca labbhetha me varo;
г̇ан̣хзхам̣ саб̣б̣алогасса, нижжам̣ гааяаг̇ад̇ам̣ сад̇и’’нд̇и. –
Gaṇhehaṃ sabbalokassa, niccaṃ kāyagataṃ sati’’nti. –
имаа д̇иссо г̇аат̇аа абхааси.
Imā tisso gāthā abhāsi.
д̇ад̇т̇а барзд̇и сздтз ад̇хигз, висидтзд̇и ад̇т̇о. ад̇хигаваажий хи аяам̣ барасад̣̇д̣̇о ‘‘барам̣ вияа мад̇д̇ааяаа’’д̇иаад̣̇ийсу вияа. амб̣аадагаараамзд̇и звам̣наамагз аараамз. со гира чааяууд̣̇агасамбанно ванасан̣д̣аман̣д̣ид̇о раман̣ийяо ход̇и д̇зна ‘‘барз’’д̇и висзсзд̇ваа вуд̇д̇о. ‘‘амб̣аадагаванз амб̣аадагзхи абхилагкид̇аванз’’д̇и жа вад̣̇анд̇и. ванасан̣д̣амхийд̇и ванаг̇аханз, гхананижид̇аругкаг̇ажчалад̇аасамуухз ванзд̇и ад̇т̇о. бхад̣̇д̣̇ияод̇и звам̣наамаго, ад̇д̇аанамзва т̇зро ан̃н̃ам̣ вияа вад̣̇ад̇и. самуулам̣ д̇ан̣хамаб̣б̣уяхаад̇и д̇ан̣хааяа муулам̣ наама авиж̇ж̇аа. д̇асмаа саавиж̇ж̇ам̣ д̇ан̣хам̣ аг̇г̇амаг̇г̇зна самуг̇гхаадзд̇ваад̇и ад̇т̇о. д̇ад̇т̇а бхад̣̇д̣̇ова жхааяад̇ийд̇и логуд̇д̇арзхи сийлаад̣̇ийхи бхад̣̇д̣̇о сунд̣̇аро д̇асмим̣язва ванасан̣д̣з гад̇агижжад̇ааяа д̣̇идтад̇хаммасукавихааравасзна аг̇г̇апалажхаанзна жхааяад̇и.
Tattha pareti seṭṭhe adhike, visiṭṭheti attho. Adhikavācī hi ayaṃ parasaddo ‘‘paraṃ viya mattāyā’’tiādīsu viya. Ambāṭakārāmeti evaṃnāmake ārāme. So kira chāyūdakasampanno vanasaṇḍamaṇḍito ramaṇīyo hoti tena ‘‘pare’’ti visesetvā vutto. ‘‘Ambāṭakavane ambāṭakehi abhilakkhitavane’’ti ca vadanti. Vanasaṇḍamhīti vanagahane, ghananicitarukkhagacchalatāsamūhe vaneti attho. Bhaddiyoti evaṃnāmako, attānameva thero aññaṃ viya vadati. Samūlaṃ taṇhamabbuyhāti taṇhāya mūlaṃ nāma avijjā. Tasmā sāvijjaṃ taṇhaṃ aggamaggena samugghāṭetvāti attho. Tattha bhaddova jhāyatīti lokuttarehi sīlādīhi bhaddo sundaro tasmiṃyeva vanasaṇḍe katakiccatāya diṭṭhadhammasukhavihāravasena aggaphalajhānena jhāyati.
паласукзна жа жхаанасамаабад̇д̇ийхи жа вийд̇инаамзд̇ийд̇и ад̇д̇ано вивзгарад̇им̣ д̣̇ассзд̇ваа ‘‘раманд̇згз’’д̇и г̇аат̇ааяаби б̣яад̇ирзгамукзна д̇амзвад̇т̇ам̣ д̣̇ассзд̇и. д̇ад̇т̇а муд̣̇ин̇г̇зхийд̇и ан̇г̇игаад̣̇ийхи мураж̇зхи. вийн̣аахийд̇и нанд̣̇инийаад̣̇ийхи вийн̣аахи. бан̣авзхийд̇и д̇уриязхи раманд̇и згз гаамабхог̇ино, саа бана д̇зсам̣ рад̇и анарияаа анад̇т̇асам̣хид̇аа. ахан̃жаа д̇и ахам̣ бана, згаго б̣уд̣̇д̇хасса бхаг̇авад̇о саасанз рад̇о, д̇ад̇о зва ругкамууласмим̣ рад̇о абхирад̇о вихараамийд̇и ад̇т̇о.
Phalasukhena ca jhānasamāpattīhi ca vītināmetīti attano vivekaratiṃ dassetvā ‘‘ramanteke’’ti gāthāyapi byatirekamukhena tamevatthaṃ dasseti. Tattha mudiṅgehīti aṅgikādīhi murajehi. Vīṇāhīti nandinīādīhi vīṇāhi. Paṇavehīti turiyehi ramanti eke kāmabhogino, sā pana tesaṃ rati anariyā anatthasaṃhitā. Ahañcā ti ahaṃ pana, ekako buddhassa bhagavato sāsane rato, tato eva rukkhamūlasmiṃ rato abhirato viharāmīti attho.
звам̣ ад̇д̇ано вивзгаабхирад̇им̣ гид̇д̇зд̇ваа ид̣̇аани яам̣ гааяаг̇ад̇аасад̇игаммадтаанам̣ бхаавзд̇ваа арахад̇д̇ам̣ бад̇д̇о, д̇асса басам̣санад̇т̇ам̣ ‘‘б̣уд̣̇д̇хо жз мз’’д̇и г̇аат̇амааха. д̇ассад̇т̇о – сажз б̣уд̣̇д̇хо бхаг̇аваа ‘‘згаахам̣, бханд̇з, бхаг̇аванд̇ам̣ варам̣ яаажаамий’’д̇и маяаа яаажид̇о ‘‘ад̇игганд̇авараа ко, бхигку, д̇ат̇ааг̇ад̇аа’’д̇и абадигкибид̇ваа маяхам̣ яат̇ааяаажид̇ам̣ варам̣ д̣̇ад̣̇зяяа, со жа варо мамаад̇хиббааяабуураго лаб̣бхзт̇а маяхам̣ манорат̇ам̣ мад̇т̇агам̣ баабзяяаад̇и т̇зро баригаббавасзна вад̣̇ад̇и. ‘‘бханд̇з, саб̣б̣о лого саб̣б̣агаалам̣ гааяаг̇ад̇аасад̇игаммадтаанам̣ бхаавзд̇уу’’д̇и ‘‘саб̣б̣алогасса нижжам̣ гааяаг̇ад̇аасад̇и бхаавзд̇аб̣б̣аа’’д̇и гад̇ваа варам̣ г̇ан̣хз аханд̇и д̣̇ассзнд̇о ааха ‘‘г̇ан̣хзхам̣ саб̣б̣алогасса, нижжам̣ гааяаг̇ад̇ам̣ сад̇и’’нд̇и. ид̣̇аани абаригкан̣аг̇арахаамукзна баригкан̣ам̣ басам̣санд̇о –
Evaṃ attano vivekābhiratiṃ kittetvā idāni yaṃ kāyagatāsatikammaṭṭhānaṃ bhāvetvā arahattaṃ patto, tassa pasaṃsanatthaṃ ‘‘buddho ce me’’ti gāthamāha. Tassattho – sace buddho bhagavā ‘‘ekāhaṃ, bhante, bhagavantaṃ varaṃ yācāmī’’ti mayā yācito ‘‘atikkantavarā kho, bhikkhu, tathāgatā’’ti apaṭikkhipitvā mayhaṃ yathāyācitaṃ varaṃ dadeyya, so ca varo mamādhippāyapūrako labbhetha mayhaṃ manorathaṃ matthakaṃ pāpeyyāti thero parikappavasena vadati. ‘‘Bhante, sabbo loko sabbakālaṃ kāyagatāsatikammaṭṭhānaṃ bhāvetū’’ti ‘‘sabbalokassa niccaṃ kāyagatāsati bhāvetabbā’’ti katvā varaṃ gaṇhe ahanti dassento āha ‘‘gaṇhehaṃ sabbalokassa, niccaṃ kāyagataṃ sati’’nti. Idāni aparikkhaṇagarahāmukhena parikkhaṇaṃ pasaṃsanto –
469.
469.
‘‘яз мам̣ руубзна баамим̣су, яз жа гхосзна анваг̇уу;
‘‘Ye maṃ rūpena pāmiṃsu, ye ca ghosena anvagū;
чанд̣̇арааг̇авасуубзд̇аа, на мам̣ ж̇аананд̇и д̇з ж̇анаа.
Chandarāgavasūpetā, na maṃ jānanti te janā.
470.
470.
‘‘аж̇жхад̇д̇ан̃жа на ж̇аанаад̇и, б̣ахид̣̇д̇хаа жа на бассад̇и;
‘‘Ajjhattañca na jānāti, bahiddhā ca na passati;
саманд̇ааваран̣о б̣аало, са вз гхосзна вуяхад̇и.
Samantāvaraṇo bālo, sa ve ghosena vuyhati.
471.
471.
‘‘аж̇жхад̇д̇ан̃жа на ж̇аанаад̇и, б̣ахид̣̇д̇хаа жа вибассад̇и;
‘‘Ajjhattañca na jānāti, bahiddhā ca vipassati;
б̣ахид̣̇д̇хаа палад̣̇ассаавий, соби гхосзна вуяхад̇и.
Bahiddhā phaladassāvī, sopi ghosena vuyhati.
472.
472.
‘‘аж̇жхад̇д̇ан̃жа баж̇аанаад̇и, б̣ахид̣̇д̇хаа жа вибассад̇и;
‘‘Ajjhattañca pajānāti, bahiddhā ca vipassati;
анааваран̣ад̣̇ассаавий, на со гхосзна вуяхад̇ий’’д̇и. –
Anāvaraṇadassāvī, na so ghosena vuyhatī’’ti. –
имаа жад̇ассо г̇аат̇аа абхааси.
Imā catasso gāthā abhāsi.
д̇ад̇т̇а яз мам̣ руубзна баамим̣сууд̇и яз ж̇анаа авид̣̇д̣̇асуу мама руубзна абасаад̣̇игзна нихийнзна ‘‘аагаарасад̣̇исий бан̃н̃аа’’д̇и, д̇хаммасарийрзна жа мам̣ нихийнам̣ баамим̣су, ‘‘ораго аяа’’нд̇и хийл̣знд̇аа барижчинд̣̇анавасзна ман̃н̃им̣сууд̇и ад̇т̇о. яз жа гхосзна анваг̇ууд̇и яз жа сад̇д̇аа гхосзна ман̃ж̇унаа мам̣ самбхааванаавасзна ануг̇ад̇аа б̣аху ман̃н̃им̣су, д̇ам̣ д̇зсам̣ мижчаа, на хи ахам̣ руубамад̇д̇зна аваманд̇аб̣б̣о, гхосамад̇д̇зна ваа на б̣ахум̣ манд̇аб̣б̣о, д̇асмаа чанд̣̇арааг̇авасуубзд̇аа, на мам̣ ж̇аананд̇и д̇з ж̇анаад̇и д̇з д̣̇увид̇хааби ж̇анаа чанд̣̇арааг̇асса васам̣ убзд̇аа аббахийначанд̣̇арааг̇аа саб̣б̣асо бахийначанд̣̇арааг̇ам̣ мам̣ на ж̇аананд̇и.
Tattha ye maṃ rūpena pāmiṃsūti ye janā aviddasū mama rūpena apasādikena nihīnena ‘‘ākārasadisī paññā’’ti, dhammasarīrena ca maṃ nihīnaṃ pāmiṃsu, ‘‘orako aya’’nti hīḷentā paricchindanavasena maññiṃsūti attho. Ye ca ghosena anvagūti ye ca sattā ghosena mañjunā maṃ sambhāvanāvasena anugatā bahu maññiṃsu, taṃ tesaṃ micchā, na hi ahaṃ rūpamattena avamantabbo, ghosamattena vā na bahuṃ mantabbo, tasmā chandarāgavasūpetā, na maṃ jānanti te janāti te duvidhāpi janā chandarāgassa vasaṃ upetā appahīnachandarāgā sabbaso pahīnachandarāgaṃ maṃ na jānanti.
ависаяо д̇зсам̣ маад̣̇исо аж̇жхад̇д̇ам̣ б̣ахид̣̇д̇хаа жа абарин̃н̃аад̇авад̇т̇уд̇ааяаад̇и д̣̇ассзд̇ум̣ ‘‘аж̇жхад̇д̇а’’нд̇иаад̣̇и вуд̇д̇ам̣. аж̇жхад̇д̇анд̇и ад̇д̇ано санд̇аанз канд̇хааяад̇анаад̣̇ид̇хаммам̣. б̣ахид̣̇д̇хаад̇и барасанд̇аанз. ат̇а ваа аж̇жхад̇д̇анд̇и, мама аб̣бханд̇арз асзгкасийлагканд̇хаад̣̇им̣. б̣ахид̣̇д̇хаад̇и, мамзва аагаббасамбад̇д̇ияаад̣̇ияуд̇д̇ам̣ б̣ахид̣̇д̇хаа руубад̇хаммаббавад̇д̇им̣ жагкувин̃н̃аан̣аад̣̇иббавад̇д̇ин̃жа. саманд̇ааваран̣од̇и звам̣ аж̇жхад̇д̇ан̃жа б̣ахид̣̇д̇хаа жа аж̇аананзна саманд̇ад̇о ааваран̣аяуд̇д̇о аавадан̃аан̣аг̇ад̇иго. са вз гхосзна вуяхад̇ийд̇и со баранзяяаб̣уд̣̇д̇хиго б̣аало гхосзна барзсам̣ важанзна вуяхад̇и нияяад̇и аагад̣дхийяад̇и.
Avisayo tesaṃ mādiso ajjhattaṃ bahiddhā ca apariññātavatthutāyāti dassetuṃ ‘‘ajjhatta’’ntiādi vuttaṃ. Ajjhattanti attano santāne khandhāyatanādidhammaṃ. Bahiddhāti parasantāne. Atha vā ajjhattanti, mama abbhantare asekkhasīlakkhandhādiṃ. Bahiddhāti, mameva ākappasampattiyādiyuttaṃ bahiddhā rūpadhammappavattiṃ cakkhuviññāṇādippavattiñca. Samantāvaraṇoti evaṃ ajjhattañca bahiddhā ca ajānanena samantato āvaraṇayutto āvaṭañāṇagatiko. Sa ve ghosena vuyhatīti so paraneyyabuddhiko bālo ghosena paresaṃ vacanena vuyhati niyyati ākaḍḍhīyati.
б̣ахид̣̇д̇хаа жа вибассад̇ийд̇и яо жа вуд̇д̇анаязна аж̇жхад̇д̇ам̣ на ж̇аанаад̇и, б̣ахид̣̇д̇хаа бана суд̇аанусаарзна аагаббасамбад̇д̇иаад̣̇иубад̇хааран̣зна ваа висзсад̇о бассад̇и. ‘‘г̇ун̣ависзсаяуд̇д̇о сияаа’’д̇и ман̃н̃ад̇и, соби б̣ахид̣̇д̇хаа палад̣̇ассаавий наяаг̇г̇аахзна паламад̇д̇ам̣ г̇ан̣ханд̇о вуд̇д̇анаязна гхосзна вуяхад̇и, соби маад̣̇исз на ж̇аанаад̇ийд̇и ад̇т̇о.
Bahiddhā ca vipassatīti yo ca vuttanayena ajjhattaṃ na jānāti, bahiddhā pana sutānusārena ākappasampattiādiupadhāraṇena vā visesato passati. ‘‘Guṇavisesayutto siyā’’ti maññati, sopi bahiddhā phaladassāvī nayaggāhena phalamattaṃ gaṇhanto vuttanayena ghosena vuyhati, sopi mādise na jānātīti attho.
яо бана аж̇жхад̇д̇ан̃жа кийн̣аасавасса аб̣бханд̇арз асзгкасийлагканд̇хаад̣̇иг̇ун̣ам̣ ж̇аанаад̇и, б̣ахид̣̇д̇хаа жасса бадибад̇д̇исаллагкан̣зна висзсад̇о г̇ун̣ависзсаяог̇ам̣ бассад̇и. анааваран̣ад̣̇ассаавий гзнажи анаавадо худ̇ваа арияаанам̣ г̇ун̣з д̣̇адтум̣ н̃аад̇ум̣ самад̇т̇о, на со гхосамад̇д̇зна вуяхад̇и яаат̇аавад̇о д̣̇ассанад̇од̇и.
Yo pana ajjhattañca khīṇāsavassa abbhantare asekkhasīlakkhandhādiguṇaṃ jānāti, bahiddhā cassa paṭipattisallakkhaṇena visesato guṇavisesayogaṃ passati. Anāvaraṇadassāvī kenaci anāvaṭo hutvā ariyānaṃ guṇe daṭṭhuṃ ñātuṃ samattho, na so ghosamattena vuyhati yāthāvato dassanatoti.
лагун̣д̣агабхад̣̇д̣̇ияад̇т̇зраг̇аат̇ааван̣н̣анаа нидтид̇аа.
Lakuṇḍakabhaddiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. лагун̣д̣агабхад̣̇д̣̇ияад̇т̇зраг̇аат̇аа • 2. Lakuṇḍakabhaddiyattheragāthā
