| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
баажид̇д̇ияаган̣д̣ам̣
Pācittiyakaṇḍaṃ
1. ласун̣аваг̇г̇о
1. Lasuṇavaggo
1. ласун̣асигкаабад̣̇аван̣н̣анаа
1. Lasuṇasikkhāpadavaṇṇanā
‘‘ласун̣а’’нд̇и гин̃жааби ависзсзна вуд̇д̇ам̣, д̇ат̇ааби маг̇ад̇хзсу ж̇аад̇ам̣ ласун̣амзва ид̇хаад̇хиббзд̇ам̣, д̇амби бхан̣д̣игаласун̣амзваад̇и ааха маг̇ад̇харадтз ж̇аад̇а’’нд̇иаад̣̇и.
‘‘Lasuṇa’’nti kiñcāpi avisesena vuttaṃ, tathāpi magadhesu jātaṃ lasuṇameva idhādhippetaṃ, tampi bhaṇḍikalasuṇamevāti āha magadharaṭṭhe jāta’’ntiādi.
бхан̣д̣игаласун̣анд̇и боддалигаласун̣амзва, самбун̣н̣амин̃ж̇аанамзд̇ам̣ ад̇хиважанам̣. д̇знааха ‘‘на згад̣̇вид̇имин̃ж̇ага’’нд̇и. аж̇жхохаарз аж̇жхохаарзд̇и (баажи. адта. 795) зд̇т̇а сажз д̣̇вз д̇аяо бхан̣д̣игз згад̇оязва сан̇каад̣̇ид̇ваа аж̇жхохарад̇и, згам̣ баажид̇д̇ияам̣. бхан̃ж̇ид̇ваа згзгамин̃ж̇агам̣ каад̣̇анд̇ияаа бана баяог̇аг̇ан̣анааяа баажид̇д̇ияаани.
Bhaṇḍikalasuṇanti poṭṭalikalasuṇameva, sampuṇṇamiñjānametaṃ adhivacanaṃ. Tenāha ‘‘na ekadvitimiñjaka’’nti. Ajjhohāre ajjhohāreti (pāci. aṭṭha. 795) ettha sace dve tayo bhaṇḍike ekatoyeva saṅkhāditvā ajjhoharati, ekaṃ pācittiyaṃ. Bhañjitvā ekekamiñjakaṃ khādantiyā pana payogagaṇanāya pācittiyāni.
балан̣д̣угаад̣̇ийнам̣ ван̣н̣зна ваа мин̃ж̇ааяа ваа наанаад̇д̇ам̣ взд̣̇ид̇аб̣б̣ам̣ – ван̣н̣зна д̇аава балан̣д̣уго наама бан̣д̣уван̣н̣о ход̇и, бхан̃ж̇анаго лохид̇аван̣н̣о, харид̇аго харид̇абан̣н̣аван̣н̣о. мин̃ж̇ааяа бана балан̣д̣угасса згаа мин̃ж̇аа ход̇и, бхан̃ж̇анагасса д̣̇вз, харид̇агасса д̇иссо. жаабаласун̣о амин̃ж̇аго. ан̇гурамад̇д̇амзва хи д̇асса ход̇и. махаабажжарияаад̣̇ийсу бана ‘‘балан̣д̣угасса д̇ийн̣и мин̃ж̇аани, бхан̃ж̇анагасса д̣̇вз, харид̇агасса зга’’нд̇и (баажи. адта. 797) вуд̇д̇ам̣. зд̇з балан̣д̣угаад̣̇аяо сабхаавзнзва вадданд̇и. суубасамбаагаад̣̇ийсу бана мааг̇ад̇хагамби ваддад̇и. д̇ан̃хи бажжамаанзсу муг̇г̇асуубаад̣̇ийсу ваа мажчамам̣савигад̇ияаа ваа д̇злз ваа б̣ад̣̇арасаал̣аваад̣̇ийсу ваа амб̣иласаагаад̣̇ийсу ваа уд̇д̇арибхан̇г̇зсу ваа яад̇т̇а гад̇т̇ажи анд̇амасо яааг̇убхад̇д̇зби багкид̇д̇ам̣ ваддад̇и. б̣ад̣̇арасаал̣авам̣ (саарад̇т̇а. дий. баажид̇д̇ияа 3.793-797) наама б̣ад̣̇арапалаани сугкаабзд̇ваа жун̣н̣зд̇ваа гад̇д̇аб̣б̣аа каад̣̇анийяавигад̇и.
Palaṇḍukādīnaṃ vaṇṇena vā miñjāya vā nānāttaṃ veditabbaṃ – vaṇṇena tāva palaṇḍuko nāma paṇḍuvaṇṇo hoti, bhañjanako lohitavaṇṇo, haritako haritapaṇṇavaṇṇo. Miñjāya pana palaṇḍukassa ekā miñjā hoti, bhañjanakassa dve, haritakassa tisso. Cāpalasuṇo amiñjako. Aṅkuramattameva hi tassa hoti. Mahāpaccariyādīsu pana ‘‘palaṇḍukassa tīṇi miñjāni, bhañjanakassa dve, haritakassa eka’’nti (pāci. aṭṭha. 797) vuttaṃ. Ete palaṇḍukādayo sabhāveneva vaṭṭanti. Sūpasampākādīsu pana māgadhakampi vaṭṭati. Tañhi paccamānesu muggasūpādīsu vā macchamaṃsavikatiyā vā tele vā badarasāḷavādīsu vā ambilasākādīsu vā uttaribhaṅgesu vā yattha katthaci antamaso yāgubhattepi pakkhittaṃ vaṭṭati. Badarasāḷavaṃ (sārattha. ṭī. pācittiya 3.793-797) nāma badaraphalāni sukkhāpetvā cuṇṇetvā kattabbā khādanīyavikati.
ласун̣асигкаабад̣̇аван̣н̣анаа нидтид̇аа.
Lasuṇasikkhāpadavaṇṇanā niṭṭhitā.
