| Library / Tipiṭaka / திபிடக • Tipiṭaka / மஜ்ஜி²மனிகாய (டீகா) • Majjhimanikāya (ṭīkā) |
6. லடுகிகோபமஸுத்தவண்ணனா
6. Laṭukikopamasuttavaṇṇanā
148. மஹாஉதா³யித்தே²ரோதி காளுதா³யிலாளுதா³யித்தே²ரேஹி அஞ்ஞோ மஹாதே³ஹதாய மஹாஉதா³யீதி ஸாஸனே பஞ்ஞாதோ தே²ரோ. அபஹரி அபஹரதி அபஹரிஸ்ஸதீதி அபஹத்தா. தேகாலிகோ ஹி அயங் ஸத்³தோ³. உபஹத்தாதி எத்தா²பி ஏஸேவ நயோ. அபஹாரகோதி அபனேதா. உபஹாரகோதி உபனேதா.
148.Mahāudāyittheroti kāḷudāyilāḷudāyittherehi añño mahādehatāya mahāudāyīti sāsane paññāto thero. Apahari apaharati apaharissatīti apahattā. Tekāliko hi ayaṃ saddo. Upahattāti etthāpi eseva nayo. Apahārakoti apanetā. Upahārakoti upanetā.
149. யந்தி பு⁴ம்மத்தே² பச்சத்தவசனங், தேன ச அனந்தரனித்³தி³ட்ட²ஸமயோ பச்சாமட்டோ²தி ஆஹ ‘‘யஸ்மிங் ஸமயே’’தி. ந ப⁴க³வந்தங் படிச்சாதி ந ப⁴க³வந்தங் ஆரம்மணங் கத்வா.
149.Yanti bhummatthe paccattavacanaṃ, tena ca anantaraniddiṭṭhasamayo paccāmaṭṭhoti āha ‘‘yasmiṃ samaye’’ti. Na bhagavantaṃ paṭiccāti na bhagavantaṃ ārammaṇaṃ katvā.
கம்மனிப்ப²ன்னத்த²ந்தி அத்தனா ஆயாசியமானகம்மஸித்³தி⁴அத்த²ங். ப⁴வதீதி பூ⁴, ந பூ⁴தி அபூ⁴, ப⁴யவஸேன பன ஸா இத்தீ² ‘‘அபு⁴’’ந்தி ஆஹ. ஆது மாதூதி எத்த² யதா² –
Kammanipphannatthanti attanā āyāciyamānakammasiddhiatthaṃ. Bhavatīti bhū, na bhūti abhū, bhayavasena pana sā itthī ‘‘abhu’’nti āha. Ātu mātūti ettha yathā –
‘‘அங்கா³ அங்கா³ ஸம்ப⁴வஸி, ஹத³யா அதி⁴ஜாயஸே;
‘‘Aṅgā aṅgā sambhavasi, hadayā adhijāyase;
அத்தா ஏவ புத்த நாமாஸி, ஸ ஜீவ ஸரதோ³ஸத’’ந்தி. –
Attā eva putta nāmāsi, sa jīva saradosata’’nti. –
ஆதீ³ஸு புத்தோ ‘‘அத்தா’’தி வுச்சதி குலவஸேன ஸந்தானே பவத்தனதோ. ஏவங் பிதாபி ‘‘புத்தஸ்ஸ அத்தா’’தி வுச்சதி. யஸ்மா ‘‘பி⁴க்கு²ஸ்ஸ அத்தா மாதா’’தி வத்து²காமா ப⁴யவஸேன ‘‘ஆது மாதூ’’தி ஆஹ. தேனாஹ ‘‘ஆதூதி பிதா’’திஆதி³.
Ādīsu putto ‘‘attā’’ti vuccati kulavasena santāne pavattanato. Evaṃ pitāpi ‘‘puttassa attā’’ti vuccati. Yasmā ‘‘bhikkhussa attā mātā’’ti vatthukāmā bhayavasena ‘‘ātu mātū’’ti āha. Tenāha ‘‘ātūti pitā’’tiādi.
150. ஏவமேவந்தி இத³ங் க³ரஹத்த²ஜோதனநிபாதபத³ந்தி வுத்தங் ‘‘க³ரஹந்தோ ஆஹா’’தி. ததா² ஹி நங் வாசகஸத்³தே³னேவ த³ஸ்ஸெந்தோ ‘‘இதே⁴கச்சே மோக⁴புரிஸா’’தி ஆஹ. ஆஹங்ஸூதி தேஸங் ததா² வசனஸ்ஸ அவிச்சே²தே³ன பவத்திதீ³பனந்தி ஆஹ ‘‘வத³ந்தீ’’தி. கிங் பனிமஸ்ஸ அப்பமத்தகஸ்ஸாதி பஹாதப்³ப³வத்து²ங் அவமஞ்ஞமானேஹி வுத்தங். தேனாஹ ‘‘கிங் பனா’’தி. ஹேதும்ஹி ஜோதேதப்³பே³ சேதங் ஸாமிவசனங் யதா² ‘‘அனுஸ்ஸவஸ்ஸ ஹேது, அஜ்ஜே²னஸ்ஸ ஹேதூ’’தி. தேனாஹ ‘‘அப்பமத்தகஸ்ஸ ஹேதூ’’தி. நனு அபஸ்ஸந்தேன விய அஸுணந்தேன விய ப⁴விதப்³ப³ந்தி? ஸத்தா²ரா நாம அப்பமத்தகேஸு தோ³ஸேஸு அபஸ்ஸந்தேன விய ச அஸுணந்தேன விய ச ப⁴விதப்³ப³ந்தி தேஸங் அதி⁴ப்பாயேன விவரணங். தேஸு சாதி ஸிக்கா²காமேஸு ச. அப்பச்சயங் உபட்டா²பெந்தீதி ஆனெத்வா ஸம்ப³ந்தி⁴தப்³ப³ந்தி த³ஸ்ஸேதி. தேஸந்தி யே ‘‘மோக⁴புரிஸா’’தி வுத்தா புக்³க³லா, தேஸங். க³லே ப³த்³த⁴ங் மஹாகட்ட²ந்தி க³லே ஓலம்பெ³த்வா ப³த்³த⁴ங் ருக்க²த³ண்ட³மாஹ. பூதிலதாயாதி க³லோசியா. பாராஜிகவத்து² விய து³ப்பஜஹங் ஹோதீதி ச²ந்த³கப்பஹானவஸேன தங் பஜஹிதுங் ந ஸக்கோதி.
150.Evamevanti idaṃ garahatthajotananipātapadanti vuttaṃ ‘‘garahanto āhā’’ti. Tathā hi naṃ vācakasaddeneva dassento ‘‘idhekacce moghapurisā’’ti āha. Āhaṃsūti tesaṃ tathā vacanassa avicchedena pavattidīpananti āha ‘‘vadantī’’ti. Kiṃ panimassa appamattakassāti pahātabbavatthuṃ avamaññamānehi vuttaṃ. Tenāha ‘‘kiṃ panā’’ti. Hetumhi jotetabbe cetaṃ sāmivacanaṃ yathā ‘‘anussavassa hetu, ajjhenassa hetū’’ti. Tenāha ‘‘appamattakassa hetū’’ti. Nanu apassantena viya asuṇantena viya bhavitabbanti? Satthārā nāma appamattakesu dosesu apassantena viya ca asuṇantena viya ca bhavitabbanti tesaṃ adhippāyena vivaraṇaṃ. Tesu cāti sikkhākāmesu ca. Appaccayaṃ upaṭṭhāpentīti ānetvā sambandhitabbanti dasseti. Tesanti ye ‘‘moghapurisā’’ti vuttā puggalā, tesaṃ. Gale baddhaṃ mahākaṭṭhanti gale olambetvā baddhaṃ rukkhadaṇḍamāha. Pūtilatāyāti galociyā. Pārājikavatthu viya duppajahaṃ hotīti chandakappahānavasena taṃ pajahituṃ na sakkoti.
151. அனுஸ்ஸுக்காதி தஸ்ஸ பஹாதப்³ப³ஸ்ஸ பஹானே உஸ்ஸுக்கரஹிதா. அபச்சாஸீஸனபக்கே²தி தாய பரத³த்தவுத்திதாய கஸ்ஸசி பச்சயஸ்ஸ குதோசி அபச்சாஸீஸகபக்கே² டி²தா ஹுத்வா ஸுப்பஜஹங் ஹோதி, ந தஸ்ஸ பஹானே பா⁴ரியங் அத்தி².
151.Anussukkāti tassa pahātabbassa pahāne ussukkarahitā. Apaccāsīsanapakkheti tāya paradattavuttitāya kassaci paccayassa kutoci apaccāsīsakapakkhe ṭhitā hutvā suppajahaṃ hoti, na tassa pahāne bhāriyaṃ atthi.
152. த³லித்³தோ³ து³க்³க³தோ. அஸ்ஸகோதி அஸாபதெய்யோ. கே³ஹயட்டி²யோதி கே³ஹச²த³னஸ்ஸ ஆதா⁴ரா, தா உஜுகங் திரியங் ட²பேதப்³ப³த³ண்டா³. ஸமந்ததோ பி⁴த்திபாதே³ஸு ட²பேதப்³ப³த³ண்டா³ மண்ட³லா. காகாதிதா³யிந்தி இதோ சிதோ காகேஹி அதிபாதவஸேன உட்³டே³தப்³ப³ங். தேனாஹ ‘‘யத்த² கிஞ்சிதே³வா’’திஆதி³. ஸூரகாகாதி காகானங் உட்³டே³பனாகாரமாஹ. நபரமரூபந்தி ஹீனரூபங். விலீவமஞ்சகோதி தாலவெத்தகாதீ³ஹி வீதமஞ்சகோ. ஸா பனஸ்ஸ ஸந்தானானங் சி²ன்னபி⁴ன்னதாய ஓலுக்³க³விலுக்³க³தா, ததா² ஸதி ஸா விஸமரூபா ஹோதீதி ஆஹ ‘‘ஓணதா’’திஆதி³. ஸோ புக்³க³லோ லூக²போ⁴ஜீ ஹோதீதி ஆஹ ‘‘த⁴ஞ்ஞங் நாம குத்³ரூஸகோ’’தி. ஸமகாலங் வபிதப்³ப³தாய ஸமவாபகங், யதா²உது வபிதப்³ப³பீ³ஜங். ஜாயிகாதி குச்சி²தா ப⁴ரியா, ஸப்³ப³த்த² க³ரஹாயங் க-ஸத்³தோ³. ஸோ வதாஹங் பப்³ப³ஜெய்யந்தி ஸோஹங் கேஸமஸ்ஸுங் ஓஹாரெத்வா பப்³ப³ஜெய்யங், யோஹங் புரிஸோ நாம அஸ்ஸங் வதாதி பப்³ப³ஜ்ஜாவஸேன அத்தனோ புரிஸங் போ³தெ⁴ய்ய. தங்ஸபா⁴வே டி²தஸ்ஸ போ³தா⁴ ந து து³க்கரா, ஸா க²டோபிகா. ஸா கும்பீ⁴. மெண்ட³கஸெட்டி²னோ அட்³ட⁴தேளஸானி கொட்டா²கா³ரஸதானி விய.
152.Daliddo duggato. Assakoti asāpateyyo. Gehayaṭṭhiyoti gehachadanassa ādhārā, tā ujukaṃ tiriyaṃ ṭhapetabbadaṇḍā. Samantato bhittipādesu ṭhapetabbadaṇḍā maṇḍalā. Kākātidāyinti ito cito kākehi atipātavasena uḍḍetabbaṃ. Tenāha ‘‘yattha kiñcidevā’’tiādi. Sūrakākāti kākānaṃ uḍḍepanākāramāha. Naparamarūpanti hīnarūpaṃ. Vilīvamañcakoti tālavettakādīhi vītamañcako. Sā panassa santānānaṃ chinnabhinnatāya oluggaviluggatā, tathā sati sā visamarūpā hotīti āha ‘‘oṇatā’’tiādi. So puggalo lūkhabhojī hotīti āha ‘‘dhaññaṃ nāma kudrūsako’’ti. Samakālaṃ vapitabbatāya samavāpakaṃ, yathāutu vapitabbabījaṃ. Jāyikāti kucchitā bhariyā, sabbattha garahāyaṃ ka-saddo. So vatāhaṃ pabbajeyyanti sohaṃ kesamassuṃ ohāretvā pabbajeyyaṃ, yohaṃ puriso nāma assaṃ vatāti pabbajjāvasena attano purisaṃ bodheyya. Taṃsabhāve ṭhitassa bodhā na tu dukkarā, sā khaṭopikā. Sā kumbhī. Meṇḍakaseṭṭhino aḍḍhateḷasāni koṭṭhāgārasatāni viya.
153. ஸுவண்ணனிக்க²ஸதானந்தி அனேகேஸங் ஸுவண்ணனிக்க²ஸதானங். சயோதி ஸந்தானேஹி நிசயோ அவீசி நிச்சப்பப³ந்த⁴னிசயோ. தேனாஹ ‘‘ஸந்தானதோ கதஸன்னிசயோ’’தி.
153.Suvaṇṇanikkhasatānanti anekesaṃ suvaṇṇanikkhasatānaṃ. Cayoti santānehi nicayo avīci niccappabandhanicayo. Tenāha ‘‘santānato katasannicayo’’ti.
154. ஹெட்டா² கிஞ்சாபி அப்பஜஹனகா பட²மங் த³ஸ்ஸிதா, பஜஹனகா பதா⁴னா, தேஸஞ்ச வஸேனெத்த² புக்³க³லசதுக்கங் த³ஸ்ஸிதங். தே தஞ்சேவ பஜஹந்தீதி பஜஹனகா பட²மங் க³ஹிதா. ராஸிவஸேனாதி ‘‘இது⁴தா³யி ஏகச்சோ புக்³க³லோ’’திஆதி³னா சதுக்கே ஆக³தவிபா⁴க³ங் அனாமஸித்வா ‘‘தே தே’’தி பசுரவஸேன வுத்தங். தேனாஹ ‘‘ந பாடியேக்கங் விப⁴த்தா’’தி. அவிபா⁴கே³ன க³ஹிதவத்தூ²ஸு விபா⁴க³தோ க³ஹணங் லோகஸித்³த⁴மேதந்தி த³ஸ்ஸேதுங் ‘‘யதா² நாமா’’திஆதி³ வுத்தங். பஜஹனகபுக்³க³லாதி ‘‘தே தஞ்சேவ பஜஹந்தீ’’தி ஏவங் பஜஹனகபுக்³க³லா ஏவ.
154. Heṭṭhā kiñcāpi appajahanakā paṭhamaṃ dassitā, pajahanakā padhānā, tesañca vasenettha puggalacatukkaṃ dassitaṃ. Te tañceva pajahantīti pajahanakā paṭhamaṃ gahitā. Rāsivasenāti ‘‘idhudāyi ekacco puggalo’’tiādinā catukke āgatavibhāgaṃ anāmasitvā ‘‘te te’’ti pacuravasena vuttaṃ. Tenāha ‘‘na pāṭiyekkaṃ vibhattā’’ti. Avibhāgena gahitavatthūsu vibhāgato gahaṇaṃ lokasiddhametanti dassetuṃ ‘‘yathā nāmā’’tiādi vuttaṃ. Pajahanakapuggalāti ‘‘te tañceva pajahantī’’ti evaṃ pajahanakapuggalā eva.
உபதி⁴அனுதா⁴வனகாதி உபதீ⁴ஸு அனுஅனுதா⁴வனகா உபதி⁴யோ ஆரப்³ப⁴ பவத்தனகா. விதக்காயேவாதி காமஸங்கப்பாதி³விதக்காயேவ. இந்த்³ரியனானத்ததாதி விமுத்திபரிபாசகானங் இந்த்³ரியானங் பரோபரியத்தங். தஸ்ஸ ஹி வஸேனேவ தே சத்தாரோ புக்³க³லா ஜாதா. அக்³க³மக்³க³த்தா²ய விபஸ்ஸனங் உஸ்ஸுக்காபெத்வா யாவ ந தங் மக்³கே³ன ஸமுக்³கா⁴தெந்தி, தாவ நப்பஜஹந்தி நாம. இதி ஹெட்டி²மா தயோபி அரியா அப்பஹீனஸ்ஸ கிலேஸஸ்ஸ வஸேன ‘‘நப்பஜஹந்தீ’’தி வுத்தா, பகே³வ புது²ஜ்ஜனா. வுத்தனயேன பன விபஸ்ஸனங் மக்³கே³ன க⁴டெந்தா தே சத்தாரோ ஜனா அக்³க³மக்³க³க்க²ணே பஜஹந்தி நாம. தே ஏவ தத்த² ஸீக⁴காரினோ கி²ப்பங் பஜஹந்தி நாம, தேனாஹ ‘‘தத்தா²’’திஆதி³.
Upadhianudhāvanakāti upadhīsu anuanudhāvanakā upadhiyo ārabbha pavattanakā. Vitakkāyevāti kāmasaṅkappādivitakkāyeva. Indriyanānattatāti vimuttiparipācakānaṃ indriyānaṃ paropariyattaṃ. Tassa hi vaseneva te cattāro puggalā jātā. Aggamaggatthāya vipassanaṃ ussukkāpetvā yāva na taṃ maggena samugghātenti, tāva nappajahanti nāma. Iti heṭṭhimā tayopi ariyā appahīnassa kilesassa vasena ‘‘nappajahantī’’ti vuttā, pageva puthujjanā. Vuttanayena pana vipassanaṃ maggena ghaṭentā te cattāro janā aggamaggakkhaṇe pajahanti nāma. Te eva tattha sīghakārino khippaṃ pajahanti nāma, tenāha ‘‘tatthā’’tiādi.
ஸங்வேக³ங் கத்வா அக்³கி³ங் அக்கந்தபுரிஸோ விய. மக்³கே³னாதி அனுக்கமாக³தேன அக்³க³மக்³கே³ன. மஹாஹத்தி²பதோ³பமேதி மஹாஹத்தி²பதோ³பமஸுத்தே (ம॰ நி॰ 1.300 ஆத³யோ). தத்த² ஹி ‘‘தஸ்ஸ தா⁴தாரம்மணமேவ சித்தங் பக்க²ந்த³தி பஸீத³தி ஸந்திட்ட²தி அதி⁴முச்சதீ’’தி (ம॰ நி॰ 1.302) எத்த² அதிதிக்க²னாதிதிக்க²-நாதிமந்த³அதிமந்த³-புக்³க³லவஸேன அட்ட²கதா²யங் (ம॰ நி॰ அட்ட²॰ 2.302) தயோ வாரா உத்³த⁴டா, தத்த² மஜ்ஜி²மவஸேனேவ பஞ்ஹோ கதி²தோ. இந்த்³ரியபா⁴வனேதி இந்த்³ரியபா⁴வனாஸுத்தே, தத்தா²பி மஜ்ஜி²மனயேனேவ பஞ்ஹோ கதி²தோ. தேனாஹ ‘‘இமேஸூ’’திஆதி³.
Saṃvegaṃ katvā aggiṃ akkantapuriso viya. Maggenāti anukkamāgatena aggamaggena. Mahāhatthipadopameti mahāhatthipadopamasutte (ma. ni. 1.300 ādayo). Tattha hi ‘‘tassa dhātārammaṇameva cittaṃ pakkhandati pasīdati santiṭṭhati adhimuccatī’’ti (ma. ni. 1.302) ettha atitikkhanātitikkha-nātimandaatimanda-puggalavasena aṭṭhakathāyaṃ (ma. ni. aṭṭha. 2.302) tayo vārā uddhaṭā, tattha majjhimavaseneva pañho kathito. Indriyabhāvaneti indriyabhāvanāsutte, tatthāpi majjhimanayeneva pañho kathito. Tenāha ‘‘imesū’’tiādi.
தந்தி ‘‘உபதீ⁴’’தி வுத்தங் க²ந்த⁴பஞ்சகங். து³க்க²ஸ்ஸ மூலந்தி ஸப்³ப³ஸ்ஸபி வட்டது³க்க²ஸ்ஸ காரணங். நிக்³க³ஹணோதி நிருபாதா³னோ. தேனாஹ ‘‘நித்தண்ஹோ’’தி.
Tanti ‘‘upadhī’’ti vuttaṃ khandhapañcakaṃ. Dukkhassa mūlanti sabbassapi vaṭṭadukkhassa kāraṇaṃ. Niggahaṇoti nirupādāno. Tenāha ‘‘nittaṇho’’ti.
155. யே பஜஹந்தீதி ‘‘தே தஞ்சேவ பஜஹந்தீ’’தி ஏவங் வுத்தபுக்³க³லா. தே இமே நாம எத்தகே கிலேஸே பஜஹந்தீதி யே தே புது²ஜ்ஜனா லாபி⁴னோ ச பஞ்ச காமகு³ணே எத்தகே தங்தங்ஜா²னாதி³வத்து²கே ச தங்தங்மக்³க³வஜ்ஜ²தாய பரிச்சி²ன்னத்தா எத்தகே கிலேஸே பஜஹந்தி. யே நப்பஜஹந்தீதி எத்த² வுத்தனயானுஸாரேன அத்தோ² வேதி³தப்³போ³. அஸுசிஸுக²ங் காயாஸுசிஸன்னிஸ்ஸிதத்தா. அனரியேஹீதி அபரிஸுத்³தே⁴ஹி. படிலாப⁴தோ பா⁴யிதப்³ப³ங் கிலேஸது³க்க²க³திகத்தா. விபாகதோ பா⁴யிதப்³ப³ங் அபாயது³க்க²க³திகத்தா. க³ணதோபி கிலேஸதோபி விவித்தஸுக²ந்தி க³ணஸங்க³ணிகதோ ச கிலேஸஸங்க³ணிகதோ ச விவித்தஸுக²ங். ராகா³தி³வூபஸமத்தா²யாதி ராகா³தி³வூபஸமாவஹங் ஸுக²ங். ந பா⁴யிதப்³ப³ங் ஸம்பதி ஆயதிஞ்ச ஏகந்தஹிதபா⁴வதோ.
155.Ye pajahantīti ‘‘te tañceva pajahantī’’ti evaṃ vuttapuggalā. Te ime nāma ettake kilese pajahantīti ye te puthujjanā lābhino ca pañca kāmaguṇe ettake taṃtaṃjhānādivatthuke ca taṃtaṃmaggavajjhatāya paricchinnattā ettake kilese pajahanti. Ye nappajahantīti ettha vuttanayānusārena attho veditabbo. Asucisukhaṃ kāyāsucisannissitattā. Anariyehīti aparisuddhehi. Paṭilābhato bhāyitabbaṃ kilesadukkhagatikattā. Vipākato bhāyitabbaṃ apāyadukkhagatikattā. Gaṇatopi kilesatopi vivittasukhanti gaṇasaṅgaṇikato ca kilesasaṅgaṇikato ca vivittasukhaṃ. Rāgādivūpasamatthāyāti rāgādivūpasamāvahaṃ sukhaṃ. Na bhāyitabbaṃ sampati āyatiñca ekantahitabhāvato.
156. இஞ்ஜிதஸ்மிந்தி பச்சத்தே பு⁴ம்மவசனந்தி ஆஹ ‘‘இஞ்ஜன’’ந்திஆதி³. இஞ்ஜதி தேனாதி இஞ்ஜிதங், தஸ்ஸ தஸ்ஸ ஜா²னஸ்ஸ கோ²ப⁴கரங் ஓளாரிகங் ஜா²னங்க³ங். சதுத்த²ஜ்ஜா²னங் அனிஞ்ஜனங் ஸன்னிஸின்னாபா⁴வதோ. ததா² ஹி வுத்தங் ‘‘டி²தே ஆனேஞ்ஜப்பத்தே’’தி (தீ³॰ நி॰ 1.244-245; ம॰ நி॰ 1.384-386; பாரா॰ 12-13).
156.Iñjitasminti paccatte bhummavacananti āha ‘‘iñjana’’ntiādi. Iñjati tenāti iñjitaṃ, tassa tassa jhānassa khobhakaraṃ oḷārikaṃ jhānaṅgaṃ. Catutthajjhānaṃ aniñjanaṃ sannisinnābhāvato. Tathā hi vuttaṃ ‘‘ṭhite āneñjappatte’’ti (dī. ni. 1.244-245; ma. ni. 1.384-386; pārā. 12-13).
அலங்-ஸத்³தோ³ யுத்தத்தோ²பி ஹோதி – ‘‘அலமேவ நிப்³பி³ந்தி³துங், அலங் விமுச்சிது’’ந்திஆதீ³ஸு (தீ³॰ நி॰ 2.272; ஸங்॰ நி॰ 2.124, 128, 134, 143), தஸ்மா அனலங் அனுஸங்க³ங் காதுங் அயுத்தந்தி அத்தோ². தேனாஹ ‘‘அகத்தப்³ப³ஆலயந்தி வதா³மீ’’தி. ஸன்னிட்டா²னந்தி ஸம்மாபடிபத்தியங் அலங் எத்தாவதாதி உஸ்ஸாஹபடிப்பஸ்ஸம்ப⁴னவஸேன ஸன்னிட்டா²னங் ந காதப்³ப³ந்தி யோஜனா. உத்³த⁴ம்பா⁴கி³யஸஞ்ஞிதங் அணுங் வா ஓரம்பா⁴கி³யஸஞ்ஞிதங் தூ²லங் வா, ரூபராகோ³தி ஏவரூபங் அணுங் வா காமாஸவோ படிக⁴ந்தி ஏவரூபங் தூ²லங் வா, முது³னா பவத்திஆகாரவிஸேஸேன அப்பஸாவஜ்ஜங், கம்மப³ந்த⁴னட்டே²ன வா அப்பஸாவஜ்ஜங், தப்³பி³பரியாயதோ மஹாஸாவஜ்ஜங் வேதி³தப்³ப³ங். நாதிதிக்க²பஞ்ஞஸ்ஸ வஸேன தே³ஸனாய பவத்தத்தா ‘‘நெய்யபுக்³க³லஸ்ஸ வஸேனா’’தி வுத்தங். ஸப்³ப³ஸோ ஹி பரியாதி³ன்னநிகந்திகஸ்ஸ அரியபுக்³க³லஸ்ஸ வஸேன ஸஞ்ஞாவேத³யிதனிரோத⁴ஸ்ஸ ஆக³தத்தா ‘‘அரஹத்தனிகூடேனேவ நிட்டா²பிதா’’தி வுத்தங். யங் பனெத்த² அத்த²தோ ந விப⁴த்தங், தங் ஸுவிஞ்ஞெய்யமேவ.
Alaṃ-saddo yuttatthopi hoti – ‘‘alameva nibbindituṃ, alaṃ vimuccitu’’ntiādīsu (dī. ni. 2.272; saṃ. ni. 2.124, 128, 134, 143), tasmā analaṃ anusaṅgaṃ kātuṃ ayuttanti attho. Tenāha ‘‘akattabbaālayanti vadāmī’’ti. Sanniṭṭhānanti sammāpaṭipattiyaṃ alaṃ ettāvatāti ussāhapaṭippassambhanavasena sanniṭṭhānaṃ na kātabbanti yojanā. Uddhambhāgiyasaññitaṃ aṇuṃ vā orambhāgiyasaññitaṃ thūlaṃ vā, rūparāgoti evarūpaṃ aṇuṃ vā kāmāsavo paṭighanti evarūpaṃ thūlaṃ vā, mudunā pavattiākāravisesena appasāvajjaṃ, kammabandhanaṭṭhena vā appasāvajjaṃ, tabbipariyāyato mahāsāvajjaṃ veditabbaṃ. Nātitikkhapaññassa vasena desanāya pavattattā ‘‘neyyapuggalassa vasenā’’ti vuttaṃ. Sabbaso hi pariyādinnanikantikassa ariyapuggalassa vasena saññāvedayitanirodhassa āgatattā ‘‘arahattanikūṭeneva niṭṭhāpitā’’ti vuttaṃ. Yaṃ panettha atthato na vibhattaṃ, taṃ suviññeyyameva.
லடுகிகோபமஸுத்தவண்ணனாய லீனத்த²ப்பகாஸனா ஸமத்தா.
Laṭukikopamasuttavaṇṇanāya līnatthappakāsanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / மஜ்ஜி²மனிகாய • Majjhimanikāya / 6. லடுகிகோபமஸுத்தங் • 6. Laṭukikopamasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / மஜ்ஜி²மனிகாய (அட்ட²கதா²) • Majjhimanikāya (aṭṭhakathā) / 6. லடுகிகோபமஸுத்தவண்ணனா • 6. Laṭukikopamasuttavaṇṇanā
