| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. ладугигобамасуд̇д̇аван̣н̣анаа
6. Laṭukikopamasuttavaṇṇanā
148. махаауд̣̇ааяид̇т̇зрод̇и гаал̣уд̣̇ааяилаал̣уд̣̇ааяид̇т̇зрзхи ан̃н̃о махаад̣̇зхад̇ааяа махаауд̣̇ааяийд̇и саасанз бан̃н̃аад̇о т̇зро. абахари абахарад̇и абахариссад̇ийд̇и абахад̇д̇аа. д̇згаалиго хи аяам̣ сад̣̇д̣̇о. убахад̇д̇аад̇и зд̇т̇ааби зсзва наяо. абахаарагод̇и абанзд̇аа. убахаарагод̇и убанзд̇аа.
148.Mahāudāyittheroti kāḷudāyilāḷudāyittherehi añño mahādehatāya mahāudāyīti sāsane paññāto thero. Apahari apaharati apaharissatīti apahattā. Tekāliko hi ayaṃ saddo. Upahattāti etthāpi eseva nayo. Apahārakoti apanetā. Upahārakoti upanetā.
149. яанд̇и бхуммад̇т̇з бажжад̇д̇аважанам̣, д̇зна жа ананд̇аранид̣̇д̣̇идтасамаяо бажжаамадтод̇и ааха ‘‘яасмим̣ самаяз’’д̇и. на бхаг̇аванд̇ам̣ бадижжаад̇и на бхаг̇аванд̇ам̣ аарамман̣ам̣ гад̇ваа.
149.Yanti bhummatthe paccattavacanaṃ, tena ca anantaraniddiṭṭhasamayo paccāmaṭṭhoti āha ‘‘yasmiṃ samaye’’ti. Na bhagavantaṃ paṭiccāti na bhagavantaṃ ārammaṇaṃ katvā.
гамманибпаннад̇т̇анд̇и ад̇д̇анаа ааяаажияамаанагаммасид̣̇д̇хиад̇т̇ам̣. бхавад̇ийд̇и бхуу, на бхууд̇и абхуу, бхаяавасзна бана саа ид̇т̇ий ‘‘абху’’нд̇и ааха. аад̇у маад̇ууд̇и зд̇т̇а яат̇аа –
Kammanipphannatthanti attanā āyāciyamānakammasiddhiatthaṃ. Bhavatīti bhū, na bhūti abhū, bhayavasena pana sā itthī ‘‘abhu’’nti āha. Ātu mātūti ettha yathā –
‘‘ан̇г̇аа ан̇г̇аа самбхаваси, хад̣̇аяаа ад̇хиж̇ааяасз;
‘‘Aṅgā aṅgā sambhavasi, hadayā adhijāyase;
ад̇д̇аа зва буд̇д̇а наамааси, са ж̇ийва сарад̣̇осад̇а’’нд̇и. –
Attā eva putta nāmāsi, sa jīva saradosata’’nti. –
аад̣̇ийсу буд̇д̇о ‘‘ад̇д̇аа’’д̇и вужжад̇и гулавасзна санд̇аанз бавад̇д̇анад̇о. звам̣ бид̇ааби ‘‘буд̇д̇асса ад̇д̇аа’’д̇и вужжад̇и. яасмаа ‘‘бхигкусса ад̇д̇аа маад̇аа’’д̇и вад̇т̇угаамаа бхаяавасзна ‘‘аад̇у маад̇уу’’д̇и ааха. д̇знааха ‘‘аад̇ууд̇и бид̇аа’’д̇иаад̣̇и.
Ādīsu putto ‘‘attā’’ti vuccati kulavasena santāne pavattanato. Evaṃ pitāpi ‘‘puttassa attā’’ti vuccati. Yasmā ‘‘bhikkhussa attā mātā’’ti vatthukāmā bhayavasena ‘‘ātu mātū’’ti āha. Tenāha ‘‘ātūti pitā’’tiādi.
150. звамзванд̇и ид̣̇ам̣ г̇арахад̇т̇аж̇од̇ананибаад̇абад̣̇анд̇и вуд̇д̇ам̣ ‘‘г̇араханд̇о аахаа’’д̇и. д̇ат̇аа хи нам̣ ваажагасад̣̇д̣̇знзва д̣̇ассзнд̇о ‘‘ид̇хзгажжз могхабурисаа’’д̇и ааха. аахам̣сууд̇и д̇зсам̣ д̇ат̇аа важанасса авижчзд̣̇зна бавад̇д̇ид̣̇ийбананд̇и ааха ‘‘вад̣̇анд̇ий’’д̇и. гим̣ банимасса аббамад̇д̇агассаад̇и бахаад̇аб̣б̣авад̇т̇ум̣ аваман̃н̃амаанзхи вуд̇д̇ам̣. д̇знааха ‘‘гим̣ банаа’’д̇и. хзд̇умхи ж̇од̇зд̇аб̣б̣з жзд̇ам̣ саамиважанам̣ яат̇аа ‘‘ануссавасса хзд̇у, аж̇жхзнасса хзд̇уу’’д̇и. д̇знааха ‘‘аббамад̇д̇агасса хзд̇уу’’д̇и. нану абассанд̇зна вияа асун̣анд̇зна вияа бхавид̇аб̣б̣анд̇и? сад̇т̇аараа наама аббамад̇д̇агзсу д̣̇осзсу абассанд̇зна вияа жа асун̣анд̇зна вияа жа бхавид̇аб̣б̣анд̇и д̇зсам̣ ад̇хиббааязна виваран̣ам̣. д̇зсу жаад̇и сигкаагаамзсу жа. аббажжаяам̣ убадтаабзнд̇ийд̇и аанзд̇ваа самб̣анд̇хид̇аб̣б̣анд̇и д̣̇ассзд̇и. д̇зсанд̇и яз ‘‘могхабурисаа’’д̇и вуд̇д̇аа буг̇г̇алаа, д̇зсам̣. г̇алз б̣ад̣̇д̇хам̣ махаагадтанд̇и г̇алз оламб̣зд̇ваа б̣ад̣̇д̇хам̣ ругкад̣̇ан̣д̣амааха. бууд̇илад̇ааяаад̇и г̇аложияаа. баарааж̇игавад̇т̇у вияа д̣̇уббаж̇ахам̣ ход̇ийд̇и чанд̣̇агаббахаанавасзна д̇ам̣ баж̇ахид̇ум̣ на саггод̇и.
150.Evamevanti idaṃ garahatthajotananipātapadanti vuttaṃ ‘‘garahanto āhā’’ti. Tathā hi naṃ vācakasaddeneva dassento ‘‘idhekacce moghapurisā’’ti āha. Āhaṃsūti tesaṃ tathā vacanassa avicchedena pavattidīpananti āha ‘‘vadantī’’ti. Kiṃ panimassa appamattakassāti pahātabbavatthuṃ avamaññamānehi vuttaṃ. Tenāha ‘‘kiṃ panā’’ti. Hetumhi jotetabbe cetaṃ sāmivacanaṃ yathā ‘‘anussavassa hetu, ajjhenassa hetū’’ti. Tenāha ‘‘appamattakassa hetū’’ti. Nanu apassantena viya asuṇantena viya bhavitabbanti? Satthārā nāma appamattakesu dosesu apassantena viya ca asuṇantena viya ca bhavitabbanti tesaṃ adhippāyena vivaraṇaṃ. Tesu cāti sikkhākāmesu ca. Appaccayaṃ upaṭṭhāpentīti ānetvā sambandhitabbanti dasseti. Tesanti ye ‘‘moghapurisā’’ti vuttā puggalā, tesaṃ. Gale baddhaṃ mahākaṭṭhanti gale olambetvā baddhaṃ rukkhadaṇḍamāha. Pūtilatāyāti galociyā. Pārājikavatthu viya duppajahaṃ hotīti chandakappahānavasena taṃ pajahituṃ na sakkoti.
151. ануссуггаад̇и д̇асса бахаад̇аб̣б̣асса бахаанз уссуггарахид̇аа. абажжаасийсанабагкзд̇и д̇ааяа барад̣̇ад̇д̇авуд̇д̇ид̇ааяа гассажи бажжаяасса гуд̇ожи абажжаасийсагабагкз тид̇аа худ̇ваа суббаж̇ахам̣ ход̇и, на д̇асса бахаанз бхаарияам̣ ад̇т̇и.
151.Anussukkāti tassa pahātabbassa pahāne ussukkarahitā. Apaccāsīsanapakkheti tāya paradattavuttitāya kassaci paccayassa kutoci apaccāsīsakapakkhe ṭhitā hutvā suppajahaṃ hoti, na tassa pahāne bhāriyaṃ atthi.
152. д̣̇алид̣̇д̣̇о д̣̇уг̇г̇ад̇о. ассагод̇и асаабад̇зяяо. г̇зхаяадтияод̇и г̇зхачад̣̇анасса аад̇хаараа, д̇аа уж̇угам̣ д̇ирияам̣ табзд̇аб̣б̣ад̣̇ан̣д̣аа. саманд̇ад̇о бхид̇д̇ибаад̣̇зсу табзд̇аб̣б̣ад̣̇ан̣д̣аа ман̣д̣алаа. гаагаад̇ид̣̇ааяинд̇и ид̇о жид̇о гаагзхи ад̇ибаад̇авасзна уд̣д̣зд̇аб̣б̣ам̣. д̇знааха ‘‘яад̇т̇а гин̃жид̣̇зваа’’д̇иаад̣̇и. суурагаагаад̇и гаагаанам̣ уд̣д̣збанаагаарамааха. набарамаруубанд̇и хийнаруубам̣. вилийваман̃жагод̇и д̇аалавзд̇д̇агаад̣̇ийхи вийд̇аман̃жаго. саа банасса санд̇аанаанам̣ чиннабхиннад̇ааяа олуг̇г̇авилуг̇г̇ад̇аа, д̇ат̇аа сад̇и саа висамаруубаа ход̇ийд̇и ааха ‘‘он̣ад̇аа’’д̇иаад̣̇и. со буг̇г̇ало луукабхож̇ий ход̇ийд̇и ааха ‘‘д̇хан̃н̃ам̣ наама гуд̣̇руусаго’’д̇и. самагаалам̣ вабид̇аб̣б̣ад̇ааяа самаваабагам̣, яат̇аауд̇у вабид̇аб̣б̣аб̣ийж̇ам̣. ж̇ааяигаад̇и гужчид̇аа бхарияаа, саб̣б̣ад̇т̇а г̇арахааяам̣ га-сад̣̇д̣̇о. со вад̇аахам̣ баб̣б̣аж̇зяяанд̇и сохам̣ гзсамассум̣ охаарзд̇ваа баб̣б̣аж̇зяяам̣, яохам̣ бурисо наама ассам̣ вад̇аад̇и баб̣б̣аж̇ж̇аавасзна ад̇д̇ано бурисам̣ б̣од̇хзяяа. д̇ам̣сабхаавз тид̇асса б̣од̇хаа на д̇у д̣̇уггараа, саа кадобигаа. саа гумбхий. мзн̣д̣агасздтино ад̣дхад̇зл̣асаани годтааг̇аарасад̇аани вияа.
152.Daliddo duggato. Assakoti asāpateyyo. Gehayaṭṭhiyoti gehachadanassa ādhārā, tā ujukaṃ tiriyaṃ ṭhapetabbadaṇḍā. Samantato bhittipādesu ṭhapetabbadaṇḍā maṇḍalā. Kākātidāyinti ito cito kākehi atipātavasena uḍḍetabbaṃ. Tenāha ‘‘yattha kiñcidevā’’tiādi. Sūrakākāti kākānaṃ uḍḍepanākāramāha. Naparamarūpanti hīnarūpaṃ. Vilīvamañcakoti tālavettakādīhi vītamañcako. Sā panassa santānānaṃ chinnabhinnatāya oluggaviluggatā, tathā sati sā visamarūpā hotīti āha ‘‘oṇatā’’tiādi. So puggalo lūkhabhojī hotīti āha ‘‘dhaññaṃ nāma kudrūsako’’ti. Samakālaṃ vapitabbatāya samavāpakaṃ, yathāutu vapitabbabījaṃ. Jāyikāti kucchitā bhariyā, sabbattha garahāyaṃ ka-saddo. So vatāhaṃ pabbajeyyanti sohaṃ kesamassuṃ ohāretvā pabbajeyyaṃ, yohaṃ puriso nāma assaṃ vatāti pabbajjāvasena attano purisaṃ bodheyya. Taṃsabhāve ṭhitassa bodhā na tu dukkarā, sā khaṭopikā. Sā kumbhī. Meṇḍakaseṭṭhino aḍḍhateḷasāni koṭṭhāgārasatāni viya.
153. суван̣н̣анигкасад̇аананд̇и анзгзсам̣ суван̣н̣анигкасад̇аанам̣. жаяод̇и санд̇аанзхи нижаяо авийжи нижжаббаб̣анд̇ханижаяо. д̇знааха ‘‘санд̇аанад̇о гад̇асаннижаяо’’д̇и.
153.Suvaṇṇanikkhasatānanti anekesaṃ suvaṇṇanikkhasatānaṃ. Cayoti santānehi nicayo avīci niccappabandhanicayo. Tenāha ‘‘santānato katasannicayo’’ti.
154. хздтаа гин̃жааби аббаж̇аханагаа батамам̣ д̣̇ассид̇аа, баж̇аханагаа бад̇хаанаа, д̇зсан̃жа васзнзд̇т̇а буг̇г̇алажад̇уггам̣ д̣̇ассид̇ам̣. д̇з д̇ан̃жзва баж̇аханд̇ийд̇и баж̇аханагаа батамам̣ г̇ахид̇аа. раасивасзнаад̇и ‘‘ид̇худ̣̇ааяи згажжо буг̇г̇ало’’д̇иаад̣̇инаа жад̇уггз ааг̇ад̇авибхааг̇ам̣ анаамасид̇ваа ‘‘д̇з д̇з’’д̇и бажуравасзна вуд̇д̇ам̣. д̇знааха ‘‘на баадиязггам̣ вибхад̇д̇аа’’д̇и. авибхааг̇зна г̇ахид̇авад̇т̇уусу вибхааг̇ад̇о г̇ахан̣ам̣ логасид̣̇д̇хамзд̇анд̇и д̣̇ассзд̇ум̣ ‘‘яат̇аа наамаа’’д̇иаад̣̇и вуд̇д̇ам̣. баж̇аханагабуг̇г̇алаад̇и ‘‘д̇з д̇ан̃жзва баж̇аханд̇ий’’д̇и звам̣ баж̇аханагабуг̇г̇алаа зва.
154. Heṭṭhā kiñcāpi appajahanakā paṭhamaṃ dassitā, pajahanakā padhānā, tesañca vasenettha puggalacatukkaṃ dassitaṃ. Te tañceva pajahantīti pajahanakā paṭhamaṃ gahitā. Rāsivasenāti ‘‘idhudāyi ekacco puggalo’’tiādinā catukke āgatavibhāgaṃ anāmasitvā ‘‘te te’’ti pacuravasena vuttaṃ. Tenāha ‘‘na pāṭiyekkaṃ vibhattā’’ti. Avibhāgena gahitavatthūsu vibhāgato gahaṇaṃ lokasiddhametanti dassetuṃ ‘‘yathā nāmā’’tiādi vuttaṃ. Pajahanakapuggalāti ‘‘te tañceva pajahantī’’ti evaṃ pajahanakapuggalā eva.
убад̇хиануд̇хааванагаад̇и убад̇хийсу ануануд̇хааванагаа убад̇хияо аараб̣бха бавад̇д̇анагаа. вид̇аггааязваад̇и гаамасан̇габбаад̣̇ивид̇аггааязва. инд̣̇рияанаанад̇д̇ад̇аад̇и вимуд̇д̇ибарибаажагаанам̣ инд̣̇рияаанам̣ баробарияад̇д̇ам̣. д̇асса хи васзнзва д̇з жад̇д̇ааро буг̇г̇алаа ж̇аад̇аа. аг̇г̇амаг̇г̇ад̇т̇ааяа вибассанам̣ уссуггаабзд̇ваа яаава на д̇ам̣ маг̇г̇зна самуг̇гхаад̇знд̇и, д̇аава наббаж̇аханд̇и наама. ид̇и хздтимаа д̇аяоби арияаа аббахийнасса гилзсасса васзна ‘‘наббаж̇аханд̇ий’’д̇и вуд̇д̇аа, баг̇зва бут̇уж̇ж̇анаа. вуд̇д̇анаязна бана вибассанам̣ маг̇г̇зна гхадзнд̇аа д̇з жад̇д̇ааро ж̇анаа аг̇г̇амаг̇г̇агкан̣з баж̇аханд̇и наама. д̇з зва д̇ад̇т̇а сийгхагаарино киббам̣ баж̇аханд̇и наама, д̇знааха ‘‘д̇ад̇т̇аа’’д̇иаад̣̇и.
Upadhianudhāvanakāti upadhīsu anuanudhāvanakā upadhiyo ārabbha pavattanakā. Vitakkāyevāti kāmasaṅkappādivitakkāyeva. Indriyanānattatāti vimuttiparipācakānaṃ indriyānaṃ paropariyattaṃ. Tassa hi vaseneva te cattāro puggalā jātā. Aggamaggatthāya vipassanaṃ ussukkāpetvā yāva na taṃ maggena samugghātenti, tāva nappajahanti nāma. Iti heṭṭhimā tayopi ariyā appahīnassa kilesassa vasena ‘‘nappajahantī’’ti vuttā, pageva puthujjanā. Vuttanayena pana vipassanaṃ maggena ghaṭentā te cattāro janā aggamaggakkhaṇe pajahanti nāma. Te eva tattha sīghakārino khippaṃ pajahanti nāma, tenāha ‘‘tatthā’’tiādi.
сам̣взг̇ам̣ гад̇ваа аг̇г̇им̣ агганд̇абурисо вияа. маг̇г̇знаад̇и ануггамааг̇ад̇зна аг̇г̇амаг̇г̇зна. махаахад̇т̇ибад̣̇обамзд̇и махаахад̇т̇ибад̣̇обамасуд̇д̇з (ма. ни. 1.300 аад̣̇аяо). д̇ад̇т̇а хи ‘‘д̇асса д̇хаад̇аарамман̣амзва жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇ий’’д̇и (ма. ни. 1.302) зд̇т̇а ад̇ид̇игканаад̇ид̇игка-наад̇иманд̣̇аад̇иманд̣̇а-буг̇г̇алавасзна адтагат̇ааяам̣ (ма. ни. адта. 2.302) д̇аяо ваараа уд̣̇д̇хадаа, д̇ад̇т̇а маж̇жхимавасзнзва бан̃хо гат̇ид̇о. инд̣̇рияабхааванзд̇и инд̣̇рияабхааванаасуд̇д̇з, д̇ад̇т̇ааби маж̇жхиманаязнзва бан̃хо гат̇ид̇о. д̇знааха ‘‘имзсуу’’д̇иаад̣̇и.
Saṃvegaṃ katvā aggiṃ akkantapuriso viya. Maggenāti anukkamāgatena aggamaggena. Mahāhatthipadopameti mahāhatthipadopamasutte (ma. ni. 1.300 ādayo). Tattha hi ‘‘tassa dhātārammaṇameva cittaṃ pakkhandati pasīdati santiṭṭhati adhimuccatī’’ti (ma. ni. 1.302) ettha atitikkhanātitikkha-nātimandaatimanda-puggalavasena aṭṭhakathāyaṃ (ma. ni. aṭṭha. 2.302) tayo vārā uddhaṭā, tattha majjhimavaseneva pañho kathito. Indriyabhāvaneti indriyabhāvanāsutte, tatthāpi majjhimanayeneva pañho kathito. Tenāha ‘‘imesū’’tiādi.
д̇анд̇и ‘‘убад̇хий’’д̇и вуд̇д̇ам̣ канд̇хабан̃жагам̣. д̣̇угкасса мууланд̇и саб̣б̣ассаби ваддад̣̇угкасса гааран̣ам̣. ниг̇г̇ахан̣од̇и нирубаад̣̇аано. д̇знааха ‘‘нид̇д̇ан̣хо’’д̇и.
Tanti ‘‘upadhī’’ti vuttaṃ khandhapañcakaṃ. Dukkhassa mūlanti sabbassapi vaṭṭadukkhassa kāraṇaṃ. Niggahaṇoti nirupādāno. Tenāha ‘‘nittaṇho’’ti.
155. яз баж̇аханд̇ийд̇и ‘‘д̇з д̇ан̃жзва баж̇аханд̇ий’’д̇и звам̣ вуд̇д̇абуг̇г̇алаа. д̇з имз наама зд̇д̇агз гилзсз баж̇аханд̇ийд̇и яз д̇з бут̇уж̇ж̇анаа лаабхино жа бан̃жа гаамаг̇ун̣з зд̇д̇агз д̇ам̣д̇ам̣жхаанаад̣̇ивад̇т̇угз жа д̇ам̣д̇ам̣маг̇г̇аваж̇жхад̇ааяа барижчиннад̇д̇аа зд̇д̇агз гилзсз баж̇аханд̇и. яз наббаж̇аханд̇ийд̇и зд̇т̇а вуд̇д̇анаяаанусаарзна ад̇т̇о взд̣̇ид̇аб̣б̣о. асужисукам̣ гааяаасужисанниссид̇ад̇д̇аа. анариязхийд̇и абарисуд̣̇д̇хзхи. бадилаабхад̇о бхааяид̇аб̣б̣ам̣ гилзсад̣̇угкаг̇ад̇игад̇д̇аа. вибаагад̇о бхааяид̇аб̣б̣ам̣ абааяад̣̇угкаг̇ад̇игад̇д̇аа. г̇ан̣ад̇оби гилзсад̇оби вивид̇д̇асуканд̇и г̇ан̣асан̇г̇ан̣игад̇о жа гилзсасан̇г̇ан̣игад̇о жа вивид̇д̇асукам̣. рааг̇аад̣̇ивуубасамад̇т̇ааяаад̇и рааг̇аад̣̇ивуубасамаавахам̣ сукам̣. на бхааяид̇аб̣б̣ам̣ самбад̇и ааяад̇ин̃жа зганд̇ахид̇абхаавад̇о.
155.Ye pajahantīti ‘‘te tañceva pajahantī’’ti evaṃ vuttapuggalā. Te ime nāma ettake kilese pajahantīti ye te puthujjanā lābhino ca pañca kāmaguṇe ettake taṃtaṃjhānādivatthuke ca taṃtaṃmaggavajjhatāya paricchinnattā ettake kilese pajahanti. Ye nappajahantīti ettha vuttanayānusārena attho veditabbo. Asucisukhaṃ kāyāsucisannissitattā. Anariyehīti aparisuddhehi. Paṭilābhato bhāyitabbaṃ kilesadukkhagatikattā. Vipākato bhāyitabbaṃ apāyadukkhagatikattā. Gaṇatopi kilesatopi vivittasukhanti gaṇasaṅgaṇikato ca kilesasaṅgaṇikato ca vivittasukhaṃ. Rāgādivūpasamatthāyāti rāgādivūpasamāvahaṃ sukhaṃ. Na bhāyitabbaṃ sampati āyatiñca ekantahitabhāvato.
156. ин̃ж̇ид̇асминд̇и бажжад̇д̇з бхуммаважананд̇и ааха ‘‘ин̃ж̇ана’’нд̇иаад̣̇и. ин̃ж̇ад̇и д̇знаад̇и ин̃ж̇ид̇ам̣, д̇асса д̇асса жхаанасса кобхагарам̣ ол̣ааригам̣ жхаанан̇г̇ам̣. жад̇уд̇т̇аж̇жхаанам̣ анин̃ж̇анам̣ саннисиннаабхаавад̇о. д̇ат̇аа хи вуд̇д̇ам̣ ‘‘тид̇з аанзн̃ж̇аббад̇д̇з’’д̇и (д̣̇ий. ни. 1.244-245; ма. ни. 1.384-386; баараа. 12-13).
156.Iñjitasminti paccatte bhummavacananti āha ‘‘iñjana’’ntiādi. Iñjati tenāti iñjitaṃ, tassa tassa jhānassa khobhakaraṃ oḷārikaṃ jhānaṅgaṃ. Catutthajjhānaṃ aniñjanaṃ sannisinnābhāvato. Tathā hi vuttaṃ ‘‘ṭhite āneñjappatte’’ti (dī. ni. 1.244-245; ma. ni. 1.384-386; pārā. 12-13).
алам̣-сад̣̇д̣̇о яуд̇д̇ад̇т̇оби ход̇и – ‘‘аламзва ниб̣б̣инд̣̇ид̇ум̣, алам̣ вимужжид̇у’’нд̇иаад̣̇ийсу (д̣̇ий. ни. 2.272; сам̣. ни. 2.124, 128, 134, 143), д̇асмаа аналам̣ анусан̇г̇ам̣ гаад̇ум̣ аяуд̇д̇анд̇и ад̇т̇о. д̇знааха ‘‘агад̇д̇аб̣б̣ааалаяанд̇и вад̣̇аамий’’д̇и. саннидтаананд̇и саммаабадибад̇д̇ияам̣ алам̣ зд̇д̇аавад̇аад̇и уссаахабадиббассамбханавасзна саннидтаанам̣ на гаад̇аб̣б̣анд̇и яож̇анаа. уд̣̇д̇хамбхааг̇ияасан̃н̃ид̇ам̣ ан̣ум̣ ваа орамбхааг̇ияасан̃н̃ид̇ам̣ т̇уулам̣ ваа, руубарааг̇од̇и зваруубам̣ ан̣ум̣ ваа гаамаасаво бадигханд̇и зваруубам̣ т̇уулам̣ ваа, муд̣̇унаа бавад̇д̇иаагаарависзсзна аббасааваж̇ж̇ам̣, гаммаб̣анд̇ханадтзна ваа аббасааваж̇ж̇ам̣, д̇аб̣б̣ибарияааяад̇о махаасааваж̇ж̇ам̣ взд̣̇ид̇аб̣б̣ам̣. наад̇ид̇игкабан̃н̃асса васзна д̣̇зсанааяа бавад̇д̇ад̇д̇аа ‘‘нзяяабуг̇г̇аласса васзнаа’’д̇и вуд̇д̇ам̣. саб̣б̣асо хи барияаад̣̇иннаниганд̇игасса арияабуг̇г̇аласса васзна сан̃н̃аавзд̣̇аяид̇анирод̇хасса ааг̇ад̇ад̇д̇аа ‘‘арахад̇д̇анигуудзнзва нидтаабид̇аа’’д̇и вуд̇д̇ам̣. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ сувин̃н̃зяяамзва.
Alaṃ-saddo yuttatthopi hoti – ‘‘alameva nibbindituṃ, alaṃ vimuccitu’’ntiādīsu (dī. ni. 2.272; saṃ. ni. 2.124, 128, 134, 143), tasmā analaṃ anusaṅgaṃ kātuṃ ayuttanti attho. Tenāha ‘‘akattabbaālayanti vadāmī’’ti. Sanniṭṭhānanti sammāpaṭipattiyaṃ alaṃ ettāvatāti ussāhapaṭippassambhanavasena sanniṭṭhānaṃ na kātabbanti yojanā. Uddhambhāgiyasaññitaṃ aṇuṃ vā orambhāgiyasaññitaṃ thūlaṃ vā, rūparāgoti evarūpaṃ aṇuṃ vā kāmāsavo paṭighanti evarūpaṃ thūlaṃ vā, mudunā pavattiākāravisesena appasāvajjaṃ, kammabandhanaṭṭhena vā appasāvajjaṃ, tabbipariyāyato mahāsāvajjaṃ veditabbaṃ. Nātitikkhapaññassa vasena desanāya pavattattā ‘‘neyyapuggalassa vasenā’’ti vuttaṃ. Sabbaso hi pariyādinnanikantikassa ariyapuggalassa vasena saññāvedayitanirodhassa āgatattā ‘‘arahattanikūṭeneva niṭṭhāpitā’’ti vuttaṃ. Yaṃ panettha atthato na vibhattaṃ, taṃ suviññeyyameva.
ладугигобамасуд̇д̇аван̣н̣анааяа лийнад̇т̇аббагаасанаа самад̇д̇аа.
Laṭukikopamasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. ладугигобамасуд̇д̇ам̣ • 6. Laṭukikopamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. ладугигобамасуд̇д̇аван̣н̣анаа • 6. Laṭukikopamasuttavaṇṇanā
