| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. лзкасуд̇д̇ам̣
10. Lekhasuttaṃ
133. ‘‘д̇аяомз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз д̇аяо? баасаан̣алзкуубамо буг̇г̇ало, бат̇авилзкуубамо буг̇г̇ало, уд̣̇агалзкуубамо буг̇г̇ало. гад̇амо жа, бхигкавз, баасаан̣алзкуубамо буг̇г̇ало? ид̇ха, бхигкавз, згажжо буг̇г̇ало абхин̣хам̣ гуж̇жхад̇и. со жа квасса год̇хо д̣̇ийгхарад̇д̇ам̣ анусзд̇и. сзяяат̇ааби, бхигкавз, баасаан̣з лзкаа на киббам̣ луж̇ж̇ад̇и ваад̇зна ваа уд̣̇агзна ваа, жирадтид̇игаа ход̇и; звамзвам̣ ко, бхигкавз, ид̇хзгажжо буг̇г̇ало абхин̣хам̣ гуж̇жхад̇и. со жа квасса год̇хо д̣̇ийгхарад̇д̇ам̣ анусзд̇и. аяам̣ вужжад̇и, бхигкавз, баасаан̣алзкуубамо буг̇г̇ало.
133. ‘‘Tayome, bhikkhave, puggalā santo saṃvijjamānā lokasmiṃ. Katame tayo? Pāsāṇalekhūpamo puggalo, pathavilekhūpamo puggalo, udakalekhūpamo puggalo. Katamo ca, bhikkhave, pāsāṇalekhūpamo puggalo? Idha, bhikkhave, ekacco puggalo abhiṇhaṃ kujjhati. So ca khvassa kodho dīgharattaṃ anuseti. Seyyathāpi, bhikkhave, pāsāṇe lekhā na khippaṃ lujjati vātena vā udakena vā, ciraṭṭhitikā hoti; evamevaṃ kho, bhikkhave, idhekacco puggalo abhiṇhaṃ kujjhati. So ca khvassa kodho dīgharattaṃ anuseti. Ayaṃ vuccati, bhikkhave, pāsāṇalekhūpamo puggalo.
‘‘гад̇амо жа, бхигкавз, бат̇авилзкуубамо буг̇г̇ало? ид̇ха, бхигкавз, згажжо буг̇г̇ало абхин̣хам̣ гуж̇жхад̇и. со жа квасса год̇хо на д̣̇ийгхарад̇д̇ам̣ анусзд̇и. сзяяат̇ааби, бхигкавз, бат̇авияаа лзкаа киббам̣ луж̇ж̇ад̇и ваад̇зна ваа уд̣̇агзна ваа, на жирадтид̇игаа ход̇и; звамзвам̣ ко, бхигкавз, ид̇хзгажжо буг̇г̇ало абхин̣хам̣ гуж̇жхад̇и. со жа квасса год̇хо на д̣̇ийгхарад̇д̇ам̣ анусзд̇и. аяам̣ вужжад̇и, бхигкавз, бат̇авилзкуубамо буг̇г̇ало.
‘‘Katamo ca, bhikkhave, pathavilekhūpamo puggalo? Idha, bhikkhave, ekacco puggalo abhiṇhaṃ kujjhati. So ca khvassa kodho na dīgharattaṃ anuseti. Seyyathāpi, bhikkhave, pathaviyā lekhā khippaṃ lujjati vātena vā udakena vā, na ciraṭṭhitikā hoti; evamevaṃ kho, bhikkhave, idhekacco puggalo abhiṇhaṃ kujjhati. So ca khvassa kodho na dīgharattaṃ anuseti. Ayaṃ vuccati, bhikkhave, pathavilekhūpamo puggalo.
‘‘гад̇амо жа, бхигкавз, уд̣̇агалзкуубамо буг̇г̇ало? ид̇ха, бхигкавз, згажжо буг̇г̇ало ааг̇аал̣хзнаби вужжамаано парусзнаби вужжамаано аманаабзнаби вужжамаано санд̇хияад̇имзва 1 сам̣санд̣̇ад̇имзва 2 саммод̣̇ад̇имзва 3. сзяяат̇ааби, бхигкавз, уд̣̇агз лзкаа киббам̣язва бадивиг̇ажчад̇и, на жирадтид̇игаа ход̇и; звамзвам̣ ко, бхигкавз, ид̇хзгажжо буг̇г̇ало ааг̇аал̣хзнаби вужжамаано парусзнаби вужжамаано аманаабзнаби вужжамаано санд̇хияад̇имзва сам̣санд̣̇ад̇имзва саммод̣̇ад̇имзва. аяам̣ вужжад̇и, бхигкавз, уд̣̇агалзкуубамо буг̇г̇ало. имз ко, бхигкавз, д̇аяо буг̇г̇алаа санд̇о сам̣виж̇ж̇амаанаа логасми’’нд̇и 4. д̣̇асамам̣.
‘‘Katamo ca, bhikkhave, udakalekhūpamo puggalo? Idha, bhikkhave, ekacco puggalo āgāḷhenapi vuccamāno pharusenapi vuccamāno amanāpenapi vuccamāno sandhiyatimeva 5 saṃsandatimeva 6 sammodatimeva 7. Seyyathāpi, bhikkhave, udake lekhā khippaṃyeva paṭivigacchati, na ciraṭṭhitikā hoti; evamevaṃ kho, bhikkhave, idhekacco puggalo āgāḷhenapi vuccamāno pharusenapi vuccamāno amanāpenapi vuccamāno sandhiyatimeva saṃsandatimeva sammodatimeva. Ayaṃ vuccati, bhikkhave, udakalekhūpamo puggalo. Ime kho, bhikkhave, tayo puggalā santo saṃvijjamānā lokasmi’’nti 8. Dasamaṃ.
гусинаараваг̇г̇о д̇зрасамо.
Kusināravaggo terasamo.
д̇ассуд̣̇д̣̇аанам̣ –
Tassuddānaṃ –
гусинаарабхан̣д̣анаа жзва, г̇од̇амабхаран̣д̣ухад̇т̇аго;
Kusinārabhaṇḍanā ceva, gotamabharaṇḍuhatthako;
гадувияам̣ д̣̇вз ануруд̣̇д̇хаа, бадижчаннам̣ лзкзна д̇з д̣̇асаад̇и.
Kaṭuviyaṃ dve anuruddhā, paṭicchannaṃ lekhena te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. лзкасуд̇д̇аван̣н̣анаа • 10. Lekhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. лзкасуд̇д̇аван̣н̣анаа • 10. Lekhasuttavaṇṇanā
