| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਲੇਖਸੁਤ੍ਤવਣ੍ਣਨਾ
10. Lekhasuttavaṇṇanā
੧੩੩. ਦਸਮੇ ਥਿਰਟ੍ਠਾਨਤੋਤਿ ਥਿਰਟ੍ਠਾਨਤੋવ। ਪਾਸਾਣੇ ਲੇਖਸਦਿਸਾ ਪਰਾਪਰਾਧਨਿਬ੍ਬਤ੍ਤਾ ਕੋਧਲੇਖਾ ਯਸ੍ਸ ਸੋ ਪਾਸਾਣਲੇਖੂਪਮਸਮਨ੍ਨਾਗਤੋ ਪਾਸਾਣਲੇਖੂਪਮੋਤਿ વੁਤ੍ਤੋ। ਏવਂ ਇਤਰੇਪਿ। ਅਨੁਸੇਤੀਤਿ ਅਪ੍ਪਹੀਨਤਾਯ ਅਨੁਸੇਤਿ। ਨ ਖਿਪ੍ਪਂ ਲੁਜ੍ਜਤੀਤਿ ਨ ਅਨ੍ਤਰਾ ਨਸ੍ਸਤਿ ਕਮ੍ਮਟ੍ਠਾਨੇਨੇવ ਨਸ੍ਸਨਤੋ। ਏવਮੇવਨ੍ਤਿ ਏવਂ ਤਸ੍ਸਪਿ ਪੁਗ੍ਗਲਸ੍ਸ ਕੋਧੋ ਨ ਅਨ੍ਤਰਾ ਪੁਨਦਿવਸੇ વਾ ਅਪਰਦਿવਸੇ વਾ ਨਿਟ੍ਠਾਤਿ, ਅਦ੍ਧਨਿਯੋ ਪਨ ਹੋਤਿ, ਮਰਣੇਨੇવ ਨਿਟ੍ਠਾਤੀਤਿ ਅਤ੍ਥੋ। ਕਕ੍ਖਲ਼ੇਨਾਤਿ ਅਤਿਕਕ੍ਖਲ਼ੇਨ ਧਮ੍ਮਚ੍ਛੇਦਕੇਨ ਥਦ੍ਧવਚਨੇਨ। ਸਂਸਨ੍ਦਤੀਤਿ ਏਕੀਭવਤਿ। ਸਮ੍ਮੋਦਤੀਤਿ ਨਿਰਨ੍ਤਰੋ ਹੋਤੀਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ।
133. Dasame thiraṭṭhānatoti thiraṭṭhānatova. Pāsāṇe lekhasadisā parāparādhanibbattā kodhalekhā yassa so pāsāṇalekhūpamasamannāgato pāsāṇalekhūpamoti vutto. Evaṃ itarepi. Anusetīti appahīnatāya anuseti. Na khippaṃ lujjatīti na antarā nassati kammaṭṭhāneneva nassanato. Evamevanti evaṃ tassapi puggalassa kodho na antarā punadivase vā aparadivase vā niṭṭhāti, addhaniyo pana hoti, maraṇeneva niṭṭhātīti attho. Kakkhaḷenāti atikakkhaḷena dhammacchedakena thaddhavacanena. Saṃsandatīti ekībhavati. Sammodatīti nirantaro hotīti evamettha attho daṭṭhabbo.
ਅਥ વਾ ਸਨ੍ਧਿਯਤੀਤਿ ਠਾਨਗਮਨਾਦੀਸੁ ਕਾਯਕਿਰਿਯਾਸੁ ਕਾਯੇਨ ਸਮੋਧਾਨਂ ਗਚ੍ਛਤਿ, ਤਿਲਤਣ੍ਡੁਲਾ વਿਯ ਮਿਸ੍ਸੀਭਾવਂ ਉਪੇਤੀਤਿ ਅਤ੍ਥੋ। ਸਂਸਨ੍ਦਤੀਤਿ ਚਿਤ੍ਤਕਿਰਿਯਾਸੁ ਚਿਤ੍ਤੇਨ ਸਮੋਧਾਨਂ ਗਚ੍ਛਤਿ, ਖੀਰੋਦਕਂ વਿਯ ਏਕੀਭਾવਂ ਉਪੇਤੀਤਿ ਅਤ੍ਥੋ। ਸਮ੍ਮੋਦਤੀਤਿ ਉਦ੍ਦੇਸਪਰਿਪੁਚ੍ਛਾਦੀਸੁ વਚੀਕਿਰਿਯਾਸੁ વਾਚਾਯ ਸਮੋਧਾਨਂ ਗਚ੍ਛਤਿ, વਿਪ੍ਪવਾਸਾਗਤੋਪਿ ਪਿਯਸਹਾਯਕੋ વਿਯ ਪਿਯਤਰਭਾવਂ ਉਪੇਤੀਤਿ ਅਤ੍ਥੋ। ਅਪਿਚ ਕਿਚ੍ਚਕਰਣੀਯੇਸੁ ਤੇਹਿ ਸਦ੍ਧਿਂ ਆਦੀਤੋવ ਏਕਕਿਰਿਯਾਭਾવਂ ਉਪਗਚ੍ਛਨ੍ਤੋ ਸਨ੍ਧਿਯਤਿ, ਯਾવ ਮਜ੍ਝਾ ਪવਤ੍ਤਨ੍ਤੋ ਸਂਸਨ੍ਦਤਿ, ਯਾવ ਪਰਿਯੋਸਾਨਾ ਅਨਿવਤ੍ਤਨ੍ਤੋ ਸਮ੍ਮੋਦਤੀਤਿ વੇਦਿਤਬ੍ਬੋ।
Atha vā sandhiyatīti ṭhānagamanādīsu kāyakiriyāsu kāyena samodhānaṃ gacchati, tilataṇḍulā viya missībhāvaṃ upetīti attho. Saṃsandatīti cittakiriyāsu cittena samodhānaṃ gacchati, khīrodakaṃ viya ekībhāvaṃ upetīti attho. Sammodatīti uddesaparipucchādīsu vacīkiriyāsu vācāya samodhānaṃ gacchati, vippavāsāgatopi piyasahāyako viya piyatarabhāvaṃ upetīti attho. Apica kiccakaraṇīyesu tehi saddhiṃ ādītova ekakiriyābhāvaṃ upagacchanto sandhiyati, yāva majjhā pavattanto saṃsandati, yāva pariyosānā anivattanto sammodatīti veditabbo.
ਲੇਖਸੁਤ੍ਤવਣ੍ਣਨਾ ਨਿਟ੍ਠਿਤਾ।
Lekhasuttavaṇṇanā niṭṭhitā.
ਕੁਸਿਨਾਰવਗ੍ਗવਣ੍ਣਨਾ ਨਿਟ੍ਠਿਤਾ।
Kusināravaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਲੇਖਸੁਤ੍ਤਂ • 10. Lekhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਲੇਖਸੁਤ੍ਤવਣ੍ਣਨਾ • 10. Lekhasuttavaṇṇanā
