| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਲਿਚ੍ਛવਿਕੁਮਾਰਕਸੁਤ੍ਤવਣ੍ਣਨਾ
8. Licchavikumārakasuttavaṇṇanā
੫੮. ਅਟ੍ਠਮੇ ਸਜ੍ਜਾਨਿ ਧਨੂਨੀਤਿ ਸਜਿਯਾਨਿ ਆਰੋਪਿਤਧਨੂਨਿ। ਅਦ੍ਦਸੂਤਿ ਅਦ੍ਦਸਂਸੁ। ਭવਿਸ੍ਸਨ੍ਤਿ વਜ੍ਜੀਤਿ વਡ੍ਢਿਸ੍ਸਨ੍ਤਿ વਜ੍ਜਿਰਾਜਾਨੋ। ਅਪਾਨੁਭਾਤਿ ਅવਡ੍ਢਿਨਿਸ੍ਸਿਤਾ ਮਾਨਥਦ੍ਧਾ। ਪਚ੍ਛਾਲਿਯਂ ਖਿਪਨ੍ਤੀਤਿ ਪਚ੍ਛਤੋ ਗਨ੍ਤ੍વਾ ਪਿਟ੍ਠਿਂ ਪਾਦੇਨ ਪਹਰਨ੍ਤਿ। ਰਟ੍ਠਿਕਸ੍ਸਾਤਿਆਦੀਸੁ ਰਟ੍ਠਂ ਭੁਞ੍ਜਤੀਤਿ ਰਟ੍ਠਿਕੋ। ਪਿਤਰਾ ਦਤ੍ਤਂ ਸਾਪਤੇਯ੍ਯਂ ਭੁਞ੍ਜਤੀਤਿ ਪੇਤ੍ਤਨਿਕੋ। ਸੇਨਾਯ ਪਤਿ ਜੇਟ੍ਠਕੋਤਿ ਸੇਨਾਪਤਿਕੋ। ਗਾਮਗਾਮਣਿਕਸ੍ਸਾਤਿ ਗਾਮਾਨਂ ਗਾਮਣਿਕਸ੍ਸ, ਗਾਮਸਾਮਿਕਸ੍ਸਾਤਿ ਅਤ੍ਥੋ। ਪੂਗਗਾਮਣਿਕਸ੍ਸਾਤਿ ਗਣਜੇਟ੍ਠਕਸ੍ਸ। ਕੁਲੇਸੂਤਿ ਤੇਸੁ ਤੇਸੁ ਕੁਲੇਸੁ। ਪਚ੍ਚੇਕਾਧਿਪਚ੍ਚਂ ਕਾਰੇਨ੍ਤੀਤਿ ਪਚ੍ਚੇਕਂ ਜੇਟ੍ਠਕਟ੍ਠਾਨਂ ਕਾਰੇਨ੍ਤਿ। ਕਲ੍ਯਾਣੇਨ ਮਨਸਾ ਅਨੁਕਮ੍ਪਨ੍ਤੀਤਿ ਸੁਨ੍ਦਰੇਨ ਚਿਤ੍ਤੇਨ ਅਨੁਗ੍ਗਣ੍ਹਨ੍ਤਿ। ਖੇਤ੍ਤਕਮ੍ਮਨ੍ਤਸਾਮਨ੍ਤਸਬ੍ਯੋਹਾਰੇਤਿ ਯੇ ਚ ਅਤ੍ਤਨੋ ਖੇਤ੍ਤਕਮ੍ਮਨ੍ਤਾਨਂ ਸਾਮਨ੍ਤਾ ਅਨਨ੍ਤਰਕ੍ਖੇਤ੍ਤਸਾਮਿਨੋ, ਤੇ ਚ ਰਜ੍ਜੁਦਣ੍ਡੇਹਿ ਭੂਮਿਪ੍ਪਮਾਣਗ੍ਗਾਹਕੇ ਸਬ੍ਬੋਹਾਰੇ ਚ। ਬਲਿਪਟਿਗ੍ਗਾਹਿਕਾ ਦੇવਤਾਤਿ ਕੁਲਪ੍ਪવੇਣਿਯਾ ਆਗਤਾ ਆਰਕ੍ਖਦੇવਤਾ। ਸਕ੍ਕਰੋਤੀਤਿ ਤਾ ਦੇવਤਾ ਅਗ੍ਗਯਾਗੁਭਤ੍ਤਾਦੀਹਿ ਸਕ੍ਕਰੋਤਿ।
58. Aṭṭhame sajjāni dhanūnīti sajiyāni āropitadhanūni. Addasūti addasaṃsu. Bhavissanti vajjīti vaḍḍhissanti vajjirājāno. Apānubhāti avaḍḍhinissitā mānathaddhā. Pacchāliyaṃ khipantīti pacchato gantvā piṭṭhiṃ pādena paharanti. Raṭṭhikassātiādīsu raṭṭhaṃ bhuñjatīti raṭṭhiko. Pitarā dattaṃ sāpateyyaṃ bhuñjatīti pettaniko. Senāya pati jeṭṭhakoti senāpatiko. Gāmagāmaṇikassāti gāmānaṃ gāmaṇikassa, gāmasāmikassāti attho. Pūgagāmaṇikassāti gaṇajeṭṭhakassa. Kulesūti tesu tesu kulesu. Paccekādhipaccaṃ kārentīti paccekaṃ jeṭṭhakaṭṭhānaṃ kārenti. Kalyāṇena manasā anukampantīti sundarena cittena anuggaṇhanti. Khettakammantasāmantasabyohāreti ye ca attano khettakammantānaṃ sāmantā anantarakkhettasāmino, te ca rajjudaṇḍehi bhūmippamāṇaggāhake sabbohāre ca. Balipaṭiggāhikādevatāti kulappaveṇiyā āgatā ārakkhadevatā. Sakkarotīti tā devatā aggayāgubhattādīhi sakkaroti.
ਕਿਚ੍ਚਕਰੋਤਿ ਉਪ੍ਪਨ੍ਨਾਨਂ ਕਿਚ੍ਚਾਨਂ ਕਾਰਕੋ। ਯੇ ਚਸ੍ਸ ਅਨੁਜੀવਿਨੋਤਿ ਯੇ ਚ ਏਤਂ ਉਪਨਿਸ੍ਸਾਯ ਜੀવਨ੍ਤਿ। ਉਭਿਨ੍ਨਞ੍ਚੇવ ਅਤ੍ਥਾਯਾਤਿ ਉਭਿਨ੍ਨਮ੍ਪਿ ਹਿਤਤ੍ਥਾਯ ਪਟਿਪਨ੍ਨੋ ਹੋਤੀਤਿ ਅਤ੍ਥੋ। ਪੁਬ੍ਬਪੇਤਾਨਨ੍ਤਿ ਪਰਲੋਕਗਤਾਨਂ। ਦਿਟ੍ਠੇ ਧਮ੍ਮੇ ਚ ਜੀવਤਨ੍ਤਿ ਯੇ ਚ ਦਿਟ੍ਠੇ ਧਮ੍ਮੇ ਜੀવਨ੍ਤਿ। ਇਤਿ ਪਦਦ੍વਯੇਨਾਪਿ ਅਤੀਤਪਚ੍ਚੁਪ੍ਪਨ੍ਨੇ ਞਾਤਯੋ ਦਸ੍ਸੇਤਿ। વਿਤ੍ਤਿਸਞ੍ਜਨਨੋਤਿ ਤੁਟ੍ਠਿਜਨਨੋ। ਘਰਮਾવਸਨ੍ਤਿ ਘਰਾવਾਸਂ વਸਨ੍ਤੋ। ਪੁਜ੍ਜੋ ਹੋਤਿ ਪਸਂਸਿਯੋਤਿ ਪੂਜੇਤਬ੍ਬੋ ਚ ਪਸਂਸਿਤਬ੍ਬੋ ਚ ਹੋਤੀਤਿ।
Kiccakaroti uppannānaṃ kiccānaṃ kārako. Ye cassa anujīvinoti ye ca etaṃ upanissāya jīvanti. Ubhinnañceva atthāyāti ubhinnampi hitatthāya paṭipanno hotīti attho. Pubbapetānanti paralokagatānaṃ. Diṭṭhe dhamme ca jīvatanti ye ca diṭṭhe dhamme jīvanti. Iti padadvayenāpi atītapaccuppanne ñātayo dasseti. Vittisañjananoti tuṭṭhijanano. Gharamāvasanti gharāvāsaṃ vasanto. Pujjo hoti pasaṃsiyoti pūjetabbo ca pasaṃsitabbo ca hotīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਲਿਚ੍ਛવਿਕੁਮਾਰਕਸੁਤ੍ਤਂ • 8. Licchavikumārakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੧੦. ਲਿਚ੍ਛવਿਕੁਮਾਰਕਸੁਤ੍ਤਾਦਿવਣ੍ਣਨਾ • 8-10. Licchavikumārakasuttādivaṇṇanā
