| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
177. лижчавийвад̇т̇у
177. Licchavīvatthu
289. 1 ассосум̣ ко взсаалигаа лижчавий – бхаг̇аваа гира годиг̇аамам̣ ануббад̇д̇од̇и. ат̇а ко взсаалигаа лижчавий бхад̣̇раани бхад̣̇раани яаанаани яож̇аабзд̇ваа бхад̣̇рам̣ бхад̣̇рам̣ яаанам̣ абхирухид̇ваа бхад̣̇рзхи бхад̣̇рзхи яаанзхи взсаалияаа нияяаасум̣ бхаг̇аванд̇ам̣ д̣̇ассанааяа. аббзгажжз лижчавий нийлаа хонд̇и нийлаван̣н̣аа нийлавад̇т̇аа нийлаалан̇гаараа, аббзгажжз лижчавий бийд̇аа хонд̇и бийд̇аван̣н̣аа бийд̇авад̇т̇аа бийд̇аалан̇гаараа, аббзгажжз лижчавий лохид̇аа хонд̇и лохид̇аван̣н̣аа лохид̇авад̇т̇аа лохид̇аалан̇гаараа, аббзгажжз лижчавий од̣̇аад̇аа хонд̇и од̣̇аад̇аван̣н̣аа од̣̇аад̇авад̇т̇аа од̣̇аад̇аалан̇гаараа. ат̇а ко амб̣абаалий г̇ан̣игаа д̣̇ахараанам̣ д̣̇ахараанам̣ лижчавийнам̣ ийсааяа ийсам̣ яуг̇зна яуг̇ам̣ жаггзна жаггам̣ агкзна агкам̣ бадиваддзси 2. ат̇а ко д̇з лижчавий амб̣абаалим̣ г̇ан̣игам̣ зд̇ад̣̇авожум̣ – ‘‘гисса, ж̇з амб̣абаали, д̣̇ахараанам̣ д̣̇ахараанам̣ 3 лижчавийнам̣ ийсааяа ийсам̣ яуг̇зна яуг̇ам̣ жаггзна жаггам̣ агкзна агкам̣ бадиваддзсий’’д̇и? ‘‘д̇ат̇аа хи бана маяаа, аяяабуд̇д̇аа, сваад̇анааяа б̣уд̣̇д̇хаббамуко бхигкусан̇гхо ниманд̇ид̇о’’д̇и. ‘‘д̣̇зхи, ж̇з амб̣абаали, амхаагам̣ зд̇ам̣ бхад̇д̇ам̣ сад̇асахассзнаа’’д̇и. ‘‘сажзби мз, аяяабуд̇д̇аа, взсаалим̣ саахаарам̣ д̣̇аж̇ж̇зяяаат̇а, нзва д̣̇аж̇ж̇аахам̣ д̇ам̣ бхад̇д̇а’’нд̇и. ат̇а ко д̇з лижчавий ан̇г̇улим̣ подзсум̣ – ‘‘ж̇ид̇амхаа вад̇а, бхо, амб̣агааяа, барааж̇ид̇амха вад̇а, бхо, амб̣агааяаа’’д̇и. ат̇а ко д̇з лижчавий язна бхаг̇аваа д̇знубасан̇гамим̣су. ад̣̇д̣̇асаа ко бхаг̇аваа д̇з лижчавий д̣̇уурад̇ова ааг̇ажчанд̇з, д̣̇исваана бхигкуу ааманд̇зси – ‘‘язхи, бхигкавз, бхигкуухи д̣̇зваа д̇аавад̇им̣саа ад̣̇идтабуб̣б̣аа, ологзт̇а, бхигкавз, лижчавийбарисам̣; абалогзт̇а, бхигкавз, лижчавийбарисам̣; убасам̣харат̇а, бхигкавз, лижчавийбарисам̣ д̇аавад̇им̣сабариса’’нд̇и. ат̇а ко д̇з лижчавий яаавад̇игаа яаанасса бхууми, яаанзна г̇анд̇ваа яаанаа бажжорохид̇ваа бад̇д̇игаава язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з лижчавий бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко д̇з лижчавий, бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ зд̇ад̣̇авожум̣ – ‘‘ад̇хиваасзд̇у но, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ‘‘ад̇хивудтомхи, лижчавий, сваад̇анааяа амб̣абаалияаа г̇ан̣игааяа бхад̇д̇а’’нд̇и. ат̇а ко д̇з лижчавий ан̇г̇улим̣ подзсум̣ – ‘‘ж̇ид̇амха вад̇а, бхо, амб̣агааяа, барааж̇ид̇амха вад̇а , бхо, амб̣агааяаа’’д̇и. ат̇а ко д̇з лижчавий бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су.
289.4 Assosuṃ kho vesālikā licchavī – bhagavā kira koṭigāmaṃ anuppattoti. Atha kho vesālikā licchavī bhadrāni bhadrāni yānāni yojāpetvā bhadraṃ bhadraṃ yānaṃ abhiruhitvā bhadrehi bhadrehi yānehi vesāliyā niyyāsuṃ bhagavantaṃ dassanāya. Appekacce licchavī nīlā honti nīlavaṇṇā nīlavatthā nīlālaṅkārā, appekacce licchavī pītā honti pītavaṇṇā pītavatthā pītālaṅkārā, appekacce licchavī lohitā honti lohitavaṇṇā lohitavatthā lohitālaṅkārā, appekacce licchavī odātā honti odātavaṇṇā odātavatthā odātālaṅkārā. Atha kho ambapālī gaṇikā daharānaṃ daharānaṃ licchavīnaṃ īsāya īsaṃ yugena yugaṃ cakkena cakkaṃ akkhena akkhaṃ paṭivaṭṭesi 5. Atha kho te licchavī ambapāliṃ gaṇikaṃ etadavocuṃ – ‘‘kissa, je ambapāli, daharānaṃ daharānaṃ 6 licchavīnaṃ īsāya īsaṃ yugena yugaṃ cakkena cakkaṃ akkhena akkhaṃ paṭivaṭṭesī’’ti? ‘‘Tathā hi pana mayā, ayyaputtā, svātanāya buddhappamukho bhikkhusaṅgho nimantito’’ti. ‘‘Dehi, je ambapāli, amhākaṃ etaṃ bhattaṃ satasahassenā’’ti. ‘‘Sacepi me, ayyaputtā, vesāliṃ sāhāraṃ dajjeyyātha, neva dajjāhaṃ taṃ bhatta’’nti. Atha kho te licchavī aṅguliṃ phoṭesuṃ – ‘‘jitamhā vata, bho, ambakāya, parājitamha vata, bho, ambakāyā’’ti. Atha kho te licchavī yena bhagavā tenupasaṅkamiṃsu. Addasā kho bhagavā te licchavī dūratova āgacchante, disvāna bhikkhū āmantesi – ‘‘yehi, bhikkhave, bhikkhūhi devā tāvatiṃsā adiṭṭhapubbā, oloketha, bhikkhave, licchavīparisaṃ; apaloketha, bhikkhave, licchavīparisaṃ; upasaṃharatha, bhikkhave, licchavīparisaṃ tāvatiṃsaparisa’’nti. Atha kho te licchavī yāvatikā yānassa bhūmi, yānena gantvā yānā paccorohitvā pattikāva yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te licchavī bhagavā dhammiyā kathāya sandassesi samādapesi samuttejesi sampahaṃsesi. Atha kho te licchavī, bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ etadavocuṃ – ‘‘adhivāsetu no, bhante, bhagavā svātanāya bhattaṃ saddhiṃ bhikkhusaṅghenā’’ti. ‘‘Adhivuṭṭhomhi, licchavī, svātanāya ambapāliyā gaṇikāya bhatta’’nti. Atha kho te licchavī aṅguliṃ phoṭesuṃ – ‘‘jitamha vata, bho, ambakāya, parājitamha vata , bho, ambakāyā’’ti. Atha kho te licchavī bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pakkamiṃsu.
ат̇а ко бхаг̇аваа годиг̇аамз яат̇аабхиранд̇ам̣ вихарид̇ваа 7 язна наад̇игаа 8 д̇знубасан̇гами. д̇ад̇ра суд̣̇ам̣ бхаг̇аваа наад̇игз вихарад̇и г̇ин̃ж̇агаавасат̇з. ат̇а ко амб̣абаалий г̇ан̣игаа д̇ассаа рад̇д̇ияаа ажжаязна сагз аараамз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна амб̣абаалияаа г̇ан̣игааяа баривзсанаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна . ат̇а ко амб̣абаалий г̇ан̣игаа б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннаа ко амб̣абаалий г̇ан̣игаа бхаг̇аванд̇ам̣ зд̇ад̣̇авожа – ‘‘имаахам̣, бханд̇з, амб̣аванам̣ б̣уд̣̇д̇хаббамукасса бхигкусан̇гхасса д̣̇аммий’’д̇и. бадиг̇г̇ахзси бхаг̇аваа аараамам̣. ат̇а ко бхаг̇аваа амб̣абаалим̣ г̇ан̣игам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа язна махааванам̣ д̇знубасан̇гами. д̇ад̇ра суд̣̇ам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣.
Atha kho bhagavā koṭigāme yathābhirantaṃ viharitvā 9 yena nātikā 10 tenupasaṅkami. Tatra sudaṃ bhagavā nātike viharati giñjakāvasathe. Atha kho ambapālī gaṇikā tassā rattiyā accayena sake ārāme paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena ambapāliyā gaṇikāya parivesanā tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena . Atha kho ambapālī gaṇikā buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappetvā sampavāretvā bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinnā kho ambapālī gaṇikā bhagavantaṃ etadavoca – ‘‘imāhaṃ, bhante, ambavanaṃ buddhappamukhassa bhikkhusaṅghassa dammī’’ti. Paṭiggahesi bhagavā ārāmaṃ. Atha kho bhagavā ambapāliṃ gaṇikaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā yena mahāvanaṃ tenupasaṅkami. Tatra sudaṃ bhagavā vesāliyaṃ viharati mahāvane kūṭāgārasālāyaṃ.
лижчавийвад̇т̇у нидтид̇ам̣.
Licchavīvatthu niṭṭhitaṃ.
лижчавибхаан̣авааро нидтид̇о д̇ад̇ияо.
Licchavibhāṇavāro niṭṭhito tatiyo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баадалиг̇аамавад̇т̇угат̇аа • Pāṭaligāmavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / лижчавийвад̇т̇угат̇ааван̣н̣анаа • Licchavīvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / годиг̇аамзсажжагат̇ааван̣н̣анаа • Koṭigāmesaccakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 173. баадалиг̇аамавад̇т̇угат̇аа • 173. Pāṭaligāmavatthukathā
