| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
лижчавийвад̇т̇угат̇ааван̣н̣анаа
Licchavīvatthukathāvaṇṇanā
289. нийлаад̇и ид̣̇ам̣ саб̣б̣асан̇г̇аахагаважанам̣. нийлаван̣н̣аад̇иаад̣̇и д̇ассзва вибхааг̇ад̣̇ассанад̇т̇ам̣. д̇ад̇т̇а на д̇зсам̣ багад̇иван̣н̣о нийло, нийлавилзбанавилид̇д̇ад̇д̇аа банзд̇ам̣ вуд̇д̇ам̣. нийлавад̇т̇аад̇и бадад̣̇угуулагосзяяаад̣̇ийниби нзсам̣ нийлаанзва хонд̇и. нийлаалан̇гаараад̇и нийламан̣иалан̇гаарзхи нийлабубпзхи жа алан̇гад̇аа. д̇з гира алан̇гаараа суван̣н̣авижид̇д̇ааби инд̣̇анийламан̣иобхаасзхи зганийлаа вияа кааяанд̇и, рат̇ааби нзсам̣ нийламан̣икажид̇аа нийлавад̇т̇абаригкид̇д̇аа нийлад̇хаж̇анийлаваммигзхи нийлаабхаран̣зхи нийлаассзхи яуд̇д̇аа, бад̇од̣̇аяадтияоби нийлааязваад̇и иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. бадиваддзсийд̇и бахари. гисса ж̇з амб̣абаалийд̇и ж̇з-д̇и аалабанам̣, бход̇и амб̣абаали гим̣гааран̣аад̇и вуд̇д̇ам̣ ход̇и. саахааранд̇и зд̇т̇а аахаранд̇и имасмаа рааж̇абурисаа б̣алинд̇и аахааро, д̇аб̣бхуд̇д̇аж̇анабад̣̇о. д̇зна сахид̇ам̣ саахаарам̣, саж̇анабад̣̇анд̇и ад̇т̇о. ан̇г̇улим̣ подзсунд̇и ан̇г̇улим̣ жаалзсум̣. амб̣агааяаад̇и маад̇уг̇аамзна. убажаараважанан̃хзд̇ам̣, ид̇т̇ийсу яад̣̇ид̣̇ам̣ амб̣агаа маад̇уг̇аамо ж̇ананигаад̇и. ологзт̇аад̇и бассат̇а. абалогзт̇аад̇и абавад̇д̇ид̇ваа ологзт̇а, бунаббунам̣ бассат̇аад̇и ад̇т̇о. убасам̣харат̇аад̇и убанзт̇а, имам̣ лижчавийбарисам̣ д̇умхаагам̣ жид̇д̇зна д̇аавад̇им̣сасад̣̇исам̣ убасам̣харат̇а убанзт̇а аллийяаабзт̇а. яат̇зва д̇аавад̇им̣саа абхируубаа баасаад̣̇игаа нийлаад̣̇инаанааван̣н̣аа, звамимз лижчавийрааж̇аанобийд̇и д̇аавад̇им̣сзхи самагз гад̇ваа бассат̇аад̇и ад̇т̇о.
289.Nīlāti idaṃ sabbasaṅgāhakavacanaṃ. Nīlavaṇṇātiādi tasseva vibhāgadassanatthaṃ. Tattha na tesaṃ pakativaṇṇo nīlo, nīlavilepanavilittattā panetaṃ vuttaṃ. Nīlavatthāti paṭadukūlakoseyyādīnipi nesaṃ nīlāneva honti. Nīlālaṅkārāti nīlamaṇialaṅkārehi nīlapupphehi ca alaṅkatā. Te kira alaṅkārā suvaṇṇavicittāpi indanīlamaṇiobhāsehi ekanīlā viya khāyanti, rathāpi nesaṃ nīlamaṇikhacitā nīlavatthaparikkhittā nīladhajanīlavammikehi nīlābharaṇehi nīlaassehi yuttā, patodayaṭṭhiyopi nīlāyevāti iminā nayena sabbapadesu attho veditabbo. Paṭivaṭṭesīti pahari. Kissa je ambapālīti je-ti ālapanaṃ, bhoti ambapāli kiṃkāraṇāti vuttaṃ hoti. Sāhāranti ettha āharanti imasmā rājapurisā balinti āhāro, tabbhuttajanapado. Tena sahitaṃ sāhāraṃ, sajanapadanti attho. Aṅguliṃ phoṭesunti aṅguliṃ cālesuṃ. Ambakāyāti mātugāmena. Upacāravacanañhetaṃ, itthīsu yadidaṃ ambakā mātugāmo jananikāti. Olokethāti passatha. Apalokethāti apavattitvā oloketha, punappunaṃ passathāti attho. Upasaṃharathāti upanetha, imaṃ licchavīparisaṃ tumhākaṃ cittena tāvatiṃsasadisaṃ upasaṃharatha upanetha allīyāpetha. Yatheva tāvatiṃsā abhirūpā pāsādikā nīlādinānāvaṇṇā, evamime licchavīrājānopīti tāvatiṃsehi samake katvā passathāti attho.
гасмаа бана бхаг̇аваа анзгасад̇зхи суд̇д̇зхи жагкаад̣̇ийнам̣ руубаад̣̇ийсу нимид̇д̇аг̇г̇аахам̣ бадисзд̇хзд̇ваа ид̇ха маханд̇зна уссаахзна нимид̇д̇аг̇г̇аахз нияож̇зд̇ийд̇и? хид̇агаамад̇ааяа д̇зсам̣ бхигкуунам̣ яат̇аа ааяасмад̇о нанд̣̇асса хид̇агаамад̇ааяа саг̇г̇асамбад̇д̇ид̣̇ассанад̇т̇ам̣. д̇ад̇ра гира згажжз бхигкуу осаннавийрияаа, д̇з самбад̇д̇ияаа балобхзнд̇о ‘‘аббамаад̣̇зна саман̣ад̇хаммам̣ гаронд̇аанам̣ зваруубаа иссарияасамбад̇д̇и сулабхаа’’д̇и саман̣ад̇хаммз уссаахаж̇ананад̇т̇ам̣ ааха. ат̇а ваа наяид̣̇ам̣ нимид̇д̇аг̇г̇аахз нияож̇анам̣, гзвалам̣ бана ‘‘д̣̇иб̣б̣асамбад̇д̇исад̣̇исаа зд̇зсам̣ рааж̇уунам̣ иссарияасамбад̇д̇ий’’д̇и анубуб̣б̣игат̇ааяа самбад̇д̇игат̇анам̣ вияа д̣̇адтаб̣б̣ам̣. анижжалагкан̣авибхааванад̇т̇ан̃жааби звамааха. на жирассзва хи саб̣б̣збимз аж̇аад̇асад̇д̇усса васзна винаасам̣ баабун̣иссанд̇и, ат̇а нзсам̣ раж̇ж̇асирисамбад̇д̇им̣ д̣̇исваа тид̇абхигкуу ‘‘д̇ат̇ааруубааяаби наама сирисамбад̇д̇ияаа винаасо бан̃н̃ааяиссад̇ий’’д̇и анижжалагкан̣ам̣ бхаавзд̇ваа саха бадисамбхид̣̇аахи арахад̇д̇ам̣ баабун̣иссанд̇ийд̇и анижжалагкан̣авибхааванад̇т̇ам̣ ааха.
Kasmā pana bhagavā anekasatehi suttehi cakkhādīnaṃ rūpādīsu nimittaggāhaṃ paṭisedhetvā idha mahantena ussāhena nimittaggāhe niyojetīti? Hitakāmatāya tesaṃ bhikkhūnaṃ yathā āyasmato nandassa hitakāmatāya saggasampattidassanatthaṃ. Tatra kira ekacce bhikkhū osannavīriyā, te sampattiyā palobhento ‘‘appamādena samaṇadhammaṃ karontānaṃ evarūpā issariyasampatti sulabhā’’ti samaṇadhamme ussāhajananatthaṃ āha. Atha vā nayidaṃ nimittaggāhe niyojanaṃ, kevalaṃ pana ‘‘dibbasampattisadisā etesaṃ rājūnaṃ issariyasampattī’’ti anupubbikathāya sampattikathanaṃ viya daṭṭhabbaṃ. Aniccalakkhaṇavibhāvanatthañcāpi evamāha. Na cirasseva hi sabbepime ajātasattussa vasena vināsaṃ pāpuṇissanti, atha nesaṃ rajjasirisampattiṃ disvā ṭhitabhikkhū ‘‘tathārūpāyapi nāma sirisampattiyā vināso paññāyissatī’’ti aniccalakkhaṇaṃ bhāvetvā saha paṭisambhidāhi arahattaṃ pāpuṇissantīti aniccalakkhaṇavibhāvanatthaṃ āha.
ад̇хиваасзд̇ууд̇и амб̣абаалияаа ниманд̇ид̇абхаавам̣ н̃ад̇вааби гасмаа ниманд̇знд̇ийд̇и? асад̣̇д̣̇аханад̇ааяа жа вад̇д̇асийсзна жа. саа хи д̇худ̇д̇аа ид̇т̇ий аниманд̇зд̇вааби ‘‘ниманд̇зси’’нд̇и вад̣̇зяяаад̇и д̇зсам̣ ахоси. д̇хаммам̣ суд̇ваа г̇аманагаалз жа ниманд̇зд̇ваа г̇аманам̣ наама мануссаанам̣ вад̇д̇амзва.
Adhivāsetūti ambapāliyā nimantitabhāvaṃ ñatvāpi kasmā nimantentīti? Asaddahanatāya ca vattasīsena ca. Sā hi dhuttā itthī animantetvāpi ‘‘nimantesi’’nti vadeyyāti tesaṃ ahosi. Dhammaṃ sutvā gamanakāle ca nimantetvā gamanaṃ nāma manussānaṃ vattameva.
лижчавийвад̇т̇угат̇ааван̣н̣анаа нидтид̇аа.
Licchavīvatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 177. лижчавийвад̇т̇у • 177. Licchavīvatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баадалиг̇аамавад̇т̇угат̇аа • Pāṭaligāmavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / годиг̇аамзсажжагат̇ааван̣н̣анаа • Koṭigāmesaccakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 173. баадалиг̇аамавад̇т̇угат̇аа • 173. Pāṭaligāmavatthukathā
