| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
লিঙ্গাদিদস্সনকথা
Liṅgādidassanakathā
১৭৯. আৰাসিকাকারন্তি আৰাসিকানং আকারং। এস নযো সব্বত্থ। আকারো নাম যেন তেসং ৰত্তসম্পন্না ৰা ন ৰাতি আচারসণ্ঠানং গয্হতি। লিঙ্গং নাম যং তে তত্থ তত্থ লীনে গমযতি; অদিস্সমানেপি জানাপেতীতি অত্থো। নিমিত্তং নাম যং দিস্ৰা তে অত্থীতি ঞাযন্তি। উদ্দেসো নাম যেন তে এৰরূপপরিক্খারাতি উদ্দিসন্তি; অপদেসং লভন্তীতি অত্থো। সব্বমেতং সুপঞ্ঞত্তমঞ্চপীঠাদীনঞ্চেৰ পদসদ্দাদীনঞ্চ অধিৰচনং, যথাযোগং পন যোজেতব্বং। আগন্তুকাকারাদীসুপি এসেৰ নযো। তত্থ অঞ্ঞাতকন্তি অঞ্ঞেসং সন্তকং। পাদানং ধোতং উদকনিস্সেকন্তি পাদানং ধোতানং উদকনিস্সেকং। বহুৰচনস্স একৰচনং ৰেদিতব্বং। ‘‘পাদানং ধোতউদকনিস্সেক’’ন্তি ৰা পাঠো; পাদানং ধোৰনউদকনিস্সেকন্তি অত্থো।
179.Āvāsikākāranti āvāsikānaṃ ākāraṃ. Esa nayo sabbattha. Ākāro nāma yena tesaṃ vattasampannā vā na vāti ācārasaṇṭhānaṃ gayhati. Liṅgaṃ nāma yaṃ te tattha tattha līne gamayati; adissamānepi jānāpetīti attho. Nimittaṃ nāma yaṃ disvā te atthīti ñāyanti. Uddeso nāma yena te evarūpaparikkhārāti uddisanti; apadesaṃ labhantīti attho. Sabbametaṃ supaññattamañcapīṭhādīnañceva padasaddādīnañca adhivacanaṃ, yathāyogaṃ pana yojetabbaṃ. Āgantukākārādīsupi eseva nayo. Tattha aññātakanti aññesaṃ santakaṃ. Pādānaṃ dhotaṃ udakanissekanti pādānaṃ dhotānaṃ udakanissekaṃ. Bahuvacanassa ekavacanaṃ veditabbaṃ. ‘‘Pādānaṃ dhotaudakanisseka’’nti vā pāṭho; pādānaṃ dhovanaudakanissekanti attho.
১৮০. নানাসংৰাসকাদিৰত্থূসু – সমানসংৰাসকদিট্ঠিন্তি ‘‘সমানসংৰাসকা এতে’’তি দিট্ঠিং। ন পুচ্ছন্তীতি তেসং লদ্ধিং ন পুচ্ছন্তি; অপুচ্ছিত্ৰাৰ ৰত্তপটিৰত্তিং কত্ৰা একতো উপোসথং করোন্তি। নাভিৰিতরন্তীতি নানাসংৰাসকভাৰং মদ্দিতুং অভিভৰিতুং ন সক্কোন্তি; তং দিট্ঠিং ন নিস্সজ্জাপেন্তীতি অত্থো।
180. Nānāsaṃvāsakādivatthūsu – samānasaṃvāsakadiṭṭhinti ‘‘samānasaṃvāsakā ete’’ti diṭṭhiṃ. Na pucchantīti tesaṃ laddhiṃ na pucchanti; apucchitvāva vattapaṭivattiṃ katvā ekato uposathaṃ karonti. Nābhivitarantīti nānāsaṃvāsakabhāvaṃ maddituṃ abhibhavituṃ na sakkonti; taṃ diṭṭhiṃ na nissajjāpentīti attho.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১০১. লিঙ্গাদিদস্সনং • 101. Liṅgādidassanaṃ
১০২. নানাসংৰাসকাদীহি উপোসথকরণং • 102. Nānāsaṃvāsakādīhi uposathakaraṇaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / লিঙ্গাদিদস্সনকথাৰণ্ণনা • Liṅgādidassanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / লিঙ্গাদিদস্সনকথাৰণ্ণনা • Liṅgādidassanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / লিঙ্গাদিদস্সনকথাদিৰণ্ণনা • Liṅgādidassanakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১০১. লিঙ্গাদিদস্সনকথা • 101. Liṅgādidassanakathā
