| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
ลิงฺคาทิทสฺสนกถา
Liṅgādidassanakathā
๑๗๙. อาวาสิกาการนฺติ อาวาสิกานํ อาการํฯ เอส นโย สพฺพตฺถฯ อากาโร นาม เยน เตสํ วตฺตสมฺปนฺนา วา น วาติ อาจารสณฺฐานํ คยฺหติฯ ลิงฺคํ นาม ยํ เต ตตฺถ ตตฺถ ลีเน คมยติ; อทิสฺสมาเนปิ ชานาเปตีติ อโตฺถฯ นิมิตฺตํ นาม ยํ ทิสฺวา เต อตฺถีติ ญายนฺติฯ อุเทฺทโส นาม เยน เต เอวรูปปริกฺขาราติ อุทฺทิสนฺติ; อปเทสํ ลภนฺตีติ อโตฺถฯ สพฺพเมตํ สุปญฺญตฺตมญฺจปีฐาทีนเญฺจว ปทสทฺทาทีนญฺจ อธิวจนํ, ยถาโยคํ ปน โยเชตพฺพํฯ อาคนฺตุกาการาทีสุปิ เอเสว นโยฯ ตตฺถ อญฺญาตกนฺติ อเญฺญสํ สนฺตกํฯ ปาทานํ โธตํ อุทกนิเสฺสกนฺติ ปาทานํ โธตานํ อุทกนิเสฺสกํฯ พหุวจนสฺส เอกวจนํ เวทิตพฺพํฯ ‘‘ปาทานํ โธตอุทกนิเสฺสก’’นฺติ วา ปาโฐ; ปาทานํ โธวนอุทกนิเสฺสกนฺติ อโตฺถฯ
179.Āvāsikākāranti āvāsikānaṃ ākāraṃ. Esa nayo sabbattha. Ākāro nāma yena tesaṃ vattasampannā vā na vāti ācārasaṇṭhānaṃ gayhati. Liṅgaṃ nāma yaṃ te tattha tattha līne gamayati; adissamānepi jānāpetīti attho. Nimittaṃ nāma yaṃ disvā te atthīti ñāyanti. Uddeso nāma yena te evarūpaparikkhārāti uddisanti; apadesaṃ labhantīti attho. Sabbametaṃ supaññattamañcapīṭhādīnañceva padasaddādīnañca adhivacanaṃ, yathāyogaṃ pana yojetabbaṃ. Āgantukākārādīsupi eseva nayo. Tattha aññātakanti aññesaṃ santakaṃ. Pādānaṃ dhotaṃ udakanissekanti pādānaṃ dhotānaṃ udakanissekaṃ. Bahuvacanassa ekavacanaṃ veditabbaṃ. ‘‘Pādānaṃ dhotaudakanisseka’’nti vā pāṭho; pādānaṃ dhovanaudakanissekanti attho.
๑๘๐. นานาสํวาสกาทิวตฺถูสุ – สมานสํวาสกทิฎฺฐินฺติ ‘‘สมานสํวาสกา เอเต’’ติ ทิฎฺฐิํฯ น ปุจฺฉนฺตีติ เตสํ ลทฺธิํ น ปุจฺฉนฺติ; อปุจฺฉิตฺวาว วตฺตปฎิวตฺติํ กตฺวา เอกโต อุโปสถํ กโรนฺติฯ นาภิวิตรนฺตีติ นานาสํวาสกภาวํ มทฺทิตุํ อภิภวิตุํ น สโกฺกนฺติ; ตํ ทิฎฺฐิํ น นิสฺสชฺชาเปนฺตีติ อโตฺถฯ
180. Nānāsaṃvāsakādivatthūsu – samānasaṃvāsakadiṭṭhinti ‘‘samānasaṃvāsakā ete’’ti diṭṭhiṃ. Na pucchantīti tesaṃ laddhiṃ na pucchanti; apucchitvāva vattapaṭivattiṃ katvā ekato uposathaṃ karonti. Nābhivitarantīti nānāsaṃvāsakabhāvaṃ maddituṃ abhibhavituṃ na sakkonti; taṃ diṭṭhiṃ na nissajjāpentīti attho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๐๑. ลิงฺคาทิทสฺสนํ • 101. Liṅgādidassanaṃ
๑๐๒. นานาสํวาสกาทีหิ อุโปสถกรณํ • 102. Nānāsaṃvāsakādīhi uposathakaraṇaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ลิงฺคาทิทสฺสนกถาวณฺณนา • Liṅgādidassanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ลิงฺคาทิทสฺสนกถาวณฺณนา • Liṅgādidassanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ลิงฺคาทิทสฺสนกถาทิวณฺณนา • Liṅgādidassanakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๐๑. ลิงฺคาทิทสฺสนกถา • 101. Liṅgādidassanakathā
