| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
लिङ्गादिदस्सनकथादिवण्णना
Liṅgādidassanakathādivaṇṇanā
१७९. अञ्ञातकं नाम अदिट्ठपुब्बन्ति आह ‘‘अञ्ञेसं सन्तक’’न्ति। अञ्ञेसन्ति अत्तना अदिट्ठपुब्बानं। नानासंवासकभावन्ति लद्धिनानासंवासकभावं।
179. Aññātakaṃ nāma adiṭṭhapubbanti āha ‘‘aññesaṃ santaka’’nti. Aññesanti attanā adiṭṭhapubbānaṃ. Nānāsaṃvāsakabhāvanti laddhinānāsaṃvāsakabhāvaṃ.
१८०. पाळियं अभिवितरन्ति समानसंवासकाभावं निच्छिनन्ति।
180. Pāḷiyaṃ abhivitaranti samānasaṃvāsakābhāvaṃ nicchinanti.
१८१. उपोसथकारकाति सङ्घुपोसथकारका। तेनेव ‘‘अञ्ञत्र सङ्घेना’’ति वुत्तं। सङ्घुपोसथट्ठानतो हि गच्छन्तेन अत्तचतुत्थेनेव गन्तब्बं, तिण्णं भिक्खूनं निसिन्नट्ठानतो पन गच्छन्तेन एकेन भिक्खुनापि सह गन्तुम्पि वट्टति। पाळियं ‘‘अभिक्खुको आवासो’’ति इदं निदस्सनमत्तं, सङ्घुपोसथट्ठानतो गणपुग्गलेहि सभिक्खुकोपि आवासो न गन्तब्बो ‘‘अञ्ञत्र सङ्घेना’’ति वुत्तत्ताति वदन्ति। उपोसथं करोन्तीति सङ्घुपोसथं वा गणुपोसथं वा। ‘‘तस्स सन्तिक’’न्ति इदं गणुपोसथट्ठानतो गच्छन्तं सन्धाय वुत्तं, अञ्ञथा ‘‘सब्बन्तिमेन परिच्छेदेन अत्तचतुत्थेन वा’’ति वचनेन विरुज्झनतो। आरञ्ञकेनाति एकचारिना। उपोसथन्तरायोति अत्तनो उपोसथन्तरायो।
181.Uposathakārakāti saṅghuposathakārakā. Teneva ‘‘aññatra saṅghenā’’ti vuttaṃ. Saṅghuposathaṭṭhānato hi gacchantena attacatuttheneva gantabbaṃ, tiṇṇaṃ bhikkhūnaṃ nisinnaṭṭhānato pana gacchantena ekena bhikkhunāpi saha gantumpi vaṭṭati. Pāḷiyaṃ ‘‘abhikkhuko āvāso’’ti idaṃ nidassanamattaṃ, saṅghuposathaṭṭhānato gaṇapuggalehi sabhikkhukopi āvāso na gantabbo ‘‘aññatra saṅghenā’’ti vuttattāti vadanti. Uposathaṃ karontīti saṅghuposathaṃ vā gaṇuposathaṃ vā. ‘‘Tassa santika’’nti idaṃ gaṇuposathaṭṭhānato gacchantaṃ sandhāya vuttaṃ, aññathā ‘‘sabbantimena paricchedena attacatutthena vā’’ti vacanena virujjhanato. Āraññakenāti ekacārinā. Uposathantarāyoti attano uposathantarāyo.
१८३. पाळियं भिक्खुनिया निसिन्नपरिसायातिआदीसु भिक्खुनियातिआदि करणत्थे सामिवचनं।
183. Pāḷiyaṃ bhikkhuniyā nisinnaparisāyātiādīsu bhikkhuniyātiādi karaṇatthe sāmivacanaṃ.
लिङ्गादिदस्सनकथादिवण्णना निट्ठिता।
Liṅgādidassanakathādivaṇṇanā niṭṭhitā.
उपोसथक्खन्धकवण्णनानयो निट्ठितो।
Uposathakkhandhakavaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
१०१. लिङ्गादिदस्सनं • 101. Liṅgādidassanaṃ
१०२. नानासंवासकादीहि उपोसथकरणं • 102. Nānāsaṃvāsakādīhi uposathakaraṇaṃ
१०३. नगन्तब्बवारो • 103. Nagantabbavāro
१०५. वज्जनीयपुग्गलसन्दस्सना • 105. Vajjanīyapuggalasandassanā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā
लिङ्गादिदस्सनकथा • Liṅgādidassanakathā
नगन्तब्बगन्तब्बवारकथा • Nagantabbagantabbavārakathā
वज्जनीयपुग्गलसन्दस्सनकथा • Vajjanīyapuggalasandassanakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
लिङ्गादिदस्सनकथावण्णना • Liṅgādidassanakathāvaṇṇanā
नगन्तब्बगन्तब्बवारकथावण्णना • Nagantabbagantabbavārakathāvaṇṇanā
वज्जनीयपुग्गलसन्दस्सनकथावण्णना • Vajjanīyapuggalasandassanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
लिङ्गादिदस्सनकथावण्णना • Liṅgādidassanakathāvaṇṇanā
नगन्तब्बगन्तब्बवारकथावण्णना • Nagantabbagantabbavārakathāvaṇṇanā
वज्जनीयपुग्गलसन्दस्सनकथावण्णना • Vajjanīyapuggalasandassanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
१०१. लिङ्गादिदस्सनकथा • 101. Liṅgādidassanakathā
१०३. नगन्तब्बगन्तब्बवारकथा • 103. Nagantabbagantabbavārakathā
१०५. वज्जनीयपुग्गलसन्दस्सनकथा • 105. Vajjanīyapuggalasandassanakathā
