| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
లిఙ్గాదిదస్సనకథావణ్ణనా
Liṅgādidassanakathāvaṇṇanā
౧౭౯. ఆచారసణ్ఠానన్తి ఆచారసణ్ఠితి. ఆకరీయతి పకాసీయతి ఏతేనాతి ఆకారో. లీనం గమయతి బోధేతీతి లిఙ్గం. నిమియన్తి పరిచ్ఛిజ్జ ఞాయన్తి ఏతేనాతి నిమిత్తం. ఉద్దిసీయన్తి అపదిసీయన్తి ఏతేనాతి ఉద్దేసో. ‘‘అమ్హాకం ఇద’’న్తి అఞ్ఞాతం అవిదితన్తి అఞ్ఞాతకం. తఞ్చ అత్థతో పరసన్తకంయేవాతి ఆహ ‘‘అఞ్ఞేసం సన్తక’’న్తి.
179.Ācārasaṇṭhānanti ācārasaṇṭhiti. Ākarīyati pakāsīyati etenāti ākāro. Līnaṃ gamayati bodhetīti liṅgaṃ. Nimiyanti paricchijja ñāyanti etenāti nimittaṃ. Uddisīyanti apadisīyanti etenāti uddeso. ‘‘Amhākaṃ ida’’nti aññātaṃ aviditanti aññātakaṃ. Tañca atthato parasantakaṃyevāti āha ‘‘aññesaṃ santaka’’nti.
౧౮౦. నానాసంవాసకభావన్తి లద్ధినానాసంవాసకభావం. తస్స అభిభవో నామ తేసం లద్ధివిస్సజ్జాపనన్తి ఆహ ‘‘తం దిట్ఠిం న నిస్సజ్జాపేన్తీతి అత్థో’’తి.
180.Nānāsaṃvāsakabhāvanti laddhinānāsaṃvāsakabhāvaṃ. Tassa abhibhavo nāma tesaṃ laddhivissajjāpananti āha ‘‘taṃ diṭṭhiṃ na nissajjāpentīti attho’’ti.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi
౧౦౧. లిఙ్గాదిదస్సనం • 101. Liṅgādidassanaṃ
౧౦౨. నానాసంవాసకాదీహి ఉపోసథకరణం • 102. Nānāsaṃvāsakādīhi uposathakaraṇaṃ
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / లిఙ్గాదిదస్సనకథా • Liṅgādidassanakathā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / లిఙ్గాదిదస్సనకథావణ్ణనా • Liṅgādidassanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / లిఙ్గాదిదస్సనకథాదివణ్ణనా • Liṅgādidassanakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౦౧. లిఙ్గాదిదస్సనకథా • 101. Liṅgādidassanakathā
