| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
135. лин̇г̇аад̣̇ид̣̇ассанам̣
135. Liṅgādidassanaṃ
229. ид̇ха бана, бхигкавз, ааг̇анд̇угаа бхигкуу бассанд̇и ааваасигаанам̣ бхигкуунам̣ ааваасигаагаарам̣, ааваасигалин̇г̇ам̣, ааваасиганимид̇д̇ам̣, ааваасигуд̣̇д̣̇зсам̣, суббан̃н̃ад̇д̇ам̣ ман̃жабийтам̣ бхисиб̣иб̣б̣оханам̣, баанийяам̣ барибхож̇анийяам̣ сабадтид̇ам̣, баривзн̣ам̣ сусаммадтам̣; бассид̇ваа взмад̇игаа хонд̇и – ‘‘ад̇т̇и ну ко ааваасигаа бхигкуу, над̇т̇и ну ко’’д̇и. д̇з взмад̇игаа на вижинанд̇и, авижинид̇ваа баваарзнд̇и. аабад̇д̇и д̣̇уггадасса…бз… д̇з взмад̇игаа вижинанд̇и, вижинид̇ваа на бассанд̇и, абассид̇ваа баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа згад̇о баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа баадзггам̣ баваарзнд̇и. аабад̇д̇и д̣̇уггадасса. д̇з взмад̇игаа вижинанд̇и, вижинид̇ваа бассанд̇и, бассид̇ваа – ‘‘нассанд̇зд̇з, винассанд̇зд̇з, го д̇зхи ад̇т̇о’’д̇и – бхзд̣̇абурзгкаараа баваарзнд̇и. аабад̇д̇и т̇уллажжаяасса.
229. Idha pana, bhikkhave, āgantukā bhikkhū passanti āvāsikānaṃ bhikkhūnaṃ āvāsikākāraṃ, āvāsikaliṅgaṃ, āvāsikanimittaṃ, āvāsikuddesaṃ, suppaññattaṃ mañcapīṭhaṃ bhisibibbohanaṃ, pānīyaṃ paribhojanīyaṃ sapaṭṭhitaṃ, pariveṇaṃ susammaṭṭhaṃ; passitvā vematikā honti – ‘‘atthi nu kho āvāsikā bhikkhū, natthi nu kho’’ti. Te vematikā na vicinanti, avicinitvā pavārenti. Āpatti dukkaṭassa…pe… te vematikā vicinanti, vicinitvā na passanti, apassitvā pavārenti. Anāpatti. Te vematikā vicinanti, vicinitvā passanti, passitvā ekato pavārenti. Anāpatti. Te vematikā vicinanti, vicinitvā passanti, passitvā pāṭekkaṃ pavārenti. Āpatti dukkaṭassa. Te vematikā vicinanti, vicinitvā passanti, passitvā – ‘‘nassantete, vinassantete, ko tehi attho’’ti – bhedapurekkhārā pavārenti. Āpatti thullaccayassa.
ид̇ха бана, бхигкавз, ааг̇анд̇угаа бхигкуу сун̣анд̇и ааваасигаанам̣ бхигкуунам̣ ааваасигаагаарам̣, ааваасигалин̇г̇ам̣, ааваасиганимид̇д̇ам̣, ааваасигуд̣̇д̣̇зсам̣, жан̇гаманд̇аанам̣ бад̣̇асад̣̇д̣̇ам̣, саж̇жхааяасад̣̇д̣̇ам̣, уггаасид̇асад̣̇д̣̇ам̣, кибид̇асад̣̇д̣̇ам̣; суд̇ваа взмад̇игаа хонд̇и – ‘‘ад̇т̇и ну ко ааваасигаа бхигкуу, над̇т̇и ну ко’’д̇и. д̇з взмад̇игаа на вижинанд̇и, авижинид̇ваа баваарзнд̇и. аабад̇д̇и д̣̇уггадасса. д̇з взмад̇игаа вижинанд̇и, вижинид̇ваа на бассанд̇и, абассид̇ваа баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа згад̇о баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа баадзггам̣ баваарзнд̇и. аабад̇д̇и д̣̇уггадасса. д̇з взмад̇игаа вижинанд̇и, вижинид̇ваа бассанд̇и, бассид̇ваа ‘‘нассанд̇зд̇з, винассанд̇зд̇з, го д̇зхи ад̇т̇о’’д̇и бхзд̣̇абурзгкаараа баваарзнд̇и. аабад̇д̇и т̇уллажжаяасса.
Idha pana, bhikkhave, āgantukā bhikkhū suṇanti āvāsikānaṃ bhikkhūnaṃ āvāsikākāraṃ, āvāsikaliṅgaṃ, āvāsikanimittaṃ, āvāsikuddesaṃ, caṅkamantānaṃ padasaddaṃ, sajjhāyasaddaṃ, ukkāsitasaddaṃ, khipitasaddaṃ; sutvā vematikā honti – ‘‘atthi nu kho āvāsikā bhikkhū, natthi nu kho’’ti. Te vematikā na vicinanti, avicinitvā pavārenti. Āpatti dukkaṭassa. Te vematikā vicinanti, vicinitvā na passanti, apassitvā pavārenti. Anāpatti. Te vematikā vicinanti, vicinitvā passanti, passitvā ekato pavārenti. Anāpatti. Te vematikā vicinanti, vicinitvā passanti, passitvā pāṭekkaṃ pavārenti. Āpatti dukkaṭassa. Te vematikā vicinanti, vicinitvā passanti, passitvā ‘‘nassantete, vinassantete, ko tehi attho’’ti bhedapurekkhārā pavārenti. Āpatti thullaccayassa.
ид̇ха бана, бхигкавз, ааваасигаа бхигкуу бассанд̇и ааг̇анд̇угаанам̣ бхигкуунам̣ ааг̇анд̇угаагаарам̣, ааг̇анд̇угалин̇г̇ам̣, ааг̇анд̇уганимид̇д̇ам̣, ааг̇анд̇угуд̣̇д̣̇зсам̣, ан̃н̃аад̇агам̣ бад̇д̇ам̣, ан̃н̃аад̇агам̣ жийварам̣, ан̃н̃аад̇агам̣ нисийд̣̇анам̣, баад̣̇аанам̣ д̇ход̇ам̣, уд̣̇аганиссзгам̣; бассид̇ваа взмад̇игаа хонд̇и – ‘‘ад̇т̇и ну ко ааг̇анд̇угаа бхигкуу, над̇т̇и ну ко’’д̇и. д̇з взмад̇игаа на вижинанд̇и, авижинид̇ваа баваарзнд̇и. аабад̇д̇и д̣̇уггадасса. д̇з взмад̇игаа вижинанд̇и, вижинид̇ваа на бассанд̇и, абассид̇ваа баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа згад̇о баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа баадзггам̣ баваарзнд̇и. аабад̇д̇и д̣̇уггадасса. д̇з взмад̇игаа вижинанд̇и, вижинид̇ваа бассанд̇и, бассид̇ваа – нассанд̇зд̇з, винассанд̇зд̇з, го д̇зхи ад̇т̇од̇и – бхзд̣̇абурзгкаараа баваарзнд̇и. аабад̇д̇и т̇уллажжаяасса.
Idha pana, bhikkhave, āvāsikā bhikkhū passanti āgantukānaṃ bhikkhūnaṃ āgantukākāraṃ, āgantukaliṅgaṃ, āgantukanimittaṃ, āgantukuddesaṃ, aññātakaṃ pattaṃ, aññātakaṃ cīvaraṃ, aññātakaṃ nisīdanaṃ, pādānaṃ dhotaṃ, udakanissekaṃ; passitvā vematikā honti – ‘‘atthi nu kho āgantukā bhikkhū, natthi nu kho’’ti. Te vematikā na vicinanti, avicinitvā pavārenti. Āpatti dukkaṭassa. Te vematikā vicinanti, vicinitvā na passanti, apassitvā pavārenti. Anāpatti. Te vematikā vicinanti, vicinitvā passanti, passitvā ekato pavārenti. Anāpatti. Te vematikā vicinanti, vicinitvā passanti, passitvā pāṭekkaṃ pavārenti. Āpatti dukkaṭassa. Te vematikā vicinanti, vicinitvā passanti, passitvā – nassantete, vinassantete, ko tehi atthoti – bhedapurekkhārā pavārenti. Āpatti thullaccayassa.
ид̇ха бана, бхигкавз, ааваасигаа бхигкуу сун̣анд̇и ааг̇анд̇угаанам̣ бхигкуунам̣ ааг̇анд̇угаагаарам̣,
Idha pana, bhikkhave, āvāsikā bhikkhū suṇanti āgantukānaṃ bhikkhūnaṃ āgantukākāraṃ,
ааг̇анд̇угалин̇г̇ам̣, ааг̇анд̇уганимид̇д̇ам̣, ааг̇анд̇угуд̣̇д̣̇зсам̣, ааг̇ажчанд̇аанам̣ бад̣̇асад̣̇д̣̇ам̣, убааханабабподанасад̣̇д̣̇ам̣, уггаасид̇асад̣̇д̣̇ам̣, кибид̇асад̣̇д̣̇ам̣; суд̇ваа взмад̇игаа хонд̇и – ‘‘ад̇т̇и ну ко ааг̇анд̇угаа бхигкуу, над̇т̇и ну ко’’д̇и. д̇з взмад̇игаа на вижинанд̇и, авижинид̇ваа баваарзнд̇и. аабад̇д̇и д̣̇уггадасса. д̇з взмад̇игаа вижинанд̇и, вижинид̇ваа на бассанд̇и, абассид̇ваа баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа згад̇о баваарзнд̇и. анаабад̇д̇и. д̇з взмад̇игаа вижинанд̇и, вижинид̇ваа бассанд̇и, бассид̇ваа баадзггам̣ баваарзнд̇и. аабад̇д̇и д̣̇уггадасса. д̇з взмад̇игаа вижинанд̇и, вижинид̇ваа бассанд̇и, бассид̇ваа – нассанд̇зд̇з, винассанд̇зд̇з, го д̇зхи ад̇т̇од̇и – бхзд̣̇абурзгкаараа баваарзнд̇и. аабад̇д̇и т̇уллажжаяасса.
Āgantukaliṅgaṃ, āgantukanimittaṃ, āgantukuddesaṃ, āgacchantānaṃ padasaddaṃ, upāhanapapphoṭanasaddaṃ, ukkāsitasaddaṃ, khipitasaddaṃ; sutvā vematikā honti – ‘‘atthi nu kho āgantukā bhikkhū, natthi nu kho’’ti. Te vematikā na vicinanti, avicinitvā pavārenti. Āpatti dukkaṭassa. Te vematikā vicinanti, vicinitvā na passanti, apassitvā pavārenti. Anāpatti. Te vematikā vicinanti, vicinitvā passanti, passitvā ekato pavārenti. Anāpatti. Te vematikā vicinanti, vicinitvā passanti, passitvā pāṭekkaṃ pavārenti. Āpatti dukkaṭassa. Te vematikā vicinanti, vicinitvā passanti, passitvā – nassantete, vinassantete, ko tehi atthoti – bhedapurekkhārā pavārenti. Āpatti thullaccayassa.
лин̇г̇аад̣̇ид̣̇ассанам̣ нидтид̇ам̣.
Liṅgādidassanaṃ niṭṭhitaṃ.
