| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[314] 4. лохагумбхиж̇аад̇агаван̣н̣анаа
[314] 4. Lohakumbhijātakavaṇṇanā
д̣̇уж̇ж̇ийвид̇амаж̇ийвимхаад̇и ид̣̇ам̣ сад̇т̇аа ж̇зд̇аванз вихаранд̇о госаларааж̇аанам̣ аараб̣бха гат̇зси. д̇ад̣̇аа гира госаларааж̇аа рад̇д̇ибхааг̇з жад̇уннам̣ нзраяигасад̇д̇аанам̣ сад̣̇д̣̇ам̣ сун̣и. зго д̣̇у-гаарамзва бхан̣и, зго са-гаарам̣, зго на-гаарам̣, зго со-гаарамзваад̇и. д̇з гира ад̇ийд̇абхавз саавад̇т̇ияам̣язва баарад̣̇ааригаа рааж̇абуд̇д̇аа ахзсум̣. д̇з барзсам̣ рагкид̇аг̇обид̇амаад̇уг̇аамзсу абараж̇жхид̇ваа жид̇д̇агзл̣им̣ гийл̣анд̇аа б̣ахум̣ баабагаммам̣ гад̇ваа маран̣ажаггзна чиннаа саавад̇т̇исааманд̇з жад̇уусу лохагумбхийсу ниб̣б̣ад̇д̇аа садти вассасахассаани д̇ад̇т̇а бажжид̇ваа уг̇г̇ад̇аа лохагумбхимукаваддим̣ д̣̇исваа ‘‘гад̣̇аа ну ко имамхаа д̣̇угкаа мужжиссаамаа’’д̇и жад̇д̇аароби маханд̇зна сад̣̇д̣̇зна анубадибаадияаа виравим̣су. рааж̇аа д̇зсам̣ сад̣̇д̣̇ам̣ суд̇ваа маран̣абхаяад̇аж̇ж̇ид̇о нисиннагова арун̣ам̣ удтаабзси.
Dujjīvitamajīvimhāti idaṃ satthā jetavane viharanto kosalarājānaṃ ārabbha kathesi. Tadā kira kosalarājā rattibhāge catunnaṃ nerayikasattānaṃ saddaṃ suṇi. Eko du-kārameva bhaṇi, eko sa-kāraṃ, eko na-kāraṃ, eko so-kāramevāti. Te kira atītabhave sāvatthiyaṃyeva pāradārikā rājaputtā ahesuṃ. Te paresaṃ rakkhitagopitamātugāmesu aparajjhitvā cittakeḷiṃ kīḷantā bahuṃ pāpakammaṃ katvā maraṇacakkena chinnā sāvatthisāmante catūsu lohakumbhīsu nibbattā saṭṭhi vassasahassāni tattha paccitvā uggatā lohakumbhimukhavaṭṭiṃ disvā ‘‘kadā nu kho imamhā dukkhā muccissāmā’’ti cattāropi mahantena saddena anupaṭipāṭiyā viraviṃsu. Rājā tesaṃ saddaṃ sutvā maraṇabhayatajjito nisinnakova aruṇaṃ uṭṭhāpesi.
арун̣уг̇г̇аманавзлааяа б̣раахман̣аа ааг̇анд̇ваа рааж̇аанам̣ сукасаяид̇ам̣ бужчим̣су. рааж̇аа ‘‘гуд̇о мз аажарияаа сукасаяид̇ам̣, аж̇ж̇аахам̣ зваруубз жад̇д̇ааро бхим̣санагасад̣̇д̣̇з сун̣и’’нд̇и. б̣раахман̣аа хад̇т̇з вид̇хуним̣су. ‘‘гим̣ аажарияаа’’д̇и? ‘‘саахасигасад̣̇д̣̇аа, махаарааж̇аа’’д̇и. ‘‘сабадигаммаа аббадигаммаа’’д̇и? ‘‘гаамам̣ аббадигаммаа, маяам̣ бана сусигкид̇аа, махаарааж̇аа’’д̇и. ‘‘гим̣ гад̇ваа бадиб̣аахиссат̇аа’’д̇и? ‘‘махаарааж̇а, бадигаммам̣ маханд̇ам̣ на саггаа гаад̇ум̣, маяам̣ бана саб̣б̣ажад̇уггам̣ яан̃н̃ам̣ яаж̇ид̇ваа хаарзссаамаа’’д̇и. ‘‘д̇зна хи киббам̣ жад̇д̇ааро хад̇т̇ий жад̇д̇ааро ассз жад̇д̇ааро усабхз жад̇д̇ааро мануссзд̇и ладугигасагун̣игаа аад̣̇им̣ гад̇ваа жад̇д̇ааро жад̇д̇ааро баан̣з г̇ахзд̇ваа саб̣б̣ажад̇уггаяан̃н̃ам̣ яаж̇ид̇ваа мама сод̇т̇ибхаавам̣ гарот̇аа’’д̇и. ‘‘саад̇ху, махаарааж̇аа’’д̇и самбадижчид̇ваа язнад̇т̇о, д̇ам̣ г̇ахзд̇ваа яан̃н̃ааваадам̣ бажжубадтабзсум̣, б̣ахубаан̣з т̇уун̣уубанийд̇з гад̇ваа табзсум̣. ‘‘б̣ахум̣ мажчамам̣сам̣ каад̣̇иссаама, б̣ахум̣ д̇ханам̣ лабхиссаамаа’’д̇и уссаахаббад̇д̇аа худ̇ваа ‘‘ид̣̇ам̣ лад̣̇д̇хум̣ ваддад̇и, ид̣̇ам̣ лад̣̇д̇хум̣ ваддад̇и, д̣̇зваа’’д̇и абараабарам̣ жаранд̇и.
Aruṇuggamanavelāya brāhmaṇā āgantvā rājānaṃ sukhasayitaṃ pucchiṃsu. Rājā ‘‘kuto me ācariyā sukhasayitaṃ, ajjāhaṃ evarūpe cattāro bhiṃsanakasadde suṇi’’nti. Brāhmaṇā hatthe vidhuniṃsu. ‘‘Kiṃ ācariyā’’ti? ‘‘Sāhasikasaddā, mahārājā’’ti. ‘‘Sapaṭikammā appaṭikammā’’ti? ‘‘Kāmaṃ appaṭikammā, mayaṃ pana susikkhitā, mahārājā’’ti. ‘‘Kiṃ katvā paṭibāhissathā’’ti? ‘‘Mahārāja, paṭikammaṃ mahantaṃ na sakkā kātuṃ, mayaṃ pana sabbacatukkaṃ yaññaṃ yajitvā hāressāmā’’ti. ‘‘Tena hi khippaṃ cattāro hatthī cattāro asse cattāro usabhe cattāro manusseti laṭukikasakuṇikā ādiṃ katvā cattāro cattāro pāṇe gahetvā sabbacatukkayaññaṃ yajitvā mama sotthibhāvaṃ karothā’’ti. ‘‘Sādhu, mahārājā’’ti sampaṭicchitvā yenattho, taṃ gahetvā yaññāvāṭaṃ paccupaṭṭhapesuṃ, bahupāṇe thūṇūpanīte katvā ṭhapesuṃ. ‘‘Bahuṃ macchamaṃsaṃ khādissāma, bahuṃ dhanaṃ labhissāmā’’ti ussāhappattā hutvā ‘‘idaṃ laddhuṃ vaṭṭati, idaṃ laddhuṃ vaṭṭati, devā’’ti aparāparaṃ caranti.
маллигаа д̣̇звий рааж̇аанам̣ убасан̇гамид̇ваа ‘‘гим̣ ну ко, махаарааж̇а, б̣раахман̣аа ад̇ивияа уссаахаяанд̇аа вижаранд̇ий’’д̇и бужчи. ‘‘д̣̇зви гим̣ д̇уяхиминаа, д̇вам̣ ад̇д̇ано яасзнзва мад̇д̇аа бамад̇д̇аа, д̣̇угкам̣ бана амхаагамзва на ж̇аанаасий’’д̇и? ‘‘гим̣ , махаарааж̇аа’’д̇и. ‘‘д̣̇зви, ахам̣ зваруубам̣ наама асод̇аб̣б̣ам̣ сун̣им̣, д̇ад̇о имзсам̣ сад̣̇д̣̇аанам̣ суд̇ад̇д̇аа ‘‘гим̣ бхависсад̇ий’’д̇и б̣раахман̣з бужчим̣, б̣раахман̣аа ‘‘д̇умхаагам̣ махаарааж̇а раж̇ж̇асса ваа бхог̇аанам̣ ваа ж̇ийвид̇асса ваа анд̇арааяо бан̃н̃ааяад̇и, саб̣б̣ажад̇уггзна яан̃н̃ам̣ яаж̇ид̇ваа сод̇т̇ибхаавам̣ гариссаамаа’’д̇и вад̣̇им̣су, д̇з маяхам̣ важанам̣ г̇ахзд̇ваа яан̃н̃ааваадам̣ гад̇ваа язна язнад̇т̇о, д̇асса д̇асса гааран̣аа ааг̇ажчанд̇ий’’д̇и. ‘‘гим̣ бана д̣̇зва, имзсам̣ сад̣̇д̣̇аанам̣ нибпад̇д̇им̣ сад̣̇звагз логз аг̇г̇аб̣раахман̣ам̣ бужчид̇т̇аа’’д̇и? ‘‘го зса д̣̇зви, сад̣̇звагз логз аг̇г̇аб̣раахман̣о наамаа’’д̇и? ‘‘махааг̇од̇амо саммаасамб̣уд̣̇д̇хо’’д̇и. ‘‘д̣̇зви, саммаасамб̣уд̣̇д̇хо мз на бужчид̇о’’д̇и? ‘‘д̇зна хи г̇анд̇ваа бужчат̇аа’’д̇и.
Mallikā devī rājānaṃ upasaṅkamitvā ‘‘kiṃ nu kho, mahārāja, brāhmaṇā ativiya ussāhayantā vicarantī’’ti pucchi. ‘‘Devi kiṃ tuyhiminā, tvaṃ attano yaseneva mattā pamattā, dukkhaṃ pana amhākameva na jānāsī’’ti? ‘‘Kiṃ , mahārājā’’ti. ‘‘Devi, ahaṃ evarūpaṃ nāma asotabbaṃ suṇiṃ, tato imesaṃ saddānaṃ sutattā ‘‘kiṃ bhavissatī’’ti brāhmaṇe pucchiṃ, brāhmaṇā ‘‘tumhākaṃ mahārāja rajjassa vā bhogānaṃ vā jīvitassa vā antarāyo paññāyati, sabbacatukkena yaññaṃ yajitvā sotthibhāvaṃ karissāmā’’ti vadiṃsu, te mayhaṃ vacanaṃ gahetvā yaññāvāṭaṃ katvā yena yenattho, tassa tassa kāraṇā āgacchantī’’ti. ‘‘Kiṃ pana deva, imesaṃ saddānaṃ nipphattiṃ sadevake loke aggabrāhmaṇaṃ pucchitthā’’ti? ‘‘Ko esa devi, sadevake loke aggabrāhmaṇo nāmā’’ti? ‘‘Mahāgotamo sammāsambuddho’’ti. ‘‘Devi, sammāsambuddho me na pucchito’’ti? ‘‘Tena hi gantvā pucchathā’’ti.
рааж̇аа д̇ассаа важанам̣ г̇ахзд̇ваа бхуд̇д̇абаад̇араасо рат̇аварамааруяха ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа бужчи ‘‘ахам̣, бханд̇з, рад̇д̇ибхааг̇з жад̇д̇ааро сад̣̇д̣̇з суд̇ваа б̣раахман̣з бужчим̣, д̇з ‘саб̣б̣ажад̇уггаяан̃н̃ам̣ яаж̇ид̇ваа сод̇т̇им̣ гариссаамаа’д̇и вад̇ваа яан̃н̃ааваадз гаммам̣ гаронд̇и, д̇зсам̣ сад̣̇д̣̇аанам̣ суд̇ад̇д̇аа маяхам̣ гим̣ бхависсад̇ий’’д̇и. ‘‘на гин̃жи, махаарааж̇а, нзраяигасад̇д̇аа д̣̇угкаманубхаванд̇аа звам̣ виравим̣су, на имз сад̣̇д̣̇аа ид̣̇аани д̇аяаа зва суд̇аа, бораан̣агарааж̇уухиби суд̇ааязва, д̇зби б̣раахман̣з бужчид̇ваа басугхаад̇аяан̃н̃ам̣ гад̇д̇угаамаа худ̇ваа бан̣д̣ид̇аанам̣ гат̇ам̣ суд̇ваа на гарим̣су, бан̣д̣ид̇аа д̇зсам̣ сад̣̇д̣̇аанам̣ анд̇арам̣ гат̇зд̇ваа махааж̇анам̣ виссаж̇ж̇аабзд̇ваа сод̇т̇имагам̣суу’’д̇и вад̇ваа д̇зна яаажид̇о ад̇ийд̇ам̣ аахари.
Rājā tassā vacanaṃ gahetvā bhuttapātarāso rathavaramāruyha jetavanaṃ gantvā satthāraṃ vanditvā pucchi ‘‘ahaṃ, bhante, rattibhāge cattāro sadde sutvā brāhmaṇe pucchiṃ, te ‘sabbacatukkayaññaṃ yajitvā sotthiṃ karissāmā’ti vatvā yaññāvāṭe kammaṃ karonti, tesaṃ saddānaṃ sutattā mayhaṃ kiṃ bhavissatī’’ti. ‘‘Na kiñci, mahārāja, nerayikasattā dukkhamanubhavantā evaṃ viraviṃsu, na ime saddā idāni tayā eva sutā, porāṇakarājūhipi sutāyeva, tepi brāhmaṇe pucchitvā pasughātayaññaṃ kattukāmā hutvā paṇḍitānaṃ kathaṃ sutvā na kariṃsu, paṇḍitā tesaṃ saddānaṃ antaraṃ kathetvā mahājanaṃ vissajjāpetvā sotthimakaṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ан̃н̃ад̇арасмим̣ гаасиг̇аамз б̣раахман̣агулз ниб̣б̣ад̇д̇ид̇ваа ваяаббад̇д̇о гаамзсу аад̣̇ийнавам̣ д̣̇исваа гаамз бахааяа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа уббаад̣̇зд̇ваа жхаанагийл̣ам̣ гийл̣анд̇о химаванд̇з раман̣ийяз ванасан̣д̣з васад̇и. д̇ад̣̇аа б̣аараан̣асирааж̇аа жад̇уннам̣ нзраяигаанам̣ имзва жад̇д̇ааро сад̣̇д̣̇з суд̇ваа бхийд̇ад̇асид̇о иминаава нияаамзна б̣раахман̣зхи ‘‘д̇ин̣н̣ам̣ анд̇арааяаанам̣ ан̃н̃ад̇аро бхависсад̇и, саб̣б̣ажад̇уггаяан̃н̃зна д̇ам̣ вуубасамзссаамаа’’д̇и вуд̇д̇з самбадижчи. бурохид̇о б̣раахман̣зхи сад̣̇д̇хим̣ яан̃н̃ааваадам̣ бажжубадтаабзси, махааж̇ано т̇уун̣уубанийд̇о ахоси. д̇ад̣̇аа б̣од̇хисад̇д̇о мзд̇д̇аабхааванам̣ бурзжааригам̣ гад̇ваа д̣̇иб̣б̣ажагкунаа логам̣ ологзнд̇о имам̣ гааран̣ам̣ д̣̇исваа ‘‘аж̇ж̇а, маяаа г̇анд̇ум̣ ваддад̇и, махааж̇анасса сод̇т̇и бхависсад̇ий’’д̇и ид̣̇д̇хиб̣алзна взхаасам̣ уббад̇ид̇ваа б̣аараан̣асиран̃н̃о уяяаанз од̇арид̇ваа ман̇г̇аласилаабаддз ган̃жанаруубагам̣ вияа нисийд̣̇и. д̇ад̣̇аа бурохид̇асса ж̇здтанд̇зваасиго аажарияам̣ убасан̇гамид̇ваа ‘‘нану, аажарияа, амхаагам̣ взд̣̇зсу барам̣ маарзд̇ваа сод̇т̇игаран̣ам̣ наама над̇т̇ий’’д̇и ааха. бурохид̇о ‘‘д̇вам̣ рааж̇ад̇ханам̣ рагкаси, б̣ахум̣ мажчамам̣сам̣ каад̣̇иссаама, д̇ханам̣ лабхиссаама, д̇ун̣хий хохий’’д̇и д̇ам̣ бадиб̣аахи.
Atīte bārāṇasiyaṃ brahmadatte rajjaṃ kārente bodhisatto aññatarasmiṃ kāsigāme brāhmaṇakule nibbattitvā vayappatto kāmesu ādīnavaṃ disvā kāme pahāya isipabbajjaṃ pabbajitvā abhiññā ca samāpattiyo ca uppādetvā jhānakīḷaṃ kīḷanto himavante ramaṇīye vanasaṇḍe vasati. Tadā bārāṇasirājā catunnaṃ nerayikānaṃ imeva cattāro sadde sutvā bhītatasito imināva niyāmena brāhmaṇehi ‘‘tiṇṇaṃ antarāyānaṃ aññataro bhavissati, sabbacatukkayaññena taṃ vūpasamessāmā’’ti vutte sampaṭicchi. Purohito brāhmaṇehi saddhiṃ yaññāvāṭaṃ paccupaṭṭhāpesi, mahājano thūṇūpanīto ahosi. Tadā bodhisatto mettābhāvanaṃ purecārikaṃ katvā dibbacakkhunā lokaṃ olokento imaṃ kāraṇaṃ disvā ‘‘ajja, mayā gantuṃ vaṭṭati, mahājanassa sotthi bhavissatī’’ti iddhibalena vehāsaṃ uppatitvā bārāṇasirañño uyyāne otaritvā maṅgalasilāpaṭṭe kañcanarūpakaṃ viya nisīdi. Tadā purohitassa jeṭṭhantevāsiko ācariyaṃ upasaṅkamitvā ‘‘nanu, ācariya, amhākaṃ vedesu paraṃ māretvā sotthikaraṇaṃ nāma natthī’’ti āha. Purohito ‘‘tvaṃ rājadhanaṃ rakkhasi, bahuṃ macchamaṃsaṃ khādissāma, dhanaṃ labhissāma, tuṇhī hohī’’ti taṃ paṭibāhi.
со ‘‘наахам̣ зд̇т̇а сахааяо бхависсаамий’’д̇и нигкамид̇ваа рааж̇уяяаанам̣ г̇анд̇ваа б̣од̇хисад̇д̇ам̣ д̣̇исваа ванд̣̇ид̇ваа гад̇абадисант̇ааро згаманд̇ам̣ нисийд̣̇и. б̣од̇хисад̇д̇о ‘‘гим̣, маан̣ава, рааж̇аа д̇хаммзна раж̇ж̇ам̣ гаарзд̇ий’’д̇и бужчи. ‘‘бханд̇з, рааж̇аа д̇хаммзна раж̇ж̇ам̣ гаарзд̇и, рад̇д̇ибхааг̇з бана жад̇д̇ааро сад̣̇д̣̇з суд̇ваа б̣раахман̣з бужчи. б̣раахман̣аа ‘саб̣б̣ажад̇уггаяан̃н̃ам̣ яаж̇ид̇ваа сод̇т̇им̣ гариссаамаа’’’д̇и вад̣̇им̣су. рааж̇аа басугхаад̇агаммам̣ гад̇ваа ад̇д̇ано сод̇т̇им̣ гаад̇угаамо махааж̇ано т̇уун̣уубанийд̇о, ‘‘гим̣ ну ко, бханд̇з, д̇умхаад̣̇исаанам̣ сийлаванд̇аанам̣ д̇зсам̣ сад̣̇д̣̇аанам̣ нибпад̇д̇им̣ вад̇ваа махааж̇анам̣ маран̣амукаа можзд̇ум̣ ваддад̇ий’’д̇и. ‘‘маан̣ава, рааж̇аа амхз на ж̇аанаад̇и, маяамби д̇ам̣ на ж̇аанаама, имзсам̣ бана сад̣̇д̣̇аанам̣ нибпад̇д̇им̣ ж̇аанаама, сажз рааж̇аа амхз убасан̇гамид̇ваа бужчзяяа, рааж̇аанам̣ нигган̇кам̣ гад̇ваа гат̇зссаамаа’’д̇и. ‘‘д̇зна хи, бханд̇з, мухуд̇д̇ам̣ ид̇хзва хот̇а, ахам̣ рааж̇аанам̣ аанзссаамий’’д̇и. ‘‘саад̇ху, маан̣аваа’’д̇и. со г̇анд̇ваа ран̃н̃о д̇амад̇т̇ам̣ аарожзд̇ваа рааж̇аанам̣ аанзси.
So ‘‘nāhaṃ ettha sahāyo bhavissāmī’’ti nikkhamitvā rājuyyānaṃ gantvā bodhisattaṃ disvā vanditvā katapaṭisanthāro ekamantaṃ nisīdi. Bodhisatto ‘‘kiṃ, māṇava, rājā dhammena rajjaṃ kāretī’’ti pucchi. ‘‘Bhante, rājā dhammena rajjaṃ kāreti, rattibhāge pana cattāro sadde sutvā brāhmaṇe pucchi. Brāhmaṇā ‘sabbacatukkayaññaṃ yajitvā sotthiṃ karissāmā’’’ti vadiṃsu. Rājā pasughātakammaṃ katvā attano sotthiṃ kātukāmo mahājano thūṇūpanīto, ‘‘kiṃ nu kho, bhante, tumhādisānaṃ sīlavantānaṃ tesaṃ saddānaṃ nipphattiṃ vatvā mahājanaṃ maraṇamukhā mocetuṃ vaṭṭatī’’ti. ‘‘Māṇava, rājā amhe na jānāti, mayampi taṃ na jānāma, imesaṃ pana saddānaṃ nipphattiṃ jānāma, sace rājā amhe upasaṅkamitvā puccheyya, rājānaṃ nikkaṅkhaṃ katvā kathessāmā’’ti. ‘‘Tena hi, bhante, muhuttaṃ idheva hotha, ahaṃ rājānaṃ ānessāmī’’ti. ‘‘Sādhu, māṇavā’’ti. So gantvā rañño tamatthaṃ ārocetvā rājānaṃ ānesi.
ат̇а рааж̇аа б̣од̇хисад̇д̇ам̣ ванд̣̇ид̇ваа згаманд̇ам̣ нисинно бужчи ‘‘сажжам̣ гира д̇умхз маяаа суд̇асад̣̇д̣̇аанам̣ нибпад̇д̇им̣ ж̇аанаат̇аа’’д̇и? ‘‘аама, махаарааж̇аа’’д̇и. ‘‘гат̇зт̇а, бханд̇з’’д̇и. ‘‘махаарааж̇а, зд̇з буримабхавз барзсам̣ рагкид̇аг̇обид̇зсу д̣̇аарзсу жаарид̇д̇ам̣ аабаж̇ж̇ид̇ваа б̣аараан̣асисааманд̇з жад̇уусу лохагумбхийсу ниб̣б̣ад̇д̇аа баггут̇ид̇з кааралоход̣̇агз пзн̣уд̣̇д̣̇зхагам̣ бажжамаанаа д̇им̣са вассасахассаани ад̇хо г̇анд̇ваа гумбхид̇алам̣ аахажжа уд̣̇д̇хам̣ аароханд̇аа д̇им̣савассасахассзнзва гаалзна гумбхимукам̣ д̣̇исваа б̣ахи ологзд̇ваа жад̇д̇ааро ж̇анаа жад̇ассо г̇аат̇аа барибун̣н̣ам̣ гад̇ваа вад̇д̇угаамааби д̇ат̇аа гаад̇ум̣ асаггонд̇аа згзгамзва агкарам̣ вад̇ваа буна лохагумбхийсуязва нимуг̇г̇аа. д̇зсу д̣̇у-гаарам̣ вад̇ваа нимуг̇г̇асад̇д̇о звам̣ вад̇д̇угаамо ахоси –
Atha rājā bodhisattaṃ vanditvā ekamantaṃ nisinno pucchi ‘‘saccaṃ kira tumhe mayā sutasaddānaṃ nipphattiṃ jānāthā’’ti? ‘‘Āma, mahārājā’’ti. ‘‘Kathetha, bhante’’ti. ‘‘Mahārāja, ete purimabhave paresaṃ rakkhitagopitesu dāresu cārittaṃ āpajjitvā bārāṇasisāmante catūsu lohakumbhīsu nibbattā pakkuthite khāralohodake pheṇuddehakaṃ paccamānā tiṃsa vassasahassāni adho gantvā kumbhitalaṃ āhacca uddhaṃ ārohantā tiṃsavassasahasseneva kālena kumbhimukhaṃ disvā bahi oloketvā cattāro janā catasso gāthā paripuṇṇaṃ katvā vattukāmāpi tathā kātuṃ asakkontā ekekameva akkharaṃ vatvā puna lohakumbhīsuyeva nimuggā. Tesu du-kāraṃ vatvā nimuggasatto evaṃ vattukāmo ahosi –
53.
53.
‘д̣̇уж̇ж̇ийвид̇амаж̇ийвимха , яз санд̇з на д̣̇ад̣̇амхасз;
‘Dujjīvitamajīvimha , ye sante na dadamhase;
виж̇ж̇амаанзсу бхог̇зсу, д̣̇ийбам̣ наагамха ад̇д̇ано’д̇и. –
Vijjamānesu bhogesu, dīpaṃ nākamha attano’ti. –
д̇ам̣ г̇аат̇ам̣ барибун̣н̣ам̣ гаад̇ум̣ наасагкий’’д̇и вад̇ваа б̣од̇хисад̇д̇о ад̇д̇ано н̃аан̣зна д̇ам̣ г̇аат̇ам̣ барибун̣н̣ам̣ гад̇ваа гат̇зси. сзсаасуби зсзва наяо.
Taṃ gāthaṃ paripuṇṇaṃ kātuṃ nāsakkhī’’ti vatvā bodhisatto attano ñāṇena taṃ gāthaṃ paripuṇṇaṃ katvā kathesi. Sesāsupi eseva nayo.
д̇зсу са-гаарам̣ вад̇ваа вад̇д̇угаамасса аяам̣ г̇аат̇аа –
Tesu sa-kāraṃ vatvā vattukāmassa ayaṃ gāthā –
54.
54.
‘‘садти вассасахассаани, барибун̣н̣аани саб̣б̣асо;
‘‘Saṭṭhi vassasahassāni, paripuṇṇāni sabbaso;
нираяз бажжамаанаанам̣, гад̣̇аа анд̇о бхависсад̇ий’’д̇и.
Niraye paccamānānaṃ, kadā anto bhavissatī’’ti.
на-гаарам̣ вад̇ваа вад̇д̇угаамасса аяам̣ г̇аат̇аа –
Na-kāraṃ vatvā vattukāmassa ayaṃ gāthā –
55.
55.
‘‘над̇т̇и анд̇о гуд̇о анд̇о, на анд̇о бадид̣̇иссад̇и;
‘‘Natthi anto kuto anto, na anto paṭidissati;
д̇ад̣̇аа хи багад̇ам̣ баабам̣, мама д̇уяхан̃жа маарисаа’’д̇и.
Tadā hi pakataṃ pāpaṃ, mama tuyhañca mārisā’’ti.
со-гаарам̣ вад̇ваа вад̇д̇угаамасса аяам̣ г̇аат̇аа –
So-kāraṃ vatvā vattukāmassa ayaṃ gāthā –
56.
56.
‘‘сохам̣ нууна ид̇о г̇анд̇ваа, яоним̣ лад̣̇д̇хаана маанусим̣;
‘‘Sohaṃ nūna ito gantvā, yoniṃ laddhāna mānusiṃ;
вад̣̇ан̃н̃уу сийласамбанно, гаахаами гусалам̣ б̣аху’’нд̇и.
Vadaññū sīlasampanno, kāhāmi kusalaṃ bahu’’nti.
д̇ад̇т̇а д̣̇уж̇ж̇ийвид̇анд̇и д̇ийн̣и д̣̇ужжарид̇аани жаранд̇о д̣̇уж̇ж̇ийвид̇ам̣ лаамагаж̇ийвид̇ам̣ ж̇ийвад̇и наама, соби д̇ад̣̇зва санд̇хааяааха ‘‘д̣̇уж̇ж̇ийвид̇амаж̇ийвимхаа’’д̇и. яз санд̇з на д̣̇ад̣̇амхасзд̇и яз маяам̣ д̣̇зяяад̇хаммз жа бадиг̇г̇аахагз жа сам̣виж̇ж̇амаанзязва на д̣̇аанам̣ д̣̇ад̣̇имха. д̣̇ийбам̣ наагамха ад̇д̇анод̇и ад̇д̇ано бад̇идтам̣ на гаримха. барибун̣н̣аанийд̇и ануунаани анад̇хигаани. саб̣б̣асод̇и саб̣б̣аагаарзна. бажжамаанаананд̇и амхаагам̣ имасмим̣ нираяз бажжамаанаанам̣.
Tattha dujjīvitanti tīṇi duccaritāni caranto dujjīvitaṃ lāmakajīvitaṃ jīvati nāma, sopi tadeva sandhāyāha ‘‘dujjīvitamajīvimhā’’ti. Ye sante na dadamhaseti ye mayaṃ deyyadhamme ca paṭiggāhake ca saṃvijjamāneyeva na dānaṃ dadimha. Dīpaṃ nākamha attanoti attano patiṭṭhaṃ na karimha. Paripuṇṇānīti anūnāni anadhikāni. Sabbasoti sabbākārena. Paccamānānanti amhākaṃ imasmiṃ niraye paccamānānaṃ.
над̇т̇и анд̇од̇и ‘‘амхаагам̣ асугагаалз наама могко бхависсад̇ий’’д̇и звам̣ гаалабарижчзд̣̇о над̇т̇и. гуд̇о анд̇од̇и гзна гааран̣зна анд̇о бан̃н̃ааяиссад̇и. на анд̇од̇и анд̇ам̣ д̣̇адтугаамаанамби но д̣̇угкасса анд̇о на бадид̣̇иссад̇и. д̇ад̣̇аа хи багад̇анд̇и д̇асмим̣ гаалз маарисаа мама жа д̇уяхан̃жа багад̇ам̣ баабам̣ багадтам̣ гад̇ам̣ ад̇иб̣ахумзва гад̇ам̣. ‘‘д̇ат̇аа хи багад̇а’’нд̇иби баато, д̇зна гааран̣зна гад̇ам̣, язнасса анд̇о д̣̇адтум̣ на саггаад̇и ад̇т̇о. маарисаад̇и маяаа сад̣̇исаа, бияаалабанамзд̇ам̣ зд̇зсам̣. нуунаад̇и згам̣сад̇т̇з нибаад̇о, со ахам̣ ид̇о г̇анд̇ваа яоним̣ маанусим̣ лад̣̇д̇хаана вад̣̇ан̃н̃уу сийласамбанно худ̇ваа згам̣сзнзва б̣ахум̣ гусалам̣ гариссаамийд̇и аяамзд̇т̇а ад̇т̇о.
Natthiantoti ‘‘amhākaṃ asukakāle nāma mokkho bhavissatī’’ti evaṃ kālaparicchedo natthi. Kuto antoti kena kāraṇena anto paññāyissati. Na antoti antaṃ daṭṭhukāmānampi no dukkhassa anto na paṭidissati. Tadā hi pakatanti tasmiṃ kāle mārisā mama ca tuyhañca pakataṃ pāpaṃ pakaṭṭhaṃ kataṃ atibahumeva kataṃ. ‘‘Tathā hi pakata’’ntipi pāṭho, tena kāraṇena kataṃ, yenassa anto daṭṭhuṃ na sakkāti attho. Mārisāti mayā sadisā, piyālapanametaṃ etesaṃ. Nūnāti ekaṃsatthe nipāto, so ahaṃ ito gantvā yoniṃ mānusiṃ laddhāna vadaññū sīlasampanno hutvā ekaṃseneva bahuṃ kusalaṃ karissāmīti ayamettha attho.
ид̇и б̣од̇хисад̇д̇о згамзгам̣ г̇аат̇ам̣ вад̇ваа ‘‘махаарааж̇а, со нзраяигасад̇д̇о имам̣ г̇аат̇ам̣ барибун̣н̣ам̣ гад̇ваа вад̇д̇угаамо ад̇д̇ано баабасса маханд̇ад̇ааяа д̇ат̇аа гат̇зд̇ум̣ наасагки, ид̇и со ад̇д̇ано гаммавибаагам̣ анубхаванд̇о вирави. д̇умхаагам̣ зд̇асса сад̣̇д̣̇асса саванабажжаяаа анд̇арааяо наама над̇т̇и, д̇умхз маа бхааяид̇т̇аа’’д̇и рааж̇аанам̣ сан̃н̃аабзси. рааж̇аа махааж̇анам̣ виссаж̇ж̇аабзд̇ваа суван̣н̣абхзрим̣ жараабзд̇ваа яан̃н̃ааваадам̣ вид̣̇д̇хам̣саабзси. б̣од̇хисад̇д̇о махааж̇анасса сод̇т̇им̣ гад̇ваа гад̇ибаахам̣ васид̇ваа д̇ад̇т̇зва г̇анд̇ваа абарихийнаж̇жхаано б̣рахмалогз уббаж̇ж̇и.
Iti bodhisatto ekamekaṃ gāthaṃ vatvā ‘‘mahārāja, so nerayikasatto imaṃ gāthaṃ paripuṇṇaṃ katvā vattukāmo attano pāpassa mahantatāya tathā kathetuṃ nāsakkhi, iti so attano kammavipākaṃ anubhavanto viravi. Tumhākaṃ etassa saddassa savanapaccayā antarāyo nāma natthi, tumhe mā bhāyitthā’’ti rājānaṃ saññāpesi. Rājā mahājanaṃ vissajjāpetvā suvaṇṇabheriṃ carāpetvā yaññāvāṭaṃ viddhaṃsāpesi. Bodhisatto mahājanassa sotthiṃ katvā katipāhaṃ vasitvā tattheva gantvā aparihīnajjhāno brahmaloke uppajji.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа бурохид̇асса ж̇здтанд̇зваасигамаан̣аво саарибуд̇д̇о ахоси, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā purohitassa jeṭṭhantevāsikamāṇavo sāriputto ahosi, tāpaso pana ahameva ahosi’’nti.
лохагумбхиж̇аад̇агаван̣н̣анаа жад̇уд̇т̇аа.
Lohakumbhijātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 314. лохагумбхиж̇аад̇агам̣ • 314. Lohakumbhijātakaṃ
